الموضوع: سفره العمر اتمنى اتوفق فيها بمساعدتكم

السلام عليكم

طبعا انا سجلت من جديد بس عشان اسالكم و تساعدوني مع العلم اني من قبل متابعه جيده لكم جداا


سفرة العمر بالنسبه لي ولزوجي اتمنى ان تساعدوني بما ان زوجي مكلفني بكل تفاصيل السفرة علي مابي تفشلووني ابي اكون كل شي مخطط ومدروس


انشالله بتكون السفره بدايه شهر واحد شهر أبريل عالسنه الجديده انشالله

أولا: كنت مفكره بنيويورك ولوس انجلوس و لاس فيغاس .. بس رددني الجو بنيويورك يكون ثلووج وبرد وخصوصا معاي طفل بعمر السنتين .. فغرت الوجهه

ثانيا : فكرت اني ابعد عن نيويورك لان بعيده عن لوس انجلوس ومعاي اطفال ببعد عن الطيران الداخلي المتعب

قررت ( لوس انجلوس - لاس فيغاس - سان ديغو - سان فرانسسكو )
هذا المخطط الا الأن لاكن اذا في تعديلات منكم اتمنى تشورون علي

طبعا من الكويت فكرت اروح لي لوس انجلوس يكون الوصول والمغادرة من لوس انجلوس ...

لاكن وصلت لوس انجلوس ابيت فيها او أخذ سياره على طول لمكان ثاني مثلا سان ديغو الي عرفته تبعد ساعتين ونص مادري صحيح او لا ..
وودي المحطه الاخيره لوس انجلوس عشان قبل السفر نرتاح و تكون المغادرة منها



مدة السفرة : 22 يوم قابله للزياده او النقصان شورو علي و طول ما اطفالي معي ممكن اطول ما احاتيهم السبب اني اخذ الاطفال مستحيل سفره اكثر من عشر ايام اترك اطفالي ...

الي فكرته سان ديغو اربع اياام و سان فرانسسكو ايضا اربع ايام و لاس فيغاس ايضا اربع ايام و لوس انجلوس عشر ايام

السؤال الأن .. كل منطقه لمنطقه تبعد كم بالسياره ؟؟
كيف تكون خطه السير ابدأ من اين وانتهي من اين ؟؟
كافي لكل منطقه الايام الي اخترتها او لأ ؟؟
وكيف يكون الجو بهالفترة شهر أبريل ألى اول فبراير ؟؟

وشكرا أسفه عالأطاله

مواضيع عشوائيه ممكن تكون تعجبك اخترناها لك:

• سؤال مهم ضروووووري
• استفسار
• موضوع مهم ارجوا رفعه للاهمية
• طلب من الاخوان الي عندهم خبره بامريكا
• هل هذا هو النموذج لطلب موعد من السفارة ؟وماذا يقصدون بتصريح عنوان البريد الإلكتروني ؟
• كم تحمل نقوداً معك في السفر
• كيف احصل على فيزا الى كندامن امريكا
• أخيرا أنا في لوس انجلوساي سؤال حاضرين؟
• وصلنا امس نيويورك الحمد لله
• تهنئة للأمة الأسلامية ولكل الأخوة والأخوات الأفاضل أعضاء المنتدى بمناسبة عيد الفطر
• شباب كم سعر التذكره لاى سان انتونيوا
• معلومة مهمة في الابلكيشن
• الاطفال دون سنه
• ابي احجز ولا ادري
• خبرا نيويورك ابي فزعتكم افزعوا لي الله يخليكم
• سلمت الاورااااااااق وماذا بعد
• نموذج دخول المطار؟
• الى الاخ امباكت الرجاء افادتي
• مساء اليوم على العربية السفير الأمريكيقنصليتا جدة والظهران ستصدران تأشيرات للسعوديين
• شهر فبراير

طبعا لقيت حل أفضل بالنسبه للطيران ..

من الكويت على طيران البرتش (ترانزيت لندن فقط)ثم الى سان فرانسسكو اربع ايام من ثم بالسيارة الى لاس فيغاس أربع ايام من ثم الى لوس انجلوس عشر ايام يتخللها زياره يوم لسان ديغو يكفي او يفضل انام فيها بس احس تعب ... من بعدها من لوس انجلووس الى كويت على البرتش (ترانزيت لندن فقط)

تعبت جدا في للتخطيط اتمنى تفيدوني ارسي على بر و في سؤال

في كذا استلم السياره في سان فرانسسكو و ارجعها في مطار لوس انجلوس ينفع او ما يصير وشكرا ...

السلام عليكم
اختي الفاضلة
قلتي سفرتكم راح تكون في ابريل الي هو شهر 4 ميلادي وليس شهر 2 ومعكم اطفال
السفر من سان فرانسيسكو الي لاس فيغاس 900 كيلو متعبة وكلا المدينتين لايحتاج لها سيارة وفروا مبلغ السيارة سان فرانسيسكو الباص السياحي يكفي
وروحوا طيارة من سان الي لاس واذاقطعتوا التذاكر بدري تكون رخيصه وهاذي اسعار التذاكر في ابريل تقريبا تزيد شي بسيط وتزيد مثل
http://www.kayak.com/flights#/SFO-LAS/2014-04-02
في اليوم الاخير استاجروا سيارة من لاس فيغاس الي لوس انجلوس صح التسليم في مكان اخر يزيد من السعر شوي بس مايكون عي حساب الراحة والزيادة هاذي هي نفسها لو اخذتوا سيارة من سان فرانسيسكو وفوقها تكلفة المواقف في سان فرانسيسكو ولاس فيغاس
نكمل خذوا سيارة عند المغادرة من لاس فيغاس المشوار 430 كيلو او تبون طيارة وتستأجرون من مطار لوس انجلوس افضل اسعار التذاكر للشخص اذا اخذت بدري لاتتجاوز 85 دولار كما هو موضح في الرابط http://www.kayak.com/flights#/LAS-LAX/2014-04-02
ويوم علي سان دييغو قليل مدينة جميلة خليها 3 ايام
وخذي قاعدة اخذ سيارة من مكان وتسليمها مكان اخر يصير ليه مايصير لاكن يزيد من السعر
تحياتي

انا العادة أروح علي البريطانية
كويت / لندن / سان فرانسيسكو
والعودة سان دييغو / لندن/ كويت
بالروحة تقعي ليلتين بلندن وبالردة بس ترانزيت

روحوا سان فرانسيسكو 4 ليالي
بالسيارة 6 ساعات لوس انجلس 6 ليالي
بالسيارة 4 ساعات الي فيقاس 4 ليالي
بالسيارة 4 ساعات الي ايرفاين 4 ليالي
بالسيارة الي سان دييغو ساعتين 4 ليالي

هذي نصيحتي لكم

أنتوا بتسافرون اي شهر ... 1 او 2 او 4 !؟!؟

بتكون السفرة انشالله من تاريخ 15-1-2014

الى 5-2-2014


ومشكووورين عالردووود...

المشاركة الأصلية كتبت بواسطة aziz20012001
http://www.arabtravelersforum.com/tr...5/#post8007871

انا العادة أروح علي البريطانية
كويت / لندن / سان فرانسيسكو
والعودة سان دييغو / لندن/ كويت
بالروحة تقعي ليلتين بلندن وبالردة بس ترانزيت

روحوا سان فرانسيسكو 4 ليالي
بالسيارة 6 ساعات لوس انجلس 6 ليالي
بالسيارة 4 ساعات الي فيقاس 4 ليالي
بالسيارة 4 ساعات الي ايرفاين 4 ليالي
بالسيارة الي سان دييغو ساعتين 4 ليالي

هذي نصيحتي لكم

أنتوا بتسافرون اي شهر ... 1 او 2 او 4 !؟!؟




شكرا عالرد جزيلا
السفره من نص شهر واحد الا بدايه شهر اثنين في الشتاء
بس ممكن سؤال شنو اهي منطقه ايرفاين؟؟

هي منطقة في محافظه اورانج كاونتي ( جنوب لوس انجلس )
شوفي تقريري عن لوس انجلس يوضحلچ وايد
http://www.arabtravelersforum.com/travel501320