رحلتي الى جنوب افريقيا العرب المسافرون
اصدقائى الاعزاء احب اعرفكم ان الرحلة كانت بدافع البحث عن فرص تجارية و استثمارية فى جوهانسبرج المدينة المجنونة لانى كنت دايما اسمع انها سوق واعد للاستثمار و العمل .
علشان كدة قلت اشد الرحال الى هناك و استكشف . المهم اخذت فيزا تجارية لمدة 3 شهور عن طريق صديق لى فى جنوب افريقيا يملك شركة الماظ و الفيزا اخذت 5 ايام عمل فى السفارة الى فى المعادى و كانت اوراقها ميسرة جداً و على فكرة اى فيزا للمصريين الى جنوب افريقيا مجانية. المهم حجزت على مصر للطيران و كان فية تخفيض على التذاكر فى هذا الوقت بمناسبة عيد الام وكانت التذكرة قيمتها 4450 جنية مصريا و هي فى الايام العلاادية 6500 جنية مصريا وحجزت يوم 10 بريل و العودة 21 ابريل . قولت 10 ايام حلويين قوى لحد الواحد ما يقرر يعمل اية فى البزنس هناك.
المهم رحت مطار القاهرة الدولى و الرحلة طلعت الساعة 11.30 مساءً و انت طيارة ايرباص كبيرة بس من النوع القديم بدون شاشات عرض امام كل كرسى و يمكن علشان عارفين ان الناس كلها سوف تنام فى هذا الوقت مهتموش بالموضوع دهه ( يمكن ,,,,,,, جايز)
ودى صورة لى فى الطيارة , معذرة انن سوف اكون موجود فى اغلب الصور ( برجاء الصبر و التحمل )
المهم الواحد نام فى الطيارة لحد ما وصلت بالسلامة بعد 8 ساعات متواصلة للمطار فى جوهانسبرج
بصراحة الانطباع الاولى بعد الوصول ان البلد دى متقدمة جدا و نظيفة جدا جدا و دي صور للبلد فى الشارع فى طريقي الى الجست هاوس الى حجزت فية
اة بخصوص الجست هاوس و هو اسمة هيللين جست هاوس ( hellenipue guest house) انا واحد صديقى سافر هناك قبل كدة هو الى دلنى علية وهو مكان لطيف جدا و صاحبتة مسلمة و اسمها عائشة المهم انا اول مرة اعرف ان فية حاجة اسمها جست هاوس و هي مختلفة عن الفندق فى نظام التشغيل لانها تعطيك الاحساس بجو المنزل العائلي . المهم انا دخلت على بوكيينج دوت كوم اشوف و احجز المكان لقيتهم عامليين حظر على الحجز فى المكان و بعد ما استفسرت عرفت انة فية مشكلة مع صاحب المكان على عمولات موقع بوكيينج دوت كوم المهم عجبتنى صور المكان و خصوصاً لما صديقى اخبرنى ان المكان داخل كمبوند لية بوابة خارجية و حراسة و امن يعنى الواحد يبقى عايش فى امان فى المكان على طول ودى صور للجست هاوس و عنوانة :http://www.booking.com/hotel/za/hele...tml?aid=358324
المهم ان الحمد للة انبسطت من فكرة الجست هاوس لانة نظيف و سعرة مناسب جداً حوالى خمسون دولار فى اليوم للغرفة المنفردة بس بدون فطار و انا و الحمد لله بفضل اعمل اكلى بنفسى و خصوصا لمل عرفت انة فى الجست هاوس ممكن تستعمل المطبخ بالكامل زى بيتك بالظبط و ممكن تستعمل غرفة الغسيل ايضاً و دهه كلام عال العال المهم اليوم الاول رحت على اكبر مول فى جوهانسبرج حوالى الساعة الواحدة ظهرا و اسمة ايست جيت و كل حاجة عاوزها موجودة فى المول دهة بس اول شئ عملتة انى غيرت بعض الدولارات من مكتب صرافة بالمول وسعر صرف الراند كان حوالى 68 قرشا مصريا يعنى اقل من الجنية و طبعا اغلب المشتريات هناك كان سعرها كويس بسبب انخفاض العملة المحلية و دخلت سوبر ماركت كبير هناك اسمة تشيكرس و ركزت على المنتجات الحلال علشان املاء الثلاجة الى فى غرفتى وواحد بكستانى كان فى المول هو الى ساعدنى انى اعرف المنتجات الحلال فى اى قسم و اشوف مكتوب عليها العلامة الخاصة بالاكل الحلال على فكرة يوجد اكثر من 15 مليون مسلم فى البلد اغلبهم من اصول هندية و طبعا سوف تلاحظ ذلك فى صلاة الجمعةمواضيع عشوائيه ممكن تكون تعجبك اخترناها لك:
- مسافر شهـــــر عســــــل جديــد
- استفسارات بخصوص الرحلة جنوب افريقيا
- الحياة في كيب تاون المعيشة الدراسة الحامعية إستفسارات أرجوا الدخول
- شهر العسل في جنوب افريقيا
- راجع من جنوب افريقيا رحلة شهر العسل
- فزكتم ياهل الخبرة
- ياطيبين
- انا بروح جنوب افريقيا في شهر 7
- افضل ماوجدت من الاسعار لجنوب افريقيا
- مع بالغ الشكر
- شايل هم المواصلات
- ثلاثه شهووور في الكــيب تاون
- تكفووون طالبه مساااعدتكم
- الى جنوب افريقيا برفقة طفلة سنه وشهرين
- مشاهدة الحيتان وسمك القرش
- سوال عن الاحجار الكريمه
- دوربان وفنادق كيب تاون
- الساحرة جوهانسبيرغ اين انتم منها؟
- محتاج جدول ل يوم بجنوب افريقيا
- الرحلات السياحيه
رد مع اقتباس
المفضلات