الموضوع: ابي جدول مفصل لجاكرتا والجبل وجزيرة بالي وجزيرة لومبوك

السلام عليكم ورحمة الله وبركاته

اخواني اعضاء المنتدى المبارك اتمنا منكم مساعدتي بجدول لمدة 20 يوم بين الجبل وجزيرة بالي وجزيرة لومبوك واخر الرحله لجاكرتا والعوده لارض الوطن الرياض

انا عريس وابي اروح لشهر عسل بين المناطق الي ذكرتها

والاخوان مو مقصرين بالمواضيع لكن ابي خطه امشي عليها وسكن يكون متوسط الفخامه ونظيف بكل المناطق وطريقة التنقل بين المدن والميزانيه 20 الف هل تكفي هناك بدون تسوق

الذهاب بيكون بتاريخ 25 اكتوبر الى تاريخ 16 نوفمبر بأذن الله على الخطوط السعوديه

اتمنا من ذوي الخبره افادتي بكل شي وسعر الصرف بالريال او دولار افضل

واذا فيه رقم سواق ممتاز بالجبل وفي بالي اما لومبوك هل تحتاج لسواق خاص او لا

واعتذر عن الاطاله والله ولي التوفيق للجميع من الموبايل

مواضيع عشوائيه ممكن تكون تعجبك اخترناها لك:

• استفسار للي سكن في أو
• اعضاء منتداي الغالي محتاجه خبرتكم
• ما رأيكم في المكاتب السياحية التي ترتب للمسافر
• بونشاك
• ابي الاماكن السياحية في اندونيسيا
• أول سفرة إلى إندونيسيا أرجو المساعدة
• هونج كونج الساحرة بعدستي الخاصة
• البوصلة في جاكرتا اين اجدها
• استفسار بسيييييط
• سوال مهم
• لأهل الخبرة أرجو المساعدة والإفادة
• استفسار
• لاهل الخبره في منطقة بوقور تكفون
• سؤال عالطاير طلعت اسئلة هه
• افضل الشركات المقدمة لخدمة الانترنت
• اندونيسيا في رمضان والعيد
• اول مره اروح ولوحدي
• ارجو المساعده رحلتي باقيلها اسبوع وانا بدون جدول
• سياسة الفنادق
• هل تكفي

اولا مبروك ياعريس
والله يوفق يارب ويرزقكم الذريه الصالحه
اتمى ان الاعضاء الخبيرين فهالاشياء يفيدوك
اكيد ماراح يقصروا معاك باذن الله

الف مبروك ياعريس اتمنى لك رحلة مميزة
وان شاء الله الاعضاء المتميزين يفيدوك

وعليكم السلام ورحمه الله
مبروك مقدما والله يجمع بينكم على خير ان شاء الله
حسب التواريخ المعطاه ولو استبعدنا يومى الذهاب والعوده فالمده 21 يوم
الميزانيه هى 1000 ريال لليوم شامله كل شئ ما عدا التسوق والجدول المقترح كالتالى

2 جاكرتا - 5 لومبوك - 7 الجبل وبوقور - 4 باندنوق - 3 جاكرتا

وهذه الجداول من اعداد خبيرنا ابو غاده تستطيع اقتباس ما يناسبك منها

http://www.arabtravelersforum.com/travel396390/

ملاحظه سعر طيران الجارودا من جاكرتا الى لومبوك 2,600,000 روبيه = 1083 ريال للشخص ذهاب وعوده !!
واى استفسار لاتترد فى طرحه اخى الكريم

الله يبارك فيكم جميع وعقبالكم والي متزوج عقبال الثانيه يارب ههههههه

وشكراً لكم ماقصرتم لكن وش رايك بعد نظرتي لجدولك اخليها
1 جاكرتا لراحه 5 لومبوك 5 بالي 7 الجبل 3 جاكرتا

اهم مافي السفر عندي لومبوك والجبل انا احب الطبيعه والبحر والجو الرايق وفيه منطقه اسمها سكابومي قريبه من الجبل يقولون بالسياره ساعتين
من كلامك اخوي يمكن يكفي المبلغ لسفر وتذاكر داخليه قسم بالله مخي تشتت بين المناطق لكن الي واثق منه بأذن الله لومبوك رايح لها وهي اساس سفرتي من الموبايل

مرحبا ياشيخ وفكنا من المشاكل الله يرحم والديك

جدول مناسب وجميل جدا ولو ان بالى غاليه والسكن فى الفلل مكلف لارتفاع سعرها
حيث ان الغالبيه يفضلونها على الفنادق لكثره السواح الغربين فيها
وان اردت زياره بالى فارفع الميزانيه ل 22500 الف


منطقه سوكابومى لا انصحك بزيارتها فطريقها متعب وخطر جدا من الجبل

ممتاز كلامك حبيبي والله لا يجيب المشاكل اجل بخلي التوزيع زي كذا 1 جاكرتا لراحه وبعدها 6 لومبوك وبعدها 6 الجبل وبوقور وبعدها 4 جاكرتا كذا قلصت الايام مافيه مشكله ووالميزانيه 20 الف وش رايك الوضع كذا مناسب من الموبايل

يعني 17 يوم !! الميزانية كافية إن شاء الله ومن رأيي تضيف باندونق للجدول :
جاكرتا 1 -- لومبوك 6 -- باندونق 3 -- الجبل 5 -- جاكرتا 2
من جاكرتا -- لومبوك تحتاج طيران
من لومبوك -- باندونق تحتاج طيران
من باندونق -- الجبل سيارة والأفضل سائق خاص بسيارته

طيب حبيبي الله يعطيك العافيه وماقصرت

الان باقي لي جدول يومي بجزيرة لومبوك والتنقل فيها كيف هل بسواق خاص ولا تكسي
وافضل منتجع على البحر في اي مدينه والاسم من الموبايل

مرحبا ياعريس
الرابط اللى وضعته لك فوق فيه جزء خاص باجمل المزارات فى لومبوك تستطيع
الاقتباس منه وعمل جدول مناسب كذلك وانت هناك عن طريق الفندق تستطيع جمع العديد من المعلومات والمزارات
فى الجزيره عن طريق المنشورات السياحيه سواء من المطار او الفندق

من افضل الاماكن للسكن هو شاطى سنجيجى ويوجد به العديد من المنتجعات ومنها منتجع الهوليدى
طرح احد الاخوه سابقا تقرير وتطرق للفندق واعجبنى بصراحه
بحاول ادور لك عليه واعطيك الرابط
ولابد لك من سائق باليوميه لان اغلب المزارات بعيده
حالها حال اغلب المناطق فى اندنوسيا

الله يعطيك العافيه حبيبي تعبتك معي
لكن الله يوفقك ماقصرت من الموبايل