طيب انتم كلموا الفندق يحجز لكم عباره من كبتاش (رحلاته كثير)
واذا كنتوا بتسافرون بورصه الساعه 7 الصبح الافضل تحجزون عباره من يني كابي ( رحلتهم 7ونص)
( الفندق يحجز مجانا)

او اذا رحتوا كبتاش خلال تواجدكم في اسطنبول ممكن تحجزون التذاكر
وهذا موقع عبارات كبتاش
https://www.idobus.com.tr/web/home


حاولوا رحلتكم تكون في الصباح الباكر عشان توصلون الفندق بدري وتروحون للتلفريك اللي يوصلكم اعلى الجبل
( تاكسي بسعر 40 ليره من الميناء الى فندقكم في بورصا ) ( ياليت اسم الفندق حتى اعرف موقعه)
بعد الجبل تروحون لحديقة لونا بارك ثم مجمع كينت ميداني
اليوم الثاني تتفقون مع تاكسي او اسقبال الفندق يوفرون لكم سياره بسواق وتروحون اويلات ( مسافة ساعه) وتزورون الشلال والمغاره والمياه الحاره
وممكن تتسوقون مكسرات وعسل من اويلات
ثم ترجعون بورصه وتروحون حديقة الحيوانات ثم السوق المسقوف ومجمع زافر مول
يوم المغادره تروحون للمكان اللي مازرتوه اليومين اللي فاتت ثم تأخذون شنطكم وتسافرون اسطنبول
الرحله تكون الساعه سبعه او ثمانيه الليل احسن (عشان تستفيدون من يومكم في بورصا)

التاكسي لو عطيتوه 100 ليره او 150 ليره بيوصلكم اويلات ويرجعكم وممكن لو يجلس معكم النهار كله تعطونه الى 200 ليره
والافضل تستاجرون سياره اوفر لكم وتتجولون فيها يوم واحد بس

هذي صور لمغارة اويلات في تاريخ 17 فبراير 2013 ( نفس وقت سفركم)






وهذا مقهى



وزوروا شلال اويلات
وهذا فيديو للشلال ولكن بالصيف



وهذا فيديو لاويلات



انا اشوف اويلات ماتصلح في الشتاء
ولان وقتكم ضيق لكن القرار لكم

عطيني اسم الفندق واعلمك كيف المواصلات وكيف توفرون

مواضيع عشوائيه ممكن تكون تعجبك اخترناها لك: