الموضوع: بلادنا حلوة حلوة و وديانها مالها مثيل وادي القحفي

السلام عليكم و رحمة الله و بركاته

بعد اطلاعي على تقارير اخواني في بوابة الرحلات حبيت اشارككم بعض من المناطق الجميله و الرائعه في بلادنا و التي تستحق الزياره و الاستمتاع بمناظرها و اجوائها الرائعه

يوم الجمعه الموافق 31/ يناير

توجهنا الى وادي القحفي عن طريق منطقة حتا

المنطقه جبليه بحته و تحيطها الجبال من كل جهة و الهواتف النقاله يستحيل

استخدامها في المنطقه لعدم وجود ارسال و نصيحه لمن يذهب مع عدة عوائل البقاء بالقرب من بعض او خلف بعض بالسياره

اما بالنسبه لنا فالرحله كانت عائليه و قد قمنا باستخدام جهاز لاسلكي

استفدنا من خلاله كثيرا في التواصل مع بعض و هذه صورة الجهاز

و لمن يريد معرفة مكان الشراء فهو من السوق الصيني

بسم الله نبدأ

انطلقنا من دبي باتجاه منطقة العوير و بعدها الهباب و المدام و الطريق كله سييييييييده

لا يمين و لا يسار

هذه صور من منطقة البداير منطقه ترفيهيه فيها العاب و دراجات ناريه و الحين طوروها

و فتحوا فيها محلات و سوبرماركت يعني سوق صغير

و فيها بعض الحيوانات الاليفه و الطيور سارحه في البر

و هذا التل المشهور اللي يتوافد عليه الشباب للصعود بالسيارات و الدراجات الناريه

و له ذكريات جميله ايام الطفوله فكنا تقريبا كل اسبوع في حتا وفي طريج الرجعه نوقف تقريبا عشر دقايق نشوف الصاعد و النازل

و هذي صوره من المنطقه اللي قضينا فيها ايام الطفوله كلها

و بعد الغداء كنا نلعب بالكوره صغار و كبار

و الحين تستوي اللخبطه في مركز للحدود نطلع من حدود الامارات

ندخل حدود عمان

بعد ربع ساعه نرجع مرة ثانيه و ندخل حدود الامارات

المرور في الدخول و الخروج سهل جدا و يجب ابراز الهوية الوطنيه

بس مشكله اذا صادفك واحد يدقق في الهوية ساعه و يأخرك و اللي جنبه بدون ما يشوف الهويه

يقول توكل على الله و هذا اللي صار معانا

كملنا الدرب و هذي صورة جميله لسلسلة الجبال

الحين صار في حتا سوق مثل سوق الجمعه اللي في الذيد

يبيعون زوالي و مفارش و فخار و اواني منزليه و جدور و غيرها الكثير بس ما نزلنا

مرينا على مقهى ناخذ من عنده كرك لان طلعنا من البيت متاخرين و ما تريقنا و في الحدود تأخرنا وايد

بس للاسف طلع شاي ليبتون و صابين فيه حليب بدون طعم

بعدين بييكم دوار الحصن الكبير و تاخذون يمين نسيت اصوره

هذي صوره من الطريق بعد الدوار

رفرف يا علم في اعالي الجبال و القمم

و بعدين بييكم دوار مستطيل صغير في آخر الشارع تاخذونه يسار و تدخلون منطقه سكنيه

و على يساركم فيه سوق اعتقد للخضار او اللحوم و بعده يسار و هناك لازم تسألون من وين الدرب لانه ما في اي لوحه تدليكم الطريج

بعدين في محلات على يمينكم دكان و خياط و لاندري تدخلون يمين و على اليسار جبل مرسوم عليه اعلام

هذي صورة جلسة خارجيه لاحد البيوت عجبتني و ارجوا من اصحاب البيت يسامحوني على التصوير

صوره من الطريق

بوابة و حرس للحدود

و السياج تمتد لاعلى الجبل

يتبع

مواضيع عشوائيه ممكن تكون تعجبك اخترناها لك:

• المهند في وادي لجب وأدق التفاصيل هناك هـ
• سؤال لمحترفي رحلات البر
• براد رز على كيفك‎
• مستلـــــزمـــــات الرحلـــــة البريـــــةوالبحريـــــة اساسية
• أيام ولا في الأحلام مكشات مع أبناء العم في باطن جزالا شمال غرب القويعية بالصور
• من درجة إلى درجة في أقل من دقيقة
• مساعدة في القارمن نوفي
• وادي لجب الصدع الإنكساري في أقدام جبل القهر حمد العسكر
• مقلوبة أرانب طعم ولا في الخيال صورة مفصلة
• ਊ҉Ξ‗ بعض الروابط للطقس ومتابعة الاحوال الجوية ‗Ξ҉ਊ
• كــوكــتيل العــربــي منــدي دجااج مشــااااوي
• رحلة الى عالم الالوان
• شلالات واودية محافظة مرات صباح اليوم السبت
• اللي عنده اي معلومات عن رحلات الصيد ؟؟
• أمطار وسيول ومزون وبرد وصواعق وربيع جنوب الطائف صورهـ
• نبي الكل يشارك يااهل البر والمكشات
• تجربتـي مـع المظبـي
• شعيب الفويلق تمير الخميس
• روائع الجزيرة المتنقلة كوين ماري
• قائمة الطلبات للرحلات والكشتات ؟

صوره من الطريق

وصلنا الى مبتغانا

هذي النزله و لازم تتحذرون من النزول و خاصه للي يملكون سيارات صالون

اليوم المنطقه فاضيه و ما فيها غيرنا

خذنا مكاننا بالقرب من الوادي و جهزنا الاغراض و اول شيء وضع الثلج على المشروبات

لانه الجو اليوم حار و الشمس ساطعه

اليوم غدانا مشاوي تكه و كباب

في الطفوله ما كنا نفكر في الكراسي لكن الحين من الاساسيات في الرحله

طبعا بتقولون ليش حاطينهم في الماي هذيل اليهال يالسين يتبردون في الماي

و هذا الحميض الجبلي و ما شاء الله اوراقه كبيره و غير عن البري لحقت اصوره بعروقه قبل التنظيف

و هذا مجرى الوادي

التقاطه عجبتني

و هذيل شباب المستقبل ما شاء الله عليهم صعدوا الجبل و يابولنا اكبر عروق للحميض

شوفوا الماي صافي و نقي

هذي صور من الرحله قبل اسبوعين

و هني تجهيز الفحم للشوي الرياييل جهزوه و ساروا يصلون في المسيد

الفحم جهز و الرياييل بعدهم

تكرمون هذا الحمام و لازم يكون موجود معانا

المرحاض زوجي خذاه من اسواق السنيدي في الدمام

هذي البطاطا غسلتها بماي الوادي و جهزتها للعشاء و بخبركم بعدين شو بسوي فيها

تعبنا من الانتظار و قلت بصور المكان

لحظة لعب بالماء

اللحم تصيخ و صار جاهز للشوي

شيش طاووق

البصل و الطماط

نكمل باقي الموضوع

المشاركة الأصلية كتبت بواسطة فيصل
http://www.arabtravelersforum.com/tr...8/#post8178948

وعليكم السلام ورحمه الله وبركاته

ماشاءالله

دخلتم عمان ورجعتم دخلتم الامارات

المنطقه من التقارير يبليها زياره ان شاءالله وبالشتاء ( مذاكر زين )

حي الله مديرنا
اهم شيء المذاكره

المنطقه وايد حلوه يبغيلها سياره 4 ويل و استكشف المنطقه بنفسك

شكرا على المتابعه

ماتقصرون جانب النظافه يتخلى البعص عنه وكانه واجب علي العماله فقط

شكرا لك

ماشاءالله رحله حلوووة وممتعه كم اخذ الطريق من دبي للوادي ؟؟

صور الكراسي الملونه مثل الوان علم الكويت بس لو بدل الازرق ابيض



وتكرمين المرحاض وايد طريقته حلووه للرحلات السريعه






تقرير جميييل عن مكان رائع والاحلى صورج الروعه




تسلم ايدج يام عليويعطيج العافيه

المشاركة الأصلية كتبت بواسطة فيصل
http://www.arabtravelersforum.com/tr...3/#post8179503

ما قصرتي
البطاطا التركيه وعرفنا الوصفه
شكرا لك



ههههههه اهم شيء البطن و اللي زار القريه العالميه يشوف خلطات اكثر بس هذا اللي الله قدرنا عليه

بس الحين الكل قام يقلد و يحط خلطات اللهم زيدها من نعمه

اشكرك مره ثانيه على المتابعه

المشاركة الأصلية كتبت بواسطة توبليرون
http://www.arabtravelersforum.com/tr...7/#post8179657

ماشاءالله رحله حلوووة وممتعه كم اخذ الطريق من دبي للوادي ؟؟

صور الكراسي الملونه مثل الوان علم الكويت بس لو بدل الازرق ابيض



وتكرمين المرحاض وايد طريقته حلووه للرحلات السريعه






تقرير جميييل عن مكان رائع والاحلى صورج الروعه




تسلم ايدج يام عليويعطيج العافيه

هلا بأم حسين

المسافه تقريبا ساعتين بس ما شاء الله ما تحسين بالوقت و الا قبل الشوارع فاضيه و تحسين الدرب طويل

اما الحين على يمينج و يسارج محلات و بنايات و شقق و غيرها

الوان علمنا و علمكم واحد بس ما يأ على بالي ما شاء الله عليج

و المرحاض تكرمين عندنا اثنين واحد نفس اللي في البيت فيه سيفون وياه محلول خاص بالتنظيف بس هذا اسهل

الله يسلمج و يعافيج شاكره مرورج الطيب

رحلة حلوه ومناظر بعد حلوه واعتقد المناظرعلى الطبيعه تكون احلى سبحان ا

ما عليج زود
الحمد الله انكم طلعتوا من البيت من وقت و الا على حزة اذان الظهر البداير زحمة ... وقبل الحدود زحمة
و عند الحدود زحمة ....
اما ولاية محضه لو يضمونها للامارات مب احسن ...
زين يوم حصلتوا البقعة فاضية عشان تاخذون راحتكم ...
الصراحة الرحلات الجماعية و اايد احلى ...
يعطيج العافية

عليكم بالعافية
طلعه حلوه ومشاوي
حلو انكم استغليتوا الوقت بالجو الحلو
واستانستوا وغيرتوا جو

ماشاء الله .. خوش كشته ..

أعجبني مرة المكان

لاهنتي على الصور

ماشاء الله تبارك الرحمن

بصراحة شغل مرتب

واحسن شي ان عندكم جهاز لاسلكي (باين عليكم اهل رحلات من خاطر) ومن شفت الاصياخ قلت اهل شوي

وكراسي واهم شي بصراحة الحمام (عزكم الله) شي ضروري

وبنطبق طريقة البطاط وبقولج طريقتي

تسلمين على التقرير وننتظر جديدج

المشاركة الأصلية كتبت بواسطة عامر الزعابي
http://www.arabtravelersforum.com/tr...8/#post8182898

ماشاء الله تبارك الرحمن

بصراحة شغل مرتب

واحسن شي ان عندكم جهاز لاسلكي (باين عليكم اهل رحلات من خاطر) ومن شفت الاصياخ قلت اهل شوي

وكراسي واهم شي بصراحة الحمام (عزكم الله) شي ضروري

وبنطبق طريقة البطاط وبقولج طريقتي

تسلمين على التقرير وننتظر جديدج

الله يسلمك

ما سمعت ميحد يوم يقول

احب البر و المزيون هاي انا

و الاصياخ خلاص انتهت صلاحيتها و كل ما سرنا ييلس نسيبي يتحرطم عليهم

و ما يعيبه اي صيخ الا اذا كان مربع عشان يثبت مب دائري

و تعبت و انا ادور شراتهم اعتقد ماخذينهم من السنيدي

اذا حد عنده فكره وين بنحصل النوع الزين يا ليت يخبرنا

الجمعيه و السوبرماركت عندهم بس ما ينفعون

اتريا طريقة البطاطا

تسلم على المرور

بالعافيه عليكم المشوي والبطاطا تسلمين اختي
الوادي اعجبني

المشاركة الأصلية كتبت بواسطة الربيش
http://www.arabtravelersforum.com/tr...7/#post8183087

بالعافيه عليكم المشوي والبطاطا تسلمين اختي
الوادي اعجبني



الله يعافيك اخوي الربيش
و تسلم على المرور

رحلة رائعة .. الله يعطيك العافية

المشاركة الأصلية كتبت بواسطة cash2000
http://www.arabtravelersforum.com/tr...7/#post8183297

رحلة رائعة .. الله يعطيك العافية



الله يعافيك

دايماً مبدعه ياهاوية الاسفار

المشاركة الأصلية كتبت بواسطة لوفتهانزااا
http://www.arabtravelersforum.com/tr...7/#post8185437

دايماً مبدعه ياهاوية الاسفار



تسلم على المرور و شكرا على كلماتك المشجعه و المحفزه دوما

ماشاء الله رحلة ممتازه والبطاطا شكلها لذيييذه وشغل مرتباهنيكم

المشاركة الأصلية كتبت بواسطة Abo.tmim1
http://www.arabtravelersforum.com/tr...1/#post8186891

ماشاء الله رحلة ممتازه والبطاطا شكلها لذيييذه وشغل مرتباهنيكم



جربها و ما بتندم
شكرا على المرور

شكراً مشرفتنا هاوية الاسفار

على هذا التقرير العائلي الرائع

ماقصرتي صور جميلة وعجبتني فكرة اللاسلكي

اخوك : http://www.arabtravelersforum.com/user364264/

المشاركة الأصلية كتبت بواسطة ارمـــ ARMANI ـــاني
http://www.arabtravelersforum.com/tr...1/#post8197021

شكراً مشرفتنا هاوية الاسفار

على هذا التقرير العائلي الرائع

ماقصرتي صور جميلة وعجبتني فكرة اللاسلكي

اخوك : http://www.arabtravelersforum.com/user364264/

العفو مميزنا و اتمنى انك استمتعت بالتقرير

ماشاء الله مشرفتنا

بصراحه رحلة ممتعه

أعجبتني طريقة البطاطا ونسخت المقادير

الف هنا وعافيه

المشاركة الأصلية كتبت بواسطة MOBARKI
http://www.arabtravelersforum.com/tr...1/#post8198951

ماشاء الله مشرفتنا
بصراحه رحلة ممتعه
أعجبتني طريقة البطاطا ونسخت المقادير
الف هنا وعافيه

الله يعافيك اخوي

ان شاء الله تجربها و تخبرنا عن رايك فيها

و بصراحه من بعد ما بديت اسويها بنفسي رحت للقريه العالميه و اكلتها هناك بس حسيت انه طعمها غيييييييييير و ما اعجبتني

و حتى خواتي جربوها في القريه و اول مره يجربونها بس ما كملوها لانها ما عجبتهم

شكرا على المرور

المشاركة الأصلية كتبت بواسطة ابويحيى.محمد
http://www.arabtravelersforum.com/tr...6/#post8205046

ما شاء الله تبارك الله
تقرير رائع
اشكرك على الجهد المبارك




تسلم و شكرا على المرور

تقرير رائع شكرا لك