الموضوع: استفسار بسيط بخصوص رسوم اصدار جواز امريكي

الدفع كااااااااااااش فقط

ولا يقبلون البطاقه ابدا ابدا




الرسوم ما ادري بالضبط لكنها اكثر من 500 ريال
وترى فيه رسوم ثانيه وهي لـ فيدكس بس ما ادري كم ...


انت خذ معك 1000 ريال وريح دماغك ..
وبحاول اتأكد من صديقي ,, هذا اذا تذكر كم

سئلت الرجال ويقول ان الرسوم تقريبا 513 ريال وتدفع كاش فقط


بس ناسي هل تشمل رسوم فيدكس او لا ( 90% انها شامله )






شوف هذا الموضوع يمكن يفيدك


http://www.arabtravelersforum.com/travel500342/


وربي يسهل امورك يا غالي ،، وبشرنا


وتكفى لا تنسانا من الدعوات

النهر الجاري مرورك يشرفني
اشكر لك مساعدتك

انا حسب ما قريت انه الرسوم 135 دولار
يعني تقريبا 500 وشوي

بس اللى اعرفه انه التسليم بنفس القنصليه يعني مافي رسوم فيديكس

علي العموم مثل ما قلت اودي معاي 1000 كاش واريح راسي

تسلم لي يا الغالي وقفتك معاي ولا يوهنون الاعضاء
ويا رب تتسهل الامور اليوم ولا يطلبون طلبات تعجيزية ثانيه

الله ينور طريقك ويسهل امورك اتمني لك كل التوفيق وان شاءالله اول ما اخلص من المقابله
اعطيكم التفاصيل ايش صار

دعواتكم ،،،،
وربي يسهل امورك يا غالي ،،

الحمد الله انتهيت من المقابله الشخصيه والحمد الله سهالات بس الله يهديها اللي بالكونتر تحاول تطلع اي عذر عشان تعطل الموضوع بس هههههه انا لها بالمرصاد

كل ما قالت ابي هذا طلعت لها اللي تبي مره جواز الوالد مره تبي الشهادات مره مره صور اخر شي قالت الشهادات التواريخ تختلف عن الولاده قلت اكيد في قبل شهادات وفي بعد الولاده وتكلم وانا واثق باللي عندي


اخر شي قالت روح للشباك رقم اربعه ادفع رسوم اصدار جواز

وقالت انا بعرضها علي القنصل وان شاءالله يوافق جلست انتظر شوي الا جاني الاشقراني

طبعا كنت متوقع اول سوال يسالني ليه توك تطلع الجواز
طبعا كنت مذاكر هههههههه وادري انه بيسال هذا السوال
قلت له ما كان في فرصه اطلع الجواز بس احين قررت اطلعه لاني بروح ان شاءالله قريب
قال ايش راح تسوي قلت سياحه
وسالني وين تشتغل وايش كان الوالد يسوي بامريكا و وين رحت
اخر شي ضحك وقال مبروك وافقنا علي اصدار لك الجواز انتظر اسبوعين راح يجيك ايميل عشان تستلمه

طبعا شكرته وقلت له سعيد بلقاك اعطاني بعدين اوراقي وجوازي السعودي والاحوال

واعطاني ورقة تسديد رسوم الجواز 513 ريال بس

هذي كل اللي صار لي

وفي انتظار الجواز الازرق اكحل عيوني في

بس في ملاحظه ما اخذ مني صور
الصوره اللي موجوده بس بالفورم اللي معبي ما اخذ مني غيرها

تتوقعون راح يسون سكان علي نفس الصوره * من الموبايل

السلام عليكم

اخواني عندي عده استفسارات ارجوا افادتي الله يجزاكم خير


الان الوالد مغير اسم العائله في الهويه السعوديه هل هذا يعيق اصدار الجواز الامريكي -انا مواليد امريكا- وعندي فقط صوره اثبات تغير الاسم موضح فيه الاسم القديم والجديد من الاحوال المدينه((صوره فقط وليس الاصل))


مطلوب البوم صور يحتوي على صوري من صغري الى الان انا للاسف ما اتصور كثير وماعندي صور وانا كبيره الا صور الاحوال والجواز فهل هذا الألبوم مهم لاحضاره ؟؟


ارجوا الرد وافادتي سريعا لاني بأخذ موعد بناء على ردكم


وشكرا

السلام عليكم
بالنسبة للاسم يمديك تروح الاحوال ويعطونك برنت وافادة بتغيير الاسم
2- اما الصور ونت صغيير ترا حسب الموظف ماهي ضرورية اخوي طلبوها منه وما كان عنده راحلهم بصورة الي موجودة في ملف المدرسة الابتدائية طالع فيها الموظف وقالها خذها ماهي ضرورية وسدد واخذ جوازه
تحياتي

مشكور اخوي رامي

سؤال اخير من فضلك وش اخذ معاي للاحوال يكفي الهويه
ووش اقولكم؟ مو معقول اقولهم ليش ابغى البرنت او الافاده؟؟

السلام عليكم
ايه ترا من حقك تأخذين برنت وبعض المعلومات الخاصة بك
بس ترا الاحوال تغيرت لازم تحجزين موعد عن طريق النت
واكيد لاتقوليلهم وش تبين في البرنت والافادة ويكفي الهوية لانه الاثبات المعتمد
تحياتي

مشكور اخويلي عودة بإذن الله


تحياتي

بخصوص الاسم ما عندي فكره لكن حبيبنا رامي شعيل افاد جزاه الله خير


اما بخصوص الصور ... اتفق مع حبيبنا رامي شعيل .. فيه ليست ضروريه او بالاصح ليست اجباريه .. وانما مهمه قد تفيد احيانا ..
فالافضل يكون معكم اي مستند يفيد مثل الصور الشخصيه - شهادات دراسيه لكم - شهادات دراسيه او عمليه للوالد والوالده - رخصه قياده وبطاقات بنكيه للوالد والوالده
هذه كلها مو الزاميه .. لكن وجودها قد يفيد ( واحيانا الموظف يطلبها بالاسم )


نرجع لموضوع الصور .. حتى لو الموظف طلب الصور .. فهو ما يحتاج ( البوم صور ) كل اللي يحتاجه كم صوره لاعمار مختلفه .. يعني اتوقع 5 صور في اعمار مختلفه كافيه


شوفوا هالموضوع يمكن يفيدكم
http://www.arabtravelersforum.com/travel827731/

بالتوفيق

اولا مرحبتين كبار فيكم ومنورين الموضوع

النهر الجاري حبيبي لك وحشه كيفك اخبارك
اخوي رامي منور حبيب قلبي

اختي عربيه امريكية اقف لك احترام ومنوره الموضوع

بخصوص استفساراتك مثل ما قالو اخواني رامي و النهر مو ضروري
علي حسب الشخص اللى راح يستقبل الطلب
هم راح يحاولو قد ما يقدرون انهم يعطلو الموضوع بس انتي خلييكي واثقه وهذا حق من حقوقك الجواز

بس في اشياء ممكن تعفي اشياء يعني
صور - شهادات دراسيه للوالدين - رخصه - بطاقات بنك
اي شي يدل وجودهم هناك وقت ولادتك
وطبعا شهادة الميلاد الاصل
وان شاء الله راح تتسهل كل امورك ولا تنسين بعد ما يطلع الجواز ننتظر العزيمه
والا شرايك اخوي النهر الجاري

بالتوفيق وننتظر ردك بطلوع الجواز الامريكي واي استفسار ما راح يقصرون الاخوان

تحياتي لكم

ننتظر العزيمه
والا شرايك اخوي النهر الجاري



ايه صح صح




على فكره وش صار بموضوع سفرك

المشاركة الأصلية كتبت بواسطة النهر الجاري
http://www.arabtravelersforum.com/tr...1/#post8047241

ايه صح صح




على فكره وش صار بموضوع سفرك




هههههههه بس بشرط تكون العزيمه بأمريكا

ان شاء الله بتكون سفرتي نهاية السنه باذن الله
علي الترتيب اللى انا مرتبه راح يكون النيوير هناك

بتكون من 20/12/2013م الى تقريبا 15/01/2014م حسب الترتيب وان شاء الله تتسهل