الموضوع: اسئله لم اجد اجاباتها في التقارير

السلام عليكم ورحمه الله وبركاتهاحب اشكر في البدايه اخ عزيز على موضوع امريكا للمبتدئين وموضوع كل مايتعلق في السياره و السواقه


موضوع كان شامل وطيب لكن انا عندي كم سؤال


انا مخطط للسفر لأمريكا أول مره واخترت امريكا الغربيه
( لوس انجلس - سان دييغو - لاس فيغاس - سان فرانسيسكو )
1-


بالنسبه للسياره قاعد اشوف الاسعار حيل غاليه مو مثل بعض الاخوان يقولون الف وميتين دولار
انا حصلت تاهو بـ $2699 من موقع ألمو لمده شهر
من 28 - 6 إلى 28-7

والسؤال متى أفضل وقت احجز سياره؟ احنا 3 اشخاص
وهل نفس الشي ينطبق على تذاكر الطيران والفنادق؟

وشكراااااااا


خطتنا في البدايه

التذكره : ذهاب و اياب لوس انجلس حتى تكون رخيصه

المحطه الأولى :5 ايام جنوب لوس انجلس بالسياره
المحطه الثانية : 5 ايام سان دييغو بالسياره
المحطه الثالثة: تسليم السياره في مطار ساندييغو الذهاب بالطائره لاس فيغاس لمده 3 أيام
المحطه الرابعة: من مطار فيغاس إلى سان فرانسيسكو 5 أيام وحجز سياره
المحطه الخامسه : تسليم السياره في سان فرانسيسكو والذهاب إلى لوس انجلس شمالاً و حجز سياره جديده لمده 7 ايام

ثم العوده إلى الوطن !



والسؤال الثاني ! هل ألغي سان فرانسيسكو لانها راح تعمل لفه غير طبيعيه ...؟ أو أضيف منطقه ثانيه غيرها لانه افضل ان اذهب لمنطقه واحدة على الاقل تكون جوها بارد شوي

انا بصراحه ما افضل اذهب بسياره من لوس انجلس إلى سان فرانسيسكو لانه الطريق طويل متعب 6-9 ساعات

مواضيع عشوائيه ممكن تكون تعجبك اخترناها لك:

• السلام عليكم بغيت اسئل عن ميامي
• امقابلة الشخصية بالسفارة الأمريكية
• فندق اورلاندو نجوم؟؟
• ارجو الرد من بنت الصقور
• مشكلة في الموقع
• عملت المقابله وعندي بعض الاستفسارات
• استفسار عن الفيزا للاخ
• ممكن استفساااااااار ؟؟؟
• حياكم شوفو تخطيطي وعطوني شوركم
• ابي مناطق ومطاعم حلوة في كالفورنيا عاجل
• استفسار يهمني جدا
• احتاج رقم السفارة في امريكا وكندا
• موجود معي بعد المقابله
• رحلتي الاولى لامريكا كاليفونيا صيف
• ياااااخوان ارجو المساعدة الرحلة بعد ثلاثة ايام
• عادي والا فيها مشكلة
• بقالة لبنانية في بوستن؟؟؟
• الخبراء ما ستغنى عن مشورتكم واشنطن ناشفيلبيتسبيرق
• استفسار بخصوص الجناط للرحلات الداخليه
• السفره قريبه بالتيمور

اخي الفاضل انت نفس رحلتي بالضبط بس انا البدايه نيويورك وبعدين بالسياره الي منطقه بفالو ثم طيران داخلي الي سانديقو

ليش بالطيران حرام عليك




المحطه الثالثة: تسليم السياره في مطار ساندييغو الذهاب بالطائره لاس فيغاس لمده 3 أيام
المحطه الرابعة: من مطار فيغاس إلى سان فرانسيسكو 5 أيام وحجز سياره
المحطه الخامسه : تسليم السياره في سان فرانسيسكو والذهاب إلى لوس انجلس شمالاً و



الرحله الممتازه نفس طريقتي
ساديقو ولاس فيغاس بالسياره و لوس اجلس بالجنوب والشمال وسان فرانسيكو بالسياره كلهم قريبه

يعطيك العافيه اخوي بوعبدالله انا الي فهمته منك لاتستخدم الطيران الداخلي ؟ لاني اول مره اذهب لأمريكا و هي أول مره اسوق فيها بالخارج


ذهبت لدول أخرى في السابق لكن كنت استخدم المواصلات العامه لانها سهله ونظيفه

ليش ما تخلي الروحه الى سان فرانسسكو و العوده من لوس انجلس

الرحلة تكون

سان فرانسسكو ... ما تحتاج سيارة ... اخر يوم طيران الى لاس فيغاس
لاس فيغاس ... ما تحتاج سيارة ... اخر يوم يفضل سيارة و الانتقال الى ساندييغو
ساندييغو ...
جنوب لوس انجلس ...
شمال لوس انجلس ... تسليم السيارة في المطار

تفضيل السيارة على الطيران بين لاس فيغاس و ساندييغو لان المسافة قصيرة 5 ساعات و لو تحسبها الطيران راح ياخذ منك اكثر من 5 ساعات بسبب لازم التواجد بالمطار قبلها ب3 ساعات عالاقل + وقت الرحلة + ساعتين او اكثر لاجراءات الخروج و استلام الشنط و استلام السيارة و عوار الراس

موقع لحجز السيارات
rentalcars.com

تفضل اخوي هذيلة الموقعين


http://www.rentalcars.com/



https://www.bookingcar.com/car-renta...ation.htm#xfd;



هذيلة مواقع يبحثون لك في كل شركات تأجير السيارات بالفترة الي تبيها وراح يعطونك أرخص الاسعار ان شاء الله
بعدين انتو 3 اشخاص ليش ماخذ تاهو ؟؟
اخذلك سيارة اصغر وراح تكون ارخص بوايد صدقني


بخصوص خط سيرك ، إذا كنت ناوي تحجز من الكويت إلى لوس انجلوس عندك طيران الاماراتية أو البريطانية يروحون دايركت
والاماراتية أحلى وأفخم من البريطانية

بس ليش ما تسوي مثل خط سير أبو عبدالله أو خط السير الي بسويه انا ان شاء الله
تطير من الكويت إلى نيويورك وتقعد جم يوم تشوفها بعدين طيران داخلي إلى لاس فيغاس
وبفيغاس تأجر السيارة وتروح فيها سان دييغو ( 4 ساعات ) تقعد فيها بعدين تروح جنوب لوس انجلوس ( 3 ساعات يمكن ) وتقعد فيها بعدين تروح شمال لوس انجلوس ( ساعتين ) وتقعد فيها وبالأخير تروح سان فرانسيسكو بحدود ( 6 ساعات )
وهناك تسلم السيارة وتاخذ طيران داخلي ترجع فيه إلى نيويورك ومنها إلى الكويت
جذي ارخص ومافي تعب ولويه مثل خط سيرك

تفضل هذا موقع يبحثلك بخطوط الطيران الداخلي بأمريكا ويعطيك ارخص وحده فيهم
http://www.orbitz.com/

ومبروك على الفيزا بعد طول انتظار 8 شهور !!!
وااااااااااو

سلام مرااحب

لتذكره : ذهاب و اياب لوس انجلس حتى تكون رخيصه..... جيد وانا عملت نفس الشي

المحطه الأولى :5 ايام جنوب لوس انجلس بالسياره..... لوس أنجليس مع سان ديجو تحتاج سيارة وبتقدر تلفها لف
المحطه الثانية : 5 ايام سان دييغو بالسياره..... واايد 5 ايام عليها خلها 3 او 4 وبعدها ضرب السياره خط لحد لاس فيجاس تقريبا يكون 5 ساعات لكن ممتع
المحطه الثالثة: تسليم السياره في مطار ساندييغو الذهاب بالطائره لاس فيغاس لمده 3 أيام..... خلها 4 ايام
المحطه الرابعة: من مطار فيغاس إلى سان فرانسيسكو 5 أيام وحجز سياره..... لا تعليق
المحطه الخامسه : تسليم السياره في سان فرانسيسكو والذهاب إلى لوس انجلس شمالاً و حجز سياره جديده لمده 7 ايام..... 5 ايام الاولي كافي أن كان لابد الغي سان فرانسيسكو و7 ايام الاخيرة ب لوس انجليس وحولهن الى فلوريدا أورلاندو 7 ايام و 3 ايام ميامي والرجوع من ميامي

wkjowkjo مشكوووور اخوي على الرد وانا اشوف بدايتك من سان فرانسيسكو معقوله عشان ما تلف وتدور وخطتك حلوه بس يمكن التذاكر بتطلغ غاليه لانه حاجز one way لسان فرانسيسكو من دولتك .. و الرجعه من لوس انجلس وكلامك صحيح اجرائات المطار يمكن تطول أكثر




أبو سعود Q8 يعطيك العافيه وبوسعود وانا دايما اشوف ردودك في مواضيع مختلفه واستفيد منها الله يكثر من امثالك..بالنسبه للتاهو انا قلت لاني متعود عليه ويمكن بعد ايي ويانا واحد رابع.. بس اذا ماراح ايي بشووفلي جيب اصغر بالمواقع الي حطيتها ماقصرت وخطتك اعجبتني منها نشوف نيويورك واتوقع تذاكر نيويورك روحه ورده أرخص من لوس انجلس الصيف الي طاف كانو ميتين وثمانين دينار
..مومعقوله أول سفره امريكا وماشوف تمثال الحريه ! .. والفيزا طولت بس الحمدالله الحين نقدر نخطط عدل


الرحال العماني ياهلا فيك الرحال العماني ونعم فيك وفي اهل عمان بس بالنسبه للأيام وتوزيعها هذي بس على السريع ما أكدت على الايام


لكن يا شباب هل بلشتو تحجزون من الحين ولا ننتظر شوي؟ لانه اشوف الاسعار نار(سياره -طياره-فنادق)

شوف اخوي انا حجزت توني على الخطوط الجوية السعودية من الكويت إلى واشنطن رايح راد لعدد 6 اشخاص2 كبار + 4 صغار بسعر خيالي = 820 ديناريعني تطلع قيمة الشخص الواحد بحدود 135 ديناربعد ماكو ارخص من جذي مستحيل !!

وحجزت طيران داخلي من واشنطن إلى لاس فيغاس لنا كلنا 6 أشخاص ( ماكو فرق بين صغير وكبير ) بسعر 136 دينار يعني تطلع قيمة الشخص الواحد 23 دينار !!!ماكو ارخص من هذي الاسعار مستحيل




انت فكر وبعدين قرر شلون تبي تروح هل دايركت إلى لوس انجاوس ولا نفس طريقتيوإذا احتجت مساعدة انشالله ماراح نقصر معاك






بخصوص السيارة ، ترى في سيارات تكون 7 راكب بس مو من فئة التاهو واليوكنانا حاجزها السنة الي طافتتقدر تشوف تقريري الي بالتوقيع وفيه السيارة ومعلومات عنهاوهذي تكون سعرها ارخص بوايد من التاهو تقريبا 40٪ اقل من التاهووحجمها كبير يعني تكفيكم وتكفي جناطكم وزيادة بعدشوفها منت خسران شي قبل ما تحجز التاهو

ماشاءالله سعر ممتاز بس ما ادري بوسعود انت ابخص مني اكيدانت بتقعد بواشنطن بعدين سياره نيويورك بعدين طياره لاس فيغاس بعدين سياره ساندييغو سياره لوس انجلس صح؟
ابوسعود للعلم حاولت ادخل على الرابط من توقيعك مادخل وماتقصر والله عسى الله يحفظك ويسعدك

سفرة موفقة ان شاء الله الموقع حق ألمو لما حسب لك السيارة انتبه اتوقع بدون تأمين ولما توصل لهم بيدبل عليك السعر يجب عليك تنتبه لهذا الشيء بالنسبة لي مثل ماذكروا الشباب حجزت عن طريق موقع وسيط
carhire300.com

السلام عليكم يعطيك العافيه اخوي بلايس علي التنبيه وبعد قراءه ارائكم غيرت بالخطه

بخلي خطتي ان شاءالله
نيويورك ذهاب وعوده
طيران داخلي فيغس
سياره من فيغس إلى ساندييغو
سياره من ساندييغو إلى جنوب لوس انجلس
سياره إلى شمال لوس انجلس
طياره إلى سان فرانسيسكو مع تسليم السياره في مطار لوس انجلس
طياره سان فرانسيسكو إلى نيويورك مبيت يوم واحد
العوده للوطن !




رايكم ياجماعه وهل راح يختلف كثير بالميزانيه إذا اضفت منطقه خصوصا انا توني شفت اسعار نيويورك الليلتين بميتين دينار تقريبا فما فوق للاربع نجوم

يعني مثلا هالفندق شكله حلو وبالسنتر بس سعره 215 حق ليلتين
crown plaza time square
واسعار التذاكر غاليه لحد الان الهولنديه 360 روحه ورده نيويورك

اخوي شوف عرض التركيه وقارن

عروض التركية 2014 & 2015 ... الكويت الى بوستن
Boston Flights from Kuwait: Airline tickets from 196KWD - RoundTrip | Turkish Airlines


عروض الطيران التركي يبدأ من صيف 2014 " الكويت الى بوستن " ب196 دينار
ميزة العرض ان التذكرة قابلة للتغيير و الاسترجاع ( مقابل رسوم )


شروط الطيران


1) شراء التذاكر قبل 1- 1- 2014
2) فترة الرحلة تبدأ من 12- 5- 2014 الــــــ" هني الصدمه " ــــى 31- 12- 2015


بالنسبة لسفرتك زيدها يومين حق بوستن " يوم للروحه ويوم للرده" ... يوم الروحه تحتاج ( حجز فندق + سيارة الى نيويورك و تسليمها بنيويورك ) ... يوم الرده تحتاج ( تذكرة العوده من سان فرانسسكو + فندق)

شوف اذا تفرق

ترى واايد 360 دينار !! خصوصا وانك بتحجز مبجر يعني تو الناس على السفره وجذي السعر !!
مثل ما قالك الاخ http://www.arabtravelersforum.com/user448149/ شوف التركية ب 200 دينار أحسن لك
اتوقع الكويتية مو 360 لي نيويورك تحصلها ارخص من جذي وبدون ترانزيت بعد


لا تستعجل بحجز التذاكر الدولية لأن السعر الي محصله مو رخيص وسفرتك تو الناس عليها


أما بالنسبة لأسعار الفنادق ، فنيويورك وسان فرانسيسكو هذيله فنادقهم غالية
خصوصا إذا تبيه يكون بالتايم سكوير


أما باجي المدن ان شاء الله راح تحصل فنادق ارخص من جذي بوايد وأفضل منهم بعد

السلام عليكم اسمحولي اكتب هالمشاركه عشان اقدر اضيف مواقع في مشاركتي الي وراها عدد المشاركات لايسمح بوضع رابط

بالنسبه للطيران بصراحه ما ادري انا هالميتين قاط فوقهم اكيد 50 دينار او 100 عشان اسكن
فا انطر شوي على نيويورك اكيد راح ترخص انا شايفها الصيف الي طاف واصله 260 او 280
(كنت مخطط اسافر امريكا الصيف الي طاف بس الفيزا خذت 8 اشهر عشان تطلع ههههههه )
والحين سعرها غالي فا راح انطر على الحجز ان شاءالله محصلها محصلها
قلت اشوف اخذلي فره على الفنادق الحين


وتوني توكلت على الله وقلت احجز في كراون بلازا تايم سكوير قبل لا يطير لانه بيخلص وحصلته بـ215 ثلاث أيام (ليلتين) والحلو بالحجز ما ادفع اي عربون واقدر اغير التواريخ بدون ما ادفع فلس
رحت قلت اشوف فيغاس وبصراحه الصيف الي طاف عيني كان على
the-venetian
حصلته 233 دينار اربع أيام ( ثلاث ليالي) .. ادري الايام زايد يوم بس عشان نطالع العروض ان شاءالله
متردد احجز الحين فيغاس بعد ولا انطر خصوصا انه حجزه عليه عربون مو مثل كراون بلازا
100 دولار عربون فقط .. بس افكر بيني وبين نفسي عشان اضمنه لانه الصيف الي طاف كان خالص

بالنسبه للطيران الداخلي ماحصلت ارخص من 60 على اميركن ايرلاينزما ادري الموقع الي استخدمه سيئ ولا الاسعار غلت بسرعه ولا انا مستعجل هههه

من نيويورك إلى فيغاس في تاريخ 31 -7
wwww.skyscanner.com

توني شفت طيران داخلي من لوس انجلس إلى سان فرانسيسكو ب 23 دينار ! على الدلتا

سعر حلو بس متردد بشوف لي باجر على هالطيران الداخلي
وفندق فيغاس

بقولك شي عن فنادق فيغاس
ترى اسعارهم بالويك اند أغلى بوايد من اسعارهم بالأيام العادية
دش بوكنق وتأكد بنفسك
عشان جذي إذا مو مهم عندك تروح فيغاس بالويك اند حاول تروح لها يوم الأحد وتطلع منها الخميس
راح تحصل السعر ارخص بوايد

اخوي جرب موقع kayak لحجز الطيران

موقع hotelcombined لحجز الفنادق .. بس تاكد اذا مسترجع الحجز او لا

فنادق فيغاس بالويك اند اغلى من ايام الاسبوع " احجز بين الاثنين و الجمعه "

يعطيك العافيه بوسعود وعسى الله ان شاءالله يسهل عليك سفرتك وتستمع اكثر استمتاع مثل ماسهلت علي سفرتيوالله سمعت كلامك وطلعت فعلا اقل من 233 إلى 190 في فيغاس
وحتى نيويورك ! قلت اقدمها يومين وفعلا من 215 إلى 209 حلوين ههههه
wkjo يعطيك الف عافيه وعساها اتكون ان شاءالله هالسنه سفرتك ميسره اخر تيسير مثل ما يسرت علي امور كثيره ماتقصر بالنسبه لموقع كاياك مضمون احجز عليه الحين؟ اخاف احجز طيران داخلي على الدلتا يقولي بعدها بفتره كنسلنا سير الرحله معنى سعرها يغري (23دينار من لوس انجلس إلى سان فرانسيسكو على الدلتا) شلون طيرانهم؟
و25 على امريكان ايرلاينز

الحمدالله حجزت سياره وخلصت طلعت 13 دينار وجيب شيروكي مو تاهو خذيت بكلام اخوي ابوسعود لانه صج كبير على الطل واغلى
اخذها من فيغاس و اسلمها في مطار لوس انجلس LAX
واطير سان فرانسيسكو اشوفها وماله داعي سياره ... ارد نيويورك ليلتين وانا راد الكويت

الله يعافيك و ما سوينا شي

موقعkayak مضمون و دايما احجز منه

معلومه عن الطيران الداخلي " معظمهم يحاسب على الجنطة اول قطعه 25 و الثانيه 35 دولار و الثالثه اكثر " جيك الموقع على الاسعار http://www.kayak.com/airline-fees


جرب طيران southwest ... ميزته اول جنطتين بلاش الثالثة يحاسبك عليها ... بس تاكد ان دايركت مو ترانزيت ... لازم تحجز من موقعهم مو موجود في kayak
طيران jetblue ... اول قطعه بلاش الثانيه 40 دولار ... موجود في kayak

بالنسبة للسيارة اذا حاجز من موقع rentalcars.com اذا رحت تستلم السيارة لا يضحك عليك موظف التاجير و يقولك حط التامين الفلاني او الفلنتاني قوله انا عندي تامين شامل من شركتي يغطي كل شي

الموقع يعطيك التامين على
Unlimited Kilometres for ALL car groups , Insurance ( - Collision Damage Waiver - Theft Protection - 3rd Party Liability - Supplementary Liability Insurance - Uninsured Motorist Protection ) , Local Taxes , Airport Surcharge , Premium location fee , Homeland Security Fee

لا تنسى الليسن الدولي

اي انا حاجز عن طريق رينتال كار ومشكووور على التنبيه هذا راح احطه في باليوبالنسبه للطيران الداخلي اذا صارت اغراضي وايد اتصل على شركه شحن اييون (يجوون) يستلمون الاغراض
واروح مطار لوس انجلس اقط السياره و اطير سان فرانسيسكو طيران داخلي فاضي مامعاي شي
على ما اوصل الكويت إلا اغراضي سابقتني

والحمدالله الحين خلصت اغلب حجوزاتي


السياره : جيب شوروكي كلفني 13 دينار باليوم


الفنادق
نيويورك - كراون بلازا تايم سكوير
فيغاس : The venetian
سان دييغو :في لاهويا La Jolla Cove Suites فندق امدحولي اياه وموقعه استراتيجي سان فرانسيسكو : ويستن سان فرانسيسكو يونيون سكوير


بااقي جنوب و لوس انجلس و شمال لوس انجلس
احتمال اسكن في إيرفاين للجنوب
والشمال ويست وود


طبعا موقع كاياك و سكاي سكنر قاعدين يرسلون لي يوميا سعر تذاكر الطيران الدوليه لنيويورك و ان شاءالله اتوقع على شهر واحد او اثنين الاسعار تنزل

الجنوب اسكن انهايم " منطقة منظمه و فيها حيات بالليل من مطاعم و تمشي " عكس ارفاين منطقة ميته

يا بعد راسي يا http://www.arabtravelersforum.com/user448149/ ماتقصر والله متجاوب معاي بس انا سمعت انه ايرفاين فيها مولات اكثر للتسوق
بس كلامك بعد سليم اصير قريب من دزني لاند وفي اكيد مولات هناك

ارفاين فيها سبكتروم مول مو بعيد عن انهايم 15 دقيقه ... و السكن حول المول هذا اقربهم و افضلهم Doubletree Hotel Irvine Spectrum

عندك مجمع في انهايم اسمه http://www.anaheimgardenwalk.com

تسلم يا بعد راسياليوم قاعد اشوف تذاكر طيران نيويورك حيل غاليه


اتمنى انها تنزل اسعار تذاكر الطيران الدولي انا حجوزات الفنادق تبدأ من 1 اغسطس إلى 23 اغسطس
والاسعار لحد الان نار..400 دينار كويتي ورحله مدتها 20 ساعه وفوق

اذا تبي احجز التركية الى بوستن و اقعد فيها يوم وعقبها بسيارة الى نيويورك " 4 ساعات " ... و عقبها تبتدي رحلتك

و خط الرجعه يكون لي بوستن

بوسطن ماشاءالله حيل رخيصه تذكرتها الحين بس المشكله بتصير السفره متعبهبنتظر اتمنى تنزل سعر نيويورك ذهاب و إياب


في أحد عنده علم اذا بتنزل على شهر واحد او اثنين يمكن الاسعار؟

القطرية أمس مسوين عرض خصومات لمدة 3 أيام
جرب شوف أسعارهم


بعدين إذا كانت التركية توفر عليك مبلغ محترم ليش ما تتعب شوي ؟
كلها 4 ساعات على كلام الأخ Wkjo وانت بنيويورك

كلامك بوسعود سليم بس هالسفره معانا الوالده فا ما ازيد بالتنقلات يمكن تتعب لانه بالاساس فيها تنقلات خطتي اصلا


وتسلممممممم على خبر عروض القطريه بروح اشوف سعرها الحين

بدام معاك الوالده الله يخليها لكم عيل تستاهل انها ترتاح
إن شاء الله تحصلك طيران مناسب وسعره رخيص
انت بين فترة والثانية ابحث بمواقع الخطوط
عندك الاتحاد والقطرية والاماراتية هذيله فخمين ومرحين من ناحية الترفيه والأكل والقعده والفخامة ، بس يعيبهم وجود الترانزيت !
عندك الكويتية دايركت إلى نيويورك بس يعيبها السعر العالي على الفاضي !! لا مقاعد مريحه ولا ترفيه ولاهم يحزنون
عندك أيضا طيران اليونايتد الأمريكي يطير مباشره
والبريطانية ترانزيت في لندن هيثرو بس خط سيرهم جميل ومريح وما تطول
ومثل ما قلتلك لا تحجز إلا لما تحصل تذاكر بسعر معقول لأن عندك وقت طويل وكافي تقدر تبحث فيه على راحتك
السعر المعقول من الكويت إلى نيويورك من 250 إلى 300 دينار للشخص الواحد
بس انت حاول وان شاء الله تحصل اسعار أقل من 250 دينار
بالتوفيج

طيران الاتحاد ابعد عنه كراسيهم لز ببعض " ماكو فجه بينك وبين اللي جدامك واللي وراك ركبة بظهرك" ... كانت لي شيكاغو ... ممكن في طيرات عندهم افضل ؟؟؟ بس من تجربتي game over