الموضوع: ماحصل في مقابلة في السفارة ؟

:smile002:
السلام عليكم أيوها المسافرون :36_3_11: أنا الان توني جاي من السفارة الامريكية . وهذا موجز النشرة وأليكم التفاصيل :101:
ذهبت بحفظ الله ورعايتة ماتجي حيث أني خخخخ طلعت الساعه9 الصباح من السفاره
*التشييك على الاوراق قبل ثلاث أيام على أقل تقدير ضروري
*الامور متيسره وأسهل مما توقعت بس أنا أرتبكت شوي من اللغه ماأعرف الا عشر كلمات :8888:
بس فيه سؤال محيرني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنا اللي أبي أعرفه وشلون أجيب الخطاب هذا ( خطاب البعثه النهائي) وأنا مامعي فيزا :112: :112: وشلوووووون هل هو عذر عشان مايعطوني فيزا ولا وش لون
وأخيرا ما أقول ألا . . . . . . الله يكتب اللي فيه الخيره (وعسى أن تحبوا شيئاَ وهو شراَ لكم )
ولا تحرومنا من ردودكم وأي سؤال أنا جاهز

مواضيع عشوائيه ممكن تكون تعجبك اخترناها لك:

• مقابلتي اليوم والفيزا
• ايش رايكم اختار اي ولاية اوهايو انديانا تكساس كاليفورينا
• السفارة ورحنا لهاوهذا اللي صار
• سكس فلاقز سان انتونيو
• مشتهي تاكل كركند جراد البحر أستاكوزا
• ياخبرااااء امريكا عندي استفسارات ممكن الدخول
• رحلتي بتاريخ
• الفيزا ب ايام واي استفسار تفضل
• معلومات عن ولاية نيوجيرسي
• احلى مدن الساحل الغربي
• كذا اموري اوكي؟؟
• أكثر من يوم على طلب تاشيرة مريض مقعد
• عاااااااااجل يااخوان لاهل الخبره
• الشيك المصدق
• اورلاندو حالياً
• هل اقدر اطلع فيزة لكندا وانا طالب في امريكا
• الي عنده خلفيه عن الفيزا
• اجمل اسواق لوس انجلس مرفق رابط كل مجمع لمعرفه المحلات والمطاعم والسينما والموقع
• الطريق من لاس فيجاس إلى سان فرانسيسكو بالسيارة
• طولت علي الفيزا يالربع

مافيه تنسيق للاسف بين الوزارة والسفارة!! يابن سعدان

اقترح انك تنتج فلم سنمائي على غرار فلم عادل امام تسميه السفارة والوزارة على نمط السفارة في العمارة

.. الله يعينك أخوي السعدان ..
طيب ما عطوك السفارة ورقة صفراء كتبوا فيها طلباتهم .. خذ الورقة ورح للوزارة حاول تجيب لهم طلباتهم ..

السلام عليكم ورحمة الله وبركاته

يصرفونك يالغالي ولا ترا شروط الوزارة واضحة

تجيب الفيزا يطلع لك امر الابتعاث

ماتجيبها ماتشم الورقة

دورك لك جامعة هنا واقضب ارضك واضح انهم مارضوا عنك ولا عن ابو عزيز

السلام عليكم ورحمه الله وبركاته


المستكشف الصغير

والله من ناحيه التنسيق مافيه ويمكن السفارة هي اللي ماتبي تسوي تنسيق عشان الى ما أعجبهم أحد يحطونها في الوزارة (بالعربي تصريفه)
أما بالنسبه للفلم لو تقعد تتبع كل واحد رايح للسفارة أكيد بتلقى معه عشره أفلام سنيمائية:109:
وشكراَ على ردك وأي سؤال أنا جاهز



جوليـــانــو

شاكر على ردك وماشاء الله عليك شعله من النشاط في المنتدى
أما من ناحيه الورقه الصفراء عطونياها بس اللي فهمته من اللبنانيه كما هو موضح في أعلاه:101: أنها قالت لا مهوب الخطاب الموجه من الوزاره الى السفاره:112: وقالت خطاب الابتعاث النهائي وهذا مستحيل أني أجيبه من الوزاره ولا معي فيزا ( عشان كذا تحطمت:110: )



حسين 666

والله يا حسين مدري وش أقولك هل هي تصريفه ولا لا !!!!!
لكن أن كان كل واحد ماعنده لغه كويسه والمقابله أمريكيه ولا تعرف عربي ويبونك ما ترتبك فـهذي مصيبه :114:
وشكراَ على الرد:113:

أستفسار لمن عنده خبره ؟؟؟؟؟؟؟؟؟؟؟؟؟؟؟؟

هل لو بغيت أأجل السفره مثلاَ الى بعد ترم أو ترمين وش يحتاج يحتاج أجيب I-20 ثاني وهل لازم أدفع السيفس مره ثانيه ؟؟؟؟
ومن ناحيه السفاره أنا قلت لهم الوزاره بتفتح بعد أسبوعين قالوا طيب عطنا الخطاب بعد أسبوعين وتستلم الفيزا هل لو طولت عليهم مثلاَ ثلاثه أو أربعه شهور بيكنسلونها ويبون أبلكيشن جديد ورسوم جديده وموعد جديد؟ !!!!!!!!!

أرجوا الرد

أخوكم / alsaadan

الزيارات 170 والردود 5 أفااااااااااااااااااااا والله ترى النصيحة بعشرين ريال:108: !!

أرجو من أصحاب الخبره و أصحاب النصائح السديده الرد :119:

alsaadan مستحيل بل مستحيلين بل مليون مستحيل يطلبونك قرار الإبتعاث لأنه مستحيل بل مستحيلين بل مليون مستحيل تصدره لك الوزارة

اللي يبونه خطاب الوزارة لكن يمكن الأخوات مفوتات مع الصباح او تصريفة

التأجيل عادي جدا وسهلا جدا ولا يحتاج سيفس جديد لأن السيفس خاص بالفيزا مو الجامعة
ترسل للجامعة طلب تاجيل وتطلب الجامعة منك اما رقم الفيزا البنكية أو ترسلهم شيك مصدق ما يزيد عن 60 $ ولا ينقص عن 40 $ عاد ما ندري عن جامعتك

لو تتاخر عليهم مافيه خلاف اهم شي لا تتجاوز السنة لأنه بعدها كل شيء من جديد راح يكون بالسفارة لان جوازك مختم بتاريخ الحضور صحيح ولا لا

موفق ان شاء الله

شكل المصريه عطتك عين هههههههه
طيب انت روح الوزاره وفهمهم وخلهم يعطونك خطاب موجه من الوزاره الى السفاره
ووده لهم بزعم انك مافهمت وان قرار الابتعاث قبل الفيزا مستحيل
جرب يمكن يفوتونها لك
الله يسهل امورك واموري وامور الجميع ياااااااااااااااااااااااااااااارب

السلام عليكم ورحمه الله وبركاته



ابن السعودية


ماشاء الله عليك متواجد في كل موضوع بالمنتدى :113:

شكراَ على ردك بس عندي أستفسار بسيط أناعندي القبول من جامعه ولايه ميزوري ok وش المطلوب لو بغيت أأجل الموعد و باتفصيييييييييييييييييييييييييييييييييييييل بالتفصيل يعني وش المطلوب أولاَ أجيب الاي توني جديد و هل القبول من الجامعه يحتاج ؟؟؟؟؟؟؟؟؟؟؟؟؟

(ماهي الاوراق المطلوبة لتأجيل الدراسه وهل أذهب بها الى السفاره أو الوزاره مع العلم أن الوزاره تقول لازم تقدم من جديد على البعثات)

أخوك / alsaadan

alsaadan اطلع على الموضوع التالي:

http://www.travel4arab.com/vb/showthread.php?t=71775






(ماهي الاوراق المطلوبة لتأجيل الدراسه وهل أذهب بها الى السفاره أو الوزاره مع العلم أن الوزاره تقول لازم تقدم من جديد على البعثات)



بالنسبة للجامعة ما فيه اوراق زيادة الرسالة ورقمك الاكاديمي تكفي

عاد الوزارة تبي الشهايد الأصلية وصوره من الـ I - 20 وصور من القبول وصورة من الفيزا وصورة من بطاقة الأحوال

هي بس لو تتسهل الوزارة كل شي جاهز

والله يكتب ما فيه الخير

وأنا أبغى المطلوب بالضبط (أي :i-20 - السيفس - القبول من الجامعة . . . .)



ما فهمت قصدك

انت ما عندك قبول ولا i-20 ولا دفعت السيفس أجل كيف صلحت مقابلة في السفارة

السلام عليكم اما بالنسبه لروايتك بصراحه جنان فطست من الظحك وانا اقرا واما بالنسبه لي فانا حكايتي حكايه ومشكلتي مشكله ماتكفي روايات شكسبير كثر رواياتي اللي سويت معهم؟
اما التعليقات بصراحه جنان؟

أبن السعودية
أنا قصدي ((((((التجديد)))))))) للاوراق مذا يحتاج :
ـأولاَ يحتاج تجديد الــi-20 هذا شيء معروف.
-ثانياَ هل يحتاج تجديد القبول من الجامعه علماَ بأن القبول اللي وصلني من الجامعه ما أخذوه السفارة (رجعوه علي) هل يحتاج أجيب ثاني ؟
-ثالثاَ هل يحتاج أدفع السيفس مره ثانيه (لاني سمعت أن السيفس هي رسوم الاي توني ) ماأدري وش قصدهم ؟؟
(وهل وأول ماياصلني الاي توني والاوراق هذا أن كان فيه أوراق ثانيه أوديه للسفاره ولا أنتظر اليين يوافقون الوزارة ويطلعون لي ضمان مالي جديد ***مع العلم أني كتبت في الابلكيشن أن النفقه على حساب الحكومه وهي الان غيروا مسماها الى بعثات خادم الحرمين الشريفين***)

alsaadan هههههههههههههههههههه

ليه تطولها وهي قصيرة

ولا شي من كل اللي قلته يحتاج غير I - 20 جديد فقط لاغير

ولا تنتظر الظمان الجديد خلص الفيزا وش خسران

lpl]

حياك الله . . . . .

والله شكلك محيوووووووووووووووووووووس بقوه :108: الله يعينك ( بس لوأني منك كان حطيت رجلي أول ما عطوني الكرت) لكن الخيره فيما أختاره الله

. . . . .ونبغى نسمع باقي القصة . . . . . .

المشاركة الأصلية كتبت بواسطة ابن السعودية


alsaadan هههههههههههههههههههه
ليه تطولها وهي قصيرة
ولا شي من كل اللي قلته يحتاج غير I - 20 جديد فقط لاغير
ولا تنتظر الظمان الجديد خلص الفيزا وش خسران




معليش أخوي أبن السعودية:101: ( والله ترى الواحد قام يهوجس في كل شيء ماندري أذا الواحد مشت أموره بالوزاره تجي السفاره وتطلع له أشياااااء لاهي على البال ولا على الخاطر والعكس . . . ).

بس أنا كاتب في الابلكيشن اللي في السفاره المتكفل بالبعثات هو الحكومه والاَن زي منت عارف هو خادم الحرمين الشريفين هل هو عادي (لانه فيه أمر الدخول الى أمريكــا وأكيد الدعوه فيها تدقيق والله أعلم)


الله يعينك بس ماقلت لنا أنت وين وصلت في الاجرائات؟
.
.
.:smile001:
.
.

أخوكم

alsaadan

أبد واقفــــة وفي انتظار الفرج

لكن زي ما قلت لك i - 20 وبس ولا تجيب غيره أبد

أبن السعودية

وش رايك في ولاية ميزوري؟ ( بحكم أنك مسافر خبير :101: )

ثانياَ: أنت في أي ولاية مقدم؟

ثالثاَ: وش رايك أذا بغيت أقدم على الاي توني جديد أسويه على أي سمستر ؟ ( الفل أو الصيف لاني ما أبغى أسويه في السمستر الجاي ويتأخر على الفيزا أو الوزاره؟؟

معليش كثرنا عليك شوي ( بس أنا أقترح أن يكون التواصل بالماسنجر أفضل وأسرع وأدق:24: )

أخوك

alsaadan

يعني الحين الحل فى التأجيل !!! كذا راح تنحل المشكله يعني ... مافي ولا كلمه وحده تشجيعيه للرجال ..

الأخ السعدان ، ماكان فيها شي لو انك قلت ما تعرف انجليزي ..كان سهلت عليك امور كثير عالأقل بتكون صادق معهم فى المقابله ...

السلام عليكم ورحمة الله وبركاتة


فيه عندي أستفسار بسيط لمن عنده خلفية في تجديد الـ I-20 وهي هل الواحد لازم يجدد الـI-20 وهو مابعد

أنتهى ( لان موعدي في المعهد في 20 أوقست القادم وأحتاج أطلع فيزا كارد جديد) يعني لو أجدد I-20 بعد

ماينتهي يجددونه لي ولا لازم أراسل من جديد وأرسلهم أوراقي من جديد. . . ؟

.
.
.
.
:rose13: :smile105:
.
.
.
.
أخوكم

alsaadan
أخوكم

.. ترسل أيميل للمعهد و تطلب منهم إرسال أي توني جديد بس ظروف طارى عندك منعتك من الحضور في الموعد المحدد .. و إنشاء الله خلال اسبوع بالكثير وهو عندك .. إذا وصل الاي توني الجديد تروح فيه للسفارة مع الظرف المغلق و يغلفون لك الاي توني الجديد .. أما إذا ما خلصت الفيزا أطلب الاي توني الجديد و خله عندك لين تتصل عليك السفارة ..
.. و بالتوفيق ..

هلا والله فيك أخوي جــولــيـــانــو وماشاء الله عليك ردك سريع:24: . . . !!

بالنسبه لارسال الايميل ما فيه مشكلة . . . المشكلة أنهم أكيد بيطلبون رسوم ثانيه (حوالي 100 دولار)

للمعهد ولازم أرسله لهم على الايميل عشان يسحبونها ويرسلون لي الــI-20 صح . . . . !!!

وأنا( البطاقة منتهيه ) والبنك قالوا لازم تقدم على تجديد البطاقه وهذا ياخذ وقت والــI-20 اللي عندي

مكتوب فيه لازم أحضر في المعهد في 20 أوقست وسؤالي هل أقدر أجدد الـI-20 بعد الــ 20 أوقست ولا

لا . . ؟ ( ولا بعد 20 أوقست لازم أني أراسل من جديد وأرسل شهاداتي للجامعهة والاجرائات اللي من قبل)
.
.
.
.
( ألا وش أخبـــارك ووين وصلت أنت يــاجولـــيــانـو) :smile125:

أخوك

alsaadan

.. حياك أخوي ..
.. لا ما يحتاج ترسل مائة دولار و لا غيرها .. أنا طلبت التأجيل منهم مرتين و أرسلولي الاي توني على طول بدون أي رسوم إضافية حتى مصاريف البريد عليهم .. هم يبونك تجيهم بأي طريقة محتاجين فلوسك .. هههه
.. على فكرة .. ترا الوزارة متشددين على إحضار قبول من جامعة وليس معهد في البعثات الجديدة إذا كنت رايح على حسابهم ..
.. أما وين وصلت أنا .. فقد فقدت الأمل و أقتنعت بعدم قدرتي على الذهاب في البعثة بسبب عدم وجود واسطة تمشي نسبتي 3.01 مع العلم أن عندي قبول معهد وفيزا ..
.. و بالتوفيق ..

السلام عليكم ورحمه الله وبركاته

أخي جــولـــيــانــو . . . كلفنا عليك:114: . . . لكن الله يعينك. . . !!!!

بس لــو تكتبلي صيغه الرساله بالانجليزي ( بالنسبه لوضعي ) أكون لك من الــشــاكـرين . . . :101:
.
.
.

:50055:
.
.
.

أخوك / alsaadan

.. تفضل أخوي السعدان .. هذا نموذج كتبه لي أحد الأقارب و أرسلته للمعهد وأجلوا لي دراستي ..
.. طبعا الخطاب يتحدث عن سبب طلب التأجيل هو تأخر صدور الفيزا ..
... ( تكتب اسم الشخص المرسل له الرساله ) / Dear
Thank you for your letter dated on .........
I would like to inform you that until now i did not revive the u.s.embassy (i have been applead for u.s. visa from the u.s. embassy in riyadh befor three months ) , so may i ask you to delay my admittion to the ......... o
Thank you
sincerly
.. الرسالة طبعا كسرتها وطلعت معلوماتي منها ..
.. عندك الفراغ الاول تكتب فيه تاريخ ارسالة الايمل اللي بلغوك فيه بإرسالهم لك الاي توني القديم .. ,و تكتبها بعد date on .. لأن الكتابة في المنتدى ما تساعد للكتابة بالانجليزي ..
.. الفراغ الثاني تكتب في تاريخ الدراسة الجديد ..
.. بين القوسين أنا كتبت ثلاث شهور تأخرت الفيزا .. تريدها أو أمسحها أو اكتب المدة اللي مرت عليك ..
.. و عذرا على الرداءة في الرسالة .. و بالتوفيق ..

وهل هو بـ Dhl ولا بالعادي . . . لانهم طلبوا 40$ لارسال الرساله بالبريد المستعجل !!!!

أخ بس :110: . . . الله يجيب الـيـوم اللي يجــون الامريـكـان يبتعــثـون عندنــا بس .. وأكــون مسؤل في السفارة:112:


السعوديـة والله لبرد كبدي . . . . . أنــا قد لــي فــوق الــسـنـة وأنــا أنتظر هـالبعثة:112: .... الله لا يجــيبهـا أن شــاء الله . . !!!


والله الــواحد لا أسـتـقـر في وظيفتة .. ولا مــع أهـلـه .. وصـــار مشتت الذهــن . . وحــالته النفسيه يرثـى لهــا :thumbdown

افاااااا
عاد انت لك فتره تنتظر يمكن 3 شهور للحين ما دقو عليك

الله يصبرك ان شاء الله صدق يخلون الواحد على اعصابه وانواع الهواجيس

السلام عليكم ورحمه الله تعالى وبركاته


حقيقــة أشكـر كـل من سـأل عني وأرشدني في هذه البوابة وعلى رأس القائمة بنت الصقور


أنتظـرنــا أكثــر من السنه والنصف في أجراءات مابين الوزارة والسفارة وبعد هذا الجهد تحقق لي أن أخذت الموافقه من الوزارة في مدينه سياتل

ولكن الأمـور تعقدت في السفارة شوي والظروف منعتني ان اكمل مشواري وطموحي الكبير جداً في حينه .. !!

ولكن الحمــد لله على كل حـال
.
.
.
.

انا الآن موظف بوظيفة تعتبر ممتازة والخيرة فيمـا أختاره الله

فقط حبيت أن أشكركم وأطمئن ممن سأل عنّي في الايام الماضية

وحبيت أسئل عن الاعضاء المميزين في ذلك الوقت وش صار عليهم ؟ واللي منهم :
.
.
.
.
ابن السعودية
.
.
جوليانو
.
.
والباقين
.
.
.
أتمنى أنهم بخيــر وأنهـم حققوا ووصلوا إلى ما منعتني الظروف أكماله
.
.
:smile125:
.
.

:: خــاتمـــة لجميـــع المبتعثيـن ::

أتمنى أن تكون عزيمتكم وطموحكم يكون كبير والأهم أن يكون صلتكم بالله قوية أكثر وبعـد ذلك كـل شيء يهــووووووون ولا تشيلون هم أي شيء
.
.
.
أتمنى أني أفدت كما استفدت
.
.
وأمتعت في طرح موضوعي كما أستمتعت من الكثير
.
.


لكم أجمل تحيــه

alsaadan

الله يوفقك وصدقت الخيره فيما اختاره الله .. موضوعك قديم يعني 3 سنين !!

المشاركة الأصلية كتبت بواسطة Stranger Man
http://www.arabtravelersforum.com/tr...1/#post3082801

الله يوفقك وصدقت الخيره فيما اختاره الله .. موضوعك قديم يعني 3 سنين !!



صحيح هو قديم بس مواضيع السفارة والوزارة استمرت لأكثر من سنه وانتظار البعثة ومراسلة الجامعات تقريباً تسع شهور

لكن الآن الوضع تغيّـر والأمور اصبحت أكثر تنظيم وسرعه والمهم ان الوزارة تستفيد من الاخطاء اللي صارت لنــا
.
.
وتهيئ الامور للاجيال القادمة وصدقني مافيه احسن من ان الواحد يرجع بشهادة عليا ورافع راسة ويعكس صورة بلدة في الخارج

بالتوفيق للجميع