الموضوع: هل تنصحوني اسافر امريكا

ارغب في السفر الى امريكا اسبوع سياحه نيويورك وسان فرانسيسكو وسياتل

هل تنصحوني بذلك

وكم تاخذ التاشيرة حتى تخرج

وهل من صور او كاميرات حية ليلية لمباني هذه المدن الثلاث

مواضيع عشوائيه ممكن تكون تعجبك اخترناها لك:

• السياحه في دنفر
• هل السفاره زحمه الأيام هذي
• مراسلكم في اورلانو وابي مساعده
• ما انعطى وي تولعت يامريكا
• عبايتى والغربه مشكلتي
• بخصوص الفيزا و تعريف بالراتب
• استفسار عن افضل خطوط طيران داخليه امريكيه
• سكن بمسبح خاص في اورلاندو ؟
• هل أستطيع أن أخذ جوازي من السفارة وهو تحت الإجراء؟
• استفسار بخصوص الحصول ع الجنسيه الامريكيه
• تغيير موعد المقابلة تقديم وليس تأخير
• معاهد الطيران بأمريكا
• عندي كذا سوال الى الاخ امبكت والاعضاء الكرام
• بخصوص فيزة امريكا
• أرجووو المساعده تكفوووووون
• وصلت امريكا
• استفسارات ياخبراء امريكا
• اللي راحو لأورلاندو يجووووون
• موعدي يوم الاحد في السفاره ارجو من الي عنده خبره يساعدني
• أفيدوني؟؟؟؟

السلام عليكم

حياك الله اخوي مجرد مسافر ....

والله اخوي اسبوع ماتسوى " تطلبك لهم علشان الفيزا والتحقيقات اللي راح تجرى عليك - ماتسوى مشوار الطيارة 14 ساعه " .
امريكا اذا تبي تسافر لها اقل شي شهرين موب اسبوع ...

نصيحه لا تروح وشفلك شي قريب احسن ...

تحية وتقدير

السلام عليكم ورحمة الله وبركاته

اخي سان فرانسيسكو روعه حلوه كثير انا عشت فيها سنتين ونص بس تبي النصيحه اسبوع مايكفي هذا الاسبوع يبيلك راحه فيه بعد الطياره والحين الاوضاع ماتساعد شوف بلد ثانيه احلى واقرب لتستفيد من الاجازه
بالتوفيق ان شاء الله

انا مااقصد ابغى اروح عشان اتمشى او اجازه اقضيها

انا ابغى استكشف

فهمتو

طيب الى متى ناجلها كم سنة يعني

يعني هل سترجع المياه لمجاريها

الرّسالة الأصليّة كتبت بواسطة مجرد مسافر
انا مااقصد ابغى اروح عشان اتمشى او اجازه اقضيها

انا ابغى استكشف

فهمتو

طيب الى متى ناجلها كم سنة يعني

يعني هل سترجع المياه لمجاريها



اخوي الغالي زي ما بيقولوا قلبت المواجع

تصدق كنت اعد نفسي لزيارة امريكا (واحوش للسفرية كل شهر) لكن الاحداث الارهابية هدمت الحلم وصرفت نظر عن امريكا

اما حكاية كم سنة وهل سترجع المياه لمجاريها فالاوضاع لا تبشر بعودة قريبة انا شايف ان مسافة الفجوة تزيد

وانت الحين استكشف بلد اخر غير امريكا وبالتوفيق

هلا بالحبيب ...

والله اسبوع شوي مرة حتى للاستكشاف....امريكا بلد كبير جدا...والمدن الامريكية كل وحدة يبي لها اسبوع لحالها.

اذا كنت بتاجل ...اجل علشان تطول المدة...اما الاوضاع مدري والله.

عموما اخوي يدرس في كولورادو ...الاوضاع يقول تمام ولا مضايقات ولا هم.

سلام

سلااااااااااااااااااااااااااااااااام

مجرد مسافر !! انت اكيد انك تسمع بالسفر ولا مريت من جنب مكتب سفر وسياحه

اولاً : امريكا تبعد بعد ابليس !! وش بيوديك هناك ؟ من الرياض الى نيويورك مباشر 14 ساعه متواصله !! وبعدين نيويورك بالذات ما انصحك فيها ؟ ما فيها امن وبعدين لا تنسى ان الاحداث صارت في نيويورك يعني 90% من الشعب هناك يكره العرب والمسلمين وخصوصاً السعوديين !! ما علينا (موتوا بغيضكم )

ثانياً : سانفرانسسكو !! تقع في اقصى الغرب !! او بالاصح في الجنوب الغربي من امريكا و نيويورك في الشمال الشرقي !! وبينهم فارق توقيت 3 ساعات ؟؟ والمشوار بالطياره 6 ساعات وكسر ؟؟؟؟ يعني من هنا الى ماليزيا ... :surf

وبعدين سياكل اقصد سياتل في الشمال الغربي !! يعني لازم تاخذ معك ابن بطوطه !!

اذا حسبناها يبي لك سنه عشان تربط هالمدن الثلاث مع بعض !!

---------
المهم الفيزا يمكن تاخذ 3 شهووووور ويمكن اكثر !! واذا انت محظوظ يمكن تطلع لك في فتره اقصر !!

بالعربي !!!!!!!! انحش من ذيك الديره

عموماً اذا تبي تكتشف رح لكندا !! شعب كوووووووويس وديره رائعه جداً او استراليا احلى واحلى وارخص !!

انا اعرف مواقع المدن الثلاث واعرف بعدها

لكن حاجة بالنفس اني اشوفها


طيب ناس يقولون مافيه مضايقات وناس يقولون فيه



ايش الصح؟

[align=center]الصح أخوي أنك تركد وتشوف الحقيقة بعينك،،،

أخوي الآن اللي بيدرسون كلهم حولوا الى كندا وكندا غير طبيعية رح أستكشف والا اذا تبي الأستكشاف على أصوله أطلع أستراليا،،،

أخوي الشعب ما يضايقك بالعكس أغلبهم بيكون ودود لكن المضايقات تبداء من هنا ،،،

الفيزة تاخذ شهرين ،،، وتحقيق كامل ،،، وبعد كل هذا القرف يمكن يعطونك ويمكن لا،،،

بعدها اذا وصلت هناك والله يابتشوف كيف ينخلونك وبيكرهونك بالديرة،،،

لو قلتلي المدة اللي بتقضيها شهر قلت ما يخالف تحمل المضايقات أما اذا هي على أسبوع لا تتعدى أستراليا يمكن هي أخف والا مشوارها حدود ال14 ساعة أيضاً،،،[/align]

[align=center] كل العرب هناك متأذين من سوء المعامله

اليوم يكلمني دكتور مصري مقيم هناك ومتزوج من امريكيه مقيم من عام 98

يقول أذوني كل اسبوعين ثلاثه ناطين لي ومستدعيني

الوضع تغير ماعاد مثل اول

ولك التحايا [/align]

طيب هل صحيح اللي يطلب فيزا ويرفضونها يحطونه في القائمة السوداء حتى لو كان الرفض مزاج السفارة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[align=center] امريكا ××××××××××× عليها

ولا تستاهل الواحد يفكر فيها وفي السفر الى الدولة التي تحارب المسلمين في شتى انحاء العالم .

الاخوان ما قصروا بينوا لك كل شيء الامر راجع لك ولا اعتقد ان حياتك رخيصة عليك .

تحياتي ؟[/align]

ِشف اخوي اذا كنت بتروح وبتضرب مشوار اسبوع ما يسوى عليك
يعني على الاقل شهر
بالنسبه للاوضاع هناك ومن كلام احد الشباب الي يدرسون هناك
الوضع طبيعي طبيعي جد المشكله بس بالمطار والتفتيش والاستقعاد

وعلى كلام خويي من تطلع من المطار انتهى كل شي ولا فيه اي مشاكل
والوضع طبيعي جدا(اذا كنت نظامي محد يقولك شي)

ولاضح كلام الاخ Navigator
يقولك اخوه بكلورادو والاوضاع تمام ولا مضايقات ولا هم
نفس كلام خويي الي بامريكا

يعني محد راح يكون عارف الوضع الا الي بامريكا

على العموم المشكله الوحيده تكمن بالفيزا

اعقلها وتوكل