السلام عليكم ورحمة الله
عندي برنامج شهر عسل من 3 اسابيع يبدأ مع اوائل شهر جون 2013
بعد 6 شهور تقريبا
وبغيت استشيركم هل هاواي وحدها بمختلف جزرها تصلح لشهر عسل
لان خطتي هاواي
والمغادرة من جدة
عن طريق الخطوط السعودية الى مانيلا في الفلبين
وعن طريق خطوط هاوايان من مانيلا الى هونولولو
شيكت على الخطوط والمواعيد والاسعار ناسبتني
تكلفة التذاكر تقريبا 15000 لشخصين
==========
عندي مجموعة أسئلة ضرورية واتمنى مساعدتكم
1- ماسبق طلعنا فيزا لامريكا هل الفيزا صعبة وتاخذ وقت
علما ان كلنا طلاب جامعة يعني ماعندنا رواتب ثابتة فهل يكفي يقدم لهم كشف
حساب بمبلغ كافي مع بطاقة الفيزا برضه علما ان البطاقات
تم تغذيتها بالمبلغ مؤخرا ..
2- هل مبلغ 60 الف ريال بدون قيمة التذاكر وبدون قيمة الشوبنغ كافي
لقضاء ثلاث اسابيع في هاواي ؟؟
3- عجبني فندق الفورسيزون في هاوالايلي بحيث نقضي فيه 5 ليال
منطقته بركانية وغريبة عجبتني كثييييير
وعجبني فندق ذى رويال هاوايان على بيتش ويكيكي
وفندق the princeville resort
عجبتني منطقته حسيت حالي في سويسرا
وكل واحد بجزيرة .. كيف طريقة التنقل بين الجزر وهل ارتبها من هنا
او من هناك ؟؟
4- هل بتكون هاواي ممتعة لنا كعرسان من ناحية الانشطة والترفيه والريلاكسنغ
وهل الاقي منتجعات توفر مثل الاكواخ او الفلل الصغيرة لشخصين اللي توفر مسبح وجاكوزي او يكون لها اطلالة مباشرة ع البيتش
باي جزيرة من جزر هاواي ما يفرق
بحيث نقضي فيها الايام الاولى ؟؟
5- كيف التفتيش في المطارات هل هو معقد او سهل وسلس والاجراءات ؟؟
6- هل الفنادق هناك توفر الاكتيفتيز مع التوصيل لان خطيبي ما يسوق خارج البلد ؟؟
وهل فيه رحلات كروز وخلافه ؟؟
7- كيف الجو في هاواي بشهر جون ؟؟
على فكرة كنا محتارين كثير
لان سبق وزرنا الخليج ومصر والشام وتركيا واوربا سويسرا وفرنسا وماليزيا
ونبغى شي جديد ومختلف ومميز لشهر العسل ما سبق رحناه
فكرنا في جزر السيشل او المالديف بس حدها 5 ايام بعدها نضطر كخطة بديلة نروح معها ع سويسرا وباريس؟؟
ورحناها هالسنة !! ورح تكون نفس التكلفة ؟؟
والخطة الثانية هاواي وتعتمد ع مساعدتكم ونصايحكم
بانتظاركم للضرورة القصوى
صحيح هاواي بعيدة بس لو رحناها حنكون رايقين طول الفترة من السفرات الطويلة ..
وراح يكون عندي محطة ترانزيت وحدة في مانيلا
طبعا انا متعمدة ابعد عن المرور بأوروبا ثم امريكا ثم هاواي
لان الخط طويل ونكره كثرة الترانزيت
لكم كل شكري
مواضيع عشوائيه ممكن تكون تعجبك اخترناها لك:
رد مع اقتباس
المفضلات