الموضوع: رحلتي الثانية الى كاليفورنيا الجميلة

قررنا هالسنه انا وزوجي العزيز انه نسافر لأمريكا مع أولادنا (5و4 سنوات)
التذاكر من الاماراتيه ( السعر غالي لانه أمس شرينا التذاكر) طلعت علينا 26500 ريال
البحرين - دبي- لوس انجلوس
المده 24 يوم (26جولاي -18 اوجست)
مخطط الرحلة
2 ليال في لوس انجلوس ( للحين ما حجزت الأوتيل بس البحث جار في ويست وود او بيفرلي هيلز)
5ليال في سان دييغو في ( Sommerset Suites Hotel) 4150 ريال
2 ليال نيوبورت بيتش في ( Newport Beach hotel) 1900 ريال
14 ليله في سان كليمنت (Oceana Boutique Vacation Rentals) 5740 ريال
وآخر ليله بتكون جنب المطار عشان رحلتنا الصباح بدري للحين ما حجزت الأوتيل

ايش رأيكم بالمخطط؟ والأسعار هل هي معقوله ولا مبالغ فيها لان ما حجزنا الا تونا 😎

بالنسبة لديزني لاند و سي وورد تذاكرهم اشتريها الان ولا من هناك؟
أجار السيارة ناوين من دولار المره اللي فاتت اخذنا منهم وسعرها كان معقول بحدود 1000 دولار اذا فيه خيارات ثانيه مابتقصرون معاي
اخر شي كيف السفر مع الأطفال 😬اول مره أسافر معاهم سفره طويله .. من الموبايل

مواضيع عشوائيه ممكن تكون تعجبك اخترناها لك:

• الحمد لله اخذنا الفيزا
• الخطوط السعودية قريبا بشهر مايو ستفتتح خط مباشر الى لوس انجلس
• والله ازعجتكم بس عاد ضروري ؟؟
• Zoological Wildlife Foundation ميامي ورحله رائعه الى
• بخصوص الرسوم
• استفسار عن هجره لم الشمل
• وش نوع الفيزا لطفلة عمرها سنة ونص؟
• عضوة جديدة وتبي مساعدتكم
• استسفار عن مدة صلاحية الفيزا
• الدراسة بفيزا سياحيه تجي والا ماتجي تكفون الفزعة
• منحاس مع نموذج السفاره الامريكيه
• سؤال سريع من سرعته يقولون انه اسرع من الصوت
• صورة مرفقه وسؤال عن فورم السفارة للموعد؟؟
• ممكن مساعدتكم بترتيب الأماكن السياحية القريبه من بعض
• ساعدوني في وضع جدول لأميركا اقتراحاتكم الله لا هانكم
• وصلت بالسلامة وانتظرو تقريري
• احتاجكم في ترتيب رحلة الى لوس انجلوس
• بكرا المقابله وحبيت اشيك معاكم ياليت تردون علي بسرعه
• كم المكافأة واي جامعة اختار ساعدوني في اتخاذ القرار
• تقرير رحلتي الى امريكا

ليش تبون تسكنون في San Clemente
بعيده !!!!!

من وجهة نظري الرحلة متعبة، الأماكن بعيدة عن بعض والمدد قصيرة جداً ..

ومعاكم أطفال راح تتعبون أكثر ..

انصحكم بالجدول التالي

1- لوس انجلس - تسكنون بالمنطقة اللي عند المطار .. عشان يكون قريب عليكم ديزني ويكون قريب عليكم بفرلي هيلز وهالشغلات تكونون في المنتصف
وتقعدون فيها 5 ليالي ..

2- تسكنون في منطقة من هالمناطق ( نيوبورت - انهايم - أرفاين) وتستبعدون سان كليمنت نهائياً لانها بعيدة

3- تسكنون في سان دييغو لأي عدد من الأيام ..

4- آخر يومين وليس يوم واحد تخلونها عند المطار، وانصحكم بفندق Custom hotel lax نظيف وسعره ممتاز وقريب حيل عند المطار

والله يوفقكم

http://www.arabtravelersforum.com/travel906304/

السلام عليكم..مثل ما ذكر الأخوان سان كلمنت بعيدة ومافي داعي تسكنون فيها
الرحلة لكاليفورنيا مع الاطفال متعبة جدا..أنا جربتها من 3 سنوات و خلاص تبت ما أكررها ثاني..الحين فقط بنسافر انا و المدام
مدة رحلتكم 24 يوم..يعني يوم السفر و العودة غير محسوبين..فبتصير 22 يوم
أقترح تقسيمها كلتالي:

لوس أنجلوس 10 أيام
سان دييغو 5 أيام
لاس فيغاس (في حالة ما ما معكم اطفال ) 2 ليلة
أورانج كاونتي 5 أيام

بلنسبة لأيجار السيارة جربت من قبل شركة دولار و لما جيت أستلم السيارة تفاجأت ان مبلغ التأمين قد مبلغ أيجار السيارة..فلغيت الحجز معاهم و أجرت من Hertz
فأنصحكم بهذي الشركة
موفقين

السلام عليكم
اشكر نصايحكم وخبراتكم ومنكم نستفيد..
الحمدلله تمت حجوزات اغلب الرحلة وتوفقنا بالأسعار وحبيت اشاركم فيها
الوصول 26 جولاي السكن في Radisson Los Angeles Airport Hotel ب 440 ليله وحده
27 -1 السكن عن طريق موقع airbnb شقه بغرفتين ب2660 ريال
1-3 السكن Newport Beach hotel ب 1900 ريال
3-17 السكن عن طريق موقع homeaway شقه غرفه وصاله وبلكونه خاصه ب 7900 ريال
17-18 السكن في Radisson Los Angeles Airport Hotel ب 440 ريال
التوتال 13359 ريال .. الحمدلله اقل من الميزانية بواااااااجد ووفرناها للتسوق ..
وإذا رجعت أعطيكم تقيمي انشالله عن الشقق والتجربة فيها ..
دعواتكم.. من الموبايل

المشاركة الأصلية كتبت بواسطة smilygirl80
http://www.arabtravelersforum.com/tr...4/#post8281852

السلام عليكم
اشكر نصايحكم وخبراتكم ومنكم نستفيد..
الحمدلله تمت حجوزات اغلب الرحلة وتوفقنا بالأسعار وحبيت اشاركم فيها
الوصول 26 جولاي السكن في Radisson Los Angeles Airport Hotel ب 440 ليله وحده
27 -1 سان دييغو السكن عن طريق موقع airbnb شقه بغرفتين ب2660 ريال (
1-3 نيوبورت بيتش السكن Newport Beach hotel ب 1900 ريال
3-17 لونج بيتش السكن عن طريق موقع homeaway شقه غرفه وصاله وبلكونه خاصه ب 7900 ريال
17-18 السكن في Radisson Los Angeles Airport Hotel ب 440 ريال
التوتال 13359 ريال .. الحمدلله اقل من الميزانية بواااااااجد ووفرناها للتسوق ..
وإذا رجعت أعطيكم تقيمي انشالله عن الشقق والتجربة فيها ..
دعواتكم.. من الموبايل



طبعا الشمال استبعدتها من الرحلة نهائيا لان أبد مو مناسبه للاطفال وما احس فيها شي يستاهل الزيارة مره ثانيه ..

السفر مع الأطفال على الخطوط الإماراتية ممتع جداً حتى لو كانت الرحلة طويلة
المضيفات تحسي يكون خادمات ومربيات للأطفال في الطيارة
أول من تطلعو الطيارة يتم توزيع ألعاب على الأطفال وتصويرهم وإعطاءهم الصور
عند تقديم الطعام يتم تقديم طعام الأطفال أولا ثم بقية الركاب
التسلية في الطائرة الإماراتية في معظم الطائرات لا يوجد منافس له حتى للأطفال
سفرة سعيدة