الموضوع: استفسارات حول السفر لإندونيسيا اتمنى الإجابة من الاعضاء الأكارم رأيكم وخبرتكم تهمني

السلام عليكم أسعد الله أوقاتكم بكل خير
اخواني الافاضل أول موضوع لي وأول زيارة للأندونيسيا
اتمنى استفيد منكم ومن خبرتكم وتجربتكم بالتفضل بالاجابة على بعض الاستفسارات ..
علما بأن التخطيط للرحلة بشهر أغسطس ..واستفسري مبكرا لكي ارتب اموري وجدولي


ثانيا أعضاء الرحلة أنا وزوجتي و3 أطفال الله يحفظهم ..استفساراتي
س1/ هل الحجز مبكرا أفضل ؟ لأن اخشى أن لا احجز واتعرض لما تعرضة له من قبل من عدم وجود الحجز وارتفاع الاسعار وافكر بالحجز خلال هذي الايام فهل ممكن تكون هناك عروض على اغسطس خلال الاشهر القادمة
س2/ كيف الاجواء بهذا الشهر .
س3/ عدد أيام الرحلة تقريبا 16 يوم مع يومي السفر فهل مناسبه
وكيف ترون اوزع الايام وأي المناطق التي اذهب لها ومناسبة لنا كأسره وكأطفال علما إننا نريد الخضرة والتمتع بالمناظر الجميلة.
وسيكون وصولنا لجاكرتا إن شاءالله


س4/ حجز الفنادق من بوكنق او ترشحون لي موقع؟
سبق واطلعت على بوكنق فاشوف الاسعار اغلى مما اسمع واشاهد .


والحجز للجبل بوشناك من بوكنق او من أين ؟! ارغب بفله وتكون بمسبح؟


س5/ كم تكلفة السائق مع السيارة لهذه الايام


الطيران من بالي وباندوق طريقة الحجز والاسعار




تقريبا تكلفة الرحلة حول كم تكون ؟


والفيز تبع السفر من مطار جاكرتا نحصل عليها ؟


هناك كثير من الاستفسارات ولن تبخلو علينا وانا اقوم بالبحث دائما بالمنتدى وهناك إجابات شافية
وكذلك لا غني لنا بعد الله منكم بالتذكير وتقديم الفائدة لنا


ولكم مني أخلص الدعاء والتمنيات بالتوفيق


وأي نصائح أو شئ تشوفو يفدينا قدموه لنا حفظكم الله

مواضيع عشوائيه ممكن تكون تعجبك اخترناها لك:

• أم نواف ونورة في هونج كونج
• استفسار
• ابي برنامج جدول رحلتي الزوجية الي اندونيسيا
• بخصوص حجز الطيران الداخلي في اندونيسيا
• حجزت فندق
• طالبتكم
• نصيحتكم لي يا اهل الخبرة اندونيسي مستجد
• شهر عسل بالي ارجو المساعده
• ارجوا من ذوي الخبرة المساعدة
• لخبراء موقع بوكنق آستفسار بسيط لاهنتو
• استفسارات الامل المستحيل
• إستفسارات بـــالـــــــي أم المهند
• صور رحلتي الى جوانزو وجوهرة الصين جويلين
• اندونيسيا و رواية جديدة - 2010
• ارجوا المساعدة من المشرفين والاعضاء هااااااااااام لشهر العسل
• افتراضي بعد اسبوعين زواجي ولا عند المدام جواز سفر ما الحل؟؟
• طارق والأخوان ابيكم بكلمة راس ممنوع دخول جوالات الكاميرا
• افضل خطوط من عمان لجاكرتا؟؟
• سوال سريع
• النجدة النجدة

بإنتظاركم ومسائكم خير وسعادة
السائق مع السيارة احتاجهم بأي مدن بكل المدن أم مدن محددة ؟

حياك الله اخوي

بخصوص مواقع حجز الفنادق بأمكانك الاستعانه بـ


http://www.hotelscombined.com/


يعطيك مقارنه الاسعار على جميع المواقع وبخصوص الحجز المبكر افضل وتقدر تختار الغاء مجاني على شان تقدر تلغي او تغير
طبعا راح تلاقي فرق السعر بين العرض الي بألغاء والعرض الي مافي الغاء تلاقيه ارخص


بخصوص السياره انا افضل للعائلة سواق وسياره خاصه وسعره تقريبا ما بين 500 الف و 600 الف ربيه في جاكرتا اما في بالي السياره مع السائق من الساعه 9 صباحا الى 6 المغرب بـــ 350 الف
سعر تذاكر الطيران من جاكرتا الى بالي والعكس اخذناها بـــ 707 ريال على اير اسيا


وبخصوص الميزانية الفنادق والطيران تشكل تقريبا 75 % من الميزانية


هذي المعلومات الي اقدر افيدك فيها وان شاء الله الشباب الموجودين ما راح يقصرون ان شالله


واذا بغيت رقم السواق الي في باللى انا حاظر ارسلك رقمة




تحياتي

أيامك الفعلية 14 يوم ومن رأيي صعب زيارة 4مناطق خاصة بوجود الأطفال الله يحفظهم فالتنقلات متعبة لذلك إما تلغي باندونق من الجدول إذا كانت بالي من ضمن مخططك وهي تحتاج طيران داخلي ،، حدد خياراتك أولا وبعد ذلك نستطيع إعطائك بعض الخيارات للسكن وتوزيع الأيام وبالنسبة للفيزا من مطار جاكرتا وقيمتها 25 دولار للشخص الواحد وبالنسبة للأجواء يعتبر اغسطس من شهور الصيف ولكن غالبا الجو في الجبل بارد وممكن باندونق وتفتقد للمطر غالبا ،، الله يوفقك من الموبايل

تسلم اخوي المشرف والمسافر المتميز يعطيكم العافية افدتوني ..بصراحه من خلال ما اشوف ومريت على تقارير اشوف الاغلب جاكرتا باندوق بالي وبتشنك الجبل.. لأجل كذا قلت هذي اللي ازورها
وبصراحه يهمني المناظر وفعلا اتمنى المطر ...وبأي فصول ممكن يكون فيها مطر ...وعلى الاقل المناظر تكون حلوه إن لم يكن هناك مطر يعني شلالات خضرة

تسلم اخوي المشرف والمسافر المتميز يعطيكم العافية افدتوني ..بصراحه من خلال ما اشوف ومريت على تقارير اشوف الاغلب جاكرتا باندوق بالي وبتشنك الجبل.. لأجل كذا قلت هذي اللي ازورها
وبصراحه يهمني المناظر وفعلا اتمنى المطر ...وبأي فصول ممكن يكون فيها مطر ...وعلى الاقل المناظر تكون حلوه إن لم يكن هناك مطر يعني شلالات خضرة


اخوي الله يحفظك السواقين بأي مدن احتاجهم ولا هنت ارسله لي على الخاص إذا تقدر وكيف السواق يتكلم عربي محترم..
والطيران الجميع 700 ولا كم الفرد؟


وتشوفو حجز الفنادق احجزه كله من مواقع الحجز ولا في فرصة احجز من نفس اندونيسيا..




مثل ماقلتلك مشرفنا بتمنى مناظر حلوه وشلالات ومزارات حلوه لنا وللأطفال وعلى قولتك التنقل ممكن يكون صعب او متعب رغم تمنياتي ازورها كلها
لكن بشوف وارجع ..إن كان حكنسل مدينة منها وإذا ممكن تفيدني ودي اعرف المسافات بينها وأيهما انسب لشهر اغسطس وافضل خضرة
وشو افضل مدينة للتسوق ...
بخلي الموضوع دليل لي بالاضافة لإرشاداتكم للمسافرين بالمواضيع الاخرى ومشاهدتي لتقارير الاعضاء الاكارم

جاكرتا - باندونق - الجبل (بونشاك) - بوقور - بالي هذه المدن المشهورة سياحياً وميزتها أنك
تستطيع زيارتها بواسطة السيارة مثل جاكرتا - الجبل - بوقور - باندونق والمسافات ليست طويلة والطريق
ممتع وبه خدمات ومحطات ..
جزيرة بالي تحتاج طيران داخلي والمسافة تقريباً ساعتين أو أقل وممكن من مطار جاكرتا أو مطار باندونق
وإذا ما يهم التنقلات يمكنك تقسيم الأيام بالشكل الاتلي :
جاكرتا 2 -- بالي 4 -- باندونق 2 -- الجبل 4 - جاكرتا 2
وجود السائق معك مريح وخاصة أثناء التنقلات والعائلة كنصيحة أفضل وجود السائق معها على طول
ويمكنك الاستفادة من أي رقم موجود هنا وتتصل عليه وتتفق معه والغالبية محترمة ويبحث عن رزقه
وتجد هناك سائقين ..
http://www.arabtravelersforum.com/travel389407/
الشلالات والمناظر الطبيعية لا تشيل همها فهي في كل مكان وفقط ممكن تقل الأمطار في هذا الشهر ولكن
قد تصادفك وبشكل غير متوقع ..
حجز الفنادق من بوكنق وريح بالك والفرق بسيط وما يستاهل ..
حدد خياراتك وإن شاء الله نعطيك خيارات سكن وأهم البرامج ..

الله يكرمك اخوي ويجزاك الفردوس الاعلى على ردك وتجاوبك معي التنقلات بين المدن اعتقد سهلة ولا؟وبالنسبة للطريق ممتاز ولا في لفلفه كثيرة وطلعات لأن هذي تدوخنا وتتعبني كثير وسبق جربتها باحدى بدولة واتعبتني جدا..
والتنقلات ماعندي مشكلة إذا ساعتين او 3 وماكانت مثل ما قلت لفلفه كثيرة ودوخه ..
والسواقين ماشاءالله على ما اشوف متوفرين وان شاءالله يتم التنسيق مع أحدهم ويكون عارف لكل المعالم لأن مهما بحث ما اعتقد حغطي كل المعالم ..

وبإذن الله خلال هاليومين احدد الخيارات واشوف المناسب .....رغم حيرتي الكبيرة ..وخاصة بعدد الايام التي اقضيها هناك
ما اخفيك ارغب بأن تكون 20 يوم ..فهل مناسب او في اشكالية او تعب؟


والفنادق على قولتك استاذي من بوكنق او احد المواقع الموثوقة للحجز الفنادق لكن عندي سؤال الفلل اللي اسمع عنها بالجبل مع مسبحه ما شفتها ببوكنق وخاصة اسعارها اللي اعرفه 200 او 250 وفوق فهذي كيف احجز لها من بدري..

يعني ودي يكون في مثل الحديقة كذلك مكان للأسترخاء ومشاهدة المناظر الحلوة من نفس الفنادق اللي اختارها وهذا ما ابحث عنه دائم بسفراتي ..
واشكرك مرة ثانية واعذرني عاد على الاستفسارات مالنا بعد الله إلا أنتم وبإذن الله نخدم غيرنا ونكسب الأجر ويكون لكم أجر ذلك

الله يجزاك بالخير على هذه الدعوات الغالية ،، حلوة فكرة 20 يوم وخليها بيومي السفر وهذه تعطيك مساحة لزيارة كل المناطق وانت مرتاح وتقضي فيها أيام للراحة والاستمتاع بكل الأماكن ،، التنقلات سهلة والطريق سهل وسريع ولكن اللفلفة والطلعات لابد منها والزحمة عنوان كبير في اندونيسيا فعدد السكان اكثر من ربع مليار لذلك توقع كل شيء ولا تفكر بزيارة أماكن كثيرة في اليوم الواحد وهذه نقطة مررت بها مع الأهل وتعبوا من طول المشوار ،، فلل الجبل الأفضل والأنسب دائماً هي ان تختار بنفسك ما يناسبك ولا توجد طريقة حجز بموقع بوكنق إلا لبعض الفلل وخاصة الموجودة بمجمع كوتا بونقا ومن رأيي تحاول تحجز في فندق سيروني3 في البداية ومن ثم تبحث عن فيلا مناسبة لعددكم وضع ببالك انها فلل بالغالب لأشخاص يتم تأجيرها للغير ،، وممكن اقتراح اخر ان تسكن يومين في فندق استون بوقور وهي قريبة من الجبل ومنها تذهب للجبل للبحث عن فيلا مناسبة ،، موقع بوكنق ميزته سهل في التعامل وما يخصم على طول وممكن تشيك على اكثر من موقع ،، اندونيسيا تغيرت وكل شيء ارتفع سعره مو مثل اول .. بالتوفيق وشوف ما يناسبك من اقتراحات والجميع ما يقصر معك بكل الخيارات من سكن وغيره من الموبايل

تسلم اخوي المصباح وماقصرت رديت على رسالتك السابقة لكن تفأجات إنها مانزلت يبدو كان في مشكلة بالشبكة ولا انتبهت لتاكيد نزول الردلأنه كان يعلق كثير
اخوي تقريبا ممكن اقضي 18 ليلة بدون يوم العودة (مدري كيف تحسبوها ) لأن يوم الوصول الاحد 11 صباحا وقلت حنتقل مباشرة من جاكرتا لباقور او الجبل فأيهما تفضل لأن اسمع عن الزحمة وما اعرف كيف جو باقور
وبسأل عن السيارة السوزوكي كانها باص صغير ..مريحة وكويسة ولا ؟ لأن انا دعيت الوالد واخواتي للسفر معي
طبعا التذاكر لسه لآن ابغى اشوف كيف اسعار الحجوزات واعرف التكلفة لو مبدائيا لمدة 18 يوم مع السكن والتنقلات .. السيارة تقريبا 200 باليوم شاملة ضرائب وبنزين اعتقد زينة ولا؟
السكن وما ادراك ما السكن بصرااحه متحير كثيير يعني رغبتي فله بحديقة ومسبح والعاب للأطفال ولو تكون مطله على الجبل احلى واحلى
فأين المكان المناسب والأمن اللي تنصحني وينصحني به الاخوان وترشحون كم يوم اقضيها بالجبل وكم بباندونق وشو الاختلاف بينهم
السكن لو شفت الفلة قبل ما اسافر وعجبتني وحصلت من مدحها ينفع احجزها وادفع عربون ولا فيه مخااطره ؟!
اشوف اغلب الاخوان بالردود يقول الفله تبحث وتشوف بنفسك هناك افضل لأن بصراحه الواحد يخاف على حظه مايحصل شئ او يحصل تعباانه ولا اعلم كم عدد الفلل والسائحين ولا ودي اضيع يوم ويكون جهد وتعب فالبحث
وخاصة إن معي الوالد واطفال
انا اتمنى ربي ييسرها والتساؤلات قد تكون كثيرة بحكم اول مره لكن بإذن الله استفيد منكم وكذلك الاعضاء ولكم الدعوات وبارك الله فيك اخوي المصباح وكل من يشاركنا بالرد والدعاء

هل ترشحون لي مدن اخرى قريبه من الجبل بتقليل الجلوس بباندونق مثلا..الذهاب لجزيرة بالي كم سعر التذكرة للكبير والطفل؟
هل الحجز ممكن بأي وقت متوفر أكيد بإذن الله ولا ؟
السيارة اعتقدر تقريبا احتاجهم بكل المدن فالرحلة بالتنقل بين جاكرتا بونشاك باندونق.. طيب بالي
واي مدينة افضل وانسب سيميناك ولا كوتابالي هذي تقريبا اطلعت عليها وفي غيرها بس ما ادري عنها
واشكر كل من يرد مقدماوإذا ممكن ذكر الاسعار للفل تتراوح بين كم وكم ..
لأن يذكر واحد فله مسبح دورين 3 غرف او4 ومتوفر نت وبلياردو وحديقة و... ب350 يجي بعده ناس تقول غاليه
وانا عارف انه صعب تحديد الاسعار لكن شئ تقريبي ومثل ما قلت لو بابحث او ما اوصل هل سأجد على الاقل قريب ما ارديه ..وأهم شئ إطلااله والله على الاطلااات الجميلة

عذراً لتأخري بالرد لمشاغل كثيرة ،، دائماً نحسب عدد الأيام الفعلية للسفر وبالذات للشرق بإلغاء يومي السفر (الذهاب والعودة) ،، من رأيي طالما زاد العدد وبوجود الوالد والأخوات وانت ما تحب كثرة التنقلات ان تجعل رحلتك بين جاكرتا وباندونق وبوقور والجبل والأفضل الراحة يومين بجاكرتا عند الوصول وعدم الاستعجال بالذهاب للجبل وبعدها يمكنك السكن يومين في بوقور وخاصة استون بوقور وممكن تذهب لوحدك للجبل للبحث عن فيلا مناسبة لكم وهذه افضل طريقة وتحجزها وتدفع العربون حتى تضمنها ومن هنا قد تفاجأ عند ذهابك بأنها مؤجرة لغيرك فهذه فلل شخصية وليست نظام فندقي والأسعار حسب المواسم والموقع والمكاسرة ،، تحتاج لسيارة كبيرة وياريت عند الاتصال بالأرقام الخاصة بالسائقين تحدد له العدد وتخبره بسيارة كبيرة ،، بالنسبة للسكن ممكن تختار فنادق للخصوصية وهناك فنادق مناسبة وجميلة في جاكرتا وباندونق ،، الفرق بين الجبل وباندونق ان الجبل يعتبر قرية ويمتاز بالطبيعة والأجواء وفيه فعاليات وأنشطة جميلة وباندونق مدينة فيها مولات وأسواق والبركان وأماكن اخرى وتستحق الزيارة مع العائلة ،، هذه جداول تفيدك بأهم الأماكن والأنشطة السياحية في هذه المناطق http://www.arabtravelersforum.com/travel823853/ من الموبايل