المشاركة الأصلية كتبت بواسطة x- نجلاء -x
http://www.arabtravelersforum.com/tr...2/#post4701992

وعليكم السلام ورحمة الله وبركاته ..

اهلا وسهلا فيك اخوي ,,

بما ان رحلتكم مدتها اسوبع فقط فالافضل انها تكون على اسطنبول وماحولها

صعبه جدا انكم تطلعون لاوزنجول او انطاليا ليومين وترجعون لان هذا متعب غير انه بيكلفكم طيران داخلي والمده قصيره جدا .. ماراح تستمتعون فيها لان اوزنجول وانطاليا يستاهلون اسبوع بحاله
غير ان معك اطفال والتنقل معهم مرهق
( من اسطنبول الى طرابزون بالطياره تقريبا ساعه ومن طرابزون الى اوزنجول بالسياره حوالي ساعه ونص )
( من اسطنبول الى انطاليا بالطياره تقريبا ساعه وربع )

انا اقترح عليك البرنامج التالي :

تكون اقامتكم كلها بأسطنبول ( سواء بتقسيم او السلطان احمد ايهم تفضل )

وثاني يوم تطلعون بالعباره الى بورصه وتستمتعون فيها وتطلعون لجبل الالوداغ وترجعون اخر اليوم
ومثلا رابع يوم تطلعون ايضا بالعباره الى يلوا يوم كامل تستمتعون بالحمامات الحاره وترجعون باخر اليوم

من اسطنبول الى بورصه بالعباره تقريبا ساعه ونص .. ومن اسطنبول الى يلوا بالعابره ساعه او ساعه الا ربع
وراح تكون جوله بحريه رائعه في مضيق البسفور
وانصحك ان اول ماتوصل ميناء بورصه تشتري تكت العوده عشان تضمن المقاعد .. واحجز على اخر رحله

انصحك بزياره مواضيع الاخوان ( يمون 12 - yuko ) مفيده ورائعه جدا ..
وكذلك زيارة الصفحات الاولى من هذا الموضوع


وبالتوفيق لكم ان شاء الله ,,,



الله يعطيك العافيه
بس حبيت اسأل ايهما افضل لمنطقة السكن تقسيم او السلطان احمد

والله يوفقك

مواضيع عشوائيه ممكن تكون تعجبك اخترناها لك: