مرحبا اخواني واخواتي بصراحه بغيت انقللكم تجربتي اليوم في السفارة الامريكيه في أبوظبي وبغيت أنبه الاخوان الي بيقبلون على تقديم الفيزا وانبهم
كان موعدي الساعه 9 ورحت الساعه 8 وبصراااحه نصيحه نصيحه الي يقدر يروح امبجر يكون افضل المهم كنت ماخذ ورقة الموعد الي هي بأسمي وعلى اساسه خذة زوجتي وخدامتي واوراق عيالي الي كلهم اقل من 14 سنه يوم رحت بصرااحه مذله وبهدله وقعده في الشمس يا أخي ذالينا واحنا في بلادنا بس يالله تحملنا يوم قالولي قوم بتدخل عشان تفتيش قالولي مايصير أدخل زوجتك ولا خدامتك قلتلهم ليش هم عايلتي قالو لا لازم كل واحد موعد حاولت حاولت بس مارضا السيكي الي عند الباب وبصراحه نرفزني بس الحمد الله اني مسوي احسابي ومسولهم موعد بعدي بيومين ولا لو الحين وين بلاقيلهم غير شهر 8 بس الحمد الله كن مسوي احتياط عقب ييت بدخل اوراق عيالي داخل رفضووووو اصدقووون 😳ليش يا ناس ياعالم انتو قلتو اقل من 14 سنه ما نيب العيال السفاره ليش مش راضين تاخذون اوراقهم قالو لازم تاخذ لكل ورقه موعد وبصراحه تنرفزت وضايقت وقلتلهم اعيالي صغار وين بلاقي موعد الحين غير شهر 8 مايصير انا ابوهم ومسؤل عنهم يعني ليش تعقدونها كفايه المدام ماطاعو يدخلونها المهم الهنديه كانت بصراحه متفاهمه ومشت عيالي وخذت الاوراق والحمد الله تيسرت
بس الي اريد انبهكم انه كل شخص موعد تفادي للغلاسه الي بتواجهك المهم موعد نفس اليوم مو مهم الساعه اذا كانت زوجتك 8 وانته 11 وعيالك 12 مو مهم المهم نفس اليوم الساعه ولا حد يسأل عنها بس بغيت افيدكم والله يوفق الجميعمواضيع عشوائيه ممكن تكون تعجبك اخترناها لك:
- ماحدث في السفارة عاجل
- استفسارات متفرقة للوس انجلوس ولاس فيقاس
- استفسار حول كيفية التعامل في المطار
- مسافر إلى أورلاندو
- اي معلومات حديثة عن ميرلاند بالتيمور
- فورم الجواز الأمريكي المساااااااااعدة
- ارجــو المســاعده
- سفرتي الاسبوع هذا انشاءالله
- عائلة مكونة من أب وأم وطفلين سنوات و سنوات ترغب بالسفر إلى أمريكا في الصيف
- بخصوص استخراج فيزا للزوجة
- دفع رسوم قبل موعد المقابلة بيوم ؟؟؟؟؟؟؟؟؟؟؟؟؟؟؟؟؟؟؟؟؟؟
- هااام لمن حصل على القبول لدى الجامعات الامريكيه
- بليـــز محتاجه مساعدتكم ضروري ؟
- استفسار مهم بخصوص موعد مقابلة السفارة الأمريكيه
- استفساراات حول الفيزا
- اقتراحاتكم مطلوبه السفر يوم الى بلاد العم سام بشهر ابريل
- سؤال للعزيز
- فزعتكم باقي يوم على سفرة شهر العسل و ماسويت شي
- ما هى الروابط اللازمة لحصولى على الفيزا ؟؟؟
- مجرد سؤال؟
رد مع اقتباس
المشاركة الأصلية كتبت بواسطة alderhim
لافي مستشفيات ولاخرابيط وعطنا اسم اول مدير لك وخرابيط اشكثر اسئله حدها غبيه
المفضلات