الموضوع: باقي عشرة ايام ع سفري محدث باستمرار

السلام عليكم ,, مساء الخيرات
ها أنا اعودوا إليكم مجددا بعد نهاية الاختباراات والله ياكانت هم علي !!
الحمد لله انتهيت وافتكيت منها
والاسبوع هذا عندي اجازة ( وحاب تساعدوني ) لأن الاسبوع اللي بعده يوم الاحد 12 يناير
رحلتي الاولى خارج السعودية .. لبلاد الاندومي
واتمنى انه ماتضحكون علي من اسئلتي ....
نبدا ع بركة الله ..

اولا / من ناحية البرنامج ؟؟؟؟
رحلتي مدتها 10 ايام
3 الجبل .. 4 بالي .. 3 جاكرتا انا وزوجتي فقط
ابي الله يرضى عليكم جدول مناسب لكل يوم .. وين اقضيه
طبعا المدة قصيرة فأبي الاشياء الاجمل بالتفصيل الممل

ثانيا / من ناحية السكن ؟؟؟
في الجبل ... ليسه باقي ماحجزت
في بالي Nusa Dua Beach Hotel & Spa, Bali
في جاكرتا Pullman Jakarta Central Park
انا متاكد اني ماراح احصل في سيروني ولا غراند هيل ..
ابيكم تعطوني اكثر من خيار وكيف السبيل للحجز

ثالثا / بالنسبة للسواقين ؟؟؟
هل تنصحوني انا اخذ الاسماء من الموقع او في
شركة هناك اتعامل معها ..
وكمان يوميتهم في اليوم كم ؟؟ ابيها بالاندونيسي وبالريال ؟؟
وهل اتصل فيهم من الحين ؟؟

رابعا / بالنسبة للفيزا ؟؟؟ مهم جدا
كيف استخدمها هناك ؟؟ في المولات والالعاب
وكل شيء ..
هي بطاقة مداد لبنك البلاد انا توي طلعتها بس ماعرفت استخدمها ..
كم اشيل معايا هنا بالريال والدولار ؟؟
وهل اصرف من هنا ولا هناك ؟؟
علموني كل شيء الفيزا واستخدامها ؟؟

خامسا / سمعت انه في كرت اعبيه اول ماوصل جاكرتا ؟؟
وش اكتب فيه ؟؟ عربي ولا انجليزي ؟؟

سادسا / انا ليسه ماحجزت لبالي طيران ؟؟
وابي احجز من هناك .. كيف اسعارهم ؟؟ وافضل خطوطهم ؟؟
وبالنسبة للشنط .. كم الوزن المسموح اشيل معايا من جدة ؟؟

اخيرا .. سأكون معكم متابع اول باول
واتمنى انكم تساعدوني .. فديتتكم

مواضيع عشوائيه ممكن تكون تعجبك اخترناها لك:

• أراء الخبراء مهمه في هذا الموضوع فلاتبخلون علينا
• سفرتنا بعد شهر من الآن بعض الأسئله يالغالين ؟؟؟
• استفسار كيف انزل صور في تقريري
• أنا بأسافر مع زوجي وبنتي لأندنوسيا أول مرة ومدة الرحلة 20 يوم
• ارجو المساعده من الجميع
• استفسارات بسيطة قبل الاقلاع غدااااااااااااا
• استفسار بخصوص استخراج تأشيرة زوجة مواطن سعودي لأندونيسيا
• باقي على سفرة شهر العسل ايام ساااااااعدوني
• ودي ببرنامج لسفرة عائلية في اندونيسيا
• فزعتكم يالغالين
• مساعدتكم يااعضاء المنتدى
• لا هنتوا ،،، وين اوقف سيارتي ؟؟؟؟؟
• مطلوب تقسيم يوم لعائلة
• ما نستغني عن اهل الخبرة
• ارغب السفر الي بالي في شهر ديسمبر ارجو المساعدة
• اين تقع لمبانق Lembangوكيف الوصول اليها وكم تبعد عن جاكرتا
• بخصوص التكاسي في جاكرتا
• استفسار عن اندونيسيا
• مسافر جديد
• اخر شى تكفون

مرحبا أتمنى لك رحلة موفقة أنت والمدام

بخصوص بالي أنا سفرتي قريبة على نهاية شهر يناير إن شاء الله
كنت أحاول أحجز بالي لكن أغلب الحجوزات فل خصوصا بطيران أيراشياء وطيران ليون
أما الطيران الاندونيسي ماشفته إطريت أغير الوجهة بالكامل .. ف سفرتي راح تكون جاكارتا بونشاك باندونج و الرائعة جزيرة بوكيت في تايلاند والعودة ^_^
طيران ليون بـ 2013 تجاري درجة أولى وصار فيه 3 حوادث سقوط أو هبوط خاطئي قلت الله يستر
لذا كنت من الاول ماحاب احجز عليه وقررت ع الايراشيا بس ماحصلت حجز وقلت جت من الله
حصلت حجز الايراشيا لـ بوكيت
..
بخصوص السواقين
جاكارتا متروسة تكاسي .. وخذلك شركة بلوبيرد او الطائر الازرق ومتوفر بشكل كبير
اما بونشاك وبالي و باندونق أفضل تتفق مع تاكسي من قبل وشوف المنتدى فيه كثير سواقين ينصح بهم الاعضاء
أنا أتفقت مع سائق اسمه فصيل في باندوق اعطاني اياه احد الزملاء و في الجبل أيضا اتفقت مع سائق محمد حصلت رقمة في المنتدى وتم مدح أخلاقه وامانته
..
كرت التعبئة بالانجليزي عزيزي
وفيه موضوع مثبت بالمنتدى يشرح كيفيه تعبئة الكرت بكل تفاصيلة
.
بخصوص كم تشيل .. إذا عرفت أنت خبرني لاني أنا بعد أريد اسفار بس ما أعرف كم اشيل
بس الحمد الله ماخذ الاحتياط الازم
..
بخصوص الجبل انا حجز من النت
شفت الفلل ونسقت مع ابو سامر وتم الحجز فلة اقتصادية مع حارس وشغالة
و4 غرف ومسبح و مطبخ مجهز وفيه اطلالة رائعة وكذلك اثاثها لابس به لانه نحن عزابية ماراح ندقق كثير
والمهم فيها سخان ماء لـ الاستحمام وقنوات عربية بشاشة مسطحة ومبلغ مليون روبية لـ اليوم الواحد
بس قرأت في المنتدى أنه الافضل تروح وتتفق مع السائق عسب دور فيلا لان الفلل كثيرة وجميلة ومتوفرة
يمكن تحز فيلا ماتعجبك لم توصل وتكون حجزت بدفع مسبق غير مسترد تتوهق بعدين تتطر تجلس فيها حتى لو ما عجبتك .. أنا حجزت وماراح نغيرها لان العزابية عادي بس أنت والمدام أفضل أنك تحجز مسبق بمكان ممتاز وقريب من البقالات والمطاعم
..

هذا الي عندي مع أني أنا أصلا مارحت لها بعد وراح تكون سفرتي الاولى بس أنا من فترة واخطط لرحلتي انا والزملاء

رجعت لك وإن شاء الله أهل الخبرة يفيدوك أكثر


لكن حسب اعتقادي الشخصي
أن مدة 10 أيام متعبة لـ 4 أماكن أنت راح تسافر لها وهي الجبل وبالي و جاكارتا
كان الافضل تضع 2 مدن للزيارة وتكون جاكارتا يوم واحد فقط
..

بخصوص جاكارتا
* إذا كنت من هواه التسوق والمولات فراح تعجبك و3 أيام ماتغطي مولاتها وأسواقها
* إذا كنت تريد الراحة والساحية لازم تزور أنشول وهي أفضل مكان في جاكارتا
فيها مدينة ملاهي كبيرة وهي دنيا فنتاسي ،، تتمشى على شاطي أنشول وقت المغرب أو العصر و استئجار قارب
زيارة عالم البحار لمشاهدة الاسماك وتعيش الاجواء الجميلة أو سامودرا و عروض الدلافين والمخلوقات البحرية
وتجربة تلفريك أنشول تشاهد من خلالة كل الفعاليات في منطقة أنشول
أوزيارة القرية مائية واتر بوم
* ممكن زيارة جزيرة أير القريبة من أنشول فقط 15 ساعة وفيها فعاليات جميلة كـ الصيد
والتجول بـ الدرجات الهوائية و الغوص و البنانا بوت و الجتس كي والبرشوت الي يجرة القارب
بس الافضل تروح لها في وقت الاجازة عندهم لان هذه الفعاليات ماتكون مستمرة طوال الاسبوع حسب الافواج السياحية أما نهاية الاسبوع تكون موجوده
..
كذلك ممكن زيارة حديقة تامان ميني أندونيسيا أنداه وهذه الحديقة جميلة ومرتبة بشكل جميل وينصح العرسان والعوائل بزيارتها
وفيها تلفريك ونوافير وزهور وحركات حلوه للعرسان أو العوائل
وكذلك ممكن تزور حديقة الحيوانات بس الافضل ماتزورها وتزر حديقة بونشاك اكبر
ومنطقة شاطي أنير الجميل
..

بخصوص الجبل 3 أيام ما تغطية
بس بإمكانك زيارة أهم الاماكن
_ حديقة حيوانات تامان سفاري فيها عروض كثيرة
مشاهدة الحيوانات بدون أقفاص بس أنت بسيارتك وبعدها تشوف العروض وعرض الكوبوي المثير وغيرها من الاشياء الجميلة
كـ ركوب الفيلة والحصان وهذا المكان يحتاج له يوم كامل تقريبا لانك راح ترجع ع الاعصر إذا رحت للحديقة في حدود الساعة 10 أو 11ص
بعدها راح ترجع للغداء و إذا ترجع لترتاح بالفيلا لن يكون أمامك متسع وقت للخروج مرة اخرى لان بيكون بدا الظلام والجبل تقريبا المساء مافيه فعاليات ابدا
يفضل أن يكون المساء في فلتك كـ مشاهدة الافلام او تقوم بعمل الشواء بعد ماتشتري تيس أو دجاج إذا لم تكن من عشاق اللحوم

_ اليوم الثاني تزور حديقة الزهور وهو أفضل مكان للعوائل بـ الجبل مكان رومانسي جميل
الحديقة كبيرة أنت تقدر تلفها كلها او جزء منها وبعدها تتجهة لمكان أخر كـ منتجع كوتا بونغا لان فيه أماكن حلوه للزيارة
كـ بحيرة فينيسا وحديقة الالعاب و التجول فيه متعه
أو ممكن زيارة مزارع الشاي .. أو التجول بالسيارة في الجبل لان الجبل كل الامكان فيه جميلة جدا والاستمتاع بالمناظر الطبيعية الخلابة
أو ممكن تزور مسجد التعاون الشهير فيه اطلالات جميلة وهو قريب من مزارع الشاي وقريب من منطقة البرشوت

أو زيارة حديقة متهاري الجميلة الي تصلح لـ العوائل أكثر من العزابية
..
بخصوص الشلالات فهناك منتجع تشيبوداي فيه شلالات جميلة
والشلالات السبع شيليمبر الرائعة ويحتاج لك لياقة بدنية هع بس ب إمكانك تشوف الصور بالنت وهي راح تغني عن وصفنا

..
أو تجرب بحيرة الليدو الجميلة فيها قوارب و ممكن تأكل بالقارب الغداء .. أو بحيرة الالوان telaga warna , أو بحيرة جانغاري شيراتا وفيها قوارب ومناظر جميلة
هذه البحيرات ممكن تختار واحدة أو 2 منها لـ الزيارة لان مشكلتك أنت 3 أيام ماراح تغطي جبل البنوشاك الجميل

بخصوص الجبل لاينصح أيام السبت والاحد لان عندهم اجازة
...

بالي الرائعة كل شي فيها جميل
..
يعني أنت في اربع أيام راح تستمتع بكل مكان فيها
سواء الشواطئ الجميلة أو المنتجعات أو الفنادق أو المطاعم أو البرامج السياحية بـ المكاتب
لكن لا أنصحك بـ التجديف لانكم عائلة هع هع لان التجديف بالنهر من أحلى الاشياء في بالي بس للعزابية أو للاجانب المفاصيخ هه
فيه جزر قريبة من بالي واحدة جزيرة الرومانسية ليمبوك أو جزر جلي الثلاث وهذه لازم تروح لها طيران داخلي من بالي أو جاكارتا

هذا حسب ما قراته فقط ..
وإذا تريد نرتب لك جدول حاضرين للطيبين .. لان جدول العائلة يفرق عن جدول العزوابي

وسلامتك

وينكم ياخوان ..
اتمنى منكم مساعدتي

ابو عبدالرحمن اتوقع اخوي kha4ever ما قصر ...
10 ايام ( 8 ايام لو ما حسبنا يوم الوصول والمغادرة ) غير كافية لثلاث مناطق ...
اللي فهمت انك حجزت الفنادق وانتهيت
على العموم مدام انك حجزت توكل على الله
الوقت اللي انت رايح فيه بيكون زحمة جداً فاعانكم الله
الفيزا تقدر تستخدمها في المولات الفخمة والفنادق
الافضل تاخذ معك كاش وتخلي في الفيزا مبلغ للضرورة فقط
قسم الاستفسارات فيه مواضيع مثبتة ومنها ارقام السواقين فالافضل تتفق معهم قبل السفر وتحدد المبلغ بالروبية ( يوميتهم في الجبل بين 500 و 600 الف بالكثير وفي بالي بين 350 و 450 الف )
لمعرفة طريقة تعبئة كارت الدخول شاهد هذا الموضوع
http://www.arabtravelersforum.com/travel515644/

الطيران الافضل الى بالي هو الجارودا وطيران اير اسيا والوزن المسموح على اير اسيا هو 20 كيلو اذا لم اكن غلطان والافضل الحجز من الانترنت واذا ما قدرت فبالامكان الحجز من المطار اول ما توصلون ( بتحصل مكاتب لشركات الطيران )
ارجع واقول لك شاهد المواضيع الثبة في قسم الاستفسارات وان شاء الله تفيدك

هلا اخويا kha4ever و استاذي طارق
الله يعافيكم .. ماقصرتم
عندي سوال بسيط ؟؟
انا قريت في المنتدى انه الواحد ياخذ مبلغ من هنا والباقي ع الفيزا ...
لو افترضت انه معي 3000 ريال كم اخذ معي نقدا ؟؟ وهل بالربية او الدولار ؟؟ لاني قريت
انه لازم ادفع 50 دولار حقت الفيزا لي ولزوجتي
الامر الثاني ..
المبلغ اللي في الفيزا يكون ع اي عملة (( معليش ع السوال )) دولار ولا روبية ؟؟ وعند السحب كيف اعرف انه
مازاد علي خاصة في الاسواق
الامر الاخير
هل انا اروح لمحل العملات ( الصرافات ) واعطيهم بطاقة الفيزا واسحب عنده وبعدين يحولي العملة ؟؟
ولا البنك مثلا واسحب وبعدين اروح الصرافات ..
والله مافهم الفيزا ..( وودي اخذ فلوسي كاش وارتاح )

هلا اخوي ابو عبدالرحمن

وربي يسهل امرك ولا تشيل الهم زياده عن اللزوم وتصدع راسك

خليك ريلاااااكس دام الخبراء والعمدة موجودين اكيد راح يعطونك كل الحلول بعد الله

بالعكس اسال وخذ راحتك انا مثلك ما قد استخدمت الفيزا والى يومك ما طلعتها ماحبيتها

بالنسبة للفلوس قبل كل شي
انت كم راح تكون ميزانيتك عشان تقسمها
مثلا الحين بتاخذها كاش بالريال والا تحولها دولارات على راحتك
خذ الفلوس كاش واذا تبي تحولها دولارات لان الدولار تقريبا ثابت في سعر الصرف
واقل في حجم او شكل المبلغ اللي معك
ومع ذلك هالايام اشوف التقارير والاسعار ماشاءالله للصرف حلوه

الريال الحين يساوي 3000 روبيه الى 3200 روبيه وبعض الاحيان يوصل 3500 روبيه هذا بالنسبة للريال

وبالنسبة للسواقين الاغلب يتفقون معهم على 500 الف روبيه طول اليوم في بونشاك يعني 200 ريال سعودي خلال اليوم كامل من الصباح الى 10 المساء تقريبا

وفي باندنق بعضهم يزيدون 100 الف يعني 600 الف روبيه يعني 240 ريال في اليوم الكامل

والسواقين الافضل تشوف اللي في المنتدى وتشوف كيف تعاملهم مع الاعضاء وكيف العربي معه وتنسق معه من هنا
والمبلغ في قدر المستطاع ما يكون اغلبه معك او مع زوجتك جزا معك وجزا مع زوجتك
سبحان الله ما تدري عن الظروف بس نقول كذا من مبدا الاحتياط عشان ما يروح كل شي مره وحده وربك يسهل الامور
واللي في الفيزا على حسب رغبتك كم راح تحط فيها
و الاستخدام كل الشبكات تصرف فيزا في المحلات ان ما خاب ظني

وتابع التقارير قديم وجديد يعني حق ستة شهورالى يومنا هذا عشان يكون اختيارك جيد للاماكن والتنسيق رائع

هذا شي اضافه للمشاركه لان مهما اضفت ماراح تلقى اكيد افضل من اللي سبقوني بنصائحهم وارائهم

وتقبل رايي بكل ود

والجميع ايضا اتمنى يكون رايي جزا من رايهم

واتمنى لك رحلة موفقة

دمت بود محبكم / البرنس المسافر