الموضوع: لأهل الخبره اتمنى افادتي

السلام عليكم ورحمة الله وبركاته اخوم بالله يوم 21 مارس زواجه وناوي على شهر العسل
الخيار الأول اندونيسيا
الخيار الثاني الأمارات
ومحتاس لأن مثل ما انتو عارفين الزواج مهما حطيت له ميزانيه لازم تتجاوزها
وميزانيتي تقريبا حدود 13 الف ريال
ابغى الي له خبره يفيدني
هل تكفي الميزانيه لأسبوعين او 10 ايام في اندونيسيا خصوصا ان التذاكر مولعه
وكم المتوقع اني راح اصرف باليوم اذا افترضنا حساب السكن مع السائق والأكل والترفيه ولا تنسون ترشحون لي فنادق تكون قريبه من الأسواق او منطقة انشول بجاكرتا
وفنادق بباندونق والجبل


او تنصحوني اتجه للأمارات او اي بلد ثاني يناسب الميزانيه
علما ان الميزانيه راح تكون شامله التذاكر والفنادق وسلامتكم

مواضيع عشوائيه ممكن تكون تعجبك اخترناها لك:

• ابي احجز تذاكر طيران من جاكرتا الى بالى من وين احجز
• مساعدة الاخوان الكرام عاجلآ
• كيف الحصول على فيزا اكثر من شهر؟
• أحتاج مساعدتكم في ترتيب السفرة لإندونيسيا شهر عسل
• اسواق جاكرتا مسافر بكره
• اتمنى الافادة من خبراء اندونيسيا
• وبدأ الحلم يتحقق اشخاص مروا من هنا
• مجموعة استفسا رات
• مسافر الاثنين القادم باذن الله ياريت تساعدوني
• أفيدوني عن أسعار ألأسواق بجاكرتا
• وين اروح في اندونيسيا جاكرتا وبالي فقط
• سؤال عن الفنادق
• بخصوص التكاسي في جاكرتا
• احد جرب طيران ليون
• استفساراتي ابوفصولي
• فلوسنا وين نحفظها ؟؟
• الفيزا على وشك الانتهاء
• اول مره اسافرر اندونيسيا
• تحويل عملة في باندوق
• تكفون يا خبراء بالي فزعتكم

هلا وغلا فيك اخوي برهوم وحياك في منتدى المسافرون العرب
الصراحة كل البلدين تستاهل الزيارة بس مثل ما قلت الميزانية ضروري تنسق لها صح عشان ما يصير معك شيء
خصوصا انك بتروح شهر عسل يعني اكيد تبي تكون الرحلة اسم على مسمى شهر عسل واسترخاء وتوسع الصدر
اول شيء اندونيسيا متى حاب تكون رحلتك ومخطط لها بعد شهر او شهرين اذا صار كذا ان شاءالله بتحصل سعر تذكره معقول
بس يببيلك تتابع مواقع الخطوط بشكل مستمر ويومي عشان تتصيد لسعر حلو وتحجز التذاكر عشان يخف عليك بعض الحمل والتفكير
وبعدها تجي وتفكر في تنسيق الرحلة ويبيلك تزود الميزانية عشان تحصل سكن حلو ورائع والتنسيق راح يكون اول نقطة :
1- السائق
2-وبعدهاالاماكن اللي بتزورها
3- والسكن فندق او فيلا
4- صرف العمله من الريال الى روبيه عملة اندونيسيا
يعني شف امورك وحدد المدة بالتمام وزود الميزانية شوي عشان تعيش ايام العسل بكل معاييرها
وان شاءالله راح تحصل الإفادة الشافية والكافية بعد ان تبين الامور وتوضحها صح
وماراح احد يقصر معك

وبالتوفيق لك

اولا بالتوفيق والرفاه والبنين

ركز باجابه استاذنا البرنس اخوي
13 الف شامله فنادق وتذاكر سفر دولي وكل شيء ؟؟





علما ان الميزانيه راح تكون شامله التذاكر والفنادق وسلامتكم



هل تقصد تذاكر السفر الداخلي فقط ولا تقصد ان المبلغ شامل تذاكر سفر دولي؟

والامارات خش على هذا الرابط الخاص بدولة الامارات وتابع التقارير
وراح تحصل الاجابات لاستفساراتك باذن الله
http://www.arabtravelersforum.com/travelarab11/

وانت بعد ما تشوف التقارير والاستفسارات حط اسالتك عن الامارات
وسو لك جدول واسال هل مناسب او لا

حتى اندونيسيا تابع التقارير ايضا وراح تحصل جداول للبعض شهر عسل
مبين فيها كم التكلفه وكم المدة وكم الطيران وقارن بين اللي يناسبك وان شاءالله ماراح يقصرون معك

السلام عليكم ورحمة الله وبركاته وأسعد الله ايامكم

بإذن الله رحلتي مع العائلة ( زوجتي وطفلين 6 و 10 سنوات ) مدة الإجازة 12 يوم مع رحلة الذهاب والعودة يعني الإقامة الفعلية 10 ايام ، وجدولي كالتالي :
الإقلاع من مطار الملك عبدالعزيز بجدة الأربعاء 19/مارس طبعاً الوصول ثاني يوم إلى جاكرتا 20/ مارس الخميس 11 صباحاً ، قررنا الذهاب إلى الجبل ( بونشاك ) مباشرة ( بس للحين ولهذه اللحظة لم أحجز فيلا أو أجد شخصاً يقوم بعمل هذه الخدمة لي ولكن البحث جارٍ ) وإن شاء الله سوف نقضي 5 أيام في الجبل من 20 إلى 25 من الخميس إلى الثلاثاء .
ثم النزول إلى جاكرتا وقضاء باقي الأيام فيها ومدتها 6 أيام مع يوم العودة للوطن يعني فعلياً 5 أيام وش رأيكم في فندق Pullman jakarta central park خمسة نجوم سويت بوكينق فيه وقابل للتغيير وإلغاء الحجز إذا وجدت أفضل منه من ناحية الأمان والهدوء والقرب من المولات والمطاعم ( نصيحتكم وأرائكم ) .
أما بخصوص أماكن الزيارات الترفيهية وأماكن السياحة سواء في الجبل أو في جاكرتا أريد بعض المعلومات وأسماء الأماكن الممكن الذهاب إليها ليستمتع بها الأولاد .
وأخيراً دعواتكم لي بالتوفيق ومن عنده مقترحات لبرنامجي السياحي يطرحه ليستفيد منه الجميع وأنا خصوصاً .
دمتم بكل تقدير واحترام ،،،،

طبعا خيارات الاماكن اللتي تزورها ويزورها عشاق العمه كثيره
اولا مثل ما قلت في الجبل بونشاك
عندك سفاري
وعند بحيرة الليدو وحديقة الزهور وحديقة الفراوله
وفيه ايضا الشلالات ممتعها
شلالات شلمبر السبعة الاغلب يوصل الشلال الرابع والخامس ويرجع لان الصعود للأخير صعب وارتفاعه عمودي مو تدريجي
وفيه عندك ايضا حديقة شيبوداس او شلال شيبوداس والجلوس عند البحيره في منتصف الحديقة امام النافوره في وسط البحيره
وفيه ايضا اماكن كثيره
وجاكرتا عندك شاطئ انشول
تابع موضوع مشرفنا al-mosbah
جداول وبرامج سياحية منوعة
http://www.arabtravelersforum.com/travel462070/
وبالتوفيق لكم في رحلتكم
واتمنى اكون افدتكم ولو بالشيء القليل
دمت بود محبكم / البرنس المسافر

انا لو بكيفي الميزانيه مليون اهم شي سعة الصدر والأستجمام بس انا حاط حسااب بعد ما ارجع يكون معي فلوس تمشيني لنهاية الشهر ما اتسلف القصد التذاكر الدوليه لأن ماني ناوي ع جزيرة بالي
ومن ناحية الخطوط شيكت عليها لقيت ارخص شي طيران الأتحاد 4150 دايركت بدون ترانزيت
وميزانيتي كحد اعلى 12 الف ما ادري تكفي لـ 14 يوم ولا اقلصها لـ 10 ايام ؟؟
ودبي قد رحت لها وقريبه يعني يمدي نروح لها بأي وقت من السنه ماتفرق وخصوصا ان عملتهم نفس عملتنا بأختلاف بعض الهللات

مشكور أخي البرنس المسافر على المعلومات المفيده الله يجزاك خير عندي استفسار بسيط ودي بتفصيل مبسط عن عملتهم الروبية يعني 100 ريال كم تساوي روبيه و100 دولار كم تساوي فضلاً وتكرماً منك لأني رحلتي يوم 19 مارس
دمت بكل تقدير واحترام

اخوي برهوم
اول شي مبروك
وثاني شي نصيحه مني لك لا تسوي غلطتي رحت وانا مضايق نفسي مادياً بعد الزواج صح اني تمتعت مع زوجتي بس كلها كانت بالجبل لانه اقل تكلفه من جاكرتا وغيرها بنظري
جلست انا هناك حوالي 18 يوم كلفتني مع التذاكر 16 الف ريال وبعدها حسيت ان المدام ماخذت راحتها رجعت الوطن وشهرين واروح دبي اسبوع ب20 الف
بعدها قلت ليتني رجعت اندونيسيا افضل
بس اكرر عليك ماخذينا راحتنا بكل شي
مثلا تسوق او طلعات كثيره
ولكن نصيحة اخ لأخوه خليها اسبوع او 10 ايام بدون تذاكر بتكفيك 12 الف ان شاء الله
ولا تتعدا الجبل وجاكرتا اخر يومين او ثلاثه ايام
هذا بنظري واهل الخبره مشرفين المنتدى اخبر منا
حبيت اوضح لك علشان ماتغلط غلطتي بسفرتك
اتمنا لك التوفيق والسداد بما تختاره والف مليون مبروك لك
اخونا نواف انا رحتي بنفس وقتك بسكن نفس الفندق ان شاء الله والكثير يمدحه والحمد لله
اسف على الايطاله انما حبيت اشارك بالرآي والقرار لكم