الموضوع: استفسارات بسيطة ومبتدئة عن اندونيسيا

السلام عليكم

نحن 5 شباب رحلتنا الى اندونيسيا بعد 15 يوم
وهذي اول رحله لنا
وعندي كم استفسار بسيط :

الاول/ بالنسبة للعملة ، احولها من السعودية الى الروبية ام من اندونيسيا ؟

الثاني/ بالنسبة لجدول الرحله ، ماهي افضل الجزر وكيف انسق رحلتي علما ان صافي الايام هناك 10 ايام ؟

الثالث/ السكن كيف طريقته وكيف احجز ؟

الرابع/ المواصلات ؟

الخامس/ الطيران الداخلي وطريقة حجزه؟


تكفون تكفون ساعدوني ، ترا اول سفره لنا واخاف ينضحك علينا

شكرا لكم من الموبايل

مواضيع عشوائيه ممكن تكون تعجبك اخترناها لك:

• شباب ابي فزعتكم في جاكرتا
• سؤال لأهل الخبره والتجربه
• السفر الى بلاد العمة اندونيســــــــــــــيا؟
• ساعدوني
• كيف سيكون الجو في الاشهر و و
• مساعدتكم بليز انا في باندونق
• استفسار بخصوص الشاشات في الطائرات الخاصة ل الخطوط السعوديه
• استفسار بخصووص الجبل ارجو الافاده
• مسافر جديد إلى جزيرة بالي و أريد مساعدتكم
• استفسار مهم لاهل الخبره
• نصائحكم طالع شهر العسل الاسبوع الجاي
• أرغب في السفر الى باندونق ارجوا مساعدتي
• شقه فى جاكرتا
• ناوي اسافر ومعاندي خبرة
• كم يكلف 12 يوم عسل في اندونيسيا
• أهل الخبرة ما الأفضل في الحجز كاها أم موقع بوكينج
• وش رايكم بفندق ميرلان بارك في جاكرتا
• مكاتب الشحن الموثوقة في أندونيسيا
• ودي أسافر لبلاد العمة
• التقارير التى قام بطرحها الأعضاء الكرام لعامي 2011 و 2012 ( تحديث مستمر )

للرررررررفع من الموبايل

الاول/ بالنسبة للعملة ، احولها من السعودية الى الروبية ام من اندونيسيا ؟

الأفضل من هناك ومن مصرف خارج المطار , من السعودية اصرفوا 500 ريال بالدولار فقط من أجل التأشيرات عند الدخول .

الثاني/ بالنسبة لجدول الرحله ، ماهي افضل الجزر وكيف انسق رحلتي علما ان صافي الايام هناك 10 ايام ؟

شباب أقترح عليكم 5 أيام في بونشاك , 3 باندونق آخر يومين في جاكرتا أنشول وتسوق .

الثالث/ السكن كيف طريقته وكيف احجز ؟
البوكينج , ولكن لا أنصحك به كون الفرق بين 10 - 20 ريال سعودي ولكثرة مشاكل البوكينج مؤخرًا . أنا شخصيا أدور أول ما أصل .

الرابع/ المواصلات ؟
بونشاك 500 ألف روبية وكذلك جاكرتا
باندونق 400 - 500 ألف روبية
بالي إن قررتم الذهاب 350 - 400 ألف روبية

الخامس/ الطيران الداخلي وطريقة حجزه؟
الطيران المناسب ليون أير أو آسيا أير ولا تحتاجونه إلا إذا سافرتم إلى بالي أو أي جزيرة لكن من وجهة نظري أنها لا تناسب وباندونق لا تحتاج لطيران مباشرة من جاكرتا ساعتين وقد تقل أو تكثر حسب الزحمة .


تكفون تكفون ساعدوني ، ترا اول سفره لنا واخاف ينضحك علينا

شكرا لكم
العفو

الاول/ بالنسبة للعملة ، احولها من السعودية الى الروبية ام من اندونيسيا ؟
افضل من السعودية حول فلوسك كلها دولارات والف ريال روبية

الثاني/ بالنسبة لجدول الرحله ، ماهي افضل الجزر وكيف انسق رحلتي علما ان صافي الايام هناك 10 ايام ؟

مدام انكم شباب 4 ايام في الجبل بونشاك و6 أيام بالي

الثالث/ السكن كيف طريقته وكيف احجز ؟

أحجز عن طريق بوكنق

الرابع/ المواصلات ؟
http://www.arabtravelersforum.com/travel389407/


الخامس/ الطيران الداخلي وطريقة حجزه؟

الطيران الداخلي افضل شئ اير اسيا احجز

http://www.airasia.com/sa/ar/home.page

يعطيكم العافية ومازلت ابحث اراء اخرى من الموبايل

بسم الله الرحمن الرحيم

الاول/ بالنسبة للعملة ، احولها من السعودية الى الروبية ام من اندونيسيا ؟
العمله مثل ماقالك اخوي سليمان ال خالد حول دولارات للفيز وانتم خمسه والفيزه على الواحد 25 دولار يعني 125 دولار والروبيه حول جزء بسيط للسكن اول يوم والايام الثانيه تحول من عندهم افضل هذا على حسب كلام الخبراء اللي بالمنتدى لان سعر العمله غير ثابت يوم يرتفع ويوم ينقص فالافضل من هناك
الثاني/ بالنسبة لجدول الرحله ، ماهي افضل الجزر وكيف انسق رحلتي علما ان صافي الايام هناك 10 ايام ؟
اول شي ماقلت لنا الرحله كلها 10 ايام مع الطيران , اذا كانت مع الطيران نقص يومين يوم رايح ويوم جاي هذولن منت مستفيد منهن يعني الوقت الفعلي 8 ايام وانا عن نفسي على حسب وقت الرحله اذا كان الوصول بالنهار بدري الصبح او الظهر الى الساعه 3 اطلع علطول لبونشاك(الجبل) واذا كان بالليل اريح بجاكرتا ومن بكرا اطلع لبونشاك اجلس ببونشاك 5 الى 6 ايام ويومين بباندوق وارجع اخر يومين لجاكرتا هذي اذا كانت مدة السفره 10 اذا اقل اقعد ببونشاك, هذا طبعا من وجهة نظري لان المده مهي طويله ومايمديني اطلع اذا كان طيران داخلي يبي يضيع علي يوم او نص يوم على الاقل غير التعب
الثالث/ السكن كيف طريقته وكيف احجز ؟
اذا كنت تبي بجاكرتا فيه فنادق حلوه اذا كنت تبي تحجز عن طريق البوكينق او من عند مكتب بالمطار وافضلهن مكتب كاها على راي الشباب ومنزلين الاسعار هنا بالمنتدى يزيد او ينقص شوي الشباب هنا بالمنتدى الله يعطيهم العافيه , اما بالنسبه للجبل فانصحكم بفله والحجز من عندهم واذا تبي تعرف الفلل الشباب منزلين هنا كم فله وتشوف اذا جاز لك منهن شي كويس ماجازلك تروح هناك وتختار على عينك
الرابع/ المواصلات ؟
اذا كان جاكرتا بالتكاسي لانهم ماتسوى تاخذ سواق , اما الجبل فايلزمك سواق والسواق سعره من 400الف روبيه الى 500 الف روبيه, (100 الف روبيه تسوى 40 ريال تقريبا )
الخامس/ الطيران الداخلي وطريقة حجزه؟
الطيران الداخلي مانصحك لان مثل ماقلت لك بيروح يوم او نص يوم والمده مهي طويله فامتسوى عليك

تكفون تكفون ساعدوني ، ترا اول سفره لنا واخاف ينضحك علينا

شكرا لكم العفوا ملاحظه: انا ماعمري سافرت لاندونيسيا لكن المعلومات اللي عندي من المنتدى واكيد لانستغني عن آراء الشباب خصوصا اللي لهم خبره , بس حبيت افيدك باللي اعرف وبالتوفيق

راجع الربط وبالتوفيق
http://www.arabtravelersforum.com/travel894672/