الموضوع: ان شاء الله مسافر الى جزيرة بالي وعندي كم سؤال وابغي نصائح

السلام عليكم ورحمة الله وبركاته

كيف حالكم .. ان شاء الله بخير .. ؟

كل عام وانتوا بخير ومبارك عليكم الشهر ولو انها متاخره بس معليش

باذن الله راح اسافر وانا وصاحبي الى جزيرة بالي في شهر 9 ان شاء الله

وراح تكون السفرة لمدة 10 ايام ان شاء الله

واول مره نسافر للجزيرة ولا ادري شالترتيب هناك او شالجدول اللي يصير

شلون استانس فالسفرة وين اروح

فقلت مالي الا اخواني في العرب المسافرون يساعدوني والتخطيط كالتالي :-

بنطير ان شاء الله دايركت من قطر الى بالي على طول .
وراح انتم في بالي 4 ايام وبعدين بنروح جزيرة قيلي تراونقان 4 ايام ونرجع يوم بالي ونطير اخر يوم

- ابغي اعرف كم مدة الرحلة ؟
- ابغي اعرف احسن فلل هناك في بالي ؟
- احتاج سيارة في بالي ولا لا ؟
- شلون اروح رحلات ترفيه ؟ وشهو اماكن السياحة ؟
- شلون احجز لها ؟
- وشلون اطلع من بالي لجزيرة قيلي تراونقان ؟

ووبس

واللي عنده نصائح يزيد بعد

والله يعطيكم الف عافية , وعساكم على القوة

اخوكم من قطر \ سعود الانصاري

مواضيع عشوائيه ممكن تكون تعجبك اخترناها لك:

• اسئلة تنتظر الاجابة من الخبراء
• مساعدتكم خيارات سكن من واقع خبرتكم
• موعد إجازة المدارس في اندونيسيا لعام م
• الاربعاء الى جـــــــــاكرتا ولوحدي
• افيدوني بارك الله فيكم في السفر الي اندونيسيا
• استفسارات السكن في بالي ؟
• باكج اسئله عشقتها
• تقريري عن سفرتنا لأندنوسيا والطبيعة الخلابة في شهر يونيو 2010م
• ياريت من الاخوان وضع الاسعار
• طلب معلومه هامه
• ممكن عنوان كدزانيا جاكرتا ؟
• احجز سيروني ولا كوتا بونقا فلل الزهور
• وين القاه
• ابحث عن فيلا بحمام سباحه مجربه في بالي
• ايش رايكم ب
• صباحكم عسل شوركم ياهل الشور يهمني
• رحلة عائلية لـ اشخاص
• عيد الاضحى في اندونيسيا
• تكفون ابي النصيحه
• ابي مساعدة من عاشق الشلالات الابدي واخواني في المنتدى

أخوي سعود
- أذا كان قصدك مدة الرحلة من قطر الي جزيرة بالي
فالمدة تقريبا 8 ساعات ونصف ..
- وبما أنكم شخصين فقط فاأنصحكم بالفنادق وتحديدا
بالفنادق اللي تقع على شاطئ كوتا الحيوي وكل شي
قريب منكم ولاكن ياليت تحدد لي هل ترغب بفنادق من
فئه الاربع نجوم أم الخمس نجوم علشان نفيدك بأذن الله
- نعم تحتاج الي سائق وسعر السائق باليوم شامل للبنزين
350 ألف روبيه ..
- بالنسبه للذهاب لجزيرة قيلي لابد من الحجز عن طريق
مكاتب الطيران هناك والاقلاع من جزيرة بالي الي مطار
جزيرة لومبوك ..

مرحبا يا اخوي ( ابن السعودية ) نـورت , وعساك على القوة

والله يالغالي ياريت تعطينا فندق من الاربع نجوم وفندق من الخمس نجوم علشان نقرر

بس بخصوص جزيرة قيلي تقصد المكاتب الموجودة في بالي ؟

وهل السواقين يتكلمون عربي ولا لا ؟

معليش اسمحلي على الاسالة بس اول مره اسافر هالبلاد

المشاركة الأصلية كتبت بواسطة سعود الانصاري
http://www.arabtravelersforum.com/tr...5/#post7098379

السلام عليكم ورحمة الله وبركاته

كيف حالكم .. ان شاء الله بخير .. ؟

كل عام وانتوا بخير ومبارك عليكم الشهر ولو انها متاخره بس معليش

باذن الله راح اسافر وانا وصاحبي الى جزيرة بالي في شهر 9 ان شاء الله

وراح تكون السفرة لمدة 10 ايام ان شاء الله

واول مره نسافر للجزيرة ولا ادري شالترتيب هناك او شالجدول اللي يصير

شلون استانس فالسفرة وين اروح

فقلت مالي الا اخواني في العرب المسافرون يساعدوني والتخطيط كالتالي :-

بنطير ان شاء الله دايركت من قطر الى بالي على طول .
وراح انتم في بالي 4 ايام وبعدين بنروح جزيرة قيلي تراونقان 4 ايام ونرجع يوم بالي ونطير اخر يوم

- ابغي اعرف كم مدة الرحلة ؟
مدة الرحلة من الدوحة لبالي حوالي 11 ساعه ونصف
لان فيه توقف بمطار سنغافوره تقريبا 1:10 ساعة وعشر
تأكد من الوقفات موجود علامة +1 او لا امام رقم الرحلة
- ابغي اعرف احسن فلل هناك في بالي ؟
الفلل كثيرة جداً وفي مناطق كثيرة
افضل منطقة لكم كشباب سمنياك قريبة من
الشاطيء ومنطقة اارقى من كوتا وعلى امتداد شاطيء كوتا
فيه منطقة داخلية اسمها ubud ليست على الشاطيء
ومنتجعاتها فخمة
ويوجد على الشاطيء الشرقي للجزيرة منطقة نوسا دوا
بس حط ببالك ان هناك شروق وليس غروب مثل سمنياك
الفلل موجودة ومتوفرة بكل المناطق من سعر
100 ريال - 6000 ريال
طب وتخير
- احتاج سيارة في بالي ولا لا ؟
اذا انتوا شباب وبتبقى في منطقة كوتا او سمنياك
لا تحتاج لسائق ابداً اصلا حلاة بالي في الفرفرة كعابي
اذا عندكم مثلا برنامج معين او زيارة لمنطقة معينة
تقدر تستاجر السائق لنصف يوم مثلا من 9 الصباح الي 9 المساء
الاسعار حسب المكاسر والمنطقة بس غالباً 350 الف والبنزين عليه
- شلون اروح رحلات ترفيه ؟ وشهو اماكن السياحة ؟
تأكد في بالي ب 10 ايام ما يمديك تخلص 2% بالمية من برامجها السياحية
عندك ركوب الامواج , غوص , حفلات ورقصات شعبية , متاحف والمعابد
شلالات . رافتنق ( ركوب قارب والنزول بالنهار ) الالعاب البحرية بمنطقة نوسا دوا خاصة
بنانا بوت . فلاي فش . جت سكي
مناطق بحيرات وتسلق جبال .. عد الين تتعب مراح توفي
بخصوص حجوزات الرحلات السياحية بكل شارع وبكل لفة تلاقي
كشكات وسماسرة وعندهم بروشورات وصور وكذا وانت اختار الي
يعجبك وتاكد ان هذولا سماسرة يتعاملون مع جهه ام واحده فعليك بالمكاسر
الين ثلثين السعر المعروض
- شلون احجز لها ؟
- وشلون اطلع من بالي لجزيرة قيلي تراونقان ؟
انا عني ما رحت لها ولكن هي ضمن مخططي وتقريبا بنفس وقتكم
بس انا لحالي
فية 3 طرق
- عن طريق الجو من مطار دينبسار الي مطار لمبوك الجديد
ومن مطار لمبوك تاخذ تاكسي الي الميناء الشعبي
ومن الميناء الشعبي المقابل لجزر قيلي تاخذ بوت شعبي عام مع العالم
ورخيص جدا تقريبا ب 10 الاف ويركب حوالي 20 شخص وحلو لكم اذا شنطكم مو كبيرة
لانك اذا وصلت الجزيرة مراح ينزلك على المرفأ بينطلكم بطرف المويه
- عن طريق العبارة وهي سفينة متوسطة من ميناء بادانق بي الي ميناء لمبوك
وتاخذ تكسي من ميناء لمبوك الين الميناء الشعبي بعدين تركب اما القارب الشعبي الرخيص
او قارب سريع مخصوص لك ب 250 الف وينزلك عل المرفأ
- الطريقة الثالثة واشوف انها اصرف طريقة واقصر مدة واختصار
تأخذون بوت سريع من ميناء بادانق بي ( شرق جزيرة بالي ) الي جزيرة
جيلي تورنقان دايركت بدون ما تنزلون في جزيرة لمبوك ولا المرمطة فيها دامكم
ما بتسكنوا بلمبوك ولا بتجلسو فيها اصلاً
الفيري بوت تقريبا ذهاب واياب من 600 الف الي 800 الف روبية
واذا احتجت المواقع ازودك فيها


ووبس

واللي عنده نصائح يزيد بعد
انا سويت بحث كثير عن جيلي واكتشفت انها مملة نوعاً ما لاكثر من يومين او ثلاث
ممكن تكون ممتعة لكم بما انكم شخصين بس هي ترى جزيرة صغيرة محيطها 12 ميل
تلفها بالسيكل بساعة
انا حاطها من ضمن مخططي لان اولوياتي من الرحلة كلها استجمام وتصوير مناظر طبيعية
وفي جيلي او في بالي مراح تحسون بالوحدة لانها حيوية والسياح يتعارفون على بعض بشكل كبير
الاستراليين خصوصاً والاوربيين عموما متواجدين بكثررررة ببالي و ترونقان
الفلوس خذ معك دولارات اصرف شيء
السكن اقترح عليك تبقون قريب من شارع لقيان في حال انكم تحبون السهر والفلة
و سمنياك للفلل وابود للاستجمام والاستمتاع بالطبيعة والمغامرات

والله يعطيكم الف عافية , وعساكم على القوة

اخوكم من قطر \ سعود الانصاري

واعذرني على كثرة البربرة هههههه

ماشاء الله تبارك الله
والله دخلت لكى ابدى اعجابى باخونا كولا
وما شاء الله عليه ما ترك اى اضافه لنا
واول مشاركه لكن تغنى عن الف مشاركه
ولنا الفخر حقيقه بتواجده بيننا


واتفق معه فيما ذكر عن جزيره قيلى تراونقان فهى صغيره جدا
ولا يوجد بها سيارات كنوع من المحافضه على البيئه ووسيله
التنقل بها كما ذكر الدراجات الهوائيه او الخيول او المشى حيث
ان ابعد نقطتين بها مسافه 2 كيلو
واربع ايام بها من وجه نظرى المتواضعه كثيره وراح تشعرون بالملل
والغالبيه يزورونها من الصباح الى المساء من لمبوك
واجمل مابها هو الغوص واغلب مرتاديها من محبى هذه الرياضه


من رايئ 6 ايام لبالى و4 للمبوك ( فهى تستحق ) وتخصيص يوم من ايام لمومبوك لهذه الجزيره

وموفقين ان شاء الله ولا تنسونا من تقرير لهذه الجزيره
لكى نستفيد من تجربتكم فهى مازالت غامضه ونتظر من يبرز جمالها

ولو اخوي الغالي حيو
العين ما تعلى على الحاجب والشكر موصول لكم من قبل بما اني كنت متابع
واستفدنا منكم الكثير .. ياليت نرد بعض من جمايلكم علينا

مرحبا يا اخوي كولا

بيض الله وجهـك ما قصـرت , افدتني كثير والله

وبرجع اقرا نقطه نقطه انا وصاحبي وبنقرر شالجدول وبراسلك على الخاص

مشكور وماقصرت يالغالي