الموضوع: مساعده ضروريه وسريعه بليز

صبحكم الله بالخير اخواني وخواتي
استفسار سريع وضروري للخبراء
انا ان شاء الله نهاية اكتوبر رايح امريكا ((اخيرا))
وانا وصديقي ناويين نأجر سياره مابين ميامي واورلاندوو
بأجرها اونلاين من موقع BOOKINGCAR
الاستلام من مطار ميامي وارجعها بمطار اورلاندوو
راح ادفع كامل المبلغ اونلاين
بس ابي اعرف هل اذا بستلم السياره ياخذون علي Deposit او Hold
على بطاقتي لـ Security والا ماياخذون شي ؟؟

ياليت تفيدوني بليز وبأسرع وقت
مشكورين
اخوكم بوعبدالرحمن

مواضيع عشوائيه ممكن تكون تعجبك اخترناها لك:

• مطعم حلال في لوس انجلوس ؟
• استفسار أفضل أوت لبت بلوس انجلوس
• ابي اسم محل بامريكا
• أريد معلومات محددة عن ميلبورن الأمريكية إذا ممكن
• انا موجود في اورلاندو ابي عناوين تسوق
• أرجوا منكم مساعدتي في توزيع تواجدي في هذه المناطق بالترتيب
• ساعدوني بليز
• امس مقابلتي في السفاره الرياض
• خدمه من خبراء امريكا
• كيف الجو في شهر 9 سبتمبر في اورلاندو
• الأخ امباكت
• التنقل بلوس انجلوس ارجو مساعدتي سفري قريب جدا
• ب اسافر
• صحيح مطار نيو يورك ما يصلح للعرب؟
• استفسار عن ميامي وشلالات نياجرا و نيويورك
• بغيت اعرف احسن خطوط امريكيه للطيران الداخلي نيويورك لوس انجلوس
• تحويل الفيزا من سياحية إلى دراسيه
• المملكة تعيد افتتاح فندق البلازا بنيويورك بعد تجديده
• الاماكن السياحية في الشرق الامريكي
• المساعدة لتخطيط لزيارة مدن غير سموكي ماونتن واشنطن دس وتكون قريبة عليها

^^^^^
Up Up Up

Up Up Up

يس بياخذون deposit



تمنياتي لك برحلة سعيدة

يعطيك العافيه اخوي Close friends
كم تقريبا ياخذون Deposit وهل ياخذونها كاااش والا شنو بالضبط
وهل في اماكن ممكن ياجرون بدون الديبوزت والا بكل مكان ياخذون؟؟؟

لا معظمهم لايتعاملون بالكاش لازم يكون عندك كريدت او دبيت كارد

وتكون بإسم نفس الشخص اللي حايستأجر


في اكثر محلات التأجير يأخذون 10% (Deposit ) + مبلغ العملية كامل


وبعضهم يأخذون اقل شئ 200 دولار + مبلغ العملبة كامل


وهذا المبلغ يخصم من بطاقتك ويرد لك في الغالب بعد اسبوعين تقريبا من ارجاع السيارة


يرجع دايركت لحساب بطاقتك بعد التأكد انه لا يوجد اي خصميات اخرى


هذه المعلومة اللي عندي لأني أجرت كم مرة من هناك


اتمنى اني افدتك واذا في احد عنده اضافة اتمنى يفيدنا فيها

انا مجرب ها الشركتين عدة مرات Alamo و National
ادخل على موقهم الرسمي رأسا عن طريق محرك البحث Google
تعاملهم زين و خدماتهم ممتازة
ارجو لك التوفيق

فعلا كلام مميزنا الدرهم صحيح
عليك بشركتي ألامو وناشيونال وعندك انتر برايس بعد كويسيين

تعاملت مع booking rental car ووهقوني وتعاملهم سئ وكذابين وما حجزوا لي السيارة وتأكيد الحجز اللي أرسلوه مافيه أي من البيانات اللي دخلتها لهم عن نوع السيارة ونوع التأمين ومكان الأستلام ومكان التسليم وغيرها من المعلومات المهمة فقط اسمي ورقم الحجز واضطروا الشركة يحجزون لي هناك من عندهم حجز آخر ودفعت تأمين جديد ومبلغ جديد غير عن اللي حجزت فيه وطلعت علي السيارة لثلاث أيام الاستلام من ولاية والتسليم في ولاية أخرى ب 600 دولار

هذي تجربتي معاهم والأمر لك

موفق يارب

نصيحة
يوجد شركات معروفة و ايضا كن حذر معهم و بالنسبة مواقع المقارنة مفيدة لمعرفة الاسعار التقريبية و لكن الافضل ان يكون الاستئجار من الشركة مباشرة
الشركات
مثل
https://www.alamo.com/
http://www.avis.com/car-rental/avisHome/home.ac
http://www.hertz.com/
https://www.nationalcar.com/
http://www.budget.com/budgetWeb/home/home.ex
و يجب ان تقارن و تتأكد من الاسعار و التأمين و هل المبلغ مسترجع و رسوم التنقل بين المدن و رسوم الطرق و كلها تكون واضحة في مواقعهم
تحياتي

صبحكم الله بالخير يالربع
---
انا خلاص تشربكت وطحت في الورطه ومو عارف شنو الحل
ابي اخلص موضوع السياره بسرعه باقي اسبوعين تقريبا على الرحله
اونلاين انا ضايع وكل موقع غير
رحت مكتب AVIS اشوف اذا ابي احجز دولي
السياره اجارها 550$
لـ 13 يوم
ومع اضافة الـ GPS وتامين ضد مدري شنو وتامين وتامين
يعني الـ Full package وصل سعره 1400 $ O_o
همتكم معاي ترى كللللش مابقى وقت عندي بليز ساعدوني