الموضوع: وصلنا اورلاندو بعد رحله طويله واحداث دراماتيكيه

السلام عليكم ورحمة الله وبركاته
اسعد الله اوقاتكم بكل خير
الحمد لله وصلت انا والعائله الغاليه ولاول مره بالنسبه للعائله بزيارة امريكا
كان افلاعنا الساعه 12:15 بعد منتصف الليل قبل البارح
الرياض- باريس(ترانزيت 3ساعات)- اتلانتا (ترانزيت ساعتين ونص)-اورلاندو
مدة الرحله من الرياض الى باريس حوالي 6ساعات
ومن باريس الى اتلانتا حوالي 10 ساعات
ومن اتلانتا الى اورلاندو ساعه وربع
.
.
طبعا حجزي كان بتكت واحد ومع هذا ما استفدت شي
فعند التشيك في الرياض قال ما اقدر اعطيك الا بوردنقات الرياض -باريس
واذا وصلت باريس خذ كرت الصعود حق باريس وحق اتلانتا
وقال عفشك بشيكه الى اورلاندو(والله من الدجه وقلة السنع عندهم)
قلت توكل على الله
المهم وصلنا باريس وطلعنا كروت الصعود حق باريس اتلانتا
وقلت لهم عطوني حق اتلانتا اورلاندو وقالوا نفس كلام اهل الرياض الجهاز مو راضي يطبع
قلنا الشكوى لله
المهم وصلنا اتلانتا بعد التعب والسهر وعدم النوم والدرجة سياحيه يعني انواع التلصاق
الا وقدامنا سرا طويل للجوازات
هذي والله البلشه
والاطفال متعومسين ويبون النوم
المهم ساعه ونص في سرا الجوازات
وبعدها رحنا بسرعه واخذنا عفشنا اللي يقولون السعوديه انك بستلمه في اورلاندو
المهم الوقت بدا يسرع ويداهمنا
بعدها رحت الجمارك وقالوا تعال انت والعائله الكريمه اجلس
فعلا جلسنا عندهم وما ندري وش السالفه
الحقيقه ما اخفي عليكم انا ماخذ ادويه وشكلي زودتها حبتين
وقلت اكيد انهم شكوا في موضوع الادويه
واخر شي جاء واحد وناداني وصارت كل السالفه على موضوع الكاش
وقلت دامها كذا سهالات
المهم عطوني ورقه مطبوع فيها معلوماتي وعناوييني ووقعت عليها وطلعت من عندهم وباقي على الاقلاع
25دقيقه اقول الاقلاع وليس موعد صعود الطائره
وباقي عندنا كروت الصعود وشحن العفش مره اخرى
اول ماطلعت من الجمارك كنا في صاله f
وعلى طول لقينا مسار خاص للعفش الترانزيت وخذوا الشنط وهي في الاصل عليها تاق من الرياض الى اورلاندو
وبعدها رحنا نطلع كروت الصعود وقامت تطقطق فلبينيه غشيمه وقامت واطبعت الكروت
لكن...قالت باقي كرتين مارضى الجهاز يطبعها!!!!؟؟
تقول يطبعونها لك من البوابه
قلنا يالله
وش سالفة ذا الرحله فيها شعرة الذيب؟؟
المهم بعد ما اخذنا الكروت وكان باقي بالضبط 20 دقيقه على الاقلاع
رحنا التفتيش
واربشونا وفصخو انعال حتى الاطفال تكرمون
ومع الربشه نسيت جوالي عندهم
ورحنا وركبنا القطار من صالة f حتى صالة b اللي فيها بوابة الاقلاع
وحنا ركض وفي وسط الطريق تذكرت اني نسيت الجوال
وقلت للاهل خلوكم مكانكم انا برجع بالقطار للصاله الاولى واخذا الجوال وارجع لكم
وقالوا توكل على الله
وبدون مبالغه وللمره الاولى في حياتي كنت اركض في وسط المطار وماعاد فكرت في شي...
المهم اخذت الجوال ورجعت ركض ومن محطة الى محطه حتى وصلت اهلي وكان موعد الاقلاع جاء بالضبط ...
الا ونشوف سيارة قولف في المطار من كبره لتوصيل المسافرين والعاجزين...
والله ونوقفها وننقزع معها وهي ماتدري وش السالفه
قلنا يالله يالسنافيه على b1 وبلغيهم بالجهاز ان حنا معك...
طبعا باقي عندنا كرتين مارضى الجهاز يطبعها(تتذكرون)
وصلنا الكاونتر واطبعت لنا الموضفه الكرتين ودخلنا الطياره والله انهم اغلقوا الباب بعدنا ...
المهم نزلنا اورلاندوا
واخذنا عربيتين للعفش الوحده ب5دولار
والله يا ذا الامريكان يقدرون السنت
انسى انهم ياخذون عربيات للعفش
كلنا يدف شنطته والحرمه تدف والطفل يدف وانت ماشي(الله لايبلانا)
وصل عفشنا اول شي...
ورحنا لقسم اجار السيارات اللي في المطار...
واكثر اللي معنا في المنتدى يتذكر سالفه قبل شهرين
انه فيه موقع ناشيونال والمو للسيارات كان عندهم السستم ضارب وكان يعطي اسعار زهيده ؟؟
المهم انا كنت حاجز من شركة المو في فترة عطل السستم واعطاني سعر رخيص لايكاد يذكر..
واتذكر الاخوان هنا قالوا ان الشركه ارسلت ايميلات تصحح لهم الاسعار..
المهم مالكم في الطويله انا عندي حجزين حجز بسعر رخيص وحجز بالسعر العادي من شركه اخرى في حال ان الشركه رفضت اعطائي السياره...
وصلت الشركه اليوم واعطيتهم ايملهم بالسعر الرخيص وقالوا اطلع واختار السياره واللون اللي تبيه من نفس فئة السياره...
المهم يوم شفت ان السالفه اظبط معنا قلت وش نوع التامين ؟


قال التامين العادي اللي كل الناس تاخذه..
قلت فيه افضل منه ؟قال فيه التامين الشامل كل شي...مع رسوم الطرق مع البنزين فل واذا سلمتها مو لازم تفللها...
قلت بكم يزيد ؟
قال في اليوم 11دولار
قلت توكل على الله
واخذنا باثفندر 2013
600دولار تقريبا شهر
المهم طلعنا من المطار الى المنتجع اللي انا حاجز فيه...
طبعا المنتجع ما شفت احد سبق ان حجز فيه او اذكره
لكن انا من كثر ما قريت وشفت الخريطه حسيت انه كويس وبيريحني ..
الحمد لله راهنت عليه عند العائله وكسبت الرهان..
لدرجة ان العائله يقولون اول مره نشوف فندق في الطبيعه احلى من الصور..
حقيقه المنتجع مافيه كلامه وبالنسبه لشقتي اللي انا ما خذها يا اما انها جديده او مجدده ..
طبعا المنتجع هو

Marriott's Cypress Harbour

عموما اسف واعتذر لكل من يقرا الان فقد اطلت عليه لكني احببت ان
افيد كل من قد يمر بنفس التجربه


كلمة شكر/ للاخ الغالي الخلوق ابوسعودq8 على وقفاته معي وحرصه ومراسلته على الخاص باستمرار وتوجيهاته
وتقريره الاخير عن اورلاندو
كما اشكر الاخ ابو لانا mmmr240 على تقريره الاخير


دعواتكم لنا
وكل عام وانتم بخير
وعساكم من عواده

مواضيع عشوائيه ممكن تكون تعجبك اخترناها لك:

• فلوريدا واجازة كرسمس
• ايش الحل في الطريقة هذا للحصول على الفيزا السياحية ؟
• هل هناك مشكلة في إدخالي اللابتوب عن طريق مطار اورلاندو
• استفسار عن بوسطن
• المستندات المطلوبة كاملة؟؟هل هي بداية الموافقه؟
• مــــوجة طقـــــس باردة تقتــــرب من الولايــــات الشماليه الشــــرقيه للولايــــــات
• بطاقة الصراف من البنوك السعودية
• افضل توزيع لـ يوم بين ؟
• استفسار استخراج الفيزا من الكويت
• محمد امباكت ولا يهون الجميع ساعدوني
• هل يوجد طريقة لاسترجاع الضريبة
• استفسار بخصوص صور الفيزا
• تجربتي مع مقاعد الأطفال للسيارة في اورلاندو
• أريد أن أقضي شهر العسل في امريكا
• ولاية اوهايو
• ارجو مساعدتي بخصوص البطاقه الاتمانيه قبل الذهاب لامريكا
• امريكا في شهر مارس
• استقريت على هذا المخطط و هذه الفنادق
• ماهي احدث ماركات الجناط في امريكا ؟
• ايهما افضل بالنسبه لصرف الدولار؟

ماشالله
كل عام وانت بخير
وكل الي صار لكم راح يكون ذكريات وتنسونه
اهم شي استمتع مع العائلة قد ماتقدرون
موفقين من الموبايل

الحمدلله على السلامه

حمد الله علي سلامتكم
ان شاء الله تنبسطون في اورلاندو

الحمدلله على سلامتكم
وان شاءالله تستانسون بسفرتكم

المشاركة الأصلية كتبت بواسطة chanel..
http://www.arabtravelersforum.com/tr...7/#post7994967

ماشالله
كل عام وانت بخير
وكل الي صار لكم راح يكون ذكريات وتنسونه
اهم شي استمتع مع العائلة قد ماتقدرون
موفقين من الموبايل



يعطيك العافيه شانيل
وكل عام وانتي بخير

المشاركة الأصلية كتبت بواسطة Stranger Man
http://www.arabtravelersforum.com/tr...7/#post7995217

الحمدلله على السلامه



يعطيك العافيه اخوي سترنجر
وكذالك احب ان اضيف شكري لك فقد ساعدتني بالعناوين هناك
وكل عام وانت بخير

المشاركة الأصلية كتبت بواسطة aziz20012001
http://www.arabtravelersforum.com/tr...5/#post7996395

حمد الله علي سلامتكم
ان شاء الله تنبسطون في اورلاندو



الله يسلمك من الشر بوعبدالعزيز
وكل عام وانت بخير

المشاركة الأصلية كتبت بواسطة om fahad kw
http://www.arabtravelersforum.com/tr...5/#post7996525

الحمدلله على سلامتكم
وان شاءالله تستانسون بسفرتكم



الله يسلمك من الشر يا ام فهد
وكل عام وانتي بخير

سعر السيارة بلاش 600 دولار وجيب انا حجزها كانت 1200 من موقع الشركة نفسها عام 2011 من نفس مطار أورلاندوا الله يهنيكم

المشاركة الأصلية كتبت بواسطة بن هدبه
http://www.arabtravelersforum.com/tr...7/#post8011117

سعر السيارة بلاش 600 دولار وجيب انا حجزها كانت 1200 من موقع الشركة نفسها عام 2011 من نفس مطار أورلاندوا الله يهنيكم



يعطيك العافيه
الحقيقه عند تسليم السياره كان هناك شخص فلسطيني يعمل في الشركه وقد عمل خصم
واصبح المبلغ 435دولار
فله الشكر الجزيل

الحمد الله على سلامتكم

حمدلله علي السلامه
السعر مره زهيد
الربشه ذي بالمطارات لا بد منها مهما تاخذ احتياطاتك

المشاركة الأصلية كتبت بواسطة فــيـصـل
http://www.arabtravelersforum.com/tr...1/#post8058291

حمدلله علي السلامه
السعر مره زهيد
الربشه ذي بالمطارات لا بد منها مهما تاخذ احتياطاتك



الله يسلمك من كل شر
فعلا السعر جدا زهيد

[b][size="5"][color="#008000"]الحمد لله على السلامه أخوي فتى الوجيد اخيييييرا بنشوف تقريرك

اتمنى لك رحلة موفقة لك ولعائلتك الكريمه

المشاركة الأصلية كتبت بواسطة mmmr240
http://www.arabtravelersforum.com/tr...3/#post8064113

[b][size="5"][color="#008000"]الحمد لله على السلامه أخوي فتى الوجيد اخيييييرا بنشوف تقريرك

اتمنى لك رحلة موفقة لك ولعائلتك الكريمه

الله يسلمك ابولانا
وبالنسبه للتقرير ارجو معذرتي
والله مالي في التقارير
وبعدين مابعد تقريرك وتقرير الاخ الغالي
ابوسعودq8(نسال الله له الشفاء العاجل)
اي جديد

اي شيء يفيد الاعضاء

اي تقرير فيه فائده عزيزي

من سكن من مواصلات من مطاعم حلال

الله يعطيك العافيه

المشاركة الأصلية كتبت بواسطة لوفتهانزااا
http://www.arabtravelersforum.com/tr...9/#post8080889

الله يعطيك العافيه





الله يعافيك ياغالي

هذه المشكلة في امريكا يهزونك بالمطارات.. هذه وانت سايح

وش نقول حنا الطلبه والله نشوف الويل مع الشنط!! العربانه بفلوس! حق الشنط
والواحد تلاقي شايل معه فوق 50 كيلو من الشنط ..خلها على ربك بس امريكا فيها اماكن حلوه لكن مشكلتهم مايهتمون بالسياحه بدرجه اولى

الحمد لله على السلامة من الموبايل

الحمد لله على السلامه والي صار كله بيكون ذكرى جميلة


تحياتي لك

XXXXXXXXXXX

عزيزي ادارة المنتدى وضع الاعلانات التجارية في الردود !

مع تحيات مشرف البوابة الامريكية
Impact

أبو سلماااااااان
السموحه والعذر منك توني أشوف تقريرك وأقراه
الحمد الله على سلامتكم ياخوي ولو انها متأخره جدا جدا



بصراحه صج دووووشه وأحداث دراماتيكية صارت لكم بالمطار !!
شي فوق شي من طباعة البوردنق إلى التأخير إلى العفش وعفستهم إلى جوالك

بس أحلى شي الركض بالمطار


ماشاء الله تبارك الرحمن سعر السيارة جدا جدا رخيص !!
ياريت كل مره تصير عندهم لخبطة بالسستم عشان نخحز مثلك بهذي الأسعار
عليكم بالعافية
وزين انك دلعت نفسك وحطيت التأمين الشامل عشان ترتاح نفسيا خصوصا وانك موفر وايد بالسعر




فندقكم دخلت عليه بالنت وشفته ماشاء الله روعة كشكل خارجي وداخلي للغرف أو الششاليهات وحتى فيه بعض الفلل !!
لكن ما قلتلنا عن موقعه ؟؟ هل قريب من الانترناشونال درايف ؟ هل قريب من مواقع الجذب السياحي ؟
هل تنصح فيه للعوائل ؟؟
فنادق ومنتجعات ماريوت معروف عنها بكشختها وفخامتها لكن ننتظر منك موقعه هل مناسب ام لا ؟



بس لنا عتب عليك يابو سلمان
بعد كل هذي المقدمة والاحداث والتفاصيل المهمة الي ذكرتها ماتسوي تقرير ؟؟
حرام عليك

ياريت لو تكتب لنا عن زيارتك لاورلاندو ، شنو حسيت فيه شنو مميزاتها وعيوبها شنو نصائحك .... ؟
صدقني الكل بيستفيد من كلامك حتى الي سبق وأن سافر لاورلاندو



بالنهاية أشكرك على ذكري وإطرائك عني بتقريرك
وأشكرك على التحمد لي بالسلامة ، فعلا كنت مريض ونايم بالمستشفى قبل فترة لكن الحمد الله صرت أحسن وبخير وعافية
ولسموحه مره ثانية على اني ماشفت تقريرك من زمان
كنت لاهي مع بوابة استراليا وسنغافورة



أتمنى انك تفكر بموضوع التقرير وإن شاء الله تقتنع
مع خاااااااااالص التحية
أخوك أبو سعود

الاخوه

هدد


lucky1
اخي الغالي الخلوق ابوسعودq8


ربي يسلمك ويخليكم
شاكر مروركم العطر واطراءكم

الاخ ابوسعود
ولايهونون الاخوه والاخوات


بالنسبه للأسئله


لكن ما قلتلنا عن موقعه ؟؟ هل قريب من الانترناشونال درايف ؟ هل قريب من مواقع الجذب السياحي ؟

هل تنصح فيه للعوائل ؟؟

الموقع حلو تقريبا2 مايل من الانترناشونال درايف لكن ماحوله شي ابدا اقرب شي صيدليه cvs تقريبا نص مايل و ول مارت مايل واحد...
تقريبا2مايل من السي وورد...
نعم انصح به للعوائل بقوه صراحه كل شي فيه مسابح وبحيره كبيره فيها قوارب فرديه وجماعيه واماكن شوا وستاربوكس بيتزاهت والعاب اطفال ومبنى خاص للاطفال لمن اراد تركهم يعلمونهم العاب ورسم واشغال فنيه يدويه باشراف نسائي وكذالك ملاعب قولف وميني قولف والدخول للمنتجع بورقه خاصه عند الباب والنت فري وسريع والمواقف فري..






بس لنا عتب عليك يابو سلمان

بعد كل هذي المقدمة والاحداث والتفاصيل المهمة الي ذكرتها ماتسوي تقرير ؟؟

بالنسبه للتقرير والله ياخوك مالي فيه وبعدين مابعد تقريرك بكل بامانه تقرير مع احترامي لجميع التقارير واصحابها






ياريت لو تكتب لنا عن زيارتك لاورلاندو ، شنو حسيت فيه شنو مميزاتها وعيوبها شنو نصائحك .... ؟






اورلاندو هذي الزياره الثانيه لي اما العائله فكانت الاولى لاورلاندو ولا امريكا عامه
طبعا اورلاندو حلوه مع اني رايح في عز الصيف وكنت متخوف من الحر لكن من يعيش في الرياض يهون عليه اي جو اخر ...اورلاندو حلوه للعائله الترفيه التسوق المطاعم الاسعار الااوت لت كلها على بعضها حلو ...حقيقه ماشفت شي ينغص علي الرحله او ملاحظه اقول لو كان هذا كذا لكان افضل