الموضوع: اول مره اسافر الى اندونيسيا تكفون الفزعه

السلام عليكم اتمنى تتحملون اسئلتي شوي
أنا اول مره أسافر اندونيسيا رحلتي في 30 مايو مدتها 15 يوم حنا اربع شباب بس كلها ميييييح اول مره .
طيارتنا توصل الساعه 10 ليلا يوم الخميس ان شاء الله


1- كيف احجز فندق في جاكرتا ومتى يعني من هالحين احجز , هل البوكنق حجزهم مضمون وسعرهم مناسب وهل يخصمون المبلغ على طول من الفيزايعني لازم المبلغ يكون متوفر فيها اثناء الحجز .لأن واحد يقولي حجزت عن طريقه وبعد ماجيت الفندق ما اعترفو فيه او اهملوه وقالو فل . وش الفندق اللي ترشحه لنا في جاكرتا .




2- كيف احجز فيلا في بنشاق الجبل , هل قبل اوصل انونيسيا .. يعني عن طريق مواقع ولا كيف .


3-انا في الجوف وماعندنا صرافين من وين افضل مكان اصرف منه لأني بوصل اندونيسيا وانا مامعي عملتهم .


4- هل تنصحنا نروح لبالي الشباب كلها مطاوعه يعني تصلحلهم. واذا ابي اروح كيف احجز طياره ومتى يعني قبل اوصل اندونيسيا وكم سعر التذكره لبالي وهل فيه لها مواصلات غير الطياره .


5- كيف احصل انترنت هناك هل اشتري شريحه ,ومن وين اجيبها وهل اقدر اتصل منها .. او اعمم جوالي افضل .


وجزاكم الله خير .

مواضيع عشوائيه ممكن تكون تعجبك اخترناها لك:

• المناطق الغير متضررة في جاكرتا
• ماهي الاسواق والمولات الحلوة في جاكرتا
• مطلوب نصيحه
• بالنسبة للفلل في الجبل وبعض الاستفسارات
• محتاج مساعدة ناس خبرة بأندونيسي؟وتحملوني
• وش رايكم في الفندق هاذا
• مسافر في الأضحى لكن تنقصني بعض المعلومات المفيدهأرجو المساعده
• يقولون انها ززززززززززحمه
• السكن بتكلفة منخفضة
• ارجو من اعضاء المنتدى المخضرمين تقييم برنامجي المقترح لزيارة اندونيسيا لمدة يوم
• استفسارات لمسافر جديد لديار العمه
• فنادق بجوار المطار
• استفسار عن طيران جارودا الاندنوسي
• استفسارات متعددة للعضو صائد الاحلام
• مخطط رحلتنا العائليه الى اندونيسيا افيدونا
• سفرتي قربت الي إندونيسيا
• لاهل الخبره باندونيسيا ، استفسار عن الفلل والشواطىء الخاصه
• استفسار عن فندق ماسا ان في بالي
• استفسارات متعددة للعضو
• مـــاضــــي اندنوسيا

السلام عليكم
كل عام وانت والجميع بخير
تاريخ الرحله غير صحيح الا اذ كنت تقصد 30 يوليو 2014م الموافق 4 شوال 1435ه
احاول اساعدك حسب معلوماتي :
1- انتم 4 اشخاص وبالتالي ماينفع معكم الا شقه افضل لكم خاصه اذا كان معكم عزبه وارشح لكم شقق سمرست شيترا موجوده في البوكنج سعرها غالي شوي بس خيار جيد واذا الميزانيه شوي فيه شقق استون مارينا لاباس بها ويمكن حجزها من البوكنج وحجز البوكنج مضمون وحسب سياسة الحجز بعض الفنادق الدفع يكون في الفندق بس ياخذون رقم الفيزا للتاكد من جديتك للحجز بس انتبه لسياسة الالغاء بعضها يسحب المبلغ
2- حجز فيلا في بونشاك لايوجد حجز عن طريق المواقع والاافضل انك تروح وتشوف بنفسك واذا حبيت ارسلت لك على الخاص رقم سمسار يمكن يفيدك هناك
3- الصرف اصرف دولارات او ريالات واصرف هناك عادي وبنشاك افضل سعر والصرافين كثير
4- بالي حلوه ومايمنع ان الواحد يروح ويشوف والحجز حسب رغبتكم هناك عروض تسويها مكاتب السفر والسياحه في اندونيسيا شامل التذاكر والسواق والسكن او انك تحجز انت الطيران والسواق والسكن هناك من اي وكالة وشركات الطيران مثل ليون اير او اسيا اير
5- شرايح النت متوفره هناك والنت متوفر في بعض الاماكن
اذا سفركم في عيد الفطر الله يعينكم على الزحمه اجازات السعوديين مع اجازات اهل البلد تكون الاسعار غاليه
منتدى العرب المسافرون من افضل المنتديات اللي تقدم لك المعلومات
افضل ان تاخذ جوله في المنتدى وبالتاكيد تستفيد
ارجو اني افدتك

ماشاء الله تبارك الله
ما أزيد على أخوي ساري بـ شي
بس تعليق على فقره عندك :

- هل تنصحنا نروح لبالي الشباب كلها مطاوعه يعني تصلحلهم. واذا ابي اروح كيف احجز طياره ومتى يعني قبل اوصل اندونيسيا وكم سعر التذكره لبالي وهل فيه لها مواصلات غير الطياره .

لا يا ابوي ما أنصحكم تروحون لأن بالي جزيرة نهائياً ماتصلح للمطاوعه ولا العوائل المحافظة

والله يتمعكم بالصحه والعافية
ومتأكد أنكم ان شاء الله بعد هالسفره راح تكررون الزيارة

متابع لاني نفس الحالة

ياليت توضيح بخصوص زيارة بالي ليه ايش اللي فيها يخليها ممنوعة

حياك الله اخوي الكريم
بوضح بخصوص ان بالي ما تصلح ( للمطاوعة )
الوصف في مبالغة كبيرة ..
صحيح ان بالي فيها بعض المناظر الخادشة للحياء وتجدها على الشواطئ( خصوصاً شاطئ كوتا ) وفي المسبح الخاص بالفندق وبعض اجزاء منطقة كوتا بالذات ..
اخوي الامر طبيعي انك تشوف الاجانب وخصوصاً الاستراليين ( متسدحين على الشواطئ بلباسهم الغير محتشم ) وتقدر تتجنب هذه الاماكن بكل سهولة
بالي تحتوي على اكثر من اربعة شواطئ واماكن ترفيهية كثيرة واماكن سياحية لا تجدها في كل اندونيسيا
الامر راجع لك انت ومن معك ... هل بتغضون الطرف عن بعض الامور لو شفتوها بالصدفة واذا ما تقدرون فما انصحكم بزيارتها