الموضوع: ابي اسافر ولاية فلوريدا لقضاء شهر العسل

السلام عليكم
1- نعم تامبا تستاهل الزيارة فيها مدن الالعاب مختلفة شوي عن اورلاندو لاكن دام شهر عسل و15 خفف من التنقلات
2- مناسبة بنظري للعوائل التسوق والعالم المهمة في تقريري مصورة بالفيديو لاكن تجنب النزول للشاطئ نهارا
3-افضل موقع للسكن هو الساوث بيتش ومثل ماقلت سابقا تجنب النزول نهارا وفي الليل فيه ممشي علي طول الشاطئ يرد الروح خذ سيكل وخلك رايح جاي

ونحن مستعدين للاجابة عن أي استفسار
تقبل تحياتي

15 يوم كثيرة على ولاية وحدة إلا اذا تبي تاخذ راحتك وما تتنقل كثير


1) هل تامبا تستاهل من يزورها ؟
اي نعم تستحق بس أنصحك تسكن في أورلاندو وتروح تامبا الصبح وترجع المسا
يمكن أهم زار سياحي فيها بوش قاردنز اللي تعتبر افضل مستوى من بعد ديزني

2) هل ميامي مناسبة للعوائل ؟
لا، ما تصلح للعوائل المحافظة إلا اللي يروحها وعنده أنشطة معينة محدودة

3) في أي منطقة أسكن في ميامي وأورلاندو ؟
ميامي أنا رحتها قبل شهرين وما أفكر في يوم من الأيام أودي الأهل هناك إلا اذا كان عندي وقت فايض ومن باب التجربة فقط، سكنت ليلة وحدة مريت فيها الأماكن المهمة مثل شارع لينكون واسبانيول رود وميامي بيتش ساوث

أنصحك تسكن في أولاندو في منطقة انترناشيونال درايف يكون نقطة التحرك لك..
قريب من الشارع اللي فيه مطاعم ومحلات ومجمع الأوتليت الكبير المشهور واللي بتحتاج تقضي فيه أيام تسوق.
أنصحك كذلك انك تسكن في ديزني.

بشكل عام.. 15 يوم في ولاية فلوريدا ما أنصح بها ممكن... تكفيها 7 ايام إلى 10 أيام بحد أقصى


والله يوفقك

ليش ما تضيف الكروز و يصير تقسيم الايام 7 اورلاندو 3 ميامي 5 ايام كروز