الموضوع: ياليت تساعدوني بمعلومات عن سان فرنسسكو ونييورك ضروري

السلام عليكم ..

انا بروح لسان فرنسسكو في 9 مارش معنا طفلين ورضيع وابغي تساعدوني
1/ الجو في النهار كيف برد والا حلو ؟؟؟
2/حجزنافي هوليدي ان فشرمان غرفتين هل هو حلو ؟؟؟
3/ ياليت ترتبون لي الاماكن بنجلس 6 ايام صافيه وتحطون لي جدول والاماكن الي جنب بعض ..
4/التنقل وش افضل وسيله للتنقل ؟؟هل الباص استخدامه سهل ومحطاته كثيره لان معي اطفال..
5/افضل المطاعم عل اي شارع ؟؟ وها المطاعم العربيه قريبه من الفشرمان ؟؟
بعدها بنروح لنييورك 3 ايام وش افضل اوتيل غرفه واسعه مره وفي التايم سكوير ومايتعدي 350 دولار ومن اي موقع ..
وياليت ترتبون لي الاماكن السياحيه الي جنب بعض ..
وشكرا لكم ..
ياليت ردود حلوه واضحه بالعنوانين ..
تحياتي للجميع ..

مواضيع عشوائيه ممكن تكون تعجبك اخترناها لك:

• لايوجد مواعيد لفيزا دراسية في القنصلية في الظهران
• رأيكم يحدد احلاميساعدوني
• للأهمية ممكن احد يفيدني ؟؟
• اورلاندو اخر شهر ؟؟؟؟
• أبي اقتراحاتكم بليز
• ياناس تورطت بين كندا وبريطانيا من عنده الحل ؟؟
• تم المقابله خش للاهميه
• كيف انقل الفيزا الى الجواز الجديد؟؟
• مساعدة ياشباب احد جرب وحجز وسافر عن طريق travelocity
• معي جواز أمريكي وأريد الدراسة على حساب البعثة
• استفسار بخصوص مقابلة السفارهارجو الرد جزاكم الله خير
• الفزعة الفزعة الفزعة ياعيال العم
• استفسارات تكتيكية اللحظات الاخيرة قبل السفر
• باركو لي فيزه خمس سنوات وسؤال عن الموبايل المناسب
• ابحث عن سكن في هيوستن لعائله بسعر مناسب
• ابي جدول لمدة يوم امريكا
• وصلت اورلاندو ونصيحه لا تسمعون كلام احد
• استفسار مهم لاصحاب الخبره
• عاجل جداً ويرسل بالفاكس
• حجزنا التذاكر بس نبي مساعدتكم

انا اعيش في سان فرنسيسكو وهي مدنية جميلة بس المعيشة فيها غالية شوي بس جوها حلو في النهار خاصة في الصباح ومن بعد الظهر يتغير الجوى وفيها امكان سياحية حلوة
والتوصل تستيطع لو عندك رخصة قيادة تستطيع تستجر سيارة في اليوم مايقارب 80 دولار
وفي الباص وفي البرت والمترو وفي التكسي وفي المزين وانشاء الله ترتح في سان فرنسيسكو
وهذا رقم لو تحتاج مساعدة فيها
***************

يمنع وضع ارقام هواتف خاصة
مراقب
سلطان المجمعة

مشكورين وياليت معلومات زياده .. اخوي وليد 8818 دبل تري في نييورك كم سعره ؟؟ لانه معجبني بس شكله غالي والا ؟؟

هل وصولكم لنيويورك بتاريخ 15 مارس ؟
ممكن تعطيني تاريخ وصولكم لنيويورك ولكم يوم الزيارة 3 ايام ؟

وفي منطقة سان فرانسيكو أنصحكم بهذا الفندق بقوه عن تجربتي الصيف اللي طاف



Westin san frarcesico




[b][b][b][b]نيويورك انصح في بقوه

Millennium BROADWAY HOTEL

اشكر الي ردو وماقصرتو .. الفنادق حجزناها سان فرنسسكو الهوليدي فشرمان ونييورك كراون بلازا ..
بس ياليت تساعدوني في الاماكن في سان فرنسسكو تسون جدول بالاماكن السياحيه المهمه والي قريبه من بعض عشان نروح لها مشوار واحد والمطاعم الامريكيه الحلوه والمطاعم العربيه وين احصلها ؟؟
نييورك بروح لها في 16 مارش الي 20 /

لا تحاتون لان سان فرانسيسكو ماهي كبيرة و ممكن تزورون كل الاماكن السياحية ب 3 ايام.... يوم مثلا : الفشرمان وورف و البير 39 وممكن تاخذون عبارة لسجن الكاتراز ..


يوم ثاني : آليونيون سكوير ومول الوستفيلد سان فرانسيسكو سنتر والتشاينا تاون ولمبارد ستريت ...

يوم ثالث : بالسيارة للقولدن قيت بردج وبجانبة منطقة سالساليتو الرائعة وممكن زيارة متحف الاطفال القريب من الجسر واسمة اكسبلوراتوريام .


يوم رابع : حديقة القولدن قيت بارك ،، حلوة جداً اذا الجو مشمس

ياهلا وغلا خبيرنا بالنسبه

تاخذون عبارة لسجن الكاتراز .. أنا عن نفسى جربتها ما تسوه برد ومتعبه اذا معاكم اطفال ودرج صاعد ونازل

كلامك يا ابوعبداللة صحيح...ممكن متعبة خاصة ان معاكم رضيع.......انا واطفالي استمتعنا بزيارة سجن الكاتراز .
http://www.arabtravelersforum.com/travel484420/

والله كان معانه اطفال من الاعمار سنتين ونصف و5و6 سنوات كانت متعبه بالنسبه لنا ماتسوه سجن

وهذا راي الشخصي بالصيف اللي طاف

مشكورين علي الرد افدتوني الله يعطيكم العافيه ..
حبيت اسأل قالو فيه مكان اروح له اشوف سان فرنسسكو هل يستاهل ؟؟ وطريقه متعب او عادي لان معي رضيع ..
وياليت الي يعرف مطاعم عربيه اسماءها .. او مطعم في الفشرمان ورف للفطور ..
ومشكورين كثرة عليكم الاسئله ..

Twin peak هذا مكان مرتفع حوالي 30 دقيقة بالسيارة ... المنظر حلو جداً خاصة المغرب اذا كان الجو صحو ...اذا غيم ماتشوفون شي...

الفشرمان وورف فيها مطاعم كثيرة ....من تطلعون من الفندق وتمشون علي ريولكم بتلاقينهم....مطعم .I hop .... موجود وهذا يبعد 5 دقائق مشي وهذا جيد للفطور الصبح....و مطعم Denny's. ملاصق لفندقكم كذلك معقول للفطور.

مشكور اخوي عزيز 2001 .. طيب حبيت اسالك وش اسهل طريقه للتنقل الباص ؟؟؟ ام ماذا؟؟ وكيف احصل علي تذاكره وهل استخدامه سهل ؟؟

الكيبل كار سهلة وتوصل من الفشرمان وورف الي اليونيون سكويير وهذول اهم منطقتين...الباصات سهلة كذلك ...والتكاسي ماهي غالية وممكن تكون اريح لكم لان معاكم اطفال

ازعجتك بكثرة الاسئله .. سئلتك في موضوع ثاني ،، وبسالك الحين فيه منطقة غابات حلوه هل هي قريبه ؟؟ وهل سهل التنقل فيها ومعي رضيع اوصعبه .. ومااسمها ..
واسفين علي الازعاج ،، وتحياتي لك

GOLDEN GATE PARK

اكبرحديقة بسان فرانسيسكو , فيها منطقة للدراجات و منطقة للاطفال و بحيرات ومراكب و الحديقة اليابانية و ركن الزهور

http://www.sftravel.com/ggpark.html
هذى وايد حلوة خاصة اذا الجو كان صحو ومشمس, انا كنت اروحلها بالسيارة.. وهى وايد كبيرة .. وكنت اتنقل من مكان لاخر داخلها بالسيارة !

بالنسبة للغابات فموجودة لاكن بعيدة شوي واكيد لازم سيارة خاصة ان معاكم رضيع

مشكور اخوي ،، ايه عادي نروح بالسياره يعني تبعد ساعه ؟؟ بس اقصد نفس الغابات عادي اتمشي ومعي اطفال مومتعب ؟؟
ياليت تقولي اسمها ؟؟

http://www.google.com/search?q=Muir+...iw=768&bih=900يعني بالسيارة حوالي 30 الي 40 دقيقة فقط وهي ملاصقة ل القولدن قييت بارك ...اذا. معاكم سيارة فما اعتقد انها متعبة ..بالعكس ممكن تكون متعه للاستمتاع بالطبيعه ..خصصوا يوم لها و وللقولدن قيت بارك .. http://www.nps.gov/muwo/index.htm

يوم من الصبح روحو بالسيارة من سان فرانسيسكو الي سالساليتو ( حوالي 20 دقيقة بالسيارة) وطبعا سالساليتو مرتبطة بسان فرانسيسكو بالقولون قييت بردج...يعني بتسوقون السيارة فوق الجسر الشهير ...و هي فرصة توقفون باماكن مخصصة للتصوير بالجسر وتستمتعون بالمناظر.....وبعدين تكملون الي سالساليتو تتمشون فيها ساعتين مثلا........وتطلعون من سالساليتو الي القولدن قييت بارك و مير وود ( حوالي 15 دقيقة بالسيارة ) وتقعدون فيهم 4 او 5 ساعات ... وبعدين ترجعون الي فندقكم المغرب
http://www.golden-gate-park.com/

الافضل انك تشوفي المسار في قوقل ماب...تحطين عنوان الفندق...عنوان سالساليتو ... عنوان الغابة .... وراح يعطيج الطريق والوقت

ناوين نستاجر تاكسي للاماكن البعيده .. زي حديقة القولدن وساليستو ،، هل افضل اروح بتاكسي او استاجر سياره ..
لان لو استاجرنا سياره بتكلفنا موقف .. وسان فرنسسكو كل شي قريب ..
وش رايكم ؟؟؟
او استاجر يوم واحد ؟؟؟ واروح فيها وأرجعها ؟؟؟

الحديقة والغابة صعب تلاقون تكاسي بالرجعه لان .... مثلا الحديقة فيها اكثر من مكان تروحونلة بالسيارة .... اكيد الغابة نفس الشي واكبر ..

التاكسي مكلف مثلا تبون توقفون تصورون في جسر القولدن قييت وبعدين تكملون الي مكان اخر....

طيب هل يوجد بالفشرمان محل لتاجير السيارات اوقريب من الهوليدي ان .. او ماعندك معلومه ؟؟؟ .. لاننا بنستاجرها يومين ونرجعها .. وتعبناك معانا
وشاكرلك تجاوبك معي

موجودين وبكثرة مكاتب تاجير السيارات فى الفشرمان وورف ... بس اسالوا الفندق وهو يدلكم على كذا شركة.....خوش فكرة ايجار السيارة يومين للاستمتاع بسان فرانسيسكو

مشكوررررررر اخوي عزيز على المعلومات وماقصرت ...