الموضوع: عريس و ابي اسافر ارجو مساعدكم

الف مبروك والله يوفقكم يارب ويسخرلكم
الميزانيه حلووه لو بتجلس 12 يوم ست ايام بكوالالمبور يومين ببيننق وثلاث ايام بلنكاوي
لينكاوي ترا جزيره مافيها شي ماتقدر تجلس طول الوقت فيها

كوالالمبور
الوصول وتروحون تتعشون بأي مطعم اذا متاخر بتلاقون شارع العرب المطاعم فيه الى 2 الليل
اذا واصلين بدري تقدرون تروحون لبرج التوام تتعشون هناك وتطالعون فيلم بالسينما تذاكر السينما رخيصه وفيه تحت بالدور الثاني مطاعم رخيصه
تلاقي المكرونه واليتزا ووو ب 8 رينقت

ثاني يوم تتفقون مع سائق وعندي رقم واحد تعاملت معه كويس وونيس وتقدر تقوله انا من طرف فلان ( اللي هو اخوي ) ويساعدك مرره ويحكي عربي
او اي سايق تختارونه تروحون لمرتفعات الجينتق هاي لاند تاخذون تذاكر طبعا تجون بدري وتطلعون ب التلفريك فوق وتنبسطون هناك
لما جينا كانت الالعاب مسكره فما ادري اسالو قبل وقبلها ممكن تمرون مصنع الشوكلاته وحديقه الفراوله

ترجعون ع المغرب تريحون ب الفندق واذا ودكم تطلعون لاي مول هناك بشارع العرب مولات كثيييره وتونس
وممكن تتعشون هناك وتطالعون الناس اللي ترقص وترسم يعني شارع حيوي بس انتبهوا فيه

ثالث يوم ممكن تروحون لافوموساا ( سفاري )
وتنبسطون يومكم كله هناك

اليوم الرابع تقدرون تروحون للقريه الفرنسيه حلووووه مررره وتقضون يومكم هناك
او تروحون ملاهي صن وي لاقوون وتنبسطون وممكن تمرون المعبد الهندي مدري البوذي يخرع انا مادخلته بس من برا صورت تمثالهم كبيررر

اليوم الخامس تروحون الشلالات

طبعا بالليل يمديكم تقضونها مطاعم وسينماا وتمشي بالمولات

من المولات التايمز سكوير ومولات ناسيتهم بشارع العرب وبرج التوائم ووو
فيه السوق الصيني لايفوتكم بضايعهم تقلييييد ودرجه اولى منها ورخيصات بس تراهم حراميه كاسروهم


بعدين تروحون لبيننق جزيره للتمانه مارحت لها
ولينكاوي الثلاث الاخيرات ثمن تعودون

تكفففي 13 الف وبالراحه اذا تعاملت معها بذكاء ومالعبتو فيها بالبدايه وتحمستووا وانتبهتوا من السرقات
احنا حجزنا تذاكر وفندق لثلاث اشخاص وخلصنا ورحنا والله ب 8 الاف بسسس للاكل والتمشي 20 يوم وكفت وزادت

بالتوفيق وعساني افدتك وادع لي بتيسير امر مهم عندي ياحياه ياموت

اهلا اخوي

بالنسبة لماليزيا

اهم المدن
كوالالمبور العاصمة
لنكاوي مدينة رائعه للاستجمام والراحة وبحرية
بينانج مدينة بحرية رائعه
جنتنغ قريبة من كوالا فيها منتجع تصلح ترحلها من الصباح وترجع عالمغرب
سيلانجور قريبة ايضا من كوالا فيها المنتجع المعروف صن واي لاقون ايضا تصلح ترحلها الصباح وترجع المغرب
وفيه مدينة الكاميرون ولكن بحكم مدة سفرك 10 ايام لا تضيع ايام فيها

وزع جدولك على
كوالا
لنكاوي
بينانج

من كوالا للنكاوي طيران
من لنكاوي لبينانج عبر الباخرة
ومن بينانج لكوالا عبر الباص 5 ساعات ممتعه وباصات مريحة
هذا بكل اختصار