مرحبا اخواني واخواتي بصراحه بغيت انقللكم تجربتي اليوم في السفارة الامريكيه في أبوظبي وبغيت أنبه الاخوان الي بيقبلون على تقديم الفيزا وانبهم
كان موعدي الساعه 9 ورحت الساعه 8 وبصراااحه نصيحه نصيحه الي يقدر يروح امبجر يكون افضل المهم كنت ماخذ ورقة الموعد الي هي بأسمي وعلى اساسه خذة زوجتي وخدامتي واوراق عيالي الي كلهم اقل من 14 سنه يوم رحت بصرااحه مذله وبهدله وقعده في الشمس يا أخي ذالينا واحنا في بلادنا بس يالله تحملنا يوم قالولي قوم بتدخل عشان تفتيش قالولي مايصير أدخل زوجتك ولا خدامتك قلتلهم ليش هم عايلتي قالو لا لازم كل واحد موعد حاولت حاولت بس مارضا السيكي الي عند الباب وبصراحه نرفزني بس الحمد الله اني مسوي احسابي ومسولهم موعد بعدي بيومين ولا لو الحين وين بلاقيلهم غير شهر 8 بس الحمد الله كن مسوي احتياط عقب ييت بدخل اوراق عيالي داخل رفضووووو اصدقووون 😳ليش يا ناس ياعالم انتو قلتو اقل من 14 سنه ما نيب العيال السفاره ليش مش راضين تاخذون اوراقهم قالو لازم تاخذ لكل ورقه موعد وبصراحه تنرفزت وضايقت وقلتلهم اعيالي صغار وين بلاقي موعد الحين غير شهر 8 مايصير انا ابوهم ومسؤل عنهم يعني ليش تعقدونها كفايه المدام ماطاعو يدخلونها المهم الهنديه كانت بصراحه متفاهمه ومشت عيالي وخذت الاوراق والحمد الله تيسرت
بس الي اريد انبهكم انه كل شخص موعد تفادي للغلاسه الي بتواجهك المهم موعد نفس اليوم مو مهم الساعه اذا كانت زوجتك 8 وانته 11 وعيالك 12 مو مهم المهم نفس اليوم الساعه ولا حد يسأل عنها بس بغيت افيدكم والله يوفق الجميعمواضيع عشوائيه ممكن تكون تعجبك اخترناها لك:
- الي خبراء لوس انجلوس سؤال مستعجل
- هذا ما حصل معي في السفارة بالرياض بالتفصيل
- ممكن الاجابه على سؤالي ؟
- لاااااااااااس فيقاااااااااااس
- الاخ امباكت مع التحية
- محتاج مواصلات
- أيام في أمريكا كيف أرتبها ؟؟ شخص واحد وسأصل على مطار واشنطن
- اخوكم الصغير اموت بالسفر يتحدث اليكم من امريكا
- مكتب للتاشيرات
- محتاجة مساعدة ضروري
- ممكن المساعده لو سمحتوا
- لكـل من سافر بعد سالفة النايجيري
- تحرش المبتعثين بالمبتعثات خايفه
- اول مره اسافر امريكا
- أريد سكن في نيو يورك
- ؟ أستفهام يحتاج لجواب
- راسي راح ينفجر من كثر البحث عن تذكرة
- ساعدوني
- اورلاندو الي بيساعدني جزاه الله خير
- كم مدة الفيزا السياحية
رد مع اقتباس
المشاركة الأصلية كتبت بواسطة alderhim
لافي مستشفيات ولاخرابيط وعطنا اسم اول مدير لك وخرابيط اشكثر اسئله حدها غبيه
المفضلات