الموضوع: مساعده ضروريه الله يجزاكم خير ،، اول مره اروح امريكا

السلام عليكم

اخواني انا حابه اسافر امريكا مع زوجي على شهر (4) ابريل لمدة 25 يوم

وطلعنا الفيزا

حابين نروح ( اورلاندو - ميامي - نيورورك - شلالات نياجرا (

ونأجر سياره بميامي و اورلاندو

ميزانيتي. 5 الاف دينار كويتي
شامله كل شي تذاكر وسكن وسياره ومصرف
وحسبتها بالسعودي يطلع 66 الف و 600 ريال

هل الميزانيه كافيه ؟ علما ان ممكن نزيدها 500 دينار

ابي جدول تنظيم للرحله و اي فنادق تنصحوني فيها تكون اسعارها معقوله ومناسبه

انا جدا متخوفه من هالسفره بالرغم اني راح اموت على امريكا بس حاسه انها وايد صعبه واجراءاتها كثيره وصعبه

وانا مستواي بالانجليزي جيد و زوجي ضعيف! من الموبايل

مواضيع عشوائيه ممكن تكون تعجبك اخترناها لك:

• الى الاخت بنت صقور او اي شخص حصل على التاشيرة الامريكية
• موضوع غريب شوي
• استفسار لمستشارة بوابة الولايات المتحدة الامريكية
• تمت المقابلة اليوم بالرياض بالتفصيل ومعلومات هامة جدً
• ماهي افضل منطقه للسكن في بوسطن؟
• من وده يأخذ اجر
• اكل اللحوم فى امريكا
• استفسار عن تعبئة نموذج
• مشكلة في القبول لدى الجامعا ت الاميركية؟؟؟؟؟؟
• الوثائق المطلوبة للحصول علي التاشيرة الامريكة عن طريق الزواج المختلط
• مارايكم بهذه الفنادق بلوس انجلوس؟؟
• أفضل شركة طيران للانتقال من اورلاندو إلى نيويورك
• السكن في الابلكيشن
• وش صارلي في مقابلتي اليوم بالسفاره الامريكيه بالرياض بالتفصيل
• طاااالـبــكــموأكييييييد ماتردووون ضيفكم
• حددت الموعد هل هذا كل شئ ؟
• العفو بغيت أسأل عن الجو في كاليفورنيا؟ممكن
• استفسار بخصوص المقابله والمطلوب
• الله يعافيكم اللي يقدر يفيدني
• ديزني لاند اورلاندو

حياج اللة اختى
سهالات ان شاء اللة ولاتحاتين اى شى , الامريكان سهلين بتعاملهم وحبوبين

لازم بسرعة تحجزون تذاكرطيران علشان تحصلون سعر زين

اقترح كويت/ نيويوك/ كويت

تروحون نيويورك 4 ليالى ومنها بالسيارة الى ناياقرا ليلتين وبعدين بالطيارة الى ميامى 6 ليالى ومنها بالسيارة الى اورلاندو 11 ليلة ومنها بالطيارة الى نيويورك ليلة بالقرب من المطار




بالنسبة للميزانية طبعا تختلف من شخص لاخر لاكن ممكن اقدرها
سعر تذاكر السفر الدولية 700 دينار
سعر تذاكر السفر الداخلية 200 دينار
تكلفة استئجار سيارة 250 دينار
تكلفة السكن 1500 دينار
تذاكر دخول ملاهى ( دزنى , سى وورلد , يونيفرسال , ... الخ ) 250 دينار
المصروف اليومى لشخصين 2000 دينار
تكلفة المشتريات 600 دينار
الاجمالى 5500 دينار تقريبا

يعطيك العافيه اخوي عزيز ماقصرت

يعني الميزانيه حده حده ، بحاول ازيدها ان شاءالله

وحبيت اسألك يعني بشلالات نياجرا تنصحنا نأجر سياره ؟

احنا حاسبين حسابنا على ميامي و اورلاندو لان ماسمعت احد راح لنياجرا وساق ؟ من الموبايل

أرخص لكم تاجرون سيارة آخر يوم في نيويورك وتروحون فيها نياقرا ( الحل الثاني تروحون بطائرة ) !!
إذا معاكم سيارة في نياقرا ممكن تتمشون وتروحون الاسواق والحدائق و و

بالنسبه للسياره لنياقرا

الدرب 7 ساعات من نيويورك المناظر حلوه و كلها طبيعه

تقدرون تخلون نيويورك 3 ايام و تحطون يوم لوودبيري اوت لت .. و من الاوت لت الى نياغرا ... الاوت لت على نفس الخط لنياغرا
بامكانكم اخذ سياره من نيويورك الى "وود بيري اوت لت " المسافه ساعه ونص السكن ليوم واحد و منها تتسوقون و المنطقه وااااايد حلوه و هادية و كلها طبيعه عكس نيويورك ( اخذوها كسرة روتين عن الحياة في نيويورك ) ... و منها الى نياقرا 5 ساعات

اختي اقري هذا الموضوع و راح يفيدكم ان شاء الله

http://www.arabtravelersforum.com/tr...b=user_related

في كل ما تحتاجون لمعرفته باذن الله

تقدرون تخلون نيويورك 3 ايام و تحطون يوم لوودبيري اوت لت .. و من الاوت لت الى نياغرا ... الاوت لت على نفس الخط لنياغرا
بامكانكم اخذ سياره من نيويورك الى "وود بيري اوت لت " المسافه ساعه ونص السكن ليوم واحد و منها تتسوقون و المنطقه وااااايد حلوه و هادية و كلها طبيعه عكس نيويورك ( اخذوها كسرة روتين عن الحياة في نيويورك ) ... و منها الى نياقرا 5 ساعات


خوش خطة

الف شكر عالمعلومات

و منكم نستفيد

جزاكم الله خير من الموبايل

بس احب اذكر شي عن القياده في نيويورك " حوسه و صعبه ... راح تشوفون طريقة القيادة عندهم "
اخذو السيارة اخر يوم في نيويورك او قبلها بيوم " اخر النهار و تخلونها في مواقف الفندق ومنها من الصبح تحركون "

يعطيك العافيه اخوي

بس بعرف المسافه من نيويورك لي نياقرا بالسياره جم ساعه ؟ من الموبايل

7 ساعات دايركت من نيويورك الى نياغرا

يعطيك الف عافيه اخوي بميزان حسناتك من الموبايل