المشاركة الأصلية كتبت بواسطة قطري اسباني
http://www.arabtravelersforum.com/tr...9/#post6767727
السلام عليكم
اخواني انا رايح بعد ثلاث ايام مع الاهل لامريكا
ومخطط الرحله كالتالي
3 ليالي في نيويورك ثم
طياره الى لاس فيقاس 3 ليالي
ثم بالسياره اروح للوس انجلوس 12 ليله
بعدها طياره الى نيويورك 4 ليالي
لاكن عندي بعض الاسئله اذا ممكن
هل مخطط رحلتي جيد او لا
التخطيط ياغالي جداً مناسب ,
ثاني سؤال انا باخذ سياره من لاس فيقاس الى لوس انجلوس
لاكن اللي محيرني ان بعد مااخلص مدتي في لوس انجلوس واسلم السياره في المطار
اولا وين احصل الشركه اللي سلموني السياره لانه مطار كبير وثاني شي
طيارتي الساعه 8 الصبح ولازم اكون في المطار على الاقل 6 الصبح وبروح من الساعه 5
الصبح عشان اسلم السياره بس ماادري هل مكتب التأجير بيكون مفتوح الساعه 5
بكل تأكيد بيكون المكتب مفتوح , وكل المكاتب خارج المطار ممكن لك تسلم السيارة وهم يوصلونك للصالة التي مغادر منها , بس خذ عنوان الشركة واسمها من العقد وخزنها بالقارمن ,
وثالث سؤال انا قالي واحد من اصدقائي ان بعض الطيران الامريكي الداخلي يسرقون الشنط
هل هذا صحيح لان طيراني الداخلي هي شركه ديلتا
سبق وان حصلت حالات ولكن جداً قليلة ,
ورابع سؤال بالنسبه لنيويورك انا اول مااوصل بقعد فيها ثلاث ليالي واخر رحلتلي برجعلها
اربع ليالي بس زوجتي اتقول انها تبي خمس ليالي في الاخير هل تكفيها الاربع ليالي او لا ؟؟
تعتمد عليكم وعلى صحيانكم بدري لان المدينة غير منطقة التايم سكوير تقفل مبكراً وخاصة ايام وسط الاسبوع فالاسواق والمحلات اغلبها تقفل الساعة 8 او 9 مساءاً , ومناسب لو بديتوا جولتكم الساعة العاشرة او الحادية عشر صباحاً لتغطية معالم المدينة ,
واتمنى ماطولت عليكم وياليت احصل ردودكم اجمعين وارائكم
ايه نسيت سؤال خنفشاري
الطريق بين لاس فيقاس ولوس انجلوس هل هو متعب او ممتع وهل فيه محطات بنزين
بس اتكون امان
تحياتي لكم والله الموفق
الطريق امان ومليئ بالمحطات والمقاهي والمطاعم , وقبل ما تطلع من فيقس عبي فل لان البنزين فيها ارخص من كاليفورنيا ,
ودعواتي لكم بالتوفيق ياغالي , , ,
رد مع اقتباس
المفضلات