بعد ان وصلت بالسلامة للفندق وهو اسمه مدريد كما ذكرت من قبل ووجدت الغرفة مقبولة بالنسبة لانه فندق 3 نجوم زي ماقلت نزلت اتمشي حول الفندق لاستكشف الاماكن المحيطة به و اصلي في اقرب جامع ... وتاكدت وانا في الجامع من صحة معلومة ان العيد بكرة !! مبقتش عارف اصلي بكرة العيد معاهم ولا لآ .. و اصوم يوم عرفة ازي وهو عيد هنا في تركيا وماينفعش الواحد يصوم يوم عيد . المهم قولت اصلي العيد واصوم برضه في نفس اليوم لان الاعمال بالنيات وربنا رب قلوب ..الجميل جدا في منطقة اكسراي التي بها الفندق انها بها الترام الذي هو يعتبر اهم مواصلة في اسطنبول وبها ايضا المترو( خط المطار اكسراي) والذي سنتحدث عنه لاحقا عند زيارة
( حوض السمك اكواريوم ) في مول فوروم forum istanbul
خط الترام في اسطنبول عبارة عن خط 1 فقط ( اكسراي - كابتاش ) وبه محطات هااااااامة جدافاذا كنت راكب الترام من اكسراي وذاهب في اتجاه كابتاش فان اهم المحطات الترتيب في طريقك هي :
( محطة جراند بازار) بمجرد ماتخرج من المحطة بص شمالك هتلاقي زحمة ساعتها تعرف ان ده الجراند بازار وهوسوق تحت الارض مليء بالبضاعة من ملابس وغيرها وهو سوق جيد ورخيص .
(محطة السلطان احمد ) التي بها اكثر من مزار سياحي مثل جامع السلطان احمد ( الجامع الازرق ) و متحف ايا صوفيا و متحف طوب كابي ( الذي به بعض من اثار الرسول صلي الله عليه وسلم من عمامة وكوب واطباق وجزء من لحيته و عصا موسي وعمامة يوسف عليهما السلام ) .
والكثير من الاثار الاسلامية . يتبع
( امينونو ) محطة هامة جدااااا هنتكلم عنها بعدين .
( كابتاش ) محطة هامة جداا وفي هذه المنطقة خط مترو يوصلك تقسيم . هنتكلم عنها بعدين برضه
اهم حاجة متخافوش من حاجة يا اصدقائي اللي يركب الترام او المترو في اسطنبول ولو مرة واحدة بس هيعرف انه سهل جدااا التعامل معاه ده بالاضافة ان فيه شاشة مكتوب عليها اسم المحطة الحالية واسم المحطة القادمة وكمان في نداء صوتي بينطق اسم المحطة 3 مرات مرة لما الترام بيتحرك نحو المحطة ومرة لما نقرب عليها و مرة لما نوصل المحطة .

مواضيع عشوائيه ممكن تكون تعجبك اخترناها لك: