الموضوع: ترشيحات السكن في سان دييغو

اسعد الله صباحكم بكل خير ..

بانتظار ترشيحاتكم

تصدق يا ابوعبدالعزيز انا تاخرت وتوني بادي إراسل الشركات علشان شقة غرفتين في سان دييغو لشهر 6 ..... الرد منهم كان ماكو شي فاضي .. !! چني توهقت
بستمر بالمحاولة....


لاتتاخر اذا لقيت شي عجبك لاتتردد لان اذا قرب الوقت صعبة تحصل

السلام عليكم ورحمة الله وبركاتة

انا ماعرفت اختار هنا المشكلة ..

تكفون يااخوان ابغى اختار سكن وارتاح تكفوووووووووووووووون احتاج شفتين ب3 غرف او 3 شقق بغرفتين بسانديغو في منطقة لاهويا

راسلت امس 5 شركات و ثلاث افراد.......الرد ماكو شي فاضي ...
لقيت في لاهويا شقة غرفتين نوم ممتازة لاكن سعرها 300 بالليلة ( العام الماضي كانت ب 170 تقريبا ) !!!!

لقيت شقة ممتازة بحوالي 180 بالليلة غرفتين نوم في مشن فالي لاكن بالدور الثالث وماكو مصعد !!!!!

وش رايك بهالرد

http://www.oakwood.com/action/oakwoo...petFriendly=on

الرابط فتح موقع اوكوود فقط .... ما شفت رد .... المتوفر شقة غرفتين لاكن السعر صاير دبل عن العام الماضي والعام اللي قبلة 299 بالليلة وايد

خبيرنا الغالي
أنا الاشخاص اللي معي يرشحوه السكن في سان دييغو لاهويا والآن لا يوجد سكن

انت رشح لي سكن معين بس يفضل في مجمع سكني ...

http://www.corporatehousingbyowner.c...&y=21&prop_id=
الي الان انا كذلك قاعد ابحث عن شقة للصيف.....توني اتصلت في اوكوود وكلمتهم و قالولي انهم راح يبعثولي ايميل فالشقق المتوفرة......هذا تلفونهم بس هذي رقم 800 يعني ببلاش لاكن لازم تستخدم سكايب علشان تكلمهم....


18779020832

http://www.suiteamerica.com/complex_...d%20Apartments

انتوا جم واحد ؟؟؟؟

حنا طال عمرك 9 عاقلين و6 أطفال ...
دانت وش رايك بالسكن في ارفاين او في سان دييغو في الداون تاون او الفاشن فالي

ايرفاين في اورنج كاونتي ...... حلوة وفيها خليجيين وايد بالصيف تبعد ساعه ونص عن سان دييغو .........الفاشن فالي ممتازة .... الداونتاون ما افضل السكن فية....

اسعد الله صباحك بكل خير

وش ترشيحاتك في الفاشن فالي ..

المنطقة اللى انا افضلها ( لاهويا جزء اليو تى سى utc ) والثانية الفاشن فالى او المشن فالى .... ياريت اقدر ارشحلك مجمع سكنى لان انا لازلت ادور ومانى لاقى شقة غرفتين......

ضرورى تتصل بسرعة فى اوكوود فرع لوس انجلس( هو الفرع المسئول عن لوس انجلس واورانج كاونتى وسان دييغو) وتبلغهم بطلباتك....ممكن كذلك تتصل فى ماريوت اكسكيو ستاى ..او تشوف موقع homeaway وتراسل الملاك مباشرة

معذرة على التطفل ، لكن هل السكن في سان دييجو افضل من لوس انجلوس ؟ هل تنصحون تكون اقامتي اكثر في سان دييغو مع ان اكثر امماكن السياحة المقصودة موجودة في لوس انجلوس
هل من الحل السكن بينهما للمدة كلها عشرين يوم مثلا

اذا 20 يوم روح سان دييغو 5 ايام ولوس انجلس 15 يوم

مشرفنا الغالي ..
رحت وغبت وجبت لك الذيب من ذيله ( تراي اعجبك بعض الاحيان )
شف الشركه هاذي
PC Housing

هاذي انا استاجرت منهم الشقه غرفتين ودورتين مياه في كمباوند بسعر يومي 185 $
حبيت افيدك

نسيت اقولك ان المجمع في لاهويا

وهذا الشخص اللي حجز لي

Kaz Negishi
Account Manager
PC Housing

Toll Free: 800.447.2742
Phone: 858.622.1881 Ext. 223
Fax: 858.622.1867

مبروووك
خوش سعر ...باى مجمع؟؟ بس انتوا 15 شخص ...كم شقة اخذت؟

تصدق الى الان انا مالقيت....قاعد ادور ودخت حصلت من phc شقة حلوة بس فى مشن فالى ...بشوف اذا احجزها ..سعرها 191 بالليلة

اسفة على المقاطعة ابي احجز فندق الهارد روك الي بسان دييغو قتلي انه ممتاز احجزه ولا احجز الفنادق الي ذكرتها المدة 3 ليالي

لا تحاتى انت تبى من المطار الى لاهويا فقط ؟ راح تستلم السيارة الفان15 راكب من المطار؟

http://www.cloud9shuttle.com/
هذى شركة ممكن تحجز اون لاين لشاتل من المطار للسكن....ممكن تتصل فيهم تلفون وتضبط معاهم....قولهم مثلا ابى احجز لراكبين و 10 شنط من مطار سان دييغو الى العنوان الفلانى .راح يعطونك عرض سعر...
http://www.supershuttle.com/HowItWorks.aspx

هذى شركة ثانية
http://www.accessshuttle.net/
وثالثة
http://www.ezrideshuttle.com/
ورابعة
http://www.advancedshuttle.com/