الموضوع: السياحة في الصين بعد القرقر تقرير

بسم الله الرحمن الرحيم



أحمد الله الذي من علينا بالعفو والعافية بعد منته علينا بالإسلام والإيمان, ثم أتبعها منة منه وفضلا بالغنى والأمان, فاللهم أعنا على شكرها والقيام بحقها, ومنة منك وفضلا أدمها علينا عاما بعد عام. ثم الصلاة على خليل الرحمن وخير أهل الأرض والسماء.









أخواني اللي داخلين مدرعمين وماهم داريين وش السالفة, معليش اصفطو بالطيب عل اليمين لانه في أولية سير. وعلى بال ماخلص من أصحاب الأولوية روحو أفهمو السالفة واتمشو هنا شوية:

http://www.arabtravelersforum.com/travel720145/









أخواني أصحاب الأولوية, وكل من شارك أو مر من القرقرة اللي في الرابط اللي فوق وكان ينتظر مني معلومة مفيدة وخذلته, والاخوان اللي مصفطين عل اليمين:





أقدم لكم هذا التقرير عساه يلقى عندكم بعد الله قبولا واستحسانا انتم وكل من يقراه.

لكن قبل مانبدأ خلونا نتفق على أمور:





1. أخوكم اول مرة ف حياته يكتب تقرير كامل (ابقى قابلوني لو اكتمل). فاعذروني وتحملوني.

2. السفرة مضى عليها أكثر من سنة, وذاكرتي الله بالخير.

3. بما أن السفرة لها أكثر من سنة والذاكرة الله بالخير فراح يكون التقرير في الغالب ماله نظام وأكثره قرقرة -شكرا لكل من أحب قرقرتي- [/i]

4. لما كنت أصور ماكان ف بالي ولا خاطري تقرير ولا بطيخ -وش جاب البطيخ هنا- أضف لذلك إني ماني محترف تصوير ولا حتى هاوي. فلذلك الصور لك عليها كثيييييييييير. فصبرو أنفسكم وقولو العوض ولا القطيعة وفي رواية مكاوية مسروقة من الجنوب ريحة أبو علي ولا العدم.

5. كونو حليمين وصبوريييييييين تراني زووووووول كسلالالالالالان.

6. أنا رجل مزااااااح ضحااااااك أمزح وأضحك للضحك لا لشي آخر فاللي بياخذ على خاطره ويزعل يقولي لاتدف.

7. وهذه للادارة: إخواني هل الادارة أنا رجل صرييييح جدا ولا أقصد بصراحتي غير الصراحة, يعني لا أقصد التجريح ولا النيل من أحد وسبب ابتعادي - الفترة الماضية - عن هذا المنتدى وهو أحب منتدى لقلبي هو الديكتاتورية والحقران والتقليل من قدر الاخرين. أعلم أن في المنتدى إداريين قمم في الأخلاق والتواضع وتقدير الناس وأتمنى أنا وغيري أن يكون كل الإداريين مثل هؤلاء. وحقيقة أني متفاءل بوجود الأخ فيصل والطاقم الجديد ومن بقي من الأكارم أن يكون هامش التعبير والانتقاد - في حدود الأدب - أوسع وأرحب مما كان.







بسم الله نبدأ ف المشاركة القادمة

مواضيع عشوائيه ممكن تكون تعجبك اخترناها لك:

• ساااااعدوني بسرررعه
• استفسار الله يجزاكم خير
• افضل المجمعات لملابس الاطفال و تقليد الماركات في جاكرتا و باندونق و بالي
• رحلتي الاربعاء الي اندونيسيا وماليزيا مع الاهل
• طلب استفسار والمساعده
• بالي
• بخصوص الفيزا
• تكفون الفزعه ابي ارقام سواقين مضمونين
• استفسار عن بالي
• الفزعه ياخبراء المنتدى الغالي؟؟؟؟؟
• استفسار بخصوص الحجز من البوكينق
• الفزعه تكفو تكفون
• رحلة استجمام مخطط يحتاج لتوجيهاتكم
• مسافر لجاكرتا
• اهل الخبره ارجو الافاده بالبونشاك عااااااااااااجل
• تذاكر طيران لبالي
• برنامج في بالي لمدة اسبوع
• استفسار معرض كانتون اكتوبر
• برنامج رحلة عائلية في يوم
• استفسار

بالنسبة للاخوة اللي مامرو على الرابط اللي فوق اقلهم وبسرعة: الصين عالم وكرة أرضية مصغرة. لكنها مازالت مجهوووووووولة وتحتاج الى مجازفة لسبر هذا الغموض. فيما يخص الجانب السياحي لازالت مجهولة أكثر من الجانب التجاري. والمشكلة الأساسية في وجهة نظري والعائق الأكبر هو اللغة, رغم الجهود المبذولة لكن مازالت اللغة تمنع الكثير من الناس الذهاب للصين للسياحة. وبما أني أنا البطل الهمااااام صعاد الجبال نزال الوديان ذباح الدجاج فقد قررت إني أخووووض غمار التجربة فدوة لأهلي وقومي. عشان أي واحد بعد كذا يبغى يروح يتموسح في الصين يعطيني الفلوس وانا نيابة عنه أقوم بالواجب, أقول لا يكثر اخلص علينا. الموهم حتى تتغلب على جانب اللغة قامت الشركات الصينية المعنية بالسياحة باستغلال الوضع أفضل استغلال وبطريقة فيها الكثير من الاحترافية. حيث يوفرون لك حزمة كاملة من الخدمات بتداء من حجز الطيران والقطار مرورا بالفنادق وترتيب الرحلة وتوفير القايد والسيارة وتزويدك بالمعلومات السياحية عن الصين انتهاء بالرحلات الجماعية المجدولة مسبقا.





اللي صار لي بعد ماقرأت وسبحت في النت إني لم أجد رحلة جماعية تناسب الجدول اللي وضعته لنفسي مع العلم ان السعر النصف واقل. قمت بعدها بمراسلة كذا شركة سياحية حتى حطيت رحالي عند شركة china odyssey وتممت الاتفاق معهم على كل شي.

وكان جدولي كالتالي:

بكين 3 أيام

شنغهاي 3 أيام

سوتو وتونقلي 1 يوم

جويلين ويانجشو 2 يومين

جوانزو 3 أيام

بانيو 1 يوم

شنزن 1 يوم.



وكان الاتفاق أن الحزمة تشمل:

1. الطيران الداخلي مع القطار.

2. سيارة خاصة مع قايد غير السايق يجيد اللغة الانجليزية.

3. الدخول لفعاليات مسجلة في الاتفاق

4. فنادق مسجلة في الاتفاق وشاملة للافطار.

ولا يشمل الاتفاق:

1. اي فعالية غير مسجلة.

2. اكرامية - بخشيش - السايق والقايد.

3. أجرة السايق او القايد بعد انتهاء الانشطة.

4. الوجبات غير الافطار في الفندق.

5. أي تغيير في البرنامج.





طبعا هذه الطريقة يسمونها تفصيل حسب الطلب - tailor made - يعني تقدر تغير زي ماتبغى وتطلب أي طلبات خاصة. مثل إنك تطلب مثلا أن السايق والقايد يكونو تحت يدك من الساعة كذا الى الساعة كذا وأنت تدفع أي فعالية تبغى تدخلها. ولو كتب لي أن أعود للصين سأختار هذه. طبعا جوانزو وشنزن وخصوصا شنزن ليست ضمن الوجهات السياحية للصين. لكن انا اخترتها لشهرتها عند العرب. أيضا في وجهات سياحية مشهورة جدا ألغيتها لضيق الوقت مثل التبت وشنجدو وإما لاني ماني هواوي تاريخ بزيادة مثل شيان - xian -

[font="Traditional Arabic"][size="6"]في اليوم الموعود توجهت لمطار جدة الصالة الشمالية على خطوط الاتحاد. وكان حجزي على رجال الاعمال ف قلبي طبعا.

هذه كم صورة للمقصورة تحميس -وفي رواية مكاوية تحنيس- للي مايعرفوها



































وهذه طريقة تقديمهم للوجبة كانك ف مطعم

مساكين ياهل السياحي

احلى نسينا وين كنا -قله متى طلعت القصر, قله أمس العصر- (مثل مكاوي)





























لنا لقاء بإذن الله انتظروني مع أحداث بكين

\r\n أولا السلام عليكم
\nثانيا اذا كانت المقدمة ممتعه بهذا الشكل فا كيف رح يكون التقرير ؟
\nمتابع معك
\nو الله يقويك على أكمال التقرير\r\n

المشاركة الأصلية كتبت بواسطة kenken
http://www.arabtravelersforum.com/tr...7/#post7813807

أولا السلام عليكم

ثانيا اذا كانت المقدمة ممتعه بهذا الشكل فا كيف رح يكون التقرير ؟

متابع معك

و الله يقويك على أكمال التقرير





أولا: وعليكم السلام ورحمة الله وبركاته

ارحب والله ان ترحب





ثانيا: الشيخ بنفسه مشرفنا مرحبا الف والشقة بالف

ياحيا الله الشيخ kenken

الله يسلمك ويسمع منك

















شرفني مرورك

نعود والعود أحمد



مين أحمد؟؟؟؟؟

أحمد أخوي ولد أبوي

لا ياشيخ تنكت انت ووجهك

والله محاولات بس لسه هاوي ما احترفت

اقول اشتغل ولا تكثر قرقرة

مين قرقرة اخو قرقر التقرير حقي



خلاص خلاص

اعوذ بالله ياخي مايقدر الواحد يقول كلمة إلا قلتم غضب الله عليك

لكن الله فيه





المووووووهم بعد ماخلصنا توجهنا لمعبد السماء أو مذبح قرابين السماء الحمدلله على نعمة الإسلام هنا لمن يريد الاستزادة

http://ar.wikipedia.org/wiki/%D9%85%...85%D8%A7%D8%A1





طبعا مزروع شجر من برا لان لهم معتقدات فيه

















وهذ صورة عامة من بعيد للمعبد من برا, طبعا المعبد كبييير











وهذه القبة مقربة











وهذه صورتين من عند الدرج وحدة لصاحب معالي سعادة جلالة اللي ماعنده سالفة محاكيكم كاتب التقرير هذا اللي مايسوى

شكرا

















وهذه كم صورة من داخل المعبد مادري المذبح







































وهذه صور لمحل ثاني أظنه معبد صغير جنب الكبير وفيها صورة مقربة لطريقة النحت والرسم عندهم الله لايبلانا برسوماتهم وتخاريفهم ولعبهم ف خلق الله. قال ابن مسعود رضي الله عنه سمعت رسول الله صلى الله عليه وسلم يقول : ( أشد الناس يوم القيامة عذابا المصورون) صحيح البخاري























بعدها سألت القايد إذا كان في عروض الليلة فقالي في عرض كونغ فو قلتله مشينا ورحنا العرض وطلع هيااااااااط. يابن الحلال أنا لايعة تسبدي من افلام الأمريكان وهياطهم تجيبني عند هياط الصينيين. وبالأساس انا تعبان من السفر وهاتك يانوووووم في العرض رغم أنه مزعج للغاية وكله طبوووووول وأصوات عالية. وماصدقت انتهى العرض وقمت من النوم وصفقت لهم يعني اني كنت متابع ومبسوط. طبعا التصوير كان ممنوع لكن كان بره المسرح في ورع صغير قاعد يستعرض فصورته

















بعدها على الهم هم ندور عيشة. طبعا قايلهم من قبل ما أوصل تراني مسلم -احلف- يعني ما آكل غير حلال فأخذني القايد على مطعم مسلمين. واللي قرأ موضوع (القرقر) يذكر أني تفاجأت بوجود مطاعم المسلمين في كل المدن الكبرى وكانت مطاعمهم مميزة ومحترمة والصينين انفسهم يقبلو عليها. طبعا لما اقول مطاعم اسلامية ما اقصد باكستاني أو هندي أو يمني أو تركي أو غيره لالا أقصد مسلمين صينيين. وحقيقة كل ما أذكر أكلهم أتمنى أرجع الصين مرة ثانية عشان آكل عندهم يمي يمي يمي

إلى الصور جريندايزر انطلق





طبعا أول يوم فقلت للقايد اطلب انت, قالي عندهم البوت -pot- يعني قدر على سخان والموية تغلي داخله وتطلب معه اللي تبغاه لحم بقر, غنم, انواع الخضار, توفو. وتجي معه صلصات معينة تغمس فيها بعد ماتشيل من الموية المغلية













































طبعا طريقة الاكل مثل ماقلنا تحط اللحم والخضار والتوفو في الماء وثواني وهي مستوية وترفعها بالعيدان وتغمسها في الصوص أو الصلصة وبسم الله على فمك. أخوكم في الله أول يوم وأبغى اتعلم على العيدان وهاتك ياضحك ونظرات, عاد الصينين ملقف مثل ربعنا, وأنا الفرجة ذاك اليوم في المطعم. بس عادي أنا متعود آخذ الامور هذه بضحك ووناسة. الان اخوكم في الله محترف عيدان أي واحد مايعرف يجيني وأنا أعلمه.













نشوفكم مع أحداث اليوم الثاني

نوما هنيئا

وداعة الله

\r\n ما شاء الله عليك
\nمن اول يوم بالصين على هوت بوت\r\n

المشاركة الأصلية كتبت بواسطة kenken
http://www.arabtravelersforum.com/tr...5/#post7817255

ما شاء الله عليك

من اول يوم بالصين على هوت بوت











ايش ترعف انت (ايش تعرف -بلغة بنتي-)

هههههه





حياك مشرفنا مرورك وتعليقك شرف لي

شاكر لك متابعتك

السلام عليكم ورحمة الله وبركاته







حياكم الله متابعين برنامج ماعندك أحد

الرعاة الرسميون

الجمس الاسود

الشمس الشموسة

الابواب المفتوحة





شكرا شكرا لكل الداعمين والله يعطيهم العافية نشكرهم حقيقة من كل قلوبنا ونقولهم الف شكر والله يعطيكم العافية ولا يحرمنا منكم













قبل ما أبدأ أحداث اليوم الثاني خلني أتكلم عن فندق بكين

اسم الفندق: Jianguo Garden Hotel





تصنيفه: يصنف 4 أو 5 نجوم





تقييمه: تقييمي الشخصي 8 من 10

الفندق نوعا ما قديم لكنه مرتب ونظيف ومحافظ على رونقه الفطور جيد لانه في قسم كامل عالمي. يعني تلقى بيض, خبز, معجنات, شاي عادي, وتشكيلة طيبة.





موقع الفندق: يقع على احد اهم الشوارع الرئيسية في بكين أظنه شارع السلام. وعلى بعد 15 دقيقة مشي يعني 5 دقايق بالسيارة من مجمع اسواق ومولات ومطاعم وخلق وناس. أبدا مايضيع من الفندق على الشارع تمشي قدام على نفس اتجاه السيارات يجيك عل اليمين.

ميزة جدا مهمة في الفندق لنا كمسلمين هي وجود مطعم صيني اسلامي داخل الفندق





لكن حقيقة ما جربته لأني اكتشفته آخر يوم





وهذه كم صورة من موقع TripAdvisor





المعذرة الصور صغيرة بالمرة















































على سالفة الشاي: أنا مدمن شاي أخضر ولي مزاج غريب فيه ما أشرب أي شاي أخضر إنما لي شاي معين أشربه. لما جيت أسافر الصين تقولي أم علي كم تبغى احطلك شاي أخضر ف الشنطة, قلتلها خبلة انتي تراني رايح الصين يابدو أهل الشاي الصح. يوم رحت الصين تندمت والله ولما خبرت ام علي تعال شوف شماتة الحريم الله لا يبلانا. طيب ليش تندمت ياباشا؟؟؟؟؟

الصينيين ما تلقى عندهم الشاي أبو خيط ولا شي اسمه تلقيمة ولا عندهم كافيتريات تبيع شاي ونسكافه, وان حصل ولقيت فالله يعينك شي أبو كلب وصدق أو لا تصدق ب 15 ريال وانت طالع كوب الشاي أو الكوفي. أما شاهيهم هم فلهم فيه علوم وسلوم يعني عادات وتقاليد, وموجود فيما يسمى بيت الشاي يعني لازم تكية ورواقة مافي شي اسمه take away .





أحداث اليوم الثاني في المشاركة التالية بإذن الله

\r\n رائع
\n
\nاستمر\r\n

المشاركة الأصلية كتبت بواسطة رامي حسن
http://www.arabtravelersforum.com/tr...3/#post7819143

رائع



استمر





الرائع مرورك أخي رامي

والأروع تشرف موضوعي بتعليقك









ابشر بالخير أخوي

\r\n ما شاء الله , جولة ممتعه . للحجاره في الصين لها معتقدات كثيره و خاصة يشم او حجر الجاد , و مع الاسف هناك في بلادنا اناس تصدق هذا الكلام , علما انه حجر لا يضر و لا ينفع إلا بإذن الله . اما صحن الدجاج بالسكر ... فهو اكثر من رائع .\r\n

المشاركة الأصلية كتبت بواسطة kenken
http://www.arabtravelersforum.com/tr...3/#post7820063

ما شاء الله , جولة ممتعه . للحجاره في الصين لها معتقدات كثيره و خاصة يشم او حجر الجاد , و مع الاسف هناك في بلادنا اناس تصدق هذا الكلام , علما انه حجر لا يضر و لا ينفع إلا بإذن الله . اما صحن الدجاج بالسكر ... فهو اكثر من رائع .





الحمدلله على نعمة الإسلام

والله أنها مصيبة وضياع للتوحيد أن يتعلق أحد بهذه الحجارة أو يصدق أنها تنفع أو تضر

وهذا عين التناقض مع الإسلام

فالأسلام يبدأ بالتوحيد قبل الصلاو والزكاة وسائر العبادات

اللهم اجعلنا من عبادك الموحدين





دائما منور مشرفنا

ودائما يسعدني شوفة معرفك في موضوعي

كل الشكر

كل العرفان

كل المودة

\r\n حمدلله علي السلامه
\n وان شاءالله يشفيك ربي من الدسيك ويحفظ لك بنتك
\nاي امر يخص الاداره او الاعضاء فيه قسم الشكاوي وثق ان أي خطأ يحاسب صاحبه مهما كان ومن سوف يرد عليك بالقسم الاداري هم مخولين بالتصرف zazaa ام عزيزيز وسترانجر مان ومحسوبك
\nمثل ربعنا الصينين مين مخرب الثاني زين
\nخخخخخخخخ
\nشرف السور الصين كعابي ايه يا رجال شكلك تقصد التسلق
\n
\nالحمدلله علي نعمه الاسلام
\n
\nالبحيره رائعه
\nتصويرباللبس ذكري جميله\r\n

المشاركة الأصلية كتبت بواسطة فــيـصـل
http://www.arabtravelersforum.com/tr...7/#post7841927

حمدلله علي السلامه

وان شاءالله يشفيك ربي من الدسيك ويحفظ لك بنتك

اي امر يخص الاداره او الاعضاء فيه قسم الشكاوي وثق ان أي خطأ يحاسب صاحبه مهما كان ومن سوف يرد عليك بالقسم الاداري هم مخولين بالتصرف zazaa ام عزيزيز وسترانجر مان ومحسوبك

مثل ربعنا الصينين مين مخرب الثاني زين

خخخخخخخخ

شرف السور الصين كعابي ايه يا رجال شكلك تقصد التسلق



الحمدلله علي نعمه الاسلام



البحيره رائعه

تصويرباللبس ذكري جميله



لا

لا

لا

لا

مش مسدأ عيوني الباشا الكبيييييير أووووووي أووووي في تقريري

ايه الشرف الكبير ده









ياحيا الله الشيخ فيصل

والله يسلمك من البلا



فيكم الخير والبركة جميعا وعساكم ع القوة





أما ربعنا مالهم طب لكن الله يصلح الأحوال





أما الصعود للسور فوالله مع نفسهم والله ماطراني حتى لو يعطوني فلوس





حقيقة شرفني مرورك وتعليقك

عساك عل القوة

\r\n

يعطيك العافية على التقرير الرائع والصور اللي فيه جميله والمكان يستأهل التجربة بصراحه استمتعت في الاجزاء والصور وفي انتظار بقية الاجزاء إن شاء الله

\r\n

المشاركة الأصلية كتبت بواسطة الحوسني
http://www.arabtravelersforum.com/tr...9/#post7842929

يعطيك العافية على التقرير الرائع والصور اللي فيه جميله والمكان يستأهل التجربة بصراحه استمتعت في الاجزاء والصور وفي انتظار بقية الاجزاء إن شاء الله

ياهلا ويا مرحبا

حيالله الجمس الأسود

احححم قصصصصدي طال عمرك المراقب العام

تراني أحب المنتدى وأهل المنتدى

وخصوصا الإدارة لهم مكانة خاصة ف قلبي

وأخص الخصوص المراقب العام

وترى لو قالو لك أي كلام عني: إني ما أحب الإدارة ولا هيكي أو هيكي

ترى مو بصحيح

والكلام المكتوب ف اول التقربر تراه مكذوب علي عشان يشوهو صورتي ويتهموني باني اسعى لانقلاب في المنتدى

خخخخخخخخخ









أسعدني تشريفك وتعليقك أخي الفاضل

وابشر باللي يسرك بإذن الله لكن اصبر علي عندي بعض شغيلات ومن غيرها أنا كسوووووول

لكن بإذن الله أكمل التقرير









شاكر وممتن

\r\n الأخ /lemonde
\n
\nتحية طيبة
\nالله يعطيك العافية على هذا التقرير ، مجهود تشكر عليه في استعادة المعلومات بالرغم من مرور سنه على الرحلة لكن استرجاعك للمعلومات وطرحك البسيط الغير متكلف والصور الجميلة واسلوبك الممزوج بروح الفكاهة يجعلني اقدم لك الشكر وانتظر منك باقي الأجزاء
\nلا تتأخر
\nمتابعينك .
\nدمت في حفظ الله .\r\n

\r\n احسنت .... بورك فيك\r\n

المشاركة الأصلية كتبت بواسطة البسمة الحرة
http://www.arabtravelersforum.com/tr...9/#post7846619

احسنت .... بورك فيك











والله أني جاي أكتب وفيكي أختي

وما أدري وش اللي خلاني أدخل على ملفك

إلا وأشوف معلم ثانوية وهاوي كرة قدم

قلت ياولد اسحب بريك لاتجيب بلنتي ف سلوم القبايل



حياك الله أخي والله يجعل البسمة دوم رفيقتك

شاكر وممتن

المشاركة الأصلية كتبت بواسطة a2b2c2
http://www.arabtravelersforum.com/tr...9/#post7843069

الأخ /lemonde



تحية طيبة

الله يعطيك العافية على هذا التقرير ، مجهود تشكر عليه في استعادة المعلومات بالرغم من مرور سنه على الرحلة لكن استرجاعك للمعلومات وطرحك البسيط الغير متكلف والصور الجميلة واسلوبك الممزوج بروح الفكاهة يجعلني اقدم لك الشكر وانتظر منك باقي الأجزاء

لا تتأخر

متابعينك .

دمت في حفظ الله .



يا حيا الله حروف الهجاء ضرب اثنين خخخخخخخخ

حيالله خبراء هونج كونج

كيفهم أهل هونج كونج؟؟؟؟ مازالو جفصين وعفشين والابتسامة مفارقتهم.

سبحان الله ياخي على قد ما لفيت ف العالم وفريت ماشفت ف حياتي ناس جافين وناشفين - إذا أخرجنا ربعنا من المقارنة طبعا - ف تعاملهم رغم أن البلد جميلة ومنظمة ومرتبة وأمان ومافي أحد يغلط عليك. يارجل حتى موظفين الفنادق والمطاعم ما يبتسم الواحد إلا بكفيل غارم وكفيل حضوري هههههه.



شكلي خرجت عن الموضوع





الله يسلمك اخوي وهذا من ذوقك والحمدلله اللي أعجبك

أما حس الفكاهة فوالله جنيت على نفسك

دنا حهريك فكاهة لحد ماتموت دحك

خخخخخ





شرفني مرورك اخي الكريم

وأسعدني تعليقك



لك مني كل الود

السلام عليكم ورحمة الله وبركاته

أولا آسف على تأخري مع إني ماشفت أحد دور ولا سأل باستثناء كم واحد من الربع



الله يعطيهم العافية.







مع أن عدد المشاهدين ارتفع بشكل طيب.

لكن السؤال اللي يراودني؟؟؟؟؟؟!!!!! ممكن لكن كيف أتأكد......

في احتمال ثاني أن المتابعين قلييييييييل لكن متحمسين يعني الواحد منهم يدخل -وفي رواية يدش- الموضوع عشرطعشر مرة في اليوم يشوف نزل شي جديد ولا لا؟؟؟؟؟؟؟؟!!!!!! برضو ممكن لكن كيف أتأكد؟؟؟؟؟؟

برضو في احتمال ثالث أن عدد المشاهدات للموضوع كبيرة نسبيا -يعني مو مرة لكن تمشي الحال- بسبب الخلق اللي تخش مدرعمة -يعني يسبني- فيخرج غير آسف ولا معلق؟؟؟؟؟؟؟!!!!!!!

في كل الأحوال يهمني اعرف رأي قارئ الموضوع حتى لو غير راضي أو عنده انتقاد ممكن يطرح انتقاده على الهواء ترى عندنا ديموقراطية بالزبط مثل اللي كانت عند القذافي والرؤساء السابقين لدول الربيع اليعربي

خخخخخخخخخخخ













****انتظروني****

شنغهاي



طبعا كنت مشترط على الشركة أن الرحلات بين المدن تكون في الصباح الباكر جدا قدر المستطاع حتى مايضيع علي ولا يوم. توجهنا للمطار وبما انه اخر يوم فهو يوم البخشيش للسواق والقايد. طبعا السواق كان لا بأس به فعطيته 100 يوان. والقايد حقيقة كان يستاهل كديته كد الويل حقيقة وما قصر أبد فعطيته على ما أذكر 300 والله لو طلب أكثر كان عطيته لانه محترم وخدوووووم جدا.





مطارات الصين اللي نزلتها حقيقة كلها مرتبة ومنظمة وفوجئت بأنهم يطلبو جوازي ويمررو على جهاز وتتطلع بطاقة صعود الطائرة -Boarding Pass- . أما التفتيش عندهم سالفة ثانية, في حياتي ماشفت تفتيش وتشدد ف المطارات مثل الصين, حتى أمريكا ماهي في تشددهم-.

بعد ما وصلت شنغهاي عرفت ان في قطار الطلقة بين بكين وشنغهاي وتندمت حقيقة إني ماجربته, لكني عوضتها ف شنغهاي بقطار الMAGLEV اللي يوصل للمطار.





اعتذر حقيقة ما صورت مطار بكين ولا مطار شنغهاي. لكن خيرها ف غيرها





يتبع مع أحداث اليوم الأول في شنغهاي

شنغهاي لؤلؤة الشرق كما يسميها محبوها وهي فعلا أفخم مدينة في الصين وأكثرها تطورا والصينين يقولون شنغهاي للفلوس وجوانزو للتجارة. وللأمانة فهي فعلا لها سحر خاص تحس انك في مدينة أوروبية أو أمريكية باستثناء الوجيه وواضح فيها كثرة الأجانب والسياح.المووووهم مالكم بالطويلة كانت بدايتنا مع البند -THE BUND- يعني الرصيف. وهو الرصيف المحاذي للنهر اللي يشق شنغهاي, وللي مايعرف البند فهو حاجة خاصة بشنغهاي يعني إذا قلنا التايمز سكير لنيويورك والهوليود للوس انجلوس والميوزيم سكوير لفيينا والشانز لباغي-يعني باريس بس ابغى اجرب الدلع اشوف يليق علي ولا لا- والرد لايت لأمستردام......... ايش في قلت حاجة غلط

طيب آسف خلاص بدون رد لايت طيب والكورنيش لجدة

اقول بلا ف شكلك ردنا ع الرد لايت أصرف منك انت وجدة غير





طيب هذا البند ياطوال الأعمار رصيف محاذي للنهر يمثل لشنغهاي كورنيشها وهو طوييييييييييل جدا وفيه كل شي

وهنا للي يبغى معلومات زيادة





http://en.wikipedia.org/wiki/The_Bund





واللي مايبغى يتفضل هنا كم صورة للأخ بند زوج اختنا بنده

اححمم احححححمممم

شكلي جبتها شمال

آسف آسف نرجع للأخ بند وكم صورة له





























وهذه كم صورة للحلو

قصدك الشكش











وهذه وحدة ليلية من القارب











وكم صورة للضفة الأخرى

















وصورتين ليلية من القارب

















بعده اتجهنا لنانجينج رود أو طريق نانجينج وهو أشهر شارع تسوق في شنغهاي. والشارع هذا خطييييير بكل المعاني يعني ان كنت من محبي التسكع يعني المشي وتمضية الوقت بين الناس والهيصة ودخول المحلات للفرجة فهذا هو المكان؟؟؟؟؟؟؟؟ قاللي ليش وش المشكلة يترزقون الله, قلتله ياحبيبي شغل مصخرة وفي الصبحية. قالي مصخرة ايش ياولدي ستريت هوكرز عندنا يعني يحاولو يصيدوك عشان تروح معاهم محلات ماهي في السوق انما في شقق ودهاليز عشان يعرضو عليك المقلد. والله واضحك واقول لنفسي صدق الصين بلد العجائب. الموهم الى الصصصصصصووووووووور









هذه صور مباني من أيام الاستعمار البريطاني مقابلة للبند وحنا متجهين لنانجينغ رود



















وظاهرة ساعة بيج بن النسخة الصينية





















زحمة يادنيا زحمة

زحمة وتاهو الحبايب

زحمة ولا عدش رحمة

اجي من هنا زاااحمة

اروح من هنا زااااحمة











وهاهي طلائع النانجينغ يبدو رهج سنابكها ثائرا يملأ الأركان ويزكم الأنوف

خخخخ

ارحمنا يالخطيب الجاهلي









































بس هذا مافي غيره







آسف والله ماكنت أدري إني راح انزل تقرير

ماعاد أعيدها توووووووبة

مرحبا بك ...lemonde

الصراحة انا تفجأت بالتقرير ...يومها كنا نترجاك تكتب تقرير

وبعد سنة تنزل التقرير ...مدري يمكن تشويق بشكل غريب ههههههههههههه

عموما يعطيك الف عافية ع التقرير ومجهود تشكر عليه بالذات بعد سنننننننننننننننننة يعني الذاكرة عندك تمام ماشاء الله

تقديري لجهدك ..

المشاركة الأصلية كتبت بواسطة مــــــــــ بنت ــــــكة
http://www.arabtravelersforum.com/tr...5/#post7851245

مرحبا بك ...lemonde

الصراحة انا تفجأت بالتقرير ...يومها كنا نترجاك تكتب تقرير

وبعد سنة تنزل التقرير ...مدري يمكن تشويق بشكل غريب ههههههههههههه

عموما يعطيك الف عافية ع التقرير ومجهود تشكر عليه بالذات بعد سنننننننننننننننننة يعني الذاكرة عندك تمام ماشاء الله

تقديري لجهدك ..

















هذي فيوس -كيفي أجمعها زي ما أبغى- مهي مصدقة





أهلا أهلا

هلا بستي المشرفة









والله ياستي لا تعززت - ولا هم يحزنون.

كل مافي الأمر انه حصل موقف مع بعض الاخوة من الاداريين القدماء -عفا الله عنا وعنهم- ومارسو علي - من وجهة نظري طبعا- اسلوب التطنيش. فأخذت في خاطري وابتعدت عن المنتدى اللي بالأساس أنا مقل بالمشاركة فيه او في غيره. لكنه أكثر موقع أتابعه. ثم لما صار أخونا الفاضل فيصل مدير للمنتدى راسلته بشيء في خاطري وحقيقة وجدت نعم الإنسان المنفتح والمتقبل والراقي والمحترم. بعدها طابت نفسي شوي لكني انشغلت بالتحضير لسفرتي الأخيرة وبعدها سافرت لحوالي شهرين ولما رجعت برضو كان دخولي عل المنتدى خفيف, وبالصدفة وانا طفشان وماني عارف وش اسوي قلت ياولد شوف مشاركتك, وهنا كانت الصدمة.



لو تذكري لما طلبتي مني انتي وبعض الاخوة اني اكمل قرقرتي, اني قلت طيب وابشرو, هذاك الوقت حصلت الإشكالية اللي تكلمت عنها في بداية الرد.



الموهم لما شفت الردود وطلب بعض الاخوة لبعض المعلومات حز في خاطري وأثر فيني وأنا حسسسساااااسسسسس

مع نفسك والله



فقلت ياولد توكل على الله

وعوض مافات واكتب تقرير لعله ينفع أحد ويفيده.





وبس هذه السالفة وما فيها ياستي المشرفة.



ياهلا ومرحبا ببنت البلد

شرفني مرورك

وأسعدني تعليقك

\r\n والله صدقني ما فيه احد ما يزعل بأي يوم هنا نختلف كصيرا ولكن أهم شيء ما نشيل بالقلب
\n كم مره نويت اقدم اعفاء
\nكم مره رفضنا الاشراف وغيره ولكن الزملاء اللي معاك يحمسونك ويقولوا كلنا فريق واحد كلنا نشتغل ونكمل المسيره ونحاول نغير اشياء تكون ايجابيه
\n
\nخلنا نرجع لك يا باشا
\n شنغهاي واجهت احد الشباب المبتعثين وصار يتكلم عنها عجيب صراحه يثني عليها كثير وقلت له عرفت صيني قال بأقل من 6 أشهر قلت له يا رجال قال ابشرك جبت اخوي معاي وابن اختي وصرنا مبتعثين
\n
\nدبي حاليا بعد منع التقليد وانت ماشي بسوق نايف بتشوف من يعرض عليك الانتقال معه لاي شقه للاطلاع علي الشنط والاقلام المقلده
\n
\nما قصرت بالتقرير
\nشكرا لك\r\n

المشاركة الأصلية كتبت بواسطة فــيـصـل
http://www.arabtravelersforum.com/tr...3/#post7852643

والله صدقني ما فيه احد ما يزعل بأي يوم هنا نختلف كصيرا ولكن أهم شيء ما نشيل بالقلب

كم مره نويت اقدم اعفاء

كم مره رفضنا الاشراف وغيره ولكن الزملاء اللي معاك يحمسونك ويقولوا كلنا فريق واحد كلنا نشتغل ونكمل المسيره ونحاول نغير اشياء تكون ايجابيه



خلنا نرجع لك يا باشا

شنغهاي واجهت احد الشباب المبتعثين وصار يتكلم عنها عجيب صراحه يثني عليها كثير وقلت له عرفت صيني قال بأقل من 6 أشهر قلت له يا رجال قال ابشرك جبت اخوي معاي وابن اختي وصرنا مبتعثين



دبي حاليا بعد منع التقليد وانت ماشي بسوق نايف بتشوف من يعرض عليك الانتقال معه لاي شقه للاطلاع علي الشنط والاقلام المقلده



ما قصرت بالتقرير

شكرا لك



ياحبي لك ياذا الآدمي

من يوم عرفتك في المنتدى -ويشرفني اعرفك بره المنتدى- وانت انسان بسيييييط

ماغيرك منصب. وتتكلم بصراحة وبساطة. روح ياشيخ ربنا يوفئك ويسعدك.





انا قابلت أخ مصري له 7 سنوات في جوانزو قاللي الى الان ماتعلمت صيني. قلتله يارجل من جدك؟؟؟؟؟!!!!!! قالي هو في احد يقدر يتعلم دي اللغة!!!!!! الصينين انفسهم يعانو.

أبشرك انا تعلمت 4 اربع كلمات بس.



أحلى حاجة قابلتها الصبحية هذه -بعد سندوتش الكبدة بالشطةخخخخخخخخ- اني فتحت الكمبوتر ولقيت الشيخ فيصل منور تقريري للمرة الثانية

\r\n الأخ / lemonde
\n
\nتحية طيبة
\nجزء جميل للجميلة شنغهاي
\nفي الحقيقة اعجبتني واتمنى ان تكون لك احداث جميلة تزودنا بها مع الصور
\nفي انتظارك
\nاستودعتك الله ،،،\r\n

المشاركة الأصلية كتبت بواسطة a2b2c2
http://www.arabtravelersforum.com/tr...5/#post7853885

الأخ / lemonde



تحية طيبة

جزء جميل للجميلة شنغهاي

في الحقيقة اعجبتني واتمنى ان تكون لك احداث جميلة تزودنا بها مع الصور

في انتظارك

استودعتك الله ،،،







أولا ألف مبروك الإشراف ولو انها متأخرة بالحيل ومالها طعم













ثانيا أشكرك على تفضلك وتكرمك وتعليقك

شكرا يقولها قلبي

المشاركة الأصلية كتبت بواسطة lemonde
http://www.arabtravelersforum.com/tr...9/#post7925689





أولا ألف مبروك الإشراف ولو انها متأخرة بالحيل ومالها طعم













ثانيا أشكرك على تفضلك وتكرمك وتعليقك

شكرا يقولها قلبي







الأخ / lemonde





تحية طيبة

والله يبارك فيك ويخليك ، وبالعكس اسعدتني التهنئة ، وليست بالضرورة في وقتها ولكن المهم شعوركم اللطيف ومبادرتكم الله يعك العافية .دمت في حفظ الله .

\r\n عندما بدأت كتابة الموضوع لم يكن حبا في الكتابةولم يكن عشقا في تحميل الصور وتنزيلها في الموقع
\nولا زهوا بسفري فقد سافرت ولله الحمد والمنة وطفت بلاد الله كثيرا
\nولكن مادفعني تساؤلات وتفاعلات لقيتها بعد حين في موضوعي الأول. فألزمت نفسي بالجلوس - خصوصا أن المواضيع السياحية عن الصين نادرة - على الحاسب وتحميل الصور وتذكر الأحداث وفتح القديم من الملفات, علي أفيد ذا حاجة.
\nوبما أن الردود والمشاركات هي وقود أي تقرير, فإن تقريري هذا قد نفد منه الوقود وتوقف. لست أستجدي هنا مشاركات, ولا ألوم من قرأ ولم يعلق. بل ألوم بناني أنه لم يرق لذائقتكم. فأنا الملوم لا أنتم. ولايجمل حسن نية عملا.
\n
\nقد يبدو للبعض أني أكتب ما أكتب وأنا حزين, لكنني والله عالم داخلي من السعادة والفرح كثير, ذلك أني للقيد كاره وللكتابة شانئ وللانطلاق عاشق وبالترحال هائم. فالسفر عشقي والترحال هواي والكتابة ليست مذهبي ولا دأبي.
\n
\n
\nشكرا لكل من مر من هنا وقرأ نثاري حتى لو لم يعلق
\nوشكرا وشكرا وشكرا حتى ينفد مدادي لكل من علق وكتب
\n
\n
\n
\n
\n
\n
\n
\n
\nمن هنا مر طيف وانطفأ
\n
\n
\n
\n
\nالنهاية\r\n

\r\n أرجو من المشرفين الأفاضل غلق الموضوع\r\n

\r\n السلام عليكم و رحمة الله و بركاته
\nمبارك عليكم الشهر و عساكم من عواده
\nتقرير جميل و رائع
\nيرفع لقسم التقارير حتى يبقى منارة للمسافرين\r\n

بسم الله الرحمن الرحيم

أحمد الله الذي من علينا بالعفو والعافية بعد منته علينا بالإسلام والإيمان, ثم أتبعها منة منه وفضلا بالغنى والأمان, فاللهم أعنا على شكرها والقيام بحقها, ومنة منك وفضلا أدمها علينا عاما بعد عام. ثم الصلاة على خليل الرحمن وخير أهل الأرض والسماء.




أخواني اللي داخلين مدرعمين وماهم داريين وش السالفة, معليش اصفطو بالطيب عل اليمين لانه في أولية سير. وعلى بال ماخلص من أصحاب الأولوية روحو أفهمو السالفة واتمشو هنا شوية:
http://www.arabtravelersforum.com/travel720145/




أخواني أصحاب الأولوية, وكل من شارك أو مر من القرقرة اللي في الرابط اللي فوق وكان ينتظر مني معلومة مفيدة وخذلته, والاخوان اللي مصفطين عل اليمين:


أقدم لكم هذا التقرير عساه يلقى عندكم بعد الله قبولا واستحسانا انتم وكل من يقراه.
لكن قبل مانبدأ خلونا نتفق على أمور:


1. أخوكم اول مرة ف حياته يكتب تقرير كامل (ابقى قابلوني لو اكتمل). فاعذروني وتحملوني.
2. السفرة مضى عليها أكثر من سنة, وذاكرتي الله بالخير.
3. بما أن السفرة لها أكثر من سنة والذاكرة الله بالخير فراح يكون التقرير في الغالب ماله نظام وأكثره قرقرة -شكرا لكل من أحب قرقرتي- [/i]
4. لما كنت أصور ماكان ف بالي ولا خاطري تقرير ولا بطيخ -وش جاب البطيخ هنا- أضف لذلك إني ماني محترف تصوير ولا حتى هاوي. فلذلك الصور لك عليها كثيييييييييير. فصبرو أنفسكم وقولو العوض ولا القطيعة وفي رواية مكاوية مسروقة من الجنوب ريحة أبو علي ولا العدم.
5. كونو حليمين وصبوريييييييين تراني زووووووول كسلالالالالالان.
6. أنا رجل مزااااااح ضحااااااك أمزح وأضحك للضحك لا لشي آخر فاللي بياخذ على خاطره ويزعل يقولي لاتدف.
7. وهذه للادارة: إخواني هل الادارة أنا رجل صرييييح جدا ولا أقصد بصراحتي غير الصراحة, يعني لا أقصد التجريح ولا النيل من أحد وسبب ابتعادي - الفترة الماضية - عن هذا المنتدى وهو أحب منتدى لقلبي هو الديكتاتورية والحقران والتقليل من قدر الاخرين. أعلم أن في المنتدى إداريين قمم في الأخلاق والتواضع وتقدير الناس وأتمنى أنا وغيري أن يكون كل الإداريين مثل هؤلاء. وحقيقة أني متفاءل بوجود الأخ فيصل والطاقم الجديد ومن بقي من الأكارم أن يكون هامش التعبير والانتقاد - في حدود الأدب - أوسع وأرحب مما كان.



بسم الله نبدأ ف المشاركة القادمة