الموضوع: لأهل الخبرهـلاتخلونن ترآي بإذن الله نآويهااا نآويهااا

السلام عليكم ورحمة الله وبركاته....

لا للإطاله!!!
وبإختصار شديد...أنا وزميلي بالعمل ناوين 11 يوم بإندونيسيا بتاريخ الأحد 20/يناير/2013 والعوده 1/فبراير/2013
حجزنا حجز مبدئي من بريده_الدوحه_جاكرتا...جاكرتا_الدوحه_بريده بمبلغ 4900 ريال...الخطوط القطريه

-مناسب السعر؟؟
-الجو كيف؟؟ من ناحية الملابس!!
-بما إن وصولنا إن شاءالله الساعه 11 بالليل يوم الأحد..أوكي ننام بجاكرتا لكن بأي فندق؟
[size="5"]-الفلل في بونشاكـ...كيف أحجز؟؟ووش الأفضل؟؟والأقرب؟؟والأجمل؟؟وال....نسيت الرابعه؟؟

مواضيع عشوائيه ممكن تكون تعجبك اخترناها لك:

• ترتيبات لرحلة للعمـــه
• خبراء الجبل مساعدة في ترتيب الرحلة
• الان في جاكرتا ومحتاج سواق الفزعة
• ابي فندق في جاكرتا و بالي لشباب
• فندق قريب من المطار في جاكرتا
• من جدهم ولا يمزحووووون قرب موعد سفرتي
• اتمنى الافادة من خبراء اندونيسيا
• مساعده للسفر في الصيف لبلاد الاندومي
• كم تكلفة السفر لبالي وسنغافوره ؟؟؟
• مارايكم في الطيران الصيني
• كيف ا لاجواء
• ممكن المساعدة ؟؟؟؟؟؟
• أقتراحاتكم بالنسبة للسكن لـ شباب
• إستفسار لو سمحتوا
• استفسار ات متعددة للعضو ديمنور
• ممكن تفيدوني باسامي فناد في بالي واسعاره
• ممكن خبراتكم ومعرفتكم
• مسافرة لأول مرة أرجو المساعدة
• هل اندونيسيا تناسبني مسافر وحداني
• الرجاء المساعدة يا اخوان

وعليكم السلام ورحمة الله وبركاته ..
الأجواء استوائية بشكل عام وشهر فبراير من الشهور الممطرة بإندونيسيا ..
السعر مناسب ..
المدة 11 يوم من رأيي توزعها على ثلاث مناطق فقط مثل :
جاكرتا -- بالي -- الجبل أو جاكرتا -- باندونق -- الجبل ..
بالنسبة لبالي تستطيع حجز التذاكر من موقع اسيا اير من هنا وعن طريق
موقعهم بالإنترنت والسعر تقريباً 92 دولار للشخص الواحد ..
الفلل بالجبل تحجزها إذا وصلت للجبل وتبحث مع السائق عن فيلا وهو يدلك عليها وأنت
تشوف وتختار حسب العدد والغرف والسعر ..
بوقور تزورها من خلال إقامتك بالجبل وحسب وقتك ومو ضروري تزورها ..

ي هلآ وسهلآ....
مآي Leader....
-ليش تفضلون البدآيه في بآلي قبل بونشآك؟؟
-أنا عن نفسي الأحد ليلاً ب جاكرتا...أبغى أروح من بكرى للجبل أولاً وابقعد 4 أيام...تقدر تضبط لي البرنامج المناسب للـ 4 أيام ذي؟؟
-وإذا سويت حجز Asia Air للطيران إلى بالي أخليه الجمعه؟؟ وإلا السبت؟؟وبعدين لازم أرجع ل جاكرتا علشان أطير؟؟
-الأماكن الحلوه في بالي لمدة 4 أيام؟؟ والثلاثاء مساءاً العودة ل جاكرتا إن شاءالله....إلى الجمعه طيارتنا مساءاً الساعه 6:20
_تنصح نصرف الدولار من هنا؟؟؟وإلا نكتفي بمبلغ وقدره .... ريال سعودي؟؟
نبغى أسواق وسينما وهدوء وراحة بال وإستعداد للرجعه~~~~
وإذا براسك فكره أو مُخطط مناسب....بإنتظاركـ ي كوتش................


ملاحظه:
الكلام والإستفسار ذآ للجميع وينكم ي النشآمآآآآ؟؟؟؟

أخاف تشوف الجبل وتسنتر فيه ..
عادي يالغالي تروح للجبل في البداية وتوقيتك جيد في الذهاب للجبل يوم الاثنين وتستطيع
حجز تذاكر بالي وفنادقها من مكاتب الجبل وتلقى بكجات إذا تبغى في مكتب بافقيه أو كاها
أو أي مكتب هناك وشوف الأسعار وقارن ..
الذهاب لبالي من مطار جاكرتا يعني ترجع لجاكرتا من الجبل وعلى المطار والمهم
تخرج بدري وتتحاشى يوم السبت والأحد لأن طريق الجبل يكون شبه مقفل والجمعة
أفضل من السبت ..
بالنسبة للصرف دولار وروبية وريال وللعلم كل حساباتك هناك بالروبية والصرف غالباً
عندنا أفضل من هناك ولكن مشكلة الروبيات كثيرة العدد !!
الجبل عندك خيارات كثيرة وممكن هذا الجدول يفيدك في الترتيب :




وهذه لبوقور إذا كان عندك وقت :

حلووه ناويها ناويهاا^_^رحلة مووفقه يااخوي

ياماا رحت لها بدون ترتيب هههههههه وكل مره اتوهق عشاني مارتب من العجله وحسب المزاج امشي

كبيــــــــــــــــــــــــــــــــــــــــــرىأخو ي المصبآح.....
أشكركـ جزيل الشكر على هذهـ التوجيهآت~~~~وإدا حصل عندي إستفسار مُجدداً سأعود......بإذن الله

لا ي عيسى.....
لا ي بوعتب 511
أنا مانس رايح دبي وإلا شرم الشيخ!!!!
أنا رآيح للعمه إندومي

أوكـِ ي جمآعة الخير .....
أنا إتفقت مع صديقي وذلك بعد سماع توجيهات القآئد/المصباح...ورآح نبدأ بإذن الله أول ليلة نووووووم ب جاكرتا وبالقرب من المطار,,,,,وش أفضل فندق قريب؟؟
ومن بكرى إلى بآلي.......لمدة 4ليالي ب 5أيام,,,وش أفضل فندق قريب من الأماكن الجميله؟؟ [u]وصديقي يحب الغوص نبي نهج عن زحمة السبت!!
وبنقعد فيه 5 ليالي ب 6 أيام وش أفضل فيلآ نسكن فيها من ناحية الأماكن المناسبه والقرب منهاااا؟؟.....ثم آخر ليلتين جاكرتا~~~~مسآج+تسوووق+نتمشى ب "أنشول"+سينيمآ......إلخ
كم تكفي ميزانية لل 11 ليلة هذي؟؟؟ترى حنا إثنين بس!!
نصرف الدولار من هنا؟؟
أحسن وأرخص شرائح جوال؟؟ وإنترنت؟؟


وإذا عندكم وجهة نظر أُخرى ترى منكم نستفيــــــــــــــــــد.....

إذاً السكن يكون بالقرب من المطار وعندك خيارين :
Amaris Hotel Bandara Soekarno Hatta (نجمتين)
FM7 Resort Hotel (أربع نجوم)
من الأفضل تحجز تذاكر بالي من الإنترنت وعندك موقع اسيا اير لأنه لا يوجد
وقت عند وصولك لجاكرتا تبحث عن مكتب :
http://www.airasia.com/ot/en/home.page/

بالنسبة للغوص والمغامرات البحرية الأخرى من هناك وتبحث عنها في الأكشاك لأنها أرخص
من المكاتب والفنادق ..
خيارات السكن كثيرة وهذه توصية حسب تجربة الأعضاء :
http://www.arabtravelersforum.com/travel663972
http://www.arabtravelersforum.com/travel652352
http://www.arabtravelersforum.com/travel649446
وهناك خيارات كثيرة وحسب ميزانيتك :
http://www.arabtravelersforum.com/travel432214

الجبل تبحث عن الفيلا مع السائق وتختار ما يناسبك من موقع وقرب وسعر وهذه
أفضل طريقة أو تسكن في مجمع شكرو وهو قريب من كل شيء ..
جاكرتا عندك خيارين مناسبين كموقع وسعر معقول مثل :
http://www.arabtravelersforum.com/travel758403
http://www.arabtravelersforum.com/travel730747
وعندك خيار اقتصادي جيد وقريب من انشول :
http://www.arabtravelersforum.com/travel533684

الميزانية حسب رأيي يومية 150 دولار لكل شخص مناسبة للسكن والأكل والمواصلات وحسب
صرفك ممكن تزيد أو تقل وعندك 25 دولار فيزا الدخول لكل شخص تأخذها من مطار
جاكرتا وعندك تذاكر بالي والأفضل تخرجها من الحسبة حتى تكون ميزانيتك مرتاحة ..

هذا رأيي وننتظر إضافات أو اقتراحات من الجميع .. بالتوفيق

ما شاء الله تبارك الله

الله يوفقك وتروح وترد بالسلامة

معلومة بسيطة لسعر ممتاز لفنادق بالي وإندونيسيا بشكل عام


مجموعة فنادق


swiss belhotel


لديها خصم 50%


والحجز من موقع الفندق أرخص من أجودا وبوكنج


أتمنى لكم رحلة موفقة

المشاركة الأصلية كتبت بواسطة احمد02
http://www.arabtravelersforum.com/tr...5/#post7441285

ما شاء الله تبارك الله

الله يوفقك وتروح وترد بالسلامة



آمين....والله يوفق الجميع~~.....

أشكركـ جزيل الشكر قآئدي الغآلي والعزيز "المصباح"....
كما أشكرك أخي المشرف "biobio" على ماقُمت به من معروووف....
رغم إنه سبق لي السفر إلى...ماليزيا..فرنسا..النمسا+ألمانيا..دبي ولعدة مرآآآت,,إلأا إني!!! خآئف ومُضطرب من اللخبطه
نظراً لعدم تقيد الدوله بالأنظمة الأوروبيه ولا حتى الأنظمه المُعتاده مثل ماليزيا!!

والله يوفق الجميع


لكن إستفساري المهم هو المكان اللي نبي نسكن فيه بـ "بآلي" يكون فيه مطبخ صغير ولو علشان القهوة أللي نبي نجيبهااا معانااا....

تحياتي لكم

اذا انت متخوف من الانظمه وبتقارن البنيه التحتيه لبعض هذه الدول بسيدة الارض فلا تذهب لها اخي الكريم
هي دولة كمين ببساطه اما ان تترك غيرها جملة وتفصيلا ولا تري الا هي
واما ان تكره اسمها وما يشير اليه
تحل بقراءة كثير من سلبياتها اولا فان كانت مقبوله لديك فاجزم امرك واذهب اليها
وان كانت فوق طاقتك فاطرق باب دوله يسرك ان تكون بوسطها ايا كانت شرقا او غربا

أوووووووووهـ!!!
كم هوَ مُوجعٌ كلآمكـ ي صآح...!!!
أنا جآي لي ثلاث شهور من فرنسا...يعني صرفت ماورآي ودوني

لكن تعقيبُكـ لوجهة نظري أربكني كثيــــــــــــــــــــــــــــراً!!!!

فـــ أود منكم عنآوين للشقق النظيفة والقريبة من أنظمة الفنادق~~~ في بآلي؟؟

ولكم خآلص الشكر

.ولحـُبي ل زميلي قررت أن نُسآفر سويٌةً لدولة معقولة الصرفيه



الله يتمم عليكم هذه المحبه ولايفرق بينكم
ماهي السيوله المعقوله بالصرفيه حسب ميزانيتك لهذه الرحله ؟ كم ميزانيتك للرحلة؟
سوال مهم اجابته
اندونيسيا قبل سنوات ال150 دولار الي 200دولارتكفيك ليوم كامل وتفيض للسكن والتمشيه والاكل والشرب وخلافه اندونيسيا اليوم شملها ماشمل غيرها من ارتفاع بالاسعار
الفندق الخمس نجوم اللي كان سعره ب160دولار مثلا اصبح فوق 220 دولار علي اقل تقدير
الشقه الفندقيه بغرفتين اربع نجوم اللي كانت بين 75 و90 دولار اصبحت فوق ال 120دولار
السياره الخاصه بالسائق اللي كانت ب 300 الف روبيه لليوم اصبحت لا تقل عن 400 الف روبيه وتزيد
مقابل هذا
خيارات السكن اصبحت اكثر والطلب ايضا اصبح اكثر ؟
مهم معرفة الاجابه اولا وان اردت عدم الافصاح عنها لا مانع ساعطيك نبذه عن النشاطات فمثلا انت تريد بالي لنشاطاتها البحريه هناك باكجات مختلفه للنشاطات من 35 دولار للشخص الي فوق ال 100دولار للشخص غوص او العاب بحريه او قوارب ضمن نشاطات او تجديف نهري وخلافه كل برنامج له سعر والاسعار متفاوته لنفس البرنامج من مكتب لاخر
اذا قلنا بتاخذ باكج معقول اقل من 100 دولارللشخص باحد الايام يعني 200 دولار للشخصين + السكن بيكون بين 85 و130دولار حسب الشقه اللي بتسكنها هذا اليوم بتزيد صرفيته لان فيه باكج نشاط
وفي يوم ثاني بتاخذ سواق بسياره خاصه ب350 الف مثلا لان السائق ببالي ارخص من جاوه لانك ماتبي نشاط وباكج بهذا اليوم تبي تفرفر ببالي مثلا بتروح البيدقول معناته وفرت قيمه الباكج مقابل مصروفات السياره ومبالغ نثريه مثلا تبي تاخذ قارب تتفاهم معه بنص ساعه او ساعه بالبحيره حسب المده بيكون المبلغ بين 100 و300 الف
وكلش مرتبط بمكسارتك لهم كاسر ولا تستحي

ويوم اخر ببونشاك مثلا يومين بسياره خاصه للمناطق البعيده تزورونها ووتمشون فيها ويومين اذا بتوفرون تاخذون دبابات باليوميه للمناطق القريبه
مثل هذه البرامج وتغغير روتين يوم بسائق ويوم بدونه بيوفر عليك من جهه لكنه متعب لك لان السائق الجيد ان لقيته ماتفكه وان فكيته بيدور غيرك يعني ما تقدر تقوله بكرا ماابيك تجيني بعد بكرا برتاح بكرا بالفيلا بيقولك طيب وان لقي غيرك بيقعد معه مده اطول بيجحدك





كم تكفي ميزانية لل 11 ليلة هذي؟؟؟ترى حنا إثنين بس!!



اختصارا اطلت عليك
سكن بشقه مفروشه حط له 150دولار كلمتد اعلي يا تلقي شقق مناسبه باقل من هلسعر وتوفر منه او انت وضعته كاحتياط وان ما وجدت شقه مفروشه مناسبه بحدود ميزاانيه السكن فممكن تاخ فندق غرفه دبل بيد وتوفر في المبلغ بتكون قيمتها لشخصين
هذه فرضيات علي ان الميزانيه مطلوب الاقتصاد فيها
سياره بسائق لكل الايام حط لها 55 دولار مع نثريات سناك وخلافه ببالي السائق ارخص وكل ما كاسرت ووفرت بالمبلغ بيكون المبلغ الاضافي معك بتستفيد منه او تبقيه معك
ومافاض تقدر تختار فيه باكجات اضافيه ببالي او شراء هدايا باخر الرحله
*ايام جاكرتا شباب ما راح تحتاجون سياره خاصه تكسي وان تعبكم شوي بالتنقل اوفر لكم وان وجدتم ميزانيتكم مناسبه السائق الخاص دوما اريح

*اذا قدرت توفر 300 دولار لليوم شامل كل شيء لكم الاثنين فرائع ويفيض باذن الله
اذا ماقدرت وتوفر اقل مثلا 250 دولار لليوم فجيد ومناسب وبتكفي باذن الله
اذا اقل فممكن مع بعض الترتيب
الاجابه الادق تكون بعد معرفه ميزانيه السفره وخصم 50دولار قيمه الفيزا لشخصين+300الف روبيه قيمه ضريبه مغادره لشخصين للبلد +مبلغ ضريبه بالي وهو بسيط


------------------------




فـــ أود منكم عنآوين للشقق النظيفة والقريبة من أنظمة الفنادق~~~ في بآلي؟؟



بالي السكن فيها مختلف ياغالي اولا نحدد موقع السكن قبل نبحث عنه
باختصار بالي شواطيء مختلفهكوتا سيماناك وغيرها ووسطها منطقه جبليه ابود وماحولها
بما انك بتسكن بالجبل بمنطقه جبليه الافضل هنا ان تسكن بمنطقه شاطيء
واذا تبي قريب من خدمات فكوتا افضل الشواطيء كقرب لمطار ومنطقه زحام وحركه لكنه ليس الانظف والاقل هدوء والاشهر كشاطيء غروب
دور بالتقارير اي منطقه انسب لك اولا





هل يلزم نسوي حجز للغوص وإلا من هناك على طول؟؟



الافضل من هناك لاتحجز من هنا
مكاتب الحجز هناك كثيره ومنتشره ودوما بيرفعون السعر عليك لاتقتنع بكل الاسعار وكاسر
ان وفقت بسائق جيد فقد ياتي لك بحجز وخصم جيد من مكتب يعرفه
الاهم حدد النشاط اللي تبيه باي منطقه من التقارير واعرف سعره
ابحث عنه بالنت ستجد اسعاره الرسميه عشان تعرف تفاصل فيه هناك






نصرف الدولار من هنا؟؟



الريال الان مقارب لصرف الدولار هناك مو بعيد عنه فارق بسيط يكاد لايفرق
الدولار كورق افضل لانه اصغر حجم اذا بتصرفه كله عشان ماتظطر ترجع تبيعه اذا فاض معك شي منه بحسبه شيبان قعيطيه ))
الصرف مختلف هناك الدولار افضل من الريال ببالي مثلا
يعني ياتاخذ دولارات خاصه بايام بالي لان الريال ببالي بيكون اقل قيمه من جاكرتا والجبل
او تصرف من جاكرتا والجبل روبيه لايام بالي
الفارق متحرك يزيد وينقص من اشهر لاشهر اخري هذي الايام الفارق متقارب اذا بتريح مخك خذ 50دولار
قيمه الفيزا لشخصين + 200 دولار للديباست للفنادق لو طلبوا منك ديباست + ياتصرف ففلوس رحله بالي من ريال لروبيه بجاكرتا او بونشاك او تاخذ دولارات حسب ما تعتقد انه بيكفيك لبالي وايامها
واذا حاب تحولها كلها دولارات لامانع او نصف ونصف لاتهتم كثيرا للامر الان بكل مده الرحله قد لايكون الفارق كبيرا بينهما





أحسن وأرخص شرائح جوال؟؟ وإنترنت؟؟



الموقع مختلف والشبكات للجوال مختلفه قبل سنوات كانت سمباتي الافضل تغطيه بكل بقاع اندونيسيا
الان سمباتي اصبحت تغطيتها سيئه ببعض المناطق وجيده باخري
اكس ال كانت سيئه والان للنت في اخر مره جربتها كانت جيده جدا وشركه اندوسات كثيرون يمدحون تغطيتها للنت هناك ولم اجربها
عموما الشريحه قيمتها زهيده بين 10 و25 الف روبيه حسب رقمها واحيانا تسوي بعض الشركات عرض ارقام مجانيه اذا شريت شريحه وشحنتها بقيمه محدده 50 او 100 الف
جرب شحن شريحه زهيده الثمن مع باكج نت منخفض السعر ان ناسبتك فهناك عروض نت بالقيقا وهناك عروض نت بالقيقا + الوقت اسبوعين او شهر الخ
*لايوجد شركه واحده تغطيتها ممتازه لكل مناطق اندونيسيا ستجد انها ممتازه في 3 مناطق وسيئه بمنطقه رابعه

--------------------------
اعتقد حجزك لخط طيران الدوحه الجديد
اذا تبي توفر يوم برحلتك وتوفر مسافه فالقطريه تنزل ببالي مباشره بمحطه توقف سنغافوره اعتقد
السعر كان فوق ال 4000 ريال بدون السيزن جرب ان وجدتها لديهم بسعر مناسب مقارب لسعر الخط الجديد فراح تريحك من مشوار بالي رايح جاي
يعني يكون حجزك دوحه بالي بالي جاكرتا جاكرتا دوحه
افضل من يفيدك بسعرها وخط الرحله هي الشركه نفسها مع مقارنه السعر ان ناسبك ووجدت انه مش بعيد عن سعر الحجز الحالي

رحله موفقه ياغالي

أولاً وقبل ما أنسى.... أحب أشكرك جزيـــــــــــــــــــــــــــل الشكر على هذا الكَم الهآئل من المعلومات التي أسدلتهاااا لنا هُنا~~~~
كما أشكركـ الشكر الجزيل أيضاً على الوقت الذي أمضيتهُ معي هنا وبهذا المُتصفح خاصةً..







المشاركة الأصلية كتبت بواسطة jaka
http://www.arabtravelersforum.com/tr...7/#post7444217


الاجابه الادق تكون بعد معرفه ميزانيه السفره وخصم 50دولار قيمه الفيزا لشخصين+300الف روبيه قيمه ضريبه مغادره لشخصين للبلد +مبلغ ضريبه بالي وهو بسيط ...



بالنسبة للميزانيه ي قآئدي العزيز.....ليست هماً أكبر من هم حُسن التصرف بالعملات!!
ما أقصدهُ هو أنكـ أوضحت لي كيفية صرف عملة الدولار لـ "بالي" وبإذن الله إذا قعدنا في بالي 4 أيام .... فـ سنصرف 3750 ريال = 1000 دولار...وأعتقد إنه كافي بإذن الله,,وبناخذ معنا إن شاءالله 6000 ريال نبي نصرفهن هناك ل5 أيام باللجبل ويومين في جاكرتا,,وإذا إحتجنا زيادة نقدر نزودها ألفين ريال,,,

--------------------------






المشاركة الأصلية كتبت بواسطة jaka
http://www.arabtravelersforum.com/tr...7/#post7444217

اعتقد حجزك لخط طيران الدوحه الجديد
اذا تبي توفر يوم برحلتك وتوفر مسافه فالقطريه تنزل ببالي مباشره بمحطه توقف سنغافوره اعتقد
السعر كان فوق ال 4000 ريال بدون السيزن جرب ان وجدتها لديهم بسعر مناسب مقارب لسعر الخط الجديد فراح تريحك من مشوار بالي رايح جاي
يعني يكون حجزك دوحه بالي بالي جاكرتا جاكرتا دوحه



بالنسبة لحجزنا أحس إنه أفضل وأرخص وأسهل:
الذهاب,,,,,الأحد20/يناير : بريده-الدوحه-جاكرتا....الترانزييت"3 ساعات فقط~~"
من بكرى إن شاءالله الأثنين :جاكرتا-بالي~~~~خطوط آسيا آير
العوده الجمعه :بالي-جاكرتا~~~وعلى طول للجبل إن شاءالله
العوده,,,,,الجمعة1/فبراير : جاكرتا-الدوحه-بريده...الترانزييت"4 ساعات ونصف~~"

كل هالرحلات تكلفتها للشخص الواحد 3125
أما الرحلات اللي ذكرتها تودي من بريده-الدمام-الدوحه-بالي....بالي-الدوحه-الدمام-بريده مُتعبه زياده عن اللزوم وتكلفتها للشخص تقريباً 4500 ريال

أشكركم جميعاً على هذه التوجيهاااات~~~ومازلنا ننتظر منكم المزيد المزيد~~~~~

أولاً وقبل ما أنسى.... أحب أشكرك جزيـــــــــــــــــــــــــــل الشكر على هذا الكَم الهآئل من المعلومات التي أسدلتهاااا لنا هُنا~~~~
كما أشكركـ الشكر الجزيل أيضاً على الوقت الذي أمضيتهُ معي هنا وبهذا المُتصفح خاصةً..



العفو ياغالي المهم ان اكون مصيب بمعرفه ما يناسبك من خلال اسئلتك لاحاول ان اسدي لك افضل نصح ممكن






بالنسبة للميزانيه ي قآئدي العزيز.....ليست هماً أكبر من هم حُسن التصرف بالعملات!!
ما أقصدهُ هو أنكـ أوضحت لي كيفية صرف عملة الدولار لـ "بالي" وبإذن الله إذا قعدنا في بالي 4 أيام .... فـ سنصرف 3750 ريال = 1000 دولار...وأعتقد إنه كافي بإذن الله,,وبناخذ معنا إن شاءالله 6000 ريال نبي نصرفهن هناك ل5 أيام باللجبل ويومين في جاكرتا,,وإذا إحتجنا زيادة نقدر نزودها ألفين ريال,,,



اوكي كذا الامر واضح
بالي الريال قيمته اقل من جاكرتا
الريال قيمته اقل بكل جزر اندونيسيا ماعدا جاكرتا العاصمه ومنطقه بوقور الاداريه بالاخص منطقه بونشاك السياحيه اللي يزورها العرب كثيرا فصرفيته تكون الافضل من غيرها من مناطق الدوله هذا بشكل عام يتغير الامر يزيد وينقص بسيطا من فتره لاخري

الروبيه في اخر رحلاتي قبل رمضان كانت افضل كصرف من جده ومقاربه لسعرها هناك رغم ذلك ما صرفت كل ميزانيتي بالروبيه لان ورقهم حمله متعب وكثير فاكبر ورقه =100 الف روبيه والالف ريال كانت تعاددل 2مليون وخمس ميه الف روبيه وقليل
الان الصرف افضل وقيمه الدولار والريال افضل بسبب تردي عملتهم بشكل بسيط وفارق بسيط

تحتاج الدولار فقط لصرفه من بالي ان حبيت وتحتاجه للفيزا افضل تحاسبهم بالدولار لانك لو حاسبته بالريال بالمطار بيعيطك قيمه ريال ضعيفه فتعطيه 50 دولار لشخصين وتريح مخك
وتحتاج الدولار للديباست بالفنادق مثلا ورقهتين من 200دولار تكفي احتياطاالديباست يكون 100دولار غالبا
هذا ماتحتاج الدولار له اضافه لكون ورقه الدولار اصغر حجما من الخمس ميه ريال لو اخذتها معك
اجعل نصها ريالات فئه خمس ميه ريال ونصفها دولارات الافضل تكون جديده قدر الممكن ولاتسفط وتتعفط وتكن فئه ميه دولار لن قيمتها ببعض الصرافين اغلي من ورقتين فئه خمسين دولار مو كل محل لكن بعض الصرافين يعرفون ان السائح بيصرف بيصرف مهما كانت القيمه فينزلون السعر قليلا مثلا ريالين او حولها

لو حسبت كل فوارق الصرف برحلة تقارب 10 ايام بتكون بسيطه اخوي مو مهمه واجد الا لشخص حريص جدا جدا

لاتنسي ايضا بطاقه الصراف لو حبيت تستخدمها للاحتياط مناسبه تحط فيها مبلغ احتياط ان حبيت وتسحب منه من هناك مع الانتباه ان كل عمليه صرف عليها عموله وقيمه صرف البنك للريال اقل من قيمته بالسوق لانك بتسحب روبيه مقابل رصيدك بالريال
افضل بطاقات للصرف هناك هي الراجحي
وافضل مكائن للصرف هناك تجد عليها علامه +100 تعني ان المكينه تعطيك مجال لصرف فئه 100الف روبيه وتسحب لك اعلي ليمت وهو 400 مليون لكل عمليه تختلف من بنك لاخر هناك حدود اقصي عمليه صرف
اشهر البنوك اللي تعطي اكبر ليمت هي بنك hsbc علامه بنكيه شهيره هنا و صرافات اخري ك سيتي بانك
طبعا كل عمليه صرف عليها عموله + قيمه الصرف من ريال لروبيه
العموله تختلف من بنك لاخر قيمه الريال مختلفه من بنك لا خر
اسوا توقيت للصرف السبت والاحد وليله الجمعه لانها ويك اند وقيمه الريال تكون باقل مستوي
كذلك هناك الصرف يوم سبت واحد من صرافيت وتحويل عمله بيكون اقل يوم سبت واحج فحاول تصرف وسط اسبوع

توسعت كثيرا اعتذر اذا بتريح راسك نص المبلغ ريالات ونصها دولارات ولا بنك ولايحزنون بس خذ معك بطاقات صراف للاحتياط لاي طاريء
اذا شفت قيمه الريال افضل بموقع اصرف ريال
اذا شفت الدولار ارتفع اصرف دولار
حاول ان وجدت صرف جيد اصرف مبلغ جيد وريح مخك مو كل شوي صرفيه اصرف حق كم يوم مسبق
افضل صرافين للعمله بالمناطق اللي بتزورها هي صراف vip بوسط جاركرتا لكنه بارقام وتعامل بنكي يحتاج وقت وتعب للذهاب اليه والفارق ضئيل يعني لو كان صرف ال100دولا ب 970 الف بري بيكون عنده 975 الف مثلا
الفارق لو تحسبه ب3 الاف دولار مثلا بيكون 150 الف روبيه مبلغ مايحتمل مشوره وتكسي يعني ممكن تصرف نصه بمشوار تكسي رايح جاي للموقع هذا ينفع للي بيصرف مبلغ لمتاجره ولا بيطق كل مبلغه مره وحده روبيات ولا يهمه تعب حملها معه
وفي بونشاك افضل صراف عملات مكتب اسمه بافقيه تجده بوسط بونشاك جنب البقاله السعوديه حسب تجارب من عده سنوات قد يتغير الصرف الان ويكون فيه موقع افضل باحد الايام لكن هذا حسب تجاربنا في اوقات متغيره من سنوات متغيره

*بالي خذ معك روبيات وريح مخك اصرف مصروفاتها من بونشاك ان مريته قبل بالي وحسب تخطيطك بتكون بالي قبل فالدولارات خلها ببالي





وبإذن الله إذا قعدنا في بالي 4 أيام .... فـ سنصرف 3750 ريال = 1000 دولار



قد ماتصرف نصفها وقد تصرفها كلها واكثر ب3 ايام
اذا اخذت باكجات غاليه بكل يوم من الاربعه ايام من 100 دولار للفرد باربعه ايام بتكون 800 دولار + مصروفات سكن واكل وشرب وسيارات وتنقل
الامر راجع لتخطيطك رتب امورك يوم باكج رائع ويوم تمشيه بدون باكج واحسبها صح تمشي معك ومن خلال اسئلتك واضح انك مجرب وخبير سفر هالامور ماتحتاج من ينصحك فيها لكن من باب اخذ الراي والمشورة






--------------------------






بالنسبة لحجزنا أحس إنه أفضل وأرخص وأسهل:
الذهاب,,,,,الأحد20/يناير : بريده-الدوحه-جاكرتا....الترانزييت"3 ساعات فقط~~"
من بكرى إن شاءالله الأثنين :جاكرتا-بالي~~~~خطوط آسيا آير
العوده الجمعه :بالي-جاكرتا~~~وعلى طول للجبل إن شاءالله
العوده,,,,,الجمعة1/فبراير : جاكرتا-الدوحه-بريده...الترانزييت"4 ساعات ونصف~~"

كل هالرحلات تكلفتها للشخص الواحد 3125
أما الرحلات اللي ذكرتها تودي من بريده-الدمام-الدوحه-بالي....بالي-الدوحه-الدمام-بريده مُتعبه زياده عن اللزوم وتكلفتها للشخص تقريباً 4500 ريال

أشكركم جميعاً على هذه التوجيهاااات~~~ومازلنا ننتظر منكم المزيد المزيد~~~~~



اذن انت حاجر برحله الخط الجديد من القصيم ياغالي هذا حسب فهمي لقيمه تذكرتك
ما وضعته مجرد اقتراح بيوفر عليك وقت اياب العوده لجاكرتا من بالي اما سعر التيكت فالفارق كما ذكرت مو بسيط ابدا الدبل


لاتنسي الحنيني معك والقهوه والمعاميل اذا بتوفر مصاريف خذ شويه عزبه من نواشف ولوازم القهوه والرز لانه غالي هناك ان بحثت عن منتج سعودي مثلا بالبوناشك فسعره دبل مرتين
بحيث ما تشري من هناك الا خضره ولحيمه وبعض النواقص اللي ممكن تخرب بحملها بالسفر
ورحله موفقه

نسيت الاضافه لو وجدت صراف جيد ببريده خذ مبلغ بسيط لاول يوم سكن وتكسي لاول يوم افضل ان وجدت صرف جيد
او ان لم تجد اصرف من المطار مبلغ بسيط لا تكثر لان صصرف المطار ارخص ياغالي دوما يعني 200 دولار حقت سكن اول يوم وتكسي رايح جاي من والي المطار لثاني يوم للسفر لبالي وحق العشاء
فيه فنادق قريبه من المطار مثل فندق المطار نفسه مو رخيص مقابل سعره لكن تميزه بالمطار فقط رافع سعره بيوفر عليك قيمه ذهاب للعاصمه ورجعه للمطار
وفيه فنادق قريبه من المطار توفر سياره للتنقل من والي المطار بس لازم تاكد الطلب بالحجز بس مو رخيصه ايضا كسعر مقارنه بالتصنيف
ارخصها هو اميريس باندارا وفيه موتيل قريب منه ارخص منه
وافضلها هو شيراتون باندارا او شيراتون المطار وسعره غالي

المشاركة الأصلية كتبت بواسطة jaka
http://www.arabtravelersforum.com/tr...9/#post7446959

اذا اخذت باكجات غاليه بكل يوم من الاربعه ايام من 100 دولار للفرد باربعه ايام بتكون 800 دولار + مصروفات سكن واكل وشرب وسيارات وتنقل
الامر راجع لتخطيطك رتب امورك يوم باكج رائع ويوم تمشيه بدون باكج واحسبها صح تمشي معك ومن خلال اسئلتك واضح انك مجرب وخبير سفر هالامور ماتحتاج من ينصحك فيها لكن من باب اخذ الراي والمشورة



أحرجتن!!! بكل ماتعنيـــــــــــــــــــــه الكلمه أقوووووول لك ماقصصصرت أبد~~~~ ربي يعطيكـ أللي ببالكـ دوماً
وأنا لايُمكن أن أُسافر لأي بلد إلا وأنا مُستفيد منكم ومن خبرآتكم القوووويه ....لا إله إلا الله

ومن ناحية السكن حجزت أول ليله في جاكرتا ب فندق ASTON CITY بجنب المطار بقيمة 60 دولار
وكذلكـ حجزت في بالي ب فندق HARRIS RESORT KUTA BEACH لمدة 4 أيام بمبلغ 386 دولار
وحجزت في جاكرتا ب فندق MERCURE ANCOL بقيمة 190 دولار لآخر يومين بجاكرتا

لكن!!! بونجاكـ للحين ما سويت شي....وأنتظر رآيكم بقيمة الفيلا الصغيره مع سواق وشغاله...؟؟؟






المشاركة الأصلية كتبت بواسطة jaka
http://www.arabtravelersforum.com/tr...9/#post7446959

اذن انت حاجر برحله الخط الجديد من القصيم ياغالي هذا حسب فهمي لقيمه تذكرتك
ما وضعته مجرد اقتراح بيوفر عليك وقت اياب العوده لجاكرتا من بالي اما سعر التيكت فالفارق كما ذكرت مو بسيط ابدا الدبل



ما قصصصرت ي الغالي على فكرتكـ الرآئعه والمُريحه~~~~ بس تعرف شباب يتكيفون مهما يكون~~~






المشاركة الأصلية كتبت بواسطة jaka
http://www.arabtravelersforum.com/tr...9/#post7446959

لاتنسي الحنيني معك والقهوه والمعاميل اذا بتوفر مصاريف خذ شويه عزبه من نواشف ولوازم القهوه والرز لانه غالي هناك ان بحثت عن منتج سعودي مثلا بالبوناشك فسعره دبل مرتين
بحيث ما تشري من هناك الا خضره ولحيمه وبعض النواقص اللي ممكن تخرب بحملها بالسفر
ورحله موفقه



[color="blue"]ابشششششر......العزبه قدآمنااااا إن شاءالله

المشاركة الأصلية كتبت بواسطة jaka
http://www.arabtravelersforum.com/tr...3/#post7446963

نسيت الاضافه لو وجدت صراف جيد ببريده خذ مبلغ بسيط لاول ........



حنننا إن شاءالله نبي ناخذ معنا من بريده أكثر من 1000 دولار...لمصاريف أول يوم ومصاريف بالي
يعني كلها على بعضهااا حسبه سريعه لليلة جاكرتا مع 4 ليالي بالي إن شاءالله:
60 دولار + 386 دولار ~~~ فنادق
40 دولار + الباقي ~~~~ صرفية أول ليله ب جاكرتا وال4 ليالي بالي...
وبإذن الله تبي تغطي وزياده

وباقي فلوسنا نبي نصرف2000 ريال إلى رووبيه من مطار جاكرتا وحنا رايحين ل بونجاك
والباقي نصرفه زي ماقلت أنت يالغالي من "بافقيه"~~~~
وآخر يومين جاكرتا كلاٍ من صرررافته يشتري هدايا ويعيش صوووووح






المشاركة الأصلية كتبت بواسطة jaka
http://www.arabtravelersforum.com/tr...3/#post7446963

فيه فنادق قريبه من المطار مثل فندق المطار نفسه مو رخيص مقابل سعره لكن تميزه بالمطار فقط........



صدقت وهذا ما إخترته أنااااا....ونبي نوصل إن شاءالله 11 بالليل يعني نبي الفرااااش على طووووول....إن شاءالله

والله ولي التوفيق

إستفساري ي أخي الغالي jaka....
عن بونجاكـ~~~بكم المبلغ المُحتمل لفيلا صغيره لشخصين وحتى لو تكون بمُجمع فلل----مافيه مشكله؟؟؟
وكيفية التعامل مع السواق...هل نأخذه بشكل يومي؟؟وإلا نكتفي بالتكاسي؟؟
والشغاله كيف؟؟؟

آآآسف تعبتك معي

ولله ياخوك الفلل اقيامها مهب جميع شي رافعينه اهله للسماء وشي سعره اغلي من تاثيثه او منظره و حديقته وشي مناسب لكن بالمجمل فيلا من غرفتين مهب واجد بتلقاها بخاصه للفلل الخاصه اغلبها من 3 غرف واكثر المهم لا تطلب فيلا بالبحث من غرفتين فقط احيانا ممكن تلقي فارق بسيط 100 الف لفيلا 3 غرف افضل منظر واطلاله وهو الاهم - لانك وانت تبحث بتلقي دلالين عند مداخل الطرق الفرعيه بدبابات يدلونك علي الفلل بالمنطقه اذا سواقك جيد ويعرف المنطقه بيدخل بنفسه ولا يكلمهم الا مجامله او سمسره واذا مايعرف بيسئل كل الدلالين
المنتجعات اذا بتحجز من النت قليله للحجز بهذي المنطقه ياغالي اشهرها هو منتجع جياكرتا وهو منتجع فيه فندق وفلل من 3 غرف اسعاره مو رخيصه لكن من باب تقديم الاسهل اذا حاب تسكن ليله بحجز مؤكد وتروح تدور فيلا مناسبه
هذا موقع جياكرتا من اقودا
http://www.agoda.ae/asia/indonesia/p...rua_hotel.html
موجود ببوكينق ايضا كما تري سعره الفيلا فيه يفوق ال 200دولار من النت وهو سعر غالي جدا لفيلا وبحدود 210ريال للفندق
وهذاوصف للفلل بالمجمع وصور لها




جباكرتا
فلل المجمع نظامها الاتي
كل فيلا كما الصوره الاتيه هي عباره عن فلتين مقسمتين كالاتي

يكون الدور السفلي صاله طعام وجلسه ومطبخ مفتوح علي الصاله وغرف النوم في الاعلي
وهذا النوع مدخله يكون علي المسبح = تقدر تقعد علي الحديقه المطله علي المسبح

او العكس الدور السفلي يكون غرف نوم فقط
والدور العلوي صاله+ مطبخ + شرفه صغيره مطله علي المسبح = ما تقدر تجلس علي الحديقه لان مدخل الفيلا بيكون بالشارع العلوي اللي يمر بوسط المجمع


















الموقع الثاني موجود له حجزبالنت هومو قريب من منطقه سيسرواه واقرب لشيباناس هو بونشاك باس وسعره ايضا مو رخيص كفلل كبيره لان فيه غرف وفلل بانواع
هذا موقعه من النت
http://www.puncakpassresort.com/english/index.html




والان بعطيك بعض معلومات البحث ومناطقها للفلل ببونشاك
اذا وصلت البقاله السعوديه ستراها في يدك اليسري وانت طالع للجبل كل السواقين يعرفونها تقريبا بعدها مكتب صغير اسمه بافقيه
بعد ماتتعدي البقاله السعوديه فيه مدخل يسار ودخل يمين
المدخل اليمين تقريبا مقابل البقاله السعوديه بشوي هذا يوجد فيه منتجع جياكرتا وبجنبه مجمع اسمه القولف واخر اسمه بريتا
شف هلصوره لوحه جياكرتا مو واضحه فيها لكنها باللون البني وفيها السهم الاحمر باليمين

اهم نصيحه اقدمها لك هنا لاتسكن بالقولف وبريتا لو بريال وايضا الفلل في هلشارع غير مجمع جياكرتا حاول ان لاتسكنها لان الازعاج في هلمنطقه شديد جدا من بائعين وازعاج زوار

اما المدخل اليسار اللي بعد البقاله كلها متقاربه مو بعيده عن بعض يمين او يسار
هناك لوحه مكتوب عليها الفا ريسورت ولوحه شكروا فيلا وفندق ادخل معها
هذي صوره المدخل

هنا ستجد عده مجمعات منها مجمع شيكروا الاقرب يطلعك لمنطقه مرتفعه مطله وجميله فيها مجموعه فلل خاصه وفيها مجمعات 3 لمنتجع شيكروا كل مجمع مختلف عن الاخر بقليل فيه القديم وفيه المتوسط المجدد
هذا المنتجع جيد مهب شين لو ناسبتك احدي فلله لكن الحركه فيه مزعجه من دبابات وبائعين فيه منتجع لغرف متراصه وفيه منتجع لفلل بدورين كل دور عباره عن فيلا مستقله وفيه منتجع لفلل مستقله عن بعضها
وانت بطريقك لكل مجمع بتجد فلل خاصه تتفاوض مع حارسها

وانت طالع وقبله فيه مجمع شكروا 1 هو اللي مجدد قبل فتره قريبه كمدخل ولوبي بس مو كل فلله جيده ومنطقته نازله الاقرب للشارع وومساحات الفلل فيه او الغرف مو جيده وصغيره
هذي صور لمنتجعات شكروا 2 بيجيك بيدك اليمين بعد ماتعدي شكروا 1 يجيك مفرق يمين ويسار يمين بيوديك لفلل خاصه منها اشهر الفلل هناك وهي فيلا تكساس حولهل فيه فلل صغيره مو واجد
وان اخذت مفرق الطريق يسار بتتجه لشيكروا 2 و3
هذي صورمن شكروا 2 ياغالي























وشكروا 3 هذي صور للمنتجع بيكون فيه مفرق يسار ايضا بيوديك لها بتعرفها من حديقتها النازله وفيها مجسمات حيوانات




وهذي صوره واحده املكها لداخل الفلل بالدور الارضي






فيه فيلا باعلي الجبل في هلمنطقه لو قدرت تصيدهاووجدتها فاضيه وتسكن فيها بتكون رائعه كمنظر واطلاله
ساقوم بوضع وصف لطريقها قد سبق وسكنت فيها مرار ولم انشر موقعها كثيرا في النت لان موقعها بعيد عن الطريق العام ومرتفع وليس معبد تماما في ما بعد فيلا جافا يوجد تقريبا نص كيلو سيء وطريق مكسر
بعد ما تتعدي منتجع شيكروا 2 تطلع للاعلي في قمه الجبل اذا بلشت بالاسماء فيه لوحات مكتوب عليها الفا ريسورت اتبعها
عندما ياتيك مجمع الفا ريسورت اتركه بيدك اليسار واطلع فوق ايضا ثم لفه يمين بنهايه شارع اسئل عن فيلا اسمها جافا وهي فيلا خاصه للاندونيسين ستجد في حوشها العاب اطفال خل فلل جافا بيمينك وتجيك طلعه قويه وطريق مكسر تعداه وامش لين يتعدل الخط وتنتهي الطلعه يجيك فيلتين صغار جنب بعض باليسار لونهم غريب اصفر بوردي تعداهم وبعدهم يجيك مدخل الفيلا صغير باليمين وفيه بوابه حديد الفيلا طويله مو قريبه من المدخل لكن بتشوف البلكونه والجلسه القزاز وانت بالخط قبل تدخل بوابتها غير واضحه وصغيره من حديد وشبك وهي مطله علي البونشاك كله هذه احد طرق الارشاد للفلل لان الدليل الخاص ببونشاك قمت بحذفه للساف مسبقا ولا كان ممكن استعين به لارشدك ان حبيت ان اضع الخرائط ابشر
السعر بين 700 و900 الف روبيه الحجز دوما فل ولا طريق لحجزها مسبقا الا بالحضور اليها من خلال حارسها - الديكور الاثاث سيء ليس جديد


هذا مدخل الفيلا



وهذي الصاله




هذي غرفه نوم رئيسيه هي الافضل بقيه الغرف غرفتين اقل مستوي منها الغرفه هذي مافيها دوره مياه مستقله لكن قدام بابها دوره مياه مشتركه ومغسله مع الصاله



هذي طاوله الطعام وقدامها بوابه الغرفتين الاصغر مشتركات بدوره مياه وحده وانت بكرامه


هذي وحده من الغرف الصغار اللي مطله علي الجبل مباشره منظرها رائع والغرفه الثانيه صورها حجمها عالي مقدرت اصغرها الان لكنها مو زي هذي مكشوفه للجبل بس فيها دواليب
الباب الايسر هو دوره المياه المشتركه بينها وبين الغرفه الثانيه



هذا منظر الفيلا من الخارج من جهه الجبل راح تلاحظ البلكونه البارزه بواجهتها القزاز وانت بالطريق جنب الفيلا



وهذي صور للبلكونه او المطل الخارجي وهي زبده الفيلا وميزتها



منظر لشارع بونجاك رايا من الاعلي وقت الزحام ))



منظر للجهه اليسري



وهذا القدوع السكري ))




السعر بين 700 و900 تقريبا والفيلا كفخامه وبعد موقع عن خدمات مو حليله لانها مرتفعه وطريقها فيه طلعات وحفريات بس كمنظر ولا اروع


بين كل فيلا وفيلا ستجد هنا فلل خاصه وايضا منتجع شكروا الاشهر ومنتجع الفا ريسورت
* هذي المنطقه السكنيه مزعجه بالليل لكثره زوارها من باعه وخلافه واغاني شباب للعلم والاحاطه وكل ماطلعت للاعلي خف الازعاج ======

منطقه السكن الثانيه ترجع لنفس الشارع اللي عليه البقاله السعوديه من عند لوحه الفا ريسورت تطلع يسار كانك بتكمل مسيرك لاعلي الجبل يعني بيكون يمينك الطريق اللي جيت منه ويسارك طريق مواصله مسيرك
بعد مسافه بيجيك مداخل صغيره يمين فيها مجموعه فلل صغيره ومناسبه وبعدها بشوي او قبالها لان المداخل هنا متعدده بيجيك مطعم كنتااكي بيسارك
ادخل معه واطلع للاعلي هذي المنطقه بها ازعاج لكنه اقل من المنطقه الاولي اللي عند شيكروا
بتمشي مشوار طويل بطيرق مكسر شوي كانك ببطناج فيه فلل صغيره بتشوف مسبح بيمينك في فيلا اسمها كايو اربع غرف صغيره جدا غرفها وغير مرتبه بس صالتها كبيره ونظر المسبح حليل وسعرها بحدود 600الف اربع غرف
ان ماسبتك ولا خلها بيمينك واطلع للاعلي
اسئل عن منتجع يانسن هو باعلي المنطقه تقريبا له حراسه وبوابه مقفله هنا فيه فلل مختلفه ايضا مو الارخص وحسب الموسم هذا مدخلها

فيه فيلا وحيده بعد الشلال وطريقها درج من جهتين متعب شوي
الفيلا سيئه كتاثيث صغيره الحجم مطبخها لو تتمغط مسكت جدرانه من صغره
لكن فيها بلكونه تظاهي البلكونه اللي في الفيلا اللي فوق جافا منظر رائع مضاف له شلال وممر خاص للفيلا وما حولها
كان عندي مجموعه صور لها وراحت للاسف من مده لم امر بالمجمع وادارته تغيرت وغيروا بعض الفلل فيه قد تكون هذي احدي الفلل اللي تم تحديثها ان كان الطلوع والنزول بالدرج مو مهم لك والليل ووحشته ما تهم فهذه الفيلا رائعه نهارا بمنظر لايمكن وصفه وايضا الفلل الاخري جيده
السعر كان من ارخص المجمعات بالمنطقه قبل تغيير ادارته لكن الان لا اعلم حقيقه ففي اخر التقارير اللي تتتبعتها وجدت الاسعار بين 700 و 800 الف روبيه
هذي صوره للفيلا بالشلال


اذا ناسبك هلمجمع او تطلع منه فيه فلل اخري خاصه بالمنطقه هذي
يعني انت لا وصلت بوابه المجمع بتكون يسارك ويمينك فيه مدخل صغير يعني حرف تي
اليسار يانسن
اليمين طريق لفلل اخري خاصه
ان ناسبك شي هنا او تطلع للفلل الاوسع بالطرق في امام كنتاكي مداخل عده فيها فلل مختلفه

هذا وصف للمجمعات فقط بالمنطقه ياغالي واقربها للبقاله السعوديه للخدمات والصرف والخ
وفيه مناطق اخري ابعد وفيها فلل اخري
*طولت الشرح عله يكون بموقعه
الاسعار مااقدر احكمها قد تجد فيلا ب400 الف واقل من غرفتين بس ممكن ترفع القيمه ل 600 الف وتسكن فيلا اربع او ثلاث غرف تكون اطلالتها اميز واروع حسب ذوقك
المهم كاسر لين تتعب ووتتعب الحارس معك واحرص تسئل عن وجود مياه حاره سخان في السكن ولالا
الفرش لو تبي نظيف خذ لك مفرش صغير او شرشف افضل من مفارشهم وحطه علي فرشهم لان اغلب الفلل فرشها نظافته لك عليه

==================================





وكيفية التعامل مع السواق...هل نأخذه بشكل يومي؟؟وإلا نكتفي بالتكاسي؟؟



ببونشاك ماينفع تكسي لانه غير موجود اصلا ياغالي ينفع التكسي بجاكرتا نعم لتواجده بكثره
فيه سيارات اجره باجاي وخلافه نقل عام مثل الاتوبيسات واصغر بالقري مثل بونشاك
وفيه دبابات باجر يومي او مشوار لكن وقت رحلتك قبل 3 ميلادي وقت ماطر شوي احيانا ماتدري متي ينزل المطر والدباب بيتعبك بالمطر لو نزل + خطورته والافضل ما يؤخذ الا لمشوار قيرب وبعقل لان حوادثه قشرا
افضل وسيله تنقل هي سياره خاصه بسوا ق الاسعار من 450 الي 550 الف روبيه لليوم شامل بنزين وخلافه
احترم السائق ولاتزدريه ولا تعطيه وجه واجد يعني خلك وسط بتعاملك معه
فيه نثريات مثل صرفك ل 10 الاف روبيه حطها بدرج المسجل عنده تنفعه بالمواقف والزحمات لمن يحرك السير من الشعب هذي تفيد ببعضهم والمبلغ يعتبر بسيط وايضا اكله وشربه مو عليك لكن لو دخلت مطعم وطلبت منه ياكل او يطلب غدا او تعطيه مبلغ بسيط يروح يتغدا يكون له وقع جيد غالبا بقلبه

اذا ماناسبك سواق محدد في المنطقه بعد البقاله السعوديه فيه مدخل يسار موقف سيارات اجره باليوميه لو حاب تغيره
حاول تكون الموتر انوفا او سوزوكي فهما الارفع للمناظر والاوسع لشخصين
اليوميه ماتنعي انك تخليه يبلط عندك من 9 صباحا مثلا الي منتصف الليل لانه بينام ويرتاح لا يقبع بك بثاني يوم بجبل لاسمح الله يعني هو الاتفاق باليوم لكن تكرفه بقدر الممكن ان حبيت ترسله يشري شي او خلافه وتخليه ينام بشكل جيد لا جا وقت النوم مثلا لو عندكم 4 غرف خله يبلط بوحده منها افضل من انه ريوح ويواعدك ثاني يوم يجيك وممكن يتاخر عليك ان ماوجدت الا غرفتين ولا اهتميت للسواق بيروح يدور محل للنوم ولست ملزم باسكانه كل ماعليك هو مبلغ اليوميه فقط كاتفاق
لو استاجرت سياره باليوم وحبيت تفركش الظهر ولا العصر مثلا بتطلع المطار يعني تدفع حق يوم كامل ان لم تتفق معه علي السعر والمده قبلها يوم عندهم يعني يوم كامل اذا تبي نص يوم تتفق علي نص يوم او بالساعه والسعر يكون واضح ياغالي





والشغاله كيف؟؟؟



الشغالات موجودات بكثره الحراس يعرفون شغالات السواقين يعرفون الشريطيه ودلالي الفلل يعرفون اصلا من يوم تسكن بيجونك يعرضون خدمتهم عليك ابحث عن الشغاله الجيده ان كنت ماتحب تطبخ جرب طبخها اول يوم وخلك متابع لشغلها افضل ان ناسبت ولا اكرشها ثاني يوم ودور غيرها

وتعبك راحه يلغلا لاتهتم ولايردك الا كي بوردك وابشر بعزك

ما شــــــاء الله ...

رحله موفقة اخونا الفاضل مجيدو , و اعتقد بعد هذا الكم الهائل من الصور و الاقتراحات ,
ان شاء الله ضمنت سير رحله ناجحه ..


جزاكم الله خير الجزاء .

يووووووووووووووووووهـ والله يانااا تعببببتكـ حيـــــــــــــــــــــــــــــــــــل~~~!!!
مشكووور ما قصرت وجعلهااا الله بموازين حسنآآآآتكـ إلى يوم الدين~~~~~~

حبيبي كلامكـ جميـــــل جداً ويريحناااا حيل ويخلينااا مانتفآجأ أبداً~~~وبإذن الله رآح نتبع توجيهآآآآتكـ~
وبالنسبه للسوآق بإذن الله إتفقت مع صاحبنا "رآعي سفريااات يحب إندنيسيا" وقال أنا عندي لكـ سوآاااق..ووكٌلت أمري لله ثم له~~~
لكن قلت أبستفيد منكم وأبشووووف إذا فيه أحسن منه لأن صاحبنااا مطنوووخ ولايهمه أبد!!!
وبالأخير إكتشفت إن الأسعار مُتقاربه وبإذن الله تمشي أمورنا صح


ماقصصصصرت أبد~~~~~~تحياتي وأشواااقي لكـ ي jaka
ولايهونون السامعين

لاهنتي اختنا ام عزيز
لاهنت اخونا مجيدو والسواق اللي دلك عليه خويك خلك معه دامه نصحك فيه ان ناسبك ولا بدل السواق الامر بسيط لاتشيل همه باذن الله فيه ارقام سائقين مجربين مثبته في المنتدي سجلها عندك للضروره
شخصيا ليس لدي ارقام من سنوات لسائقين هناك ولا استطيع ان افيدك بهذه الناحيه لاني اما اسوق بنفسي او استخدم سائقي الخاص ولن يفيدك لانه ماينطق حرف عربي فعل بقيه الاخوان يفيدونك بهذا الامر ان كانوا جربوا سائقين اخرين

المشاركة الأصلية كتبت بواسطة ام عزيــز
http://www.arabtravelersforum.com/tr...7/#post7450367

ما شــــــاء الله ...
رحله موفقة اخونا الفاضل مجيدو ..........ان شاء الله ضمنت سير رحله ناجحه ..
جزاكم الله خير الجزاء .

الله يوفقكـ ي أختي الغآلية أم عزيز.....
وجعل الله دعآئكـ من الدعوآآآت المُستجآبهـ بإذن الله....

موفق ان شاء الله

إن شاءالله....
أشكركـ جزيل الشكر أخي العزيز على هذهـ الدعوة الصآدقة....

[size="5"]الحمدلله أبشركم إنٌي وصلت قبل فترة

الحمد لله على السلامة .. وننتظرك بالتقرير والمغامرات الشيقة .. تحياتي لك

مجرد ملاحظة على الصور !!
تحميل الصور على بعض مراكز التحميل غير مركز تحميل الصور الخاص بالمنتدى ممكن تختفي
الصور بعد فترة وهذا للأسف يحدث لأغلب التقارير لذلك ياريت يكون تحميل الصور على مركز
الصور بالمنتدى .. وهذه طريقة مبسطة للشرح إذا تفيدك :


هذه طريقة سهلة لتصغير الصور مع الشرح المبسط لطريقة رفعها للمنتدى ..
1) ضع الصور الخاصة بالتقرير في مجلد
2) أفتح المجلد واختار صورة وضع عليها المؤشر واضغط بالماوس اليمين وفتح
بواسطة Microsoft Office Picture Manager
3) تابع معي من خلال الصور التوضيحية تختار رقم 1 (عرض) وتختار صور مصغرة
تظهر كل الصور ..
تختار من الأعلى رقم 2 (تحرير) وتختار تحديد الكل ..
رقم 3 تحرير الصور ثم رقم 4 و 5 وحفظ وينتهي التصغير لجميع الصور ..











بالنسبة للتحميل على المنتدى إنشاء ألبوم أولاً وتحمل عليه الصور :





لوضع الصورة بالتقرير تختار هذا الخيار بطريقة نسخ ولصق ..







وإذا اخترت التحميل السريع أيضاً تستطيع تحميل 5 صور دفعة واحدة وأضغط على
هذا ولكن يجب نسخ الرابط أول بأول لأنه صعب البحث عن الصورة في طريقة التحميل
السريع وهذه مشكلة :


https://s.yimg.com/qn/up/travel/8/c/...3ce9c8f264.jpg

الله يسلمكـ أخوووي الغالي المصبآآآح.....ذكريااات يوم تنسسسق جدول رحلتي بـ فرنسآآ والنمسآآآ فهي ذكرى لاتنسى~~~~

وأبشششر بسعدكـ رآح أتتتبع توجيهآآتكـ حبيبي....