الموضوع: بشتري التذكرة وبحجز سكن وابي رايكم مساعده ياهل الخير

السلام عليكم ورحمة الله وبركاته

شكراً لكل من شارك في هذا المنتدى الرائع والجميل وبجد استفد كثير منه. واخص الشكر للأخ وليد (waleed8818) والاخ (Impact) لاني بجد استفد من كل حرف كتبوه بالمنتدى يخص امريكا. الشكر للجميع

انا ان شاءلله في شهر JUNE القادم بصيف انا وزوجتي العزيزه وابني العزيز في لوس انجلوس وهذي اول مره نروح امريكا. نصحوني كثير بالمنتدى اني اخطط واشتري التذاكر من بدري . الحمدلله الفيزا جتنا كلنا (5سنوات). بالنسبه للطيران ابي مساعدتكم انا بعد البحث والتحري لقيت افضل شي الاماراتية (البحرين – دبي – لوس انجلوس) وقيمتها 17500 ريال تقريباً لشخصين وطفل عمره 6 سنوات (للمعلومية انا ساكن الخبر وقريب مني مطار البحرين) ونفس الرحلة من الدمام تصير 21 الف وشويه ؟؟ عاقد العزم اشتريها اون لاين وقلت بشاوركم قبل اشتريها يمكن تشورون علي برأي افضل.

انا بطلع حوالي من اسبوعين الى ثلاثه اسابيع وان شاءلله لوس انجلوس وبزور سان فرانسسكو وفيقاس بالسيارة !! الي عنده مشورة بتخطيط الايام رتيبها او اي رأي اشكره عليه وماننحرم منكم ياحلوين

بالنسبه للسكن ارجوكم ارجوكم ارجوكم تعبت جداً الي يقولي اسكن في انهايم او ارفاين (رخيص) والي يقول اسكن عند البفرلي وهوليوود (غالي بس يستاهل) والله تعبت وانا بصراحه ابي شي سعره معقول وتكفينا غرفة واحدة.
وياليت من اهل الخبرة يصنف لنا المقاطعات للسكن فيها حسب الافضل مثل اولاً بفرلي هليز .....ثانياً مثلاً مثلاً هوليوود .... الخ حلوة الخ لان يقولون لوس انجلوس كبيرة وبتتعب بالمشاوير للسيارة وبعضها بتاخذ ساعه وشوي عشان توصلها !! بصراحة واجد وتعب.
والي يقترح علي فنادق بحيث تكون سعرة معقول يعني من 500 الى 700 ريال بالليلة وموقف السيارة يكون سعرة معقول لاني لاحضت بعضهم موقف السيارة حوالي 40 دولار بالليلة !!!!

ادري كاتب جريدة ومصختها بس عسى الله لا يحرمني منكم انا من هالمنتدى انطلقت فكرة زيارة امريكا ومن هالمنتدى حصلت على فيزا امريكا لمدة خمس سنوات وان شالله من هالمنتدى بحصل افضل سكن كموقع وسعر وافضل خطوط طيران ولا رجعت من هالمنتدى بتشوفون التقرير ان شالله

اطيب التحيات: زايد

مواضيع عشوائيه ممكن تكون تعجبك اخترناها لك:

• الأخ وليد واحمد والخبراء كيف اعرف نسبة الضريبة في كل ولاية؟
• وصلت الفيزا
• استفسار بخصوص مخطط رحتلي لامريكا
• لو بستخدم السياره في هذا المسار ؟؟؟؟؟
• موعدي بكره سؤال مستعجل فزعتكم يا امباكت وباقي الاعضاء
• استفسااار بسييييييط
• وش هي الولاية الي يكثر فيها المطر ؟
• في حدا ب كليڤلاند اوهايو
• في مجمع في لوس انجلوس
• متطلبات السفارة كم نقطـة مهمّــه الخبراء يتفضلون
• الحلم اقترب من التحقق
• اطلب المساعدة من الاخ
• مقررين نروح امريكا نيويورك كاليفورنا ونيفادا فلوريدا
• استفسار عن السياحه فى أمريكا
• ارجو انكم تساعدوني لو سمحتو
• لازم استلم الجواز والفيزا بنفسي؟
• ضروري المساعدة السيارة و العودة طيران
• طلب للحصول على قبول من جامعات
• مصطلحات في تأمين السيارات في أمريكا
• بليز ساعدوني محتاج مساعدتكم

هلابك اخوي زايد وعذراً على التأخير بالرد ياغالي ,
حاول تكون الرحلة بحدود الثلاثة اسابيع ,
الولاية جداً ثاسعة وكبيرة وتستحق اقل شي هذة المدة ,
الطيران لا تتاخر اكثر من كذا وقص التذاكر على افضل سعر تلقاه وخط سير يناسبك ,
انصحك بالحجز بفندق الماريوت ليزدنس ان مين قيت مقابل الدزني لاند بأناهايم ,
الفندق جميل جدا وهو على نظام سويتات والمنطقة اكثر من رائعة سان دييقو تبعد عنك اقل من ساعة والشمال يبعد عنك حوالي 40 دقيقة ,
والافطار والموقف للسيارة والنت مجاني بالفندق ,

http://www.marriott.com/hotels/trave...heim-maingate/

http://www.arabtravelersforum.com/travel292781/

وتحت امرك اخوي لأية استفسارات او ترتيبات حابب تعملها او تسأل عنها ,
دمت بخير , , ,

سبحان الله وبحمده .. سبحان الله العظيم

هلا اخوي وليد وشكراً على الرد والاهتمام..

ابشرك شريت التذاكر(البحرين - دبي - لوس انجلوس على الخطوط الاماراتية انا وزوجتي و ولدي نايف ب 17500ريال) و جالس عشرين يوم ان شاءلله .. بالنسبة لفندق ماريوت انهايم مره ممتاز وسعره جيد بس يقولون انه بعيد جداً في الجنوب وبتعب بالمشاوير للشمال .. مع اني بحثت في الشمال الفنادق غالية والمواقف غالية جداً (لقيت هوليدي ان اكسبرس ذا واك فام) في ويست هوليوود سعره 210 دولار والمواقف حوالي 22 دولار بالليلة !! اانا بصراحة قلت بوزعها بجلس 7 ليالي ب ويست هوليوود وبرجع ماريوت انهايم 7 ايام وبينها خمس ايام بروح يا سان فرانسسيسكو او فيقاس.

اانا عاجبني ماريوت انهايم و لي خصم عندهم بس مش بعيد وبتعب بالمشاوير ؟ والا اتكل على الله واحجز فيه .. وفي نفس الوقت اخوي وليد نصحوني اروح اربع ايام لفيقاس او سان فرانسسكو (بسفيك واي) وارجع على (اكسبرس هايواي) من تغيير جو ؟ والا تنصحني اجلس العشرين يوم في لوس انجلوس.

تكفى ياوليد ضبطني بالبرنامج والفنادق

اطيب التحيات: زايد

اذا 20 يوم فنصيحة تنزل من مطار لوس انجلس وتستلم السيارة وتروح ساعة تقريبا بالسيارة الى

اناهايم او ايرفاين( اورانج كاونتى) وتقعد 5 ايام و بعدين بالسيارة ساعة ونص الى
سان دييغو 4 ايام وبعدين 5 ساعات بالسيارة الى
لاس فيقاس 3 ايام ومنها 4 ساعات بالسيارة الى
لوس انجلس 7 ايام وبعد ماتخلص تسلم السيارة بالمطار






سان فرانسيسكو حلوة لاكنها شوى بعيدة

اشوف من 12 الى 14 ليلة كافية في لوس انجلس وافضل زيارتك للمدن الاخرة
سأكتب لك كل مدينة وما تحتاجها من ليالي

لاس فيقاس 3 او 4 ليالي
سانفرانسيسكوا 3 ليالي
سانديقوا 3 او 4 ليالي

وبالنسبة للسكن هذه الروابط راح تفيدك باذن الله ,,

http://www.arabtravelersforum.com/tr...5/#post2860174

http://www.arabtravelersforum.com/tr...8/#post2856842

http://www.arabtravelersforum.com/tr...2/#post2079588


بالتوفيق ,,

السلام عليكم ورحمة الله وبركاته.. اسعد الله ايامكم

سوف أضع خطة سفرتي الى كاليفورنيا في شهر جون القادم والهدف من وضع الخطه تدوين ملاحضاتكم وارائكم قبل حجز الفنادق شاكر ومقدم لكم ولهذا المنتدى العظيم الذي لولا الله ثم هالمنتدى ماقدر اخطط للسفرة

مدة السفرة 20 يوم وتم شراء التذاكر على الخطوط الاماراتية (البحرين - دبي - لوس انجلوس) وتم حجز الكراسي الى عند الطوارى

12 ليلة في فندق دبل تري باي هلتون في ايرفاين (DoubleTree by Hilton Irvine - Spectrum) ومنها سوف يتم تغطية كل من لوس انجلوس شمال وجنوب و ساندييقو وارفاين وانهايم وبيكون معي سيارة من مطار لوس انجلوس وبسلمها بمطار لوس انجلوس

4 ليالي الى لاس فيغاس وبتكون بفندق wynn وبروح لها بالسيارة طبعاً

باقي اربع ليالي الاخيرة وقلت بخليها مفتوحه ماني حاجز سكن وهناك اقرر امدد بلاس فيقاس او ارجع لوس انجلوس شمال او جنوب او سانديقو ناخذ فندق على البيج مباشر في لهويا

هذا البلان وياليت فضلاً لا امراً تتكرمون علي بمشورتكم سواء تعديل في الايام الاولى او اقتراح للاربع ليالي الاخيرة

تقبلو تحياتي وشكري

ممكن تاخذوا 3 ليالي في سانفرانسيسكوا جميلة كطابع اوروبي !!

و تاخذوا 3 ليالي في سانديقوا تبعد ساعتين عن ارفاين !!

بالتوفيق ,,