الموضوع: مخالفة سياقة ؟؟

سلام عليكم

شباب كنت مار من ولاية اركنساس وحصلت مخالفة سياقة لان احد الاضواء الامامية لم يكن يعمل .

بعد ما اخذت المخالفة رايت بان علي الحضور الي محكمة اركنساس الشهر القادم ، وانا من ولاية اخرى ، فماذا افعل ؟ وكم يمكن ادفع لان ما كان مكتوب شئ ؟

وشكرا

مواضيع عشوائيه ممكن تكون تعجبك اخترناها لك:

• تــقـسيـم الـرحـلـه
• عاجل ماذا يعني تاريخ انتهاء الفيزا؟؟
• يا اخوان انا حاولت اساعد قدر المستطاع و الان احتاجكم في مشورة لكاليفورنيا
• للمتواجدين حاليا في بالتيمور هام جدا
• طلب النصيحة سفرتنا شهر
• استفسار عن رحلة في أمريكا
• احتاج رقم سواق عربي في لوس انجلوس ضروري
• ابي اجابة عاجلة
• استفسار بخصوص فيزا طفل ضروري
• اذا طول وقت استخراج الفيزا
• الســكن في نيــويورك شقق فندقيه
• استفسار بخصوص الولايات و المطارات
• افضل وسيلة للسفر من نيويورك إلى فرجينيا
• افضل تأمين طبي في امريكا لعائله
• أستفسار من أهل الخبرة
• السفر في شهر 12 الي نيويورك ارجو المساعدة
• ارخص تذاكر للسفر من جدة إلى هاواي ۔ ارجو المساعدة
• هل صحيح ان الشخص المضاف بالجواز لايحصل على تاشيره؟
• ارجوكم افيدووني
• سؤال الى الاخ امباكت ضروري

اخوي تقدر تدفع عن طريق الانتر نت

عن طريق الموقع التالي

وذلك باختيار الولاية ثم لوحة السياره

https://www.ezpaycorp.com/secure_dir/default.aspx?pt=c

السلام عليكم ورحمة الله وبركاته

والله ياخوي ماحبيت اطلع بدون ماكتب لك رد لذلك بقولك معلومة ممكن تفيدك

الحضور للمحكمة مايخوف ابد بيقرون عليك تهمتك اللي هو ان انك تسوق ونورك مكسور

بيقولون لك وش ردك انت قل انك مذنب ( gulty ) عاد مدري شلون السبيلنق المهم انك تعترف يقومون يحكمون عليك بالغرامة ومدري عاد كم رح ادفعها وصلى الله وبارك .

ياشباب ياليت اللي فاهم بالموضوع يشارك اخونا

تحياتي

اي مدينه في اركانسس وانت في اي ولايه

والحضور للمحكمه هو فقط لتخفيض السعر فقط لا غير بما ان المخالفه فقط نور امامي

تقدر ترسل لهم المبلغ موني اوردر ولا شيك على عنوانهم اللي في خلف التكت وتكلمهم قبل تسألهم عن السعر

بالتوفيق اخي

المشاركة الأصلية كتبت بواسطة Dr.FADI


اخوي تقدر تدفع عن طريق الانتر نت
عن طريق الموقع التالي
وذلك باختيار الولاية ثم لوحة السياره
https://www.ezpaycorp.com/secure_dir/default.aspx?pt=c



مشكور يا الطيب بس ما موجود دفع اون لاين لهذه الولاية
We're sorry. There is no payment center available in your area yet.

شباب انا واحد من الشباب قاعد يخرعني ، يقول يمكن هذا يؤثر على الفيزا ، لان سالك اذا كنت طالب ، وانا ما عندي ليسن محلي بعد مرورقرابة العام ، مع العلم ان عندي ليسن عالمي ، كما مكتوب في كتيب الجامعة انه يصلح لعام .

واحد ثاني من الشباب يقول لا تدفع لان انت مو من نفس الولاية !

بس عندهم كل تفاصيلي من اسم وعنوان وسكن .

شكرا

ياخي زر اقرب مركز شرطة واسالهم وقلهم وخلك ودي معهم

لكن ماقلت لنا كم سعر المخالفه ؟


ياليت عندنا يصير كذا تقدر تخفض المخالفه

واحد ثاني من الشباب يقول لا تدفع لان انت مو من نفس الولاية !



هذا شكله يبي يوديك فى داهيه ... و للأسف كثير كذا ... روح المحاكمه عادي و البس رسمي بعد و ادفع اللى عليك و خلاص .. لا يأثر على فيزا ولا شي .. و مثل ماقال الأخ حسين666 إعترف بالغلط و خلاص ... و أنصحك روح تقدم على لايسن أمريكي فى الحال ...

أحلى شي النظام فى سان فرانسيسكو ، إذا ما عندك تدفع يخيرونك انك تشتغل فى مؤسسات خيريه أو اجتماعيه لمده معينه مثلا شهر أو شهرين و يعطونك ورقه بعد ما تخلص المده توقعه المؤسسه و تاخذها مره ثانيه المحكمه و تسقط عنك التهمه ... مؤسسات "نون بروفيت أورغنايزيشن" مثل المساجد أو الكنيسه ... الخ

المشاركة الأصلية كتبت بواسطة زاحف ينحف


ياخي زر اقرب مركز شرطة واسالهم وقلهم وخلك ودي معهم
لكن ماقلت لنا كم سعر المخالفه ؟
ياليت عندنا يصير كذا تقدر تخفض المخالفه



هذا ما جعلني اسال ، لان لا يوجد شئ يقول كم يجب ان ادفع ؟

يارجال والله انك مكبرها وهي صغيرة

خذ شوية حلول من عندي كتبتها لك وانا توني صاحي من النوم واشرب قهوتي

1- اسأل الامريكان اللي معك وش تسوي بحالة زي كذا ويفضل لو يكون مسؤول زي المدرس ولا الدكتور بالجامعة عشان تضمن انه مايستهبل عليك وينكبك .

2- رح لمركز شرطة واحكيلهم السالفة واطلب منهم التفاصيل

3- اتصل تلفون على رقم المحكمة واحكي لهم الموضوع واطلب التفاصيل

4- ان صار ولا قدرت تسوي اي شي من اللي فوق اجل عبي بنزين وخذ معك واحد دمه خفيف من اخوياك
وامسك خط للمحكمة احضرها وادفع وريح بالك اعتبرها يعني تمشية .

5- تمسك خويك اللي قالك لاتدفع وتجلده ثم تجلده ثم تجلده ويوم تتعب دورلك عربجي من هالافارقة وخله يكمل عليه لان ناوي يجيب فيك العيد انتبه لا تستهبل مع القوانين الامريكية ترانا محنا بالسعودية محد راح يقدر ينفعك اذا اكلت هوا هناك .

تحياتي يالغالي و ياليت تستمر معنا بالموضوع وانا تحمست ونفسي اشوف وش نهاية هالقصة .

(( ملاحظة في شغلة رافعة ضغطي اللي هي كلمة سياقة اظنها لغويا تصير سواقة احسن ولأ ؟ ))

عيوني مشكلتلك مقاربه لمشكلتي ....

انا عملت يو تيرن في مكان غير مسموح فيه اني اعملها ... وصادني الحبيب

وعطاني موعد يوم 7 جون وانا في ذا الموعد بالسعودية يعني مني موجود هناك .... (( تقول واحد الا ينكد على نفسه)) .... المهم والله اتصلت على الرقم الي بخلف التكت ويطلعلي الرد الآلي قلي في المسج كم قيمه المخالفه ... والدفع ممكن عن طريق النت ... ومو لازم اروح المحكمه لو دفعت .. لكن المشكلة النقاط .. انا عندي الرخصه الأمريكيه وهنا المشكله .. ابغا اروح المحكمه عشان اشوف حل ..

سلام

المشاركة الأصلية كتبت بواسطة M/Gadged


عيوني مشكلتلك مقاربه لمشكلتي ....
انا عملت يو تيرن في مكان غير مسموح فيه اني اعملها ... وصادني الحبيب
وعطاني موعد يوم 7 جون وانا في ذا الموعد بالسعودية يعني مني موجود هناك .... (( تقول واحد الا ينكد على نفسه)) .... المهم والله اتصلت على الرقم الي بخلف التكت ويطلعلي الرد الآلي قلي في المسج كم قيمه المخالفه ... والدفع ممكن عن طريق النت ... ومو لازم اروح المحكمه لو دفعت .. لكن المشكلة النقاط .. انا عندي الرخصه الأمريكيه وهنا المشكله .. ابغا اروح المحكمه عشان اشوف حل ..
سلام



مشكور ، لكن اركنساس غير موجود دفع اون لاين .

ما قصة النقاط ؟