الموضوع: توزيع الايام استفسار عن الفلل في الجبل

السلام عليكم ورحمة الله وبركاته بالبداية احب أشكر كل من يساهم في نجاح هذا الموقع وكل من يقدم إرشادات وإجابات للسائح والله يجعله بميزان حسناتكم

رحلتي يوم 13 اغسطس بإذن الله حجزت فندق بجاكرتاوكذلك بباندونق
وقلت أول ما أوصل بإذن الله لجاكرتا ظهرا يوم الاربعاء سأتوجه للجبل انا حجزت فندق مبدئيا لأول يوم للجبل
فهل تمام حجزي ولا ابحث عن فيلا على طول .
وبصراحه الفلل تحيرت فيها شفت فلل كثير بعضها اتواصلت مع حارسها حصلتها محجوزه وبصراحه اخاف اكد على حارس من هنا ويم اوصل القاها محجوزة
فايه ترشحون احجز ولا اتوكل على الله وهناك ادور بعد ما ارتاح بفندق يوم
وهل مناسب التوجه للجبل يوم الاربعاء (فكرت اول شئ اتوجه لباندونق بس مدري عن وضعها في هذي الايام)
افضل منطقة في الجبل ابحث فيها عن فلل؟
علما توزيع الايام كالتالي
من يوم الاربعاء 13
5 أيام الجبل
4 باندونق
3 الجبل
3 جاكرتا
المغادرة 28
فكرة اخلي باندونق اول شئ
والجبل 8 متواصله
أو الجبل 8 وبعده باندونق ومن باندونق لجاكرتا
شورو علي يا اخون بالانسب اول توزيعي ولا . أول مرة لاندونيسيا وابغى نستفيد ومانضيع الاجواء الحلوة
وإذا امكن ذكر الاجواء بالجبل وباندونق بشهر اغسطس .

ياليت كمان إفادة عن الاماكن بالجبل اللي افضل اخر الاسبوع او بوسطه لأن اسمع في مناطق ينراح لها بس يومي اجازة الاسبوع وتكون فعاليات فيها (ماهي ايام اجازة الاسبوع الفعلية عندهم )

( اللي حجز او جلس بفيلا عائلية مناسبة يرسلي رقمها ع الخاص ) وله دعوة طيبه

مواضيع عشوائيه ممكن تكون تعجبك اخترناها لك:

• طلبتكم الفزعه
• استفسار الحصول على التاشيره الاندونيسيه مسبقاً
• مسافر قريب وجديد
• استفسار بسيط عن رحله
• اقدر احجز بدون معلومات الجواز ؟كحجز مبدئي
• استفسار عن سعر التذكرة
• ايهم افضل استخراج الفيزا
• من يعرف جزيرة في اندنوسيا يكون مائها أزرق وصافي جداً كالسماء ؟
• استفسارات متعددة للعضو سعودية مطيرية
• طلب عاااااجل
• فندق وجدول الى بالي فزعتكم
• مساعدة في السفر الي اندونيسيا
• شقق تاون هاوس في بالي
• شهر العسل فزعتكم ياغالين
• خدمة البلاك بيري في اندونيسيا
• سؤال من لديه المعلومة الاكيدة يفيدني
• استفسار عن العزبة
• استفسار بخصوص صندوق الامانات
• اندنوسيا بشهر عشره هجري
• ابي اعرف افخم اوتيل في جاكرتا

موضوع ان السائق يحجز لك فيلا لا تضمنها لانه إذا وجد زبون ودفع اكثر ما راح يسأل فيك وكل واحد يبحث عن المؤكد وعمولته وخاصة وقتك موسم وزحمة سياح وحتى لو حجز لك والتزم فهل تضمن انها تعجبك !!
موضوع الفلل بالجبل يحتاج بال طويلة وبحث فعندك عدة خيارات :
-- حجز فندق بالجبل بالبداية يومين وبعدها تبحث عن فيلا مناسبة لك
-- السكن في بوقور يومين وعندك استون بوقور خيار رائع وبعدها تذهب للجبل للبحث عن فيلا مناسبة لك
-- التوجه لباندونق وتجعل الجبل في الأخير حتى تخف الزحمة وتكون الإجازة عندنا قاربت على الانتهاء وكما هو معروف الغالبية سوف يعود قبل 24 اغسطس وخاصة المعلمين وهم شريحة كبيرة هناك وطبعا هذا الخيار افضل ان ترتاح بجاكرتا يومين قبل الذهاب لباندونق ولا تستعجل بالتنقل فالراحة مطلوبة وخاصة للعوائل ..
السبت والأحد هما الإجازة الرسمية عندهم وللعلم يستغلونها صح بالسفر والتمشيات مو مثلنا نوم وسهر !!
يعني تلقى جاكرتا فاضية في هذه الأيام .. من الموبايل

كل الشكر لك اخي المصباح ما انت مقصر بردودك مع اعضاء الموقع ومعي ولمن يمر على الموضوع اترك بصمتك بدعوة من القلب ان ييسر الله جميع امورنابصراحه ما اضمن احد بالحجز لأن اتواصل معهم وفعلا ممكن لو واحد بيدفع اكثر يكنسلو حجزك ..في سواق اتفقت معه على السيارة وعنده فيلا وقلي عليها لكن سعرها مرتفع عن ما تستحقه حتى اصحاب المكاتب اتواصلت معهم لكن فعلاتبغى تحجز اوقف على الفيلا بنفسك..
طيب اخي الكريم بغض النظر عن الفيلا تنصحني اتوجه للجبل مباشرة بعد الوصول ولا لباندونق الشق الاخر من سؤالي بالرد الاول
معني
الجبل - باندونق - الجبل - جاكرتا
أو
باندونق- الجبل - جاكرتا
وممكن بعد الجلوس 4 أيام بباندونق والتوجه للجبل تكون خفة الزحمة يوم 17 اغسطس
انتظر رأيك ومن يحب يفيدنا لأن على قراره بعد الاستخارة ممكن اضبط الجدول عليه واغير حجوزات الفنادق .
بقلكم الحيرة ليه لأن الاغلب يمدح الجبل وعشان كذا متحمس للجبل مع التقارير ومشاهدة الصور واغلب المزارات فيه ..باندونق غالبها اعتقد اسواق وفيها مناطق جميلة وانا رايح لنستمتع بالاجواء والمناظر والشلالات وكذلك المنتزهات الجميلة اعذرني اخوي ثقلت عليك بس تايه ومتحيرأنا اميل للثاني لكن ابغى الافضل والانسب حسب التجربة وميولي لأن يكون مشوار واحد للجبل مو مرتين كمان ما ادري الطرق والزحمه اخاف تقلب راسي لأن شرق اسيا جربتها قبل طرقهم ضيقة وتدوخ. ومانستغني من النصيحة ومن استشار ما خاب

صباح الخير في نقطه حصلت لي قبل شوي ماني حاب افتح موضوع حاليا عشانها حجزت بفندق وقام بسحب مبلغ مليون روبية ..من الفيزا الان رغم باقي ع الحجز شهرين وكمان ما يخصم مبلغ أول ليله إلا قبل الحجز ب3 ليالي !!
فابغى اعرف سبب سحب الملبغ وكيف استرجعه ؟
علما اني حجزت اكثر من حجز بهذا الفندق باوقات مختلفة فهل يكون سبب لسحب المبلغ ؟

اقتراح ان تبدأ بباندونق هي بسبب التخوف من الزحمة ولكن هذا ما يمنع ان تبدأ بالجبل ومن ثم باندونق وممكن تعود للجبل مرة ثانية فالمشوار عادي والطريق واحد من نفس طريق الجبل - باندونق وانت شوف وضعك بالبداية في الجبل اذا وجدت الأمور سهلة ومنسجم ومرتاح تكمل أيامك بالجبل وبعدها باندونق ثم جاكرتا وإذا زحمة تروح باندونق حتى تخف الزحمة وتعود بعدها للجبل ..
بالنسبة للفندق والسحب احيانا يتم السحب للتأكد من وجود رصيد بالبطاقة ولكن المبلغ كثير ما هي العادة وياريت تتأكد انه ليس هناك عبارة شروط خاصة امام الحجز وعلى العموم المبلغ عادة يكون محجوز وليس مسحوب يعني يمكن إعادته وتتأكد من ذلك من خلال التشييك على العمليات على بطاقتك وممكن تتصل او ترسل رسالة لموقع بوكنق تخبره بالموضوع وهم على طول يتصلون عليك ويتحدثون بالعربي ويحلوا المشكلة وتعاملهم جداً رائع ..
اما ان السبب تكرار الحجز لا اعتقد وليس لهم حق في ذلك .. من الموبايل

بصراحه ما ارتحت الصباح انام بدون ما اتاكد فاتصلت عليهم وفعلا اخبروني بانه حجز فقط للتاكد من وجود رصيد بالبطاقة بس استغربت لأن اول مره تصير معي ومشكور على الافادة اخويطيب المسافة بين باندونق والجبل كم ساعة؟ واوقات الزحمة بأي من ايام الاسبوع عندهم لأن اللي يقول ساعة واللي يقول توصل ل4 ساعات !وهل الطريق فيه لفات وطلعات ونزلات كثيرة ولا تمام لأن هذي لوحده تسوي لي صداع مو طبيعي
وبيني وبينك ودي باسترخاء ماودي اضيع وقتنا بالسفر بين باندونق والجبل خاصة إذا 4 ساعات الطريق وحشوف الوضع كيف بعد معرفة المسافه وكيف زحمتها وربي ييسرها

والله اذا كان طريقك من الجبل لباندونق عبر الطريق الزراعي يسوي لك مو صداع بس وبصراحة كانت تجربة الله لا يعيدها ورغم ان هناك بعض الأعضاء يجدها عادي بل يعتبر طريق مختصر بدل النزول لجاكرتا ثم أخذ الطريق السريع لباندونق لكن تعبت نفسيا من ذلك الطريق رغم الخضرة والمزارع وممكن صادف زحمة بسبب ان رحلتي كانت ايام العيد ..
طريق جاكرتا - باندونق سريع وممكن ترتاح في المحطات وهي نظيفة ومرتبة وفيها مطاعم ومصلى وشيء يستاهل ..
ضع ببالك غالبية طرق اندونيسيا حتى بالمدن تحتاج بال طويلة ولا تتوقع انك تريد مكان معين وتصل له بسرعة وطريق فاضي !!
يعني ساعة تعتبر طيبة للوصول لأي مكان سياحي وانت وحظك ..
أوقات الزحمة هي بنهاية الأسبوع يعني السبت طلوع والأحد نزول وحاول في المدن الا تخرج في وقت خروج الموظفين من أعمالهم وهي بالعادة الساعة 5 مساء
الله يوفقك وخذ الموضوع بسهولة ولا تعقدها من بدري واستمتع فأنت مسافر للمتعة والمنغصات في كل مكان حتى بالبيت .. من الموبايل

يعطيك العافية اخوي ماقصرت استفدت كثير من كلامك وفعلا انا حاط اعتبر للزمن ساعة واكثر للوصول لأي مكان واللي مخوفني من الطرق إن الفترة الاخيرة من كم شهر صرت إذا مشيت ساعتين بالسيارة اول ما اوقف تصيبني دوخه مهي طبيعيه لكن ان شاءالله سهلات ومع حبوب الصداع يهدى الرأس انا احاول فعلا اخذ الامور بسهالة بإذن الله لكن تحيرة الان فالوجهة الاولى هل باندونق او الجبل بس وبشوف خلال هاليومين اقلبها براسي وربي ييسرها
عندي استفسار لك اخوي ولاصحاب المعرفة هل السعر يختلف حسب السيارة يعني فيه الانوفا والسوزوكي الصغير المعروف وفي اعتقد سيارة اصغر من الانوفا من تويوتا (هذي السيارة مناسبة ولا ) لأن اتفقت مع سواق وقلي انوفا وقبل يومين سألته طلعت سيارة اصغر من الانوفا مدري عاد إذا كانت بريفيا ..ماهمني فنوعها اهم شئ انها مريحه وتسعنا انا والمدام وطفلين بالراحه
شاكر ومقدر لك وجزاك الله خير واثابك على ماتقدمه اخير الكريم الله يوفقك

الظاهر معك نقص بالحديد والأفضل تعمل كشف للهيموجلوبين للتأكد وعلاجها بسيط إن شاء الله ونصيحة خذ معك عسل وتناوله كل صباح مع كأس ماء دافئ على الريق ..
بعض الفيتامينات ضرورية للوقاية مثل فيتامين سي وتناوله كل يوم والله خير حافظا ..
عددكم قليل وأي نوع سيارة يكفيكم وحتى التكاسي تكفيكم خاصة اذا جلست بجوار السائق واحرص على وضع الحزام في كل تنقلاتك ولا تتهاون فيه ..
حاول ترتاح في تنقلاتك ورأيي تجلس بجاكرتا يومين للراحة وبعدها باندونق وخلي الجبل في الأخير ولك القرار النهائي .. من الموبايل

إن شاءالله يا ريس تسلم على النصائح الطبية وفعلا الحقيبة الصحية والفيتامينات ضرورية اثناء السفر والله يحفظناالحزام حاطه ببالي وقلت من اول مركب على طول لأن شفت كثير تحذيرات في تقاريراعضاء المنتدى ونصايحكم وماقصرتو تفيدو السائح
على سيرة التكاسي كيف وضعها بجاكرتا يعني اخلي وضعي زي ماهو مع السواق ب500 -600 الف روبية ولا اخذ تكاسي افضل لأن بجلس 3 أيام فيها والرابع مغادر بإذن الله وحيكون يوم للجزيرة وبعض المشاوير الداخليه ويوم لأنشول وكذلك الاسواق
ويوم حتكون زيارات للأماكن السياحيه والمناسبة فشو ترشح مع السواق افضل ويكون معي من الصباح للمساء ولا التكاسي.
وكيف اسعارها يعني لو بغيت من الفندق للمطار انا اعرف بالعداد بس ما ادري كم تكلف ؟
توصلت لنقطة#حتجه مباشرة لباندونق 4 أيام وإن مانسبتنا حكنسل يوم
بعدين نتوجه للجبل 8 ايام بينها يوم لباقور و3 جاكرتا ان شاءالله ونستمتع يارب فيها بدون منغصات ولاضرر
هل تؤيد الذهاب لسكوبومي باخذ يومين من الجبل ام ستكون مرهقة لنا
دمت بصحة وعافية واثابك ربي ويجزاك كل خير

التكاسي متوفرة بكل مكان وبشكل منظم خاصة بالفنادق والمولات وحتى المطاعم تطلب منهم توفير تاكسي وهو يطلب لك من الشارع وانت في المطعم وفي الفنادق السيكورتي تطلب منه وعلى طول بالميكروفون وعادة تكون في مواقف الفندق وفي المولات تصف سراً مع العالم ولما يجئ دورك تأخذ التاكسي والمهم معك كرت الفندق حتى ترتاح من الشرح والكلام معه وبالنسبة للمزارات ممكن تجرب اول مرة وتطلب منه الانتظار ولكن في هذه الحالة يكون العداد شغال ويحسب عليك وممكن تطلب من الفندق سيارة خاصة لمدة 8 ساعات وهي مدة مشاوريك بالعادة وتشوف السعر اذا اقل من سعر السائق الخاص خذه ولا تشاور ..
السائق الخاص مريح ولكن التكاسي أوفر ..
اذا قصدك تذهب لسوكابومي للذهاب للشاطئ بلابوان راتو ممكن تجعل لها يومين وتسكن في احد فنادقها على المحيط ولكن ليست بالمستوى المتوقع وكنت اتمنى تجربتها مع العائلة لرؤية المحيط وأمواجه ولكن اخوك كسول واللي معي ما يشجعوا والطريق يحتاج بال طويلة لانه حسب ما اعرف ليس طريق سريع رغم الطبيعة التي تمر بها وروح نهاية الأسبوع للشاطئ ..
عددكم قليل ولذلك تنقلكم سهل وخذ معك أغراض خاصة مثل بعض الأطعمة والمشروبات بالسيارة واستمتع بالطريق فمهما كان الوصف تبقى متعة التجربة ورؤية الطبيعة والأجواء هي المهم حتى ولو المكان بسيط .. من الموبايل

هذا موضوع عن بلابوان راتو يفيدك إن شاء الله
http://www.arabtravelersforum.com/travel342661/ من الموبايل

شكلو بجلس على السواق مدام اول مرة بدل ما الخبط نفسي واريح راسي بس اللي عرفتوه من خلال المواضيع إن السواق يكون معك من الصباح حتى الساعة 9 بالليل هل النظام الساير زي كذا .. مدينة الالعاب بانشول هل احتاج للسواق ولا يكون بداخلها سيارات صغيرة للأجار والعابها بصفه عامة تنفع لأطفال بعمر 6 و4 سنوات انا اطلعت على تقرير منك وحرجع بإذن الله اطلع على جميع التفاصيل أما عن سكوبومي فالغيت فكرتها لأن فعلا اللي معي ما يجملو ولا يحمسو وسبق وشاهدت المحيط وجلست امامه كم يوم وما أجملها من جلسه أمام المحيط بس يخوف بأموااجه
إلا ع الزحمة اخوي المصباح لو باتجه من باندونق للجبل صباح أو ظهر يوم السبت أو الأحد مناسب ولا حنكون بوسط الزحمه - والبحث عن فيلا كذلك

كمل ردك أخونا المصباحأنا منسجم معكم في الموضوع




الله يعطيك العافية

السائق ما تحتاجه بعد 9 بالليل خاصة إذا كان نشاطك من بدري ما توصل المغرب إلا الجميع

يدور النوم وغالبية المولات والأسواق تقفل في هذا الوقت وممكن تجد بعض الأماكن فيها حياة وسهر وخاصة
في باندونق المدينة التي لا تنام ولكن أشوف ما لها داعي للسهر وتكتفي بالمزارات الصباحية وهي ممتعة وكافية
للعائلة ..
الأفضل تحرك من باندونق الأحد حتى تصل الجبل والعالم رايحة جاكرتا يعني أنت طلوع من باندونق للجبل
والبقية نزول من الجبل إلى جاكرتا وتبدأ بالبحث عن فيلا وأنت مرتاح من الزحمة ..

انشول تنفع للصغار والكبار والتنقل فيها بالسائق أفضل يعني هو يوصلك لكل منطقة بداخل انشول
وينتظرك وهذا مريح لك جداً ..
توجد ألعاب مائية في بوقور حلوة للأطفال وأنا أفضلها رغم أنها أقل من الألعاب المائية الموجودة
بانشول بجاكرتا وتوجد أيضاً ألعاب مائية في منطقة اسمها سنتول بوقور وهي بين جاكرتا وبوقور
وتعتبر مدينة جديدة خاصة ..
في باندونق عندك كامبونق جاجا وهي منتزه جميل للأطفال وفيه ألعاب مائية وكذلك ترانس ستديو
ممتعة وتعتبر مثل ديزني لاند ولكن مغلقة ولا تفوتك ولكن غالبية ألعابها تحتاج قلب قوي وفيها
ألعاب للأطفال ..

ابو البنين حياك الله والجميع لازم نقص لك تذكرة مقابل المتابعه هههه بإذن الله استفساراتي استفيد منها وكثير من المتابعين ومن يمر على الموضوع ويجزي اخونا المصباح خير الجزء ويوفقه فالدارين على جهوده ومتابعته لنا
أخي المصباح أعتذر على التأخر بالتعقيب ع ردك وشكرك لأن لي كم يوم مشغول مع أحد الابناء ومنوم بالمستشفى اسال الله ان يشفيه ويلبسه لباس الصحة والعافية
وبصراحة أكثر ما اخاف أثناء السفر هو التعب المفاجئ لأن صار لي مره وبدل مااقضي أيامه بالتنزه قضيت اول ليله وباقي الليالي منوم فالله يستر وييسر امورنا وسفرنا ويردنا سالمين معافين
بخصوص الجدول أخي توصلت إلى
اول يوم وصول الظهر راحه بجاكرتا بس بودي نصيحة وين اقضي هذا اليوم يعني أي المناطق ازور طبعا انشول والجزيرة مخليها فأخر يومين هل تؤيد اول يوم بعد وصولي اذهب لمنطقة شيبوبور اللي ذكرتها بجدولك والظاهر تبعد 45 دقيقة عن جاكرتا ولا حتكون مرهقة
وثاني يوم اتوجه بإذن الله لباندونق 4 ايام
ثم بونشاك 8 أيام من يوم الاثنين صباحا 18 اغسطس يصير الزحمة خفت ان شاءالله
ثم جاكرتا يومين (زيارة انشول - الجزيرة واماكن اخرى حولهم )
الجزيرة اخي الكريم هل لها يوم كامل يعني المبيت بها او متى العودة غالبا تكون؟ وافضل جزيرة تنصحني بها
فكيف تشوف الجدول الان مناسب ولا اتوجه لباندونق لأن رحلتنا فيها تنطلق من جدة وتوقف ساعتين في الرياض فشكلها بتسبب لنا ارهاق رغم انه بيكون حماس كاول زيارة لنا لكن مسافة 3 ساعات من جاكرتا لباندونق اشوفها كثيرة
وهل الجلوس بباندونق مناسب 4 ولا اخليه 3 أيام ..وبودي نصيحة لأماكن الزيارات المناسبة يعني مثل البراكين ابغى القريب تعرف مشي ما حنقدر خاصة مع الاطفال والمدام ما حيمشو
وهل المسافة بين باندونق ولمبانغ نصف ساعة ولا اكثر .لأن من خلال مشاهدتي لبعض المواضيع الاغلب يمدح لمبانغ وجوها
هل المتاحف بجاكرتا قريبه من بعض
وبالنسبة للألعاب وخاصة المائية ما اتوقع استفيد منها لأن اللي معي الاطفال مايحبونها احاول معهم لكن الخوف ذبحهم لكن نقول عسى تنفع معهم العاب اندونيسيا فزيارتها ممكن تكون لمتعة المشاهدة اكثر من الممارسة لأجل كذا ودي اوزع ايام جاكرتا بين الترفيه جزء والجزء الاكبر يكون لزيارات اغلب مايستحق الزيارة فافضلا منك لا آمرا إن كنت تستطيع ترتيب لي جدول لجاكرتا ليوم الوصول واغلب المناطق اللي اقدر ازورها حتى الليل وكذلك لوصباح اليوم الثاني إن قدرنا نزور وكذلك آخر يومين مع انشول والجزيرة
أعرف إني طولتها عليك سامحنا كل ما بجي اضيف الرد يطلعلي استفسار واضيفه توزيع الجدول لكل الايام ان شاءالله تمام عندي بس جاكرتا يوم الوصول واخر يومين لأن احس كلها اللي انت ذكرتها بتقريرك وتقرير بعض الاعضاء تستحق الزيارة لكن ماني عارف توزيع الوقت بينها الافضل لكي يتم زيارتها جميعا أو اغلبها ع الاقل والافضل منها يعني مثلا اعجبني المسرح شبيه قصرديزني وحديقة الدينصورات لكن مدري كم المسافة بينهم
اكرر اعتذاري وبرضو طولتها عليك فتحت الموضوع بس قلت اخر استفسار عذبتك معي طلعت لي استفسارات كثيرة وعلى العموم اخوي خذ راحتك ووقتك وجاوب على اللي يناسبك وتشوف انك تفيدني فيه ولاتكلف نفسك وتتعبها وإن في روابط عادي اطرحها وانا ببحث فيها
والله يجزاك خير ويحفظك و ابنائك واتعبتك معي بالاسئلة لكن من باب المشاورة والاستشارة وما خاب من استشار وبإذن الله كل من يمر يدعيلك ويدعي لي ويستفيد وربي يجزاك الفردوس

يا هلا بك غالينا والله يطمئنك عليه ويحفظه من كل سوء ..
خذ معك بعض الأدوية والمضادات للاحتياط ودواء للإسهال والمغص للأطفال وإن شاء الله ما تحتاجها مثلي والمهم الاهتمام بنظافة الأكل واختيار المطاعم العالمية الموجودة في المولات الفخمة والمناطق المشهورة ..
وصولك فيه ترانزيت والمشوار طويل يعني تصل مطار جاكرتا الظهر وتنتهي إجراءات السفر والذهاب للفندق يعني ممكن المغرب وأكيد الجميع تعبان ومرهق وهذا شيء طبيعي ولا يوجد شيء تزوره خاصة ان انشول تقفل 5 مساء ..
بالنسبة للسكن في جاكرتا ما هو الفندق الذي اخترته ؟
حاول يكون بالقرب منه او في محيطه مولات للتجول فيها وتناول الطعام بها ..
منطقة شيبوبور وتمان ميني تحتاج يوم كامل من الصباح للمساء وهذه ممكن تزورها من الجبل فهي على طريق بوقور ..
جاكرتا اهم منطقة تزورها هي انشول وتحتاج يومين حتى تنتهي من كل فعالياتها وبالنسبة للجزيرة تحجز من انشول قبلها بيوم وتبدأ الرحلة من الصباح للمساء وما يحتاج المبيت بها ويوجد تقرير عنها للغالي ابو عبدالرحمن
http://www.arabtravelersforum.com/travel452554/

يعني هذه الأماكن تكفيك في جاكرتا وممكن ما تلحق عليها لان أيامك فيها قليلة والمتاحف زيارتها يحتاج وقت وجهد خاصة في مدينة مزدحمة دائماً ..
منطقة لمبانق تعتبر ضاحية من ضواحي باندونق والمسافة احيانا تطول بسبب الطرق الضيقة وقد تصادف زحمة وأحيانا يأخذ المشوار ساعة او ساعتين وعندهم عادي ولا تتوقع اقل من ذلك فهذه اندونيسيا وزحمتها المعروفة في كل مكان ومنطقة ..
الأفضل السكن في باندونق ومنها تزور كل الأماكن وحاول تختار سكن قريب من مول مثل فندق سينسا او استون تروبيكانا .. من الموبايل

آمين ووياك وبارك الله فيك اخوي
بإذن الله
هذا الفندق Grand Whiz Hotel Kelapa Gading Jakarta وفي كم مول حوله واحاول اقضي فيه شئ من اول يوم كاستراحه وعشاء
كم ممكن اخوي الزمن من الجبل لمنطقة شيبوبور
انشول اتوقع يوم واحد ما حقدر اكثر وان شاءالله نزورها كلها وإن قدرت ازورها مره اخرى كويس
باندونق كان بودي سينسا فندق جميل لكن فضلت اختار فندق يكون جناح من غرفتين لآن سينسا اغلبه غرفه واحده وسرير واحد
وان شاءالله يارب الاجراءات ما تطول فالمطار ونستمتع بيومنا وبرحلتنا
وتسلم ماقصرت يعطيك الف عافية

الفندق ما سمعت عنه ولكن حسب موقع بوكنق توجد سويتات بغرفتين وثلاث غرف وسعره مناسب ويحتاج للوصول للأسواق سيارة ومن رأيي لو تقارن سعره بفندق هاريس كلابا قادنق لو تأخذ غرفتين كونكت فإذا السعر نفسه افضل لك هاريس لوجود مول كلابا قادنق تصل له من اللوبي وهذه ميزة رائعة ومريحة لك وللعائلة ..
منطقة شيبوبور ممكن تحتاج ساعة حسب الطريق وزحمته وإذا تريد الذهاب يكون في غير يومي السبت والأحد حتى لا تورط بزحمة الطريق .. من الموبايل