خلاص نلغي باندونق ونشوف مخطط تماشي للجبل بونشاك بس اهم شي نبغى تماشي بدون مشي كثير
عشان المدام
شف ياغالي المشي فيك فيك اذا بتزور المعالم بعضها مشيه طويل مثلا افضل شلال في بونشاك هو شلال الحديقه الوطنيه شيبوداس هذا مشواره مشي مو قصير لكنه مو مرتفع كثير يعني منبسط الا في اخره
شلال شليمبر في بونشاك اقرب مشي بس ارتفاعه كدرج وممرات اكثر من شيبوداس
شلال جاكسا في حديقه تمان سفاري اقصر مسافه بس طلوعه حاد شوي
مثلا السفاري في بونشاك وهي اهم معلم عباره عن حديقه حيوان بالسياره تمرها ثم تروح لمنطقة العروض في ساحتها توقف
تبدا العروض من عرض الفيله كل عرض مرتب وله وقت محدد موضوع لك ببروشر يعطونك اياه اول ما تدخل الحديقه كل عرض والثاني بينهم مسافه قريبه لكنها مرتفعه شوي البعض ممن معه كبار سن مثلا يطلب السائق يجيه ينقله من عرض لاخر والبعض يمشي ويتمشي منت مجبر تمشي بسرعه وانااخوك لان السائق ما يقدر يوقف عند كل عرض لهم واقف محدده ينزلك ويروح يوقف لو قعدت كل شوي تطلبه يجيك من عرض لاخر يمكن تفوتك بعض العروض
هذي امثله فقط وفيه اماكن مشيها بسيط
المشي الاطول هو في شلال شيبوداس او حديقه الزهورفي بونشاك او في شلال ماربيا او كامبونق قاقاه في باندونق
يعني اذا بتحط المشي عائق كثير من المزارات راح تلغيها الانسب ماتلغيها وتمشي علي هونك منت ملحوق وركز بوجود جزم مناسبه للمشي في اغلب المناطق مثلا بدلا من الجزم المتعبه
انا غيرت لبونشاك فقط
لاكن
اممممممم
اذا ما غيرت اش في مكان يستاهل الزيارهـ في بونشاك غير ثمان سفاري
ومافيه مشي كثير ؟!!
فأذا مافي يصير ممكن ارجع باندونق
ونفس الشي اذا باندونق اماكن التكشيه بتكون متعبه ومشي كثير راح الغيها
ابغى اماكن تمشيه كلها فرفشه و وناسه
العاب كبار سواء ملاهي او بولينج او رمي سهام شغلات زي كذا
و بالنسبه للميزانيه ممكن تزيد حبه بس يعني ممكن توصل لين 15 الف بس انا ابغى احاول اقلقه
اذا عائق المشي الغير مجهد جدا بيعيقك ويخليك تلغي منطقه وحسب طلباتك وشروطك في الاماكن اللي تبيها فخياراتك راح تكون في غالبها غير مواقع طبيعيه سوا باندونيسيا او غيرها
حتي لااقع في المحضور وانصحك باماكن لاتناسب طلبك وفيها مشي اقول ان خيار اندونيسا قد لايكون مناسب لك ان كنت ستتحاشي بعض المزارات بسبب المشي
فانت متجه لدولة اغلب مزاراتها الشهيره هي عبارة عن مواقع ريفيه او حدائق وطنيه تحتاج لبعض الجهد الغير متعب والدليل كثرة العوائل الذاهبه اليها وانبسطوا في رحلاتهم رغم بعض المشقه والجهد والمشي
كمثال ممكن يناسبك ترانس ستوديو في باندونق مدينه العاب مغطاه جميله وجنبها مول فاخر
مدينه العاب كامبونق قاقاه جميله بس العابها تعب ونشاط مثلا سيارات خيل حبال الخ
اماكن الترفيه مثل بولنج وبلياردوا قد ما تكون مناسبه في اندونيسيا لانها غالبا تكون في مواقع شبابيه
الالعاب الالكترونيه او السياحيه مثل عروض 4 جي والعاب شوايه والخ منتشره بكثره فيها شي بسيط وفيها شي مرتب
ترانس ستوديو باندونق مثال ومثال اخر انشول في جاكرتا
لاكون صادق معك هذا النوع من الاسئله والطلب المحدد اول مره يمر علي شخصيا
اتوقع اذا ماتبي مشي كثير ممكن تكون دبي مناسبه جدا لكم لانها ارتب وانظف واكثر نشاطات يوافق طلبكم
لكن بلاد كاندونيسيا مثلا اغلب مزاراتها التي تستحق الزياره يخالطها بعض الجهد اللي عادة ما نشير اليه لانه مقبول لكن تشديدك في الطلب يجعلني اتحسس من اجابته بشكل قاطع فيمكن اتوقع ان المشي في موقع تتحملونه وانتم لا تطيقونه مثلا او العكس ابعدكم عن موقع لابتعد بكم عن المشي وانتم قادرين علي المجهود فيه
كنصيحه لاخرج من هذا المازق ))
اختر المنطقه اللي تعجبك من التقارير بين بونشاك وباندونق اولا
ثم هناك تختار النشاطات اللي مافيها مشي مثلا وان حلبيت تجرب شي فيه مشي هناك تقرر بوقتها
لكن لاتلغي منطقه وانت ناويها بسبب المشي بل اذهب للمنطقه وهناك تقدر تروح اماكن بدون مشي حتي لو فقدت بعض المزارات المهمة
ككافيهات ومطاعم ومولات باندونق افضل من بونشاك وفيها ضاحيتها لمبانق ريفيه جميله
كمزارات ريفيه وريف هاديء جميل بونشاك افضل
ايضا باندونق ان كانت رحة بالي بعد بونشاك مثلا او باندونق فباندونق تتميز بوجود مطار فيها يعني تقدر تحجز منها الي بالي بدلا من العوده من بونشاك الي جاكرتا للسفر لبالي
طبعا المطار صغير اقليمي والطيران لبالي منها يحتاج حجز مسبق لقله عدد الرحلات منها مقارنة بجاكرتا وايضا بعضها كرحلات يكون ترانزيت وليس دايركت
الميزانيه ان زودتها مناسبه لتبقي معك وقت الحاجه ان احتجتها لاغير وقلل هناك قدر الممكن من الصرف ما سترجع به سيكون ملكك ويبقي لك مو لازم تصرفه كله بس كاحتياط يا غالي
المشاركة الأصلية كتبت بواسطة oO_SNOOPY_Oo
http://www.arabtravelersforum.com/tr...0/#post8230190
السلام عليكم
يسعدك ربي على الرد الوافي الكافي
والمساعده الطيبه منك
ما قصرت وانا اخوك يا بطل
ونكمل بقيه الترتيب مع بعض ان شاء الله
لين نوصل لجدول طيب ومناسب ..
العفو يلغلا وكلنا هنا بالخدمه وبقية البرنامج بعد معرفة يوم السفر والاقلاع وتحديد مناطق الرحله وفقا لاجابتي عليك بالاعلي
مواضيع عشوائيه ممكن تكون تعجبك اخترناها لك:
رد مع اقتباس
المفضلات