الموضوع: السلام عليكم مسافر لأندونيسيا افيدوني

السلام عليكم شباب ،،

انا مسافر لإندونيسيا بعد إسبوعين ارجوكم افيدوني وين اروح وين اجي وايش الافضل في هذه الدولة

يعني يليت تقولولي دليل سياحي مبسط وش الي لازم اروح لها قرية ولا شيء يعني الاشياء المهمة
الي ماتتفوت ، يعني الاشياء الجميلة والحلوة الي لازم تنزار وماتتفوت

منتظر ردكم في كل شي حتى في نظام الاكل وهالاشياء والفنادق

على فكرة احنا شخصين عزابية الميزانية مافي شي محدد نريد الافضل

مواضيع عشوائيه ممكن تكون تعجبك اخترناها لك:

• اشتريت تذكرة الكترونية من موقع خطوط جارودا
• كلمة ولو جبر خاطر
• لأهل الخبرة
• ابي جدول لرحلتي الي اندونيسيا تقريبا يوم
• استفسارات عن رحلتي لأندونيسيا
• رحلة شهر عسل إلى بالي لمدة يوم
• خـبـراء الـعـمـه أرجـو مـسـآعـدتـكـم
• استفسار بخصوص الحجز من البوكينق
• متوقهة ويا الأصفار والارقام انقذوني
• الجو في البنشاك
• تكفون يااعضاء اندونيسيا الفزعه
• انا مستمع وانتم لمن الناصحين
• سؤال قـــــــــد كده؟
• كله منك يابو العصافير
• استشـــارهـ ولاتبخلون علي بأرائكم
• اين تذهب في جاكرتا بعد مساء
• مساعدة أهل الخبرة جوانزو هونج كونج مكاو
• محتاج المساعـــــــــــــــده ضروري شهر العسل
• ممكن مساعدتكم في رحلتي الى اندونيسيا
• مدينة باندونق

وعليكم السلام ,,,

اول حاجة لازم تحدد كم يوم بتجلس هناك

ثاني حاجة وش المناطق اللي تبي تزوها ( اكيد انك اخذت لك فرة على مواضيع البوابة وحددت لك كم مدينة تبي تزورها )

وابشر بسعدك

^^

هلا اخوي المدة اسبوعين بإذن الله

الأماكن على ماحسب ماقريب الافضل جاكرتا وبالي والجبل الاخضر الي هو بونشاك

جاكرتا الي سمعته انه صخب ومو مرة حلوة يعني حقها يومين ثلاثة بالكثير
الجبل هو الي مفروض نطول فيه لانه يستحق وجميل
بالي لا اعلم عنها الكثير ولكن الي عرفته انك لازم تزورها في اندويسيا

بس يليت تفديني انت بالأفضل والاشياء الي ماتتفوت غير الي ذكرتها يعني مثلا في جاكرتا وش الاأماكن الي لازم ازورها

حلو جداً اشوف الوقت كافي وتلحق تزور المناطق المشهورة

اشوف انك تقسم المناطق كالتالي :

جاكرتا يوم واحد اللي هو يوم الوصول للراحة

بالي 4ايام

الجبل 5 ايام

باندونق يومين

جاكرتا يومين استعداداً للرجوع وايضاً للتسوق

بالنسبة للاماكن والفعاليات اللي بتسويها هناك راجع موضوع عمدتنا ابو غادة وانا متاكد انه بينفعك كثير

http://www.arabtravelersforum.com/travel823853/

الله يعطيك العافية انا شاهدت هذا الموضوع ولكن الكاتب الله يجزاه خير مكثير جدا في الاماكن يعني ماشاء الله عليك حاط كل شيء

انا ابغى الأماكن المميزة فقط يعني ماابغى اكرر نفس المكان اذا تشابه مع مكان اخر فاهم علي اخوي

طيب بالنسبة للمسافات جاكرتا الى الجبل ساعتين اعتقد بالسيارة
ولكن بالنسبة لبالي وباندونق كيف وضعها طيران ولا سيارة

وكيف الجو هناك كويس ولا حار ولا كيف ؟؟

انا ابغى الأماكن المميزة فقط يعني ماابغى اكرر نفس المكان اذا تشابه مع مكان اخر فاهم علي اخوي



الاماكن اللي عرضها اخونا ابو غادة تعتبر هي الاماكن المميزة ولك ان تختار منها اللي تبي على حسب وقتك






طيب بالنسبة للمسافات جاكرتا الى الجبل ساعتين اعتقد بالسيارة
ولكن بالنسبة لبالي وباندونق كيف وضعها طيران ولا سيارة



من جارتا الى بالي تطلع بالطيارة حوالي ساعة ونصف الى ساعتين ومن جاكرتا الى باندونق تقريبا ساعتين ومن باندونق الى الجبل تحددها زحمة الطريق ووقت خروجك لها ( تقريباً من 3-4 ساعات بالكثير )






وكيف الجو هناك كويس ولا حار ولا كيف ؟؟



اجواء الجبل وباندونق باردة نسبياً مع امطار

جاكرتا شوية رطوبة على حر شوي ( طبعاً مهوب مثل عندنا )
بالي اذا كان الجو غائم بيكون براااااااد اما اذا كانت السماء خالية من الغيوم فهي شمس حارة ( لا تنسى تحط واقي شمس )

طيب يالغالي انا برنامجي بيكون كذا ابيك تعطيني رأيك

اول شيء جاكرتا بقعد فيها يومين بعدين للجبل لأنه قريب بقعد فيه تقريبا 5 ايام
بعدين لبالي بالطيارة بالنسبة لباندونق اروحلها من بالي بالطيارة بعد ولا كيف

لأني بروح من جاكرتا لللجبل بالسيارة وبعدين لبالي يالطيارة فصعب اركب الطيارة مرتين
لباندونق بعد فما اادري المسافة من بالي لـ باندونق بطيارة ولا كيف ؟؟

طيب اخوي حتى تكون في الصورة الجبل ما فيه مطار على عكس جاكرتا وبالي وباندونق لكذا بعدل لك شوي على برنامجك على حسب قرب المناطق من بعضها :

جاكرتا يومين ,,,, تطلع منها الى الجبل بالسيارة تقريبا ساعتين على حسب الزحمة

الجبل 5ايام ,,, تطلع منه بالسيارة الى باندونق من 3-4 ساعات على حسب الزحمة

باندونق يومين ,,, تطلع من مطار باندونق الى بالي دايرك تقريباً ساعتين

من بالي الى جاكرتا وهو اخر يوم لك

يعني انت تقدر تعدل على روحة بالي يا تخليها بداية سفر او تخليها اخر شيء

اها حلو الله يعطيك العافية يالغالي معليش آسف على كثرة الأسئلة والإزعاج بس عندي إستفسار بسيط

ودي اعرف ماهو الـ بونشاك مدينة هي ولا ايش بالضبط يمدحونها
ثاني شيء carita & anyer برضو هاذي ايش وهل تستحق الزيارة ؟؟

ودي اعرف ماهو الـ بونشاك مدينة هي ولا ايش بالضبط يمدحونها



بونشاك او الجبل عبارة عن منطقة ريفية تمتاز بالخضرة والشلالات والجو البارد والامطار وكثرة الفلل والسواقين والخدامات لكن ما فيها اسواق او مولات كبيرة وتنتشر طبعاً فيها المطاعم العربية والبقالات ومحلات الصرافة ومكاتب السفريات






ثاني شيء carita & anyer برضو هاذي ايش وهل تستحق الزيارة ؟؟



انير عبارة عن شاطئ يبعد عن جاكرتا 3 ساعات بالسيارة تقريباً العرب قليل هناك جداً وتعتبر منطقة هادئة وفيها فنادق جميلة ( بس فنادقهم شوي غالية ) اللي يميز انير شواطئها الحلوة والاكل البحري رخيص مررررة ( كيلو الريان الجامبو طاااازج بحوالي ال 40 ريال ) طبعاً ما يكفيها يوم يعني اقل شيء لو تبي تروح لها ثلاث ايام حقها
واي استفسار الجميع هنا في خدمتك

والله ما قصر مميزنا الغالي والحبيب طارق2004 .. كفى ووفى بإجاباته المميزة كالعادة ..
فقط رأي إذا سمحت ..
شاريتا وانير لا داعي لها طالما سوف تزور بالي وهي تغنيك بكل أنشطتها وفعالياتها ..
أشوف تلغي باندونق وتضيف أيامها للجبل أو بين الجبل وبالي ..
الجداول هي لأغلب الأماكن والمزارات المعروفة وليس المطلوب زيارتها كلها ولا يمكن
تحديد المميز والأفضل لأن الأراء تختلف وكثير اختلفنا هنا في البوابة ..
الله يوفقك وشكراً مرة أخرى لمميزنا الغالي ..

ليش باندونق تعتبر مكررة لبالي والجبل ولا مثل جاكرتا بالعكس انا مااحب التكرار اذا كانت نفس الشي ونفس الفعاليات ومافي شيء مختلف
اؤيد الغاؤها بس يليت تقولي يالغالي عن اسباب تخليني الغيها اذا ماعليك امر

والف شكر طبعا لمميزنا الاستاذ طارق الله يجزاه خير

لأن يومين تضيع في السفر يعني مثلاً عندما تسافر بالطائرة من بالي إلى باندونق يوم الوصول
يعتبر ضائع ويوم المغادرة بالسيارة من باندونق للجبل يعتبر ضائع وأيامك ما تستحق تضيعها
بكثرة التنقل بدون فائدة ..
هذا القصد وأيضاً طبيعة الجبل تغنيك عن باندونق ولا تنسى بالي وفعالياتها وجاكرتا ومولاتها
وهي مركز التسوق ..
إذا ما يهمك التنقل والتعب تخلي باندونق بالجدول وإذا الهدف الاستمتاع بالمكان من رأيي تلغيها ..