بسم الله الرحمن الرحيم
السلام عليكم ورحمة الله وبركاته
.
.
قصة بنت كانت تنآظر واحد بعين قويـّـه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟ . ؟؟
وش تتوقعون وش صار خلونا نقراء القصيده ..
كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون
تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعيـن ؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون
قلت سنّـة هالحيـاة وحـنآترانـا مؤمنيـن
الله اللـي مسيّرنّـا بيـن كافـ وبيـن نــون
وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون
يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون
فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون
وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون
يالكفيفة يالعفيفـة إن قلـت آسـف تقبليـن ؟؟
يغفر الله ذنوب عبده ليا خطا وهـل تغفـرونمواضيع عشوائيه ممكن تكون تعجبك اخترناها لك:
- كيف تعرف بأن احد الفيتامينات تنقصك
- عذابات الوداع الأول
- عشر ذي الحجة فضلها والعمل فيها
- …ـ™مواضيع الأعضاء™ـ…
- الصين تحول حاملة طائرات الي فندق
- فوائد الصلاة الطبية
- شـوفـوا البـنـقـالـي وش كـتـب لـشـهـد
- مجموعة رائعه و فخمه من فناجين القهوة و الشاي
- الصوت الوحيد الذي لا ينقطع عن الأرض ساعة
- من اعظم ماقيل في حكم الحياه ليتنا نستفيد
- من اكون وأين اكون في عالمك ؟
- ما أجمل القدس ليلاً صور ساحره
- ارجو الرد للضروره
- عجائب الدنيا الطبيعية السبع الجديدة
- توزيعات مناسبة قبل عاشوراء
- °•♥•°تهنئة بالالفية الاولى همسة حب°•♥•°
- مجـــــــــــــــــــانين
- صـدمـة بـسـيـطـة لـكـن شـف وش صـار
- معجزة طفل في حفظ القرآن الكريم
- نبات الوستاريه
رد مع اقتباس
المفضلات