الموضوع: طيران ليون

السلام عليكم ورحمة الله وبركاته
اخواني اواجه بعض المشكلات
حاب احجز في طيران ليون بالفيزا لكن ماتقبل ما ادري ليه طبعا بحثت وبعض الاخوان قالوا هذي مشكله عامه طيران ليون مايقبل فيزا السعوديه ولكن في موقعهم الرسمي يذكر ان استخدام الفيزا متاح ما ادري ايش العلم وناس قالوا ممكن تحجز وتسدد عن طريق البنك المهم اني محتاس بقوووه فكرت اغير الى طيران ثاني وحصلت اغلى طبعا وغير كذا اوقات الاقلاع غير مناسبه لي بحثت في اير ايسيا والجارودا والطيران الجديد ماحصلت مناسب لي الا في ليون
مادري ايش اسوي وهل احد يقدر يفزع لي في الحجز

بالنسبه لسواقين محتاس ابي سواق في الجبل وباندوق وبالي والاهم السواق اجودي السواق احد اسرار نجاح السفره بعد الله
لو احد يعرف لا يبخل يرسل خاص عام اللي يجي اهم شىء لا تخلوني سفرتي العام الماضي ماليزيا كانوا سواقين مايتكلمون عربي كان بالانقلش مع العلم ان لغتي في الحضيض لكن خارجت حالي ومشت الامور ماادري هل بتمشي هالمره في اندنوسيا
الاهم يرسل مجموعه لو ماحصلت الاول احصل غيره
رحلتي يوم 15 سبتمبر والعوده 2 اكتوبر
اتمنى ما اكون طولت عليكم من الموبايل

مواضيع عشوائيه ممكن تكون تعجبك اخترناها لك:

• عااااااجل لاهنتو
• استفسار بخصوص فندق
• ممكن اراء الخبراء على الجدول التقريبي لزيارة العمه
• هل الافضل زيارة بالي قبل بونشاك و باندوق تكون بالاخير
• هل الأسعار مناسبة؟
• وجهات نـــــــــــــــــظر ؟؟؟؟
• الفزعة ياشباب تكفون
• رايكم ومقترحاتكم تهمني
• اخر سؤال ان شاء الله
• بالي بنشاك حجز فنادق
• ممكن برنامج لـ اشخاص شباب ايام
• فتح حساب بنكي بجاكرتا
• طلب تكفون يا اخوان شمة
• رحلتنا شهر لمدة ايام بس بدون جدول
• اريكم رأيكم واستشارتكم
• استفسار: السكن والفيزا والامكان السياحية في اندونيسيا
• استفسار عن السفر الى العمة
• استفسار عن جزر اندونيسيا
• المسموح في التحميل ، افدووني
• ياليت اعرف ارخص تذكره طيران لـ بلاد العمه

هههههههههه اضحكتني والله .. لغتك في الحضيض هاه

عموما .. بتحصل من يعطيك ارقام سائقين ..
بصراحة لا يوجد لدي ..

وعليكم السلام ورحمة الله وبركاته

والله وانا اخوك حجزت في الصيفية الماضية وانا في الجبل قبل الموعد بـ 5 ايام عن طريق طيران ليون واحتست في التسديد مما جعلني استعين بالسائق ودبّر الحجز لي وسدد واخذ فلوسه من اليوم الثاني ماقصر الله يعطيه العافيه وبصراحة مااذكره الا بالخير صراحة ونعم الرجل ( اسمه ابو ابراهيم ) عمل بالمدينة المنورة 22سنه لكن سعره شوي غالي بالجبل 60000روبية لكن رجل يحترم ويلتزم بالموعد .
لك رساله ع الخاص برقمه وايضاً رقم سائق بالي السائق المحترم والمرح ( اسمه مشكور ) رجل مسلم من جاوا عمل بجده سنتين ومكه تسع سنوات سعره بـ 350000روبية



وبالتوفيق ان شاءالله

هلا فيكم اخوي الطائر رغم اني لم احصل اجابه الى الان عن سؤلي لكن مادام ضحكتك العباره هذا بحد ذاته انجاز لي الله يوسع صدرك بالعافيه ومازلنا ننتظر الطحاطيح الشيوخ الكبار يردون علينا واسمحو لي على لهجتي وعباراتي البسيطه لكن مااحب الرسميات
شكرا للجميع من الموبايل

هلافيك يالحربي بيض الله وجهك والله سواق الجبل غالي لكن بكاسره وبيهديه الله
بس للحين ماجاني شىء على الخاص الرسائل 0 من الموبايل

ممكن تكتب لي التواريخ وكم شخص ومن وإلى

هلابك زود
تفقد بريدك الحين

mailto:[email protected]

اخوى الحربي 1427 لو امكن ترسل لى رقم السائقين ولك جزيل الشكر طبعا على الخاص او اي احد ثاني لو تكرمتوا

يالبى قلبك يالقعقاع يابو الفزعات ولا يهون الباقين
شف طال عمرك
من باندونق الى بالي في تاريخ 24 سبتمبر حصلت انا رحله حلوه في ليون وسعرها حليو ووقتها مناسب الاهم الوصول بعد 13 الوقت عشان وقت دخول الفندق
بالنسبه للعوده من بالي الى جاكرتا في تاريخ 1 اكتوبر
طبعا انا والمدام يعني تذكرتين الله لا يهينك
انتظرك على الخاص العام اي مكان شكرا لك من الموبايل

المشاركة الأصلية كتبت بواسطة الحربي1427
http://www.arabtravelersforum.com/tr...5/#post8339525

هلابك زود
تفقد بريدك الحين



الله يجزاك خير يالحربي ابيض وجه وصلت الارقام وعسى ما احد يسبقني عليه ههه
لكن بصير طماع عيال عمي بيسافرون عزاب في نفس توقيت رحلتي ومحتاجين سواق ثقه في بالي والجبل وطبعا عيال عمي ماعندهم في الخنبقه هههه يعني كويسين مالهم في الخرابيط هل عندك غير اللي عطيتني على الخاص ولا اقوله هو يدبرني سواقين من طرفه
بيض الله وجهيكم جميعا فعلا منتدى رجال كلا يفزع بقدرته الله يخليكم لنا يالمسافرين فعلا اللي وصاني عليكم ماكذب من الموبايل

السلام عليكم اخوي الحربي ابي ارقام السايق لاني مااستطعت اراسلك على الخاص

او انت اخوي صاحب الموضوع

الله يرضى عليك ارسلي للضروره سفرتي ان شاء الله بعد اربع ايام

المشاركة الأصلية كتبت بواسطة مزاجي2014
http://www.arabtravelersforum.com/tr...6/#post8339816

السلام عليكم اخوي الحربي ابي ارقام السايق لاني مااستطعت اراسلك على الخاص

او انت اخوي صاحب الموضوع

الله يرضى عليك ارسلي للضروره سفرتي ان شاء الله بعد اربع ايام



هلا اخوي مزاجي
ههه ههههه تبي ارقام من سبق لبق يقولون امزح امزح حتى انا والله مااقدر ارسلك خاص والاداره تمنع تداول الارقام ولا كان حلالك فداك لكن صدقني مايقصرون معك الاخون تشوف بس بريدك الخاص وبتشوف الارقام واصلت
اشكرك واتمنى اني كنت افيدك من الموبايل

رحلة موفقة

مكتب خطوط جارودا الاندونيسية في جدة والرياض يعمل كل الحجوزات لكل مدن اندونيسيا لمن يجد صعوبة في الحجز في الانترنت واسعارهم معقولة لمن يحجز مبكرا

يعطيك العافيه صاحب الموضوع

نفس المشكله تواجني بالحجز ع ليون..؟؟
والى الان لم احل المشكله.؟؟

http://www.arabtravelersforum.com/tr...8/#post8340179

المشاركة الأصلية كتبت بواسطة القعقا ع
http://www.arabtravelersforum.com/tr...0/#post8340180

http://www.arabtravelersforum.com/tr...8/#post8340179




ياسلام عليك ياخوي القعقاع ممتااااازه الفكره والله يسلمك من كل شر ورح تفك ازمه للجميع واتوقع المشكله من البلد وليست من الموقع نفسه لاني سبق لي وحجزت منه طيران داخلي الى ماليزيا عموما اكيد الاخوان الاعضاء رح يثبتون هالطريقه عشان يستفيدون منها بقية المسافرين وانا رح احجز عليها انشاء الله على ضمان كلامك والله يعين من الموبايل

السلام عليكم عوده لكم من جديد اشكر كل من ساعدني في ايجاد السائقين بالاضافه الى حجوزات الطيران لاني من جد احترت مع هالموقع لكن اخونا القعقاع ماقصر كسر خشومهم بصراحه انا حسيت الامور ضبطت معي وتسهلت من الله ثم منكم ماقصرتوا معي
عندي كذا فكيره وحاب استشيركم واللي عنده علم يفيدنا حرم الله وجهي ووجيهكم عن النار قولوا امين
انا مسافر ما احب اشيل المبالغ معي وخاصتا الكثيره طبعا الفنادق تم حجزها من بوكنق وتم خصمها من الفيزا باقي مصروف اليد هناك واكيد رح اخذ معي مبلغ اهناك
افكر كذا في بالي اخلي المبلغ في الصرافه واسحب هناك بالصراف من صرافاتهم يعني مثلا اسحب لي 2000 ريال تكفيني كم يوم وعارف رح ياخذون علي رسوم اتوقع 50 ريال وفيها على كل سحبه ولكن اكون مرتاح من شيل هالمبالغ في جيبي اش رايكم في الفكره
اعتذر على الاطاله من الموبايل

البطاقة مناسبة اذا عندك خط بديل يعني بطاقتين ثلاث فيها مبلغ يكفي
ماتضمن المكاين توهقك وتسحب البطاقة هنا عندنا وهناك نفس الشي
افضل دوما يكون الاحتياط فقط في البطايق للضرورة
والمبلغ لو حسبته اللي بتشيله معك مقدور عليه يعني بيكون سهل حمله بالاخص ان كان دولارات من فئة مئة دولار او ريالات من فئه خمس مائة ريال
ورحلة موفقه اخوي

اخيrrr224
كيف حليت الحجز لطيران ليوون
لاني ما لقيت حل من الموبايل

المشاركة الأصلية كتبت بواسطة albeck23
http://www.arabtravelersforum.com/tr...9/#post8340639

اخيrrr224
كيف حليت الحجز لطيران ليوون
لاني ما لقيت حل من الموبايل



السلام عليكم هلا وغلا بصراحه انا ماحليت ولا حسبت شىء الاخوان هنا في هالمنتدى بصراحه يتسابقون على الخدمه في كل شىء يعني بالعربي اطلب تجد فلهم مني جزيل الشكر
طبعا المفروض يردون عليك الروس الكبار ههه من مشرفين وغيرهم لكن رح اوصلك المعلومه بناءا على فهمي المتواضع
طبعا انا مابقيت شىء ماسويته عشان احجز في ليون والصراحه مو عشان هي الافضل ولكن هي الارخص ودايم اسوي فيها اني احب اوفر خخخخ
كلمت الشركه خطوط طيران ليون عشان اعرف ليه مايقبلون الخصم من الفيزا ولكن ردة علي وحده كلامها لاهو انجلش ولا غيره احسه باللغه العبريه خخخخ
قلت ارسلهم ايميل ودزيت لهم هل تقبلون الفيزا قالوا لا مانقبل الفيزا ولا المستر كار ولا اي شىء من السعوديه
استغربت من الرد القاسي مع العلم مااحد مشىء سوقهم الا انا يالسعودين ولا يهونون الاخوان في الخليج كله
لكن مازلت مصر الا احجز عندهم قالوا احجز وسو تحويل طبعا بالنسبه لي شغله
ونويت الا شوي احد الاخوان القعقاع ينزل هذاك الخبر اللي يفرح وهو موقع وسيط يحجز لنا غصب عنهم خخخخ جزاه الله خير
بالامكان ترجع لموضوعه المثبت وانشاء الله سهالات
طبعا انا شخصيا ماحجزت للحين منه لانه الرحله اللي مناسبه لي في الوقت طارت وطارة الطيور باارزاقها
والان جالس اشيك على الجاروده وانشاء الله ماتسوي لنا حركات مثل ليون ولو سوو لنا ماعندنا مشكله عندنا من يدق خشومهم
اعتذر عن الاطاله لكن حبيت اسولف واسف

تم تجربه الموقع والحجز ميه ميه




يا اخوان من عنده رقم سواق في الجبل رحلتي بعد 5 ايام
ولاهنتوا

يووووه سبقتني يافهد وجربت الموقع
هههه ماسبقتني الا على خير انشاء الله
عموما مثل ماقال لكن الاخ فهد تم تجربت الموقع وتمت العمليه بنجاع بيعني الموقع شنب شنب بحء وحئيئي على قولت اخوانا المصريين
نشكر الاخ القعقاع على هالاضافه الحلوه اللي فكت علي واكيد على غيري مسالت الحجز في ليون
طبعا الموقع انجلش حتى قوقل كروم ماعرف يترجمه لكن مثل ماقلت لكم من اول نمشي وعلى الله وابشركم مشت الامور وحجزنا وصار مثل ماقال الاخ القعقاع بالضبط يعني الامور سهلات

لكن فيه نقطه تخوف
لا نقطتين
الاول كاتب الوزن 15 كيلو يعني يقصد مالي الا 15 كيلو بس والباقي يعني كيلو زايد ولا ايش السالفه
والشىء الثاني الكراسي ماجاب لها طاري ابد ولا جاب خيارات لاختيار المقاعد في الطياره ابد ليكون انا في اول الطياره والمدام في اخرها !!!!!!! ولا هم بضبطون من حالهم
القعقاع عطنا الخبر اكيد العلم عندك
ولاخوان بعد مايقصرون وشكرا من الموبايل

بالنسبة لحجز المقاعد لغير شركة جارودا فهو بمبلغ ماليبالنسبة لي انا حجزت مقاعدي بطيران آسيا أيرلاين
تسجل في موقعهم وبعد التسجيل تضع حجزك ومن ثم تظهر تفاصيل رحلتك وكل 10 مقاعد لها سعر رمزي
أعلى سعر بـ 56 ريال واقل سعر بالخلف بـ 6 ريال
بينما ليون اعتقد الاتصال عليهم والخصم من بطاقتك لحجز مقعد

سلام عليكم شباب اللى فهمته اني اخش موقع ليون واحجز..؟؟
والا فيه شي ثاني

الله يرحم والديك اخي
القعقا ع

المشاركة الأصلية كتبت بواسطة القعقا ع
http://www.arabtravelersforum.com/tr...8/#post8341158

بالنسبة لحجز المقاعد لغير شركة جارودا فهو بمبلغ ماليبالنسبة لي انا حجزت مقاعدي بطيران آسيا أيرلاين
تسجل في موقعهم وبعد التسجيل تضع حجزك ومن ثم تظهر تفاصيل رحلتك وكل 10 مقاعد لها سعر رمزي
أعلى سعر بـ 56 ريال واقل سعر بالخلف بـ 6 ريال
بينما ليون اعتقد الاتصال عليهم والخصم من بطاقتك لحجز مقعد



الفزعه يالربع الرحله اليوم انشاالله وحجزت التذاكر الحمد لله بفضل الله ثم بفضلكم لكن المقاعد ايش الدبره فيها ابي المدام جنبي وجنب الشباك تعرفون خصوصياتنا
الاخ القعقاع يقول دق على الشركه يحجزون لك مقاعد متجاوره ويخصمون من الفيزا اصلا هم مايعطون وجه بالاتصال ولا قبلوا الفيزا من قبل عشان يقبلوها في المواقع ايش الحل يالربع دبروني
وبعدين انا في الحجز مكتوب لي 15 كيلو وزن يعني مالي الا هالوزن والباقي وزن زايد ولا ايش السالفه
بحثت في النت وحصلت ناس يقولون 20 وناس يقولون 25 وماادري ايش سالفة 15
ردوا علي من الموبايل

انتظر يردون عليك..لانه عندي نفس السوال..


بس انا اشوف مشكلة المقعد ممكن تتفاهم مع اللى بيكون جنبك او جنب زوجتك..
وتنحل ان شالله .

بالنسبة لطيران ليون للأسف فقط 15 كيلو لكل شخص و 7 كيلو تحمل باليد

اما المقاعد فيه امكانية بجانب النافذة وتكون انت والمدام

بشرط أن تحضر بدري عند الكاونتر قبل لا تطير عليك المقاعد

لأن الأغلب يحجز المقعد من موظف الكاونتر قبل الإقلاع

اما طيران آسيا فهو يعطيك خيارات وبموقع تكت اخذت لي 20 كيلو لكن للأسف ما أعطاني امكانية زيادة لطيران ليون

وتقدر تدفع الفرق اذا زاد عند موظف الكاونتر بموجب الفاتورة

السلام عليكم احدثكم اليوم من الجبل بونشاك
وحاب انبه على الاخوان اللي ناوي يسافر والله باندق حرررررر مررررره ولهم اسبوع ماجاهم امطار اللي يفكر يجي انصحه والله حررر لايطاق
بالنسبه لفندق سوروني 3
حاب اقول ان الصور الخليه اللي في التماثيل شالوها يعني راعوا مشاعر العرب وخاصتا ان السكان فيه عرب طبعا هو الافضل في الجبل
بالنسبه للي حاب يحجز في الفندق يحجز عن طريق موقع الفندق نفسه او يكلمهم لان الاسعار ارخص بكثير من مواقع الوساطه المعروفه وخاصتا الموقع المشهور نسيت اسمه اللي يحجز سروني
وبخصوص مواقع الوساطه ابشركم ضحكوا علي خخخخ وسكنوني في موقع جنب سروني لكن مو فيه مع العلم اني شارط عليهم ولما جيتهم اقولهم يالربع تراكم مخطين قالوا هذا حجزك المسجل عندنا كلم الموقع وارسلهم اقولهم السالفه قالوا اشرب من البحر ومالنا الا الصبر خخخخ ولكن الموقع والغرفه حلووووه امممم اذا اللي في بالي اللحين
وشكرا للجميع من الموبايل

هل تقصد موقع hikarivoucher.com أم غيره

المشاركة الأصلية كتبت بواسطة القعقا ع
http://www.arabtravelersforum.com/tr...0/#post8345240

هل تقصد موقع hikarivoucher.com أم غيره



هلا فيك اخوي
الله الله وصلت خير هو الموقع بعينه من الموبايل

غريبة لم أحد يشتكي من موقع hikarivoucher بتاتاً

علماً بأن السعر المعروض في موقع فندق سيروني أكثر من سعر موقع hikarivoucher بفارق ضئيل

انا أعتقد يا أبن العم انك غلطت في أختيار أسمه الصحيح للحجز

لأنه يوجد أكثر من فندق بأسم سيروني ولكن الفرق في الأسماء فمثلاً :

فندقنا أسمه ( Hotel Seruni Puncak )

الأسماء الأخرى

Diva Seruni Villa هذا في بونشاك

Seruni International Hotel هذا في نوغيا

تأكد لي تكفى من أسمه في الفاوتشر عندك

لأني حاجز وأخشى أن أقع في مثل ما حصل لك

هلا فيك اخوي ابشر ابرسل لك الححز من الموقع اللي هو التأكيد
لكن المشكله كيف ارفق صوره في موضوعي عجزت احصل ايكونة الاضافه بالله كيف
وغير كذا فيه احد الردود من الاخوان توقيعه فله فيها مسبح ياليت اللي يعرف اسمها تقفون علموني اسمها من الموبايل

ما يحتاج ترفق أي صورة

اقرأ فقط أسم الفندق اللي محدد بالمربع الأحمر



هل هو هذا بالفاوتشر أم غيره

المشاركة الأصلية كتبت بواسطة القعقا ع
http://www.arabtravelersforum.com/tr...7/#post8345707

ما يحتاج ترفق أي صورة

اقرأ فقط أسم الفندق اللي انا كاتبه

Hotel Seruni Puncak

هل هو هذا بالفاوتشر أم غيره



لا عادي برفق الحجز بكبره عشان تشوف اللي يصلح لك يعني المنتدى مافيه خاصية ارفاق الصور
عموما بنقش لك اللي مكتوب في الورقه اللي طبعتها من الايميل المرسل من الموقع المذكور في السابق
Seruni3 gunungamandariroom/werecsive
طبعا اسمي وغيره
طبعا تفاهمت معهم قالوا لي كان حجزت من موقعنا احسن لك قلت خيرها في غيرها
ولو سمحت اكيد عندك معلومات عن طيران ليون انا عندي وزن 48وازن في الرياض في المطار
طبعا حاجز على ليون الى بالي من باندوق سالت قالوا لي 15 كيلو بس مااحد جاب لي طاري 7كيلو اللي في الليد
هل انت متاكد من 7 كيلوا هذي واتمنى تقولي كم سعر الكيلوا الزايد لانها تفرق معاي
والسؤال الاخير انا معي ريالات سعودي وبروح الى بالي ولما جيت بحول كامل المبلغ يعني على اكبر عمله بيطلع الورق كثييييير
حاب احول من ريال الى ربيه في بالي هل فيه مشكله واتمنى من الجميع يقولي افضل مكان لصرف في بالي لاني متوهق ومادري ايش اسوي
اللي عنده معلومه يفيدنا عن استفساراتي ولا تهون اخوي القعقاع من الموبايل

على حسب ما قرأت ان في بالي يفضل تكون دولارات

لذلك حول الريالات إلى دولارات ومن بالي من دولارات إلى روبية وأصحاب الخبرة أبخص ( انا لم يسبق لي السفر لإندونيسيا للأسف ) خبرتي في اوروبا وماليزيا وتايلند

بالنسبة لطيران ليون لك 15 كيلو كما ذكرت والباقي يحسب وزن زائد للأسف

بينما اللي بالكتف اطلعت على تذاكري ولم أجد ذلك للأسف

لكن أغلب الطيران الإقتصادي لا يمانع بالصعود ومعاك شنطة يد بشرط ألا تحتوي على سوائل أو مخظورات



تفضل أحد مواقع رفع الصور

http://www.up-00.com/

المشاركة الأصلية كتبت بواسطة القعقا ع
http://www.arabtravelersforum.com/tr...3/#post8345723

على حسب ما قرأت ان في بالي يفضل تكون دولارات

لذلك حول الريالات إلى دولارات ومن بالي من دولارات إلى روبية وأصحاب الخبرة أبخص ( انا لم يسبق لي السفر لإندونيسيا للأسف ) خبرتي في اوروبا وماليزيا وتايلند

بالنسبة لطيران ليون لك 15 كيلو كما ذكرت والباقي يحسب وزن زائد للأسف

بينما اللي بالكتف اطلعت على تذاكري ولم أجد ذلك للأسف

لكن أغلب الطيران الإقتصادي لا يمانع بالصعود ومعاك شنطة يد بشرط ألا تحتوي على سوائل أو مخظورات



تفضل أحد مواقع رفع الصور

http://www.up-00.com/



اشكرك اخوي فكرت في طريقة التحويال اللي تقول لكن محل الصرافه في الجبل يقول كذا بتخسر مرتين يعني بيطيح عليك تحويل الريال الى دولار عندي وبتخسر تحويل الدولار الى روبيه في بالي يقول الاحسن ياتحول عندي الى روبيه او تخلي الريال تحوله هناك لكن تحول مرتين ماانصحك هذا كلامه
يمكن احد من الاخوان يفيدنا
كلامك صحيح بخصوص الوزن لكن كم سعر الكيلو الزايد ياليت احد يفيدنا
وبخصوص حجزك ان كانك انت حاجز عندهم انا ممكن اخدمك عطني الارقام ولا ارسلي في الاميل او الخاص وانا بنقز لهم اسال حجزك ايش وضعه واروح لغرفتك واصورها بعد ههههه انت تامر بس من الموبايل

تشكرات توب تشكرات

لك رسالة على الخاص

المشاركة الأصلية كتبت بواسطة القعقا ع
http://www.arabtravelersforum.com/tr...7/#post8345877

تشكرات توب تشكرات

لك رسالة على الخاص




وصلت الرساله طبعا أحاول ارسلك علي الخاص
لكن مازال حسابي سياحي ههههه ممايرسل خاص
لكن وصلت الرساله اوصل للفندق واسنعك وبكره طالع من الفندق
بس من باب التعليق علي سوروني
هو حلو احلي الموجود طبعاً لكن الفندق من تغيب الشمس وهم طقطقه يعني عزف واغاني
والصبح عند الباب بعض الطقوس الشعبيه عندهم
اللي قادم يروح وشكرا للجميع
بس كاني اشوف انه مااحد عبر بي في اسئلتي عن الصرف والوزن الزايد في في طيران ليون من الموبايل

مثل ما ذكرت لك يا أبن العم
لك 7 كيلو باليد تدخل فيها الطائرة وهذا في أغلب شركات الطيران
وقمت أحوس وأدوس في موقع تكت إلى ما حصلتها لك
لأن بصراحة موقع ليون سياحي ويذكرني ببرمجة مواقع الويب من عام 2000 وتفاصيله محدودة
اقرأ أدناه مقاس الشنطة اللي تدخل مقصورة الطائرة يقولك المقاسات وما تتعدى وزن 7 كيلو
اشتر لك ولزوجتك شنطة بنفس المقاس وكل واحد يحمل شنطة

تقريباً مثل حقيبة اللاب توب أو اكبر شوي

http://en.tiket.com/pesawat/tiket-lion-air








صور شبيهه للحقيبة ادناه

https://www.google.com.sa/search?hl=...Ch4CYAw#imgdii=_


أحرص تكون في المطار قبل الرحلة بساعتين في أي رحلة داخلية

وأن تكون بالمطار قبل الرحلة بـ 4 أو 3 ساعات في أي رحلة دولية

ولا تستهين أبداً بالوقت نهائياً لأن لو فاتتك رحلة من الرحلات راح تخسر كثير وتتأخر ويتلخبط جدولك المتبع وتندم على دقائق ضاعت منك في مكوثك خارج المطار لأن احسب الطريق للمطار ممكن يكون زحمة ويعطلك عن رحلتك

المشاركة الأصلية كتبت بواسطة rrr224
http://www.arabtravelersforum.com/tr...4/#post8345994

وصلت الرساله طبعا أحاول ارسلك علي الخاص
لكن مازال حسابي سياحي ههههه ممايرسل خاص
لكن وصلت الرساله اوصل للفندق واسنعك وبكره طالع من الفندق
بس من باب التعليق علي سوروني
هو حلو احلي الموجود طبعاً لكن الفندق من تغيب الشمس وهم طقطقه يعني عزف واغاني
والصبح عند الباب بعض الطقوس الشعبيه عندهم
اللي قادم يروح وشكرا للجميع
بس كاني اشوف انه مااحد عبر بي في اسئلتي عن الصرف والوزن الزايد في في طيران ليون من الموبايل



هلافيك من جديد طبعا لحد الان حسابي سياحي مااقدر ارسل خاص هههههه ماتخبر واسطه يفتح الخاص لي خخخخخخ
عموما رحت للحجوزات وسالت عن حجزك وقال اوكيه طبعا في نفس الفندق نفسه واطلاته حلوه في الدور 3 طبعا سرير واحد
سالت عن موضوع الاطفال قال ماعندك مشكله الدخول مجانا الا اذا طلب سرير
وبالنسبه لشريحه ماخذ سمباتي اتصال ونت 4 جيجا
اقل من 100 ريال وتغطيتها حلوه نوعا ما طبعا ماعندهم اصلا 4 g
يمكن يقبلها عندك الراوتر او لا لكن اذا عندك جالكسي اشبكها فيه وبث ياسنايدي
نسيت اشكرك على البحث بالنسبه للوزن والله انك صادق موقعهم ابو كلب
ولكن المشكله عندي خبر عن الوزن 15 لكن اللي حاب اعرفه كم السعر الكيلو الزايد بعد 15 اخاف مبلغ خيالي
اسال السواق يقول 30 دولار عمى يعميهم
واسال مكتب سياحي يقول 7 ريال والمشكله مافيه معلومه اكيده
عموما انا ارسلت لهم ايميل عسى يردون وماضنيت يردون
عموما اشكرك في جميع الاحوال واي خدمات انا حاضر وحصلت لي بعد سواق حلو خلصت منه اليوم عشان بكره بمشي باندوق اسمه منصور بس عيبه سيارته صغيره سوزوكي شبابيه كبر الهونداي انترا
مع السلامه

اشكر لك اهتمامك يا أبن العم

اذكر والله ان أغلب الطيران السياحي يكون سعر الكيلو فيه مبالغ مستحيل يكلف 7 ريال للكيلو

أفضل حل اعمله أنا



يوجد في أغلب الفنادق أكياس قماش لوضع الملابس المتسخة

خذ عدد 2 كيس وضع في كل كيس 7 كيلو وريح راسك

بشرني كيف وضع العفش

انت حي !!

القعقاع..لك رساله ع الخاص...
تحياتي لك

أخي albeck23

أنصحك بالإتصال بهم

Call Center Numbers
Phone+6280) 4177 8899
Phone+6221) 6379 8000


Customer Care
Phone+6221) 633 8345