الموضوع: زواجي في شهر تسعه ممكن تساعدوني في رحلتي

كل عام وانتم بخير اهنئكم بقدوم رمضان


اخواني وخواتي
آحب اعرفكم على اخوكم اسمي محمد من اهل الرياض
اندونيسيا هذي اول مره اروح لها
وزواجي في شهر 9 في اوله وابي اطلع على 20 /9 الى اندونيسيا
وبجلس 19 يوم ان شاء الله


ونفسي اعرف بعض الاشياء عنها
كم بتكلفني هذي الرحله بدون الهدايا والاسواق
يعني سكن واكل وتمشيات
شفت بعض التقارير لكن اشوفها متفاوته بالاسعار
وودي احد يعطيني كم التكلفه بالدولار تقريبا
وسمعت انه ما ينفع بطاقات ائتمانيه هناك ولا صراف كمان
ما ادري عن هالمعلومه بصراحه


وودي اعرف شهر 9 يكون برد حر او كيف
وايش تنصحوني بالملابس جنز شورت والا شو ؟
اعرف اسألتي غبيه لكن لاحظت ببعض التقارير قليل اللي لابس جنز
اغلبها سبورت والا شورت وبرمودا


وممكن احد يعطيني برنامج حلو وما يكون مكلف لي من انزل خلال 19 يوم


والله عندي اسئله واجده بس اخاف ابثركم وبيني وبين رحلتي ممكن شهرين




شكرا لكم مقدما

مواضيع عشوائيه ممكن تكون تعجبك اخترناها لك:

• منتجع جراسيا سبا
• استفسارات متعدده وسام صباح
• سؤال عن فيزة ال يوم
• إلى خبراء بالي
• أنا مسافر بعد بكره أن شاء الله ياليت تساعدوني
• اول مره اسافرلاندونيسيا انا وزجي اريد المساعده بلييييييييييييييز
• إستشاره لنتظيم الرحله بعض الاسئلة
• الاخوة الكرام استفسار عاجل جداً السفر بعد يومين
• طلبتكم
• كم تكلفة السفر لاندونيسيا الرجاء الدخول
• ابي فزعتكم يالاجاويد ارجوا المساعده
• جداول وبرامج مقترحة لزيارة إندونيسيا
• باقي على رحلتنا أقل من شهر يوم فعلية اتحفونا
• اسعار التذاكر في سبتمبر ؟؟
• محتاج مساعدتكم الله يجزاكم الخير
• افضل الاماكن في اندونيسيا للعرسان
• أين آذهب في أندونيسيا شاركوني
• مسافر لحالي لاندونيسيا شهر ابريل وابي خوي معي
• فندق على الشاطئ في كوتا
• حرموني من شوفه العمه و سوف انتصر

عليكم السلام وكل عام وانتم بخير اعاده الله علينا وعليكم باليمن والبركات ومبروك مقدما

التكلفه
تذاكر 2000 دولار
مصروف يومي 4000 دولار
المجموع 6000 دولار

بالعكس بطاقات الائتمان مقبوله في كل المحلات حتى البقالات الصغيره .... والصرافات هناك في كل زاويه لاتشيل هم هذه النقطه

الجو في اندونيسيا استوائي يعني حار ورطب طول السنه ماعدا في بونشاك بارد ليلا ومعتدل نهارا

الملابس خفيفه يعني برمودا وتي شيرت يمشي الحال وفي الليل ممكن تلبس جينز وتي شيرت لكن لاتلبس رسمي لأن الجو مايساعد هناك من الموبايل

وأنت بخير وصحة وسلامة ومبارك عليك الشهر ياأخوي محمد
والله يوفقك يارب ويجمع بينكم على خير يارب ..
بشكل مبدئي أنصحك بزيارته جاكرتا و بنشاك الجبل ومدينه باندونق وجزيرة بالي
وبالنسبه للصرف اليومي لشخصين يترواح من 900 الي 1100 ريال ويشمل :-
السكن والاكل والشرب والمواصلات رسوم المزارات السياحية !!
وبالنسبه لبطاقات الصرف سواء أئتمانية أو حساب جاري مافيها أشكالية وتقدر
تستخدمها هناك ولاكن برسوم على كل عملية سحب ..
وبالنسبه للاجواء حاره مع رطوبة خفيفة بالعاصمة جاكرتا وجزيرة بالي أما بالجبل
بنشاك وضاحية لمبانق القريبة من مدينه باندونق الاجواء فيها باردة ليلا ومعتدلة
بالنهار وبالنسبه للملابس أنصحك باأخذ تيشيرتات وبرمودا وشورتات ..
وبالتوفيق يارب وأي أستفسار أخر لاتتردد أخي محمد فالجميع ماراح يقصرون معاك ..

المشاركة الأصلية كتبت بواسطة Mercure
http://www.arabtravelersforum.com/tr...1/#post7078845

عليكم السلام وكل عام وانتم بخير اعاده الله علينا وعليكم باليمن والبركات ومبروك مقدما

التكلفه
تذاكر 2000 دولار
مصروف يومي 4000 دولار
المجموع 6000 دولار

بالعكس بطاقات الائتمان مقبوله في كل المحلات حتى البقالات الصغيره .... والصرافات هناك في كل زاويه لاتشيل هم هذه النقطه

الجو في اندونيسيا استوائي يعني حار ورطب طول السنه ماعدا في بونشاك بارد ليلا ومعتدل نهارا

الملابس خفيفه يعني برمودا وتي شيرت يمشي الحال وفي الليل ممكن تلبس جينز وتي شيرت لكن لاتلبس رسمي لأن الجو مايساعد هناك من الموبايل



بيض الله وجهك ورحم الله والديك خبيرنا ميركيور ..

أتوقع 25 ألف شاملة الجميع ..

ما قصرتوا اخواني ميركوري وابن السعوديه وسولو

اللي فهمته الحين الملابس والجو تمام ميه بالميه


بخصوص البطاقات اللي خلاني اقول هالكلام بعض الشباب سالتهم يقولون خذ كاش بتتوهق بالبطاقات علشان كذا سالتكم وبيض الله وجيهكم ما قصرتوا


فيه بعض الاسئله طرت سريعه
لازم اول ما اوصل اسجل جوازي بالسفاره او لا ؟
لاحظت بعض التقرير ما تذكر هالنقطه وبعضها تذكر
ووش الفايده من هالتسجيل؟


لازم اخذ اغراض من هنا الاكل وكذا الاحظ الكل دون استثناء ياخذ شنطه معلبات
الديره ما فيها اكل والا اكلهم مضروب ؟


بقول لكم في برنامج واتمنى مشورتكم وانا ما افهم بعد المدن
بنزل جاكرتا يومين راحه وبطلع بالي بحكم ان اللي يطلعون بالي كلهم طيران الاحظ
وكلهم عن طريق جاكرتا علشان ما احب الطيران كثير بصراحه وانقل همها باجلس في بالي
4 ايام وبعدها ارجع جاكرتا اجلس يوم واطلع باندونق 5 ايام واطلع الجبل 5 ايام واخر يومين جاكرتا
واتمنى نصايحكم يا اهل الخبره وبجد ما قصرتم على الردود السريعه
الله يوفقكم ويسعدك يا رررب

التسجيل بالسفارة للاحتياط عن حدوث أي شئ لاسمح الله لك
ومو ضروري التسجيل عائد لرغبتك وطبعاً الأفضل التسجيل
المعلبات تحتاجها دائماً بالجبل وهي متوفرة بالبقالات العربية لكن بسعر مرتفع
بالنسبة للبرنامج وتوزيع الأيام
رايي
خمسة جاكرتا يومين بالبداية وثلاثة بالنهاية
ستة بالي - خمسة الجبل - ثلاثة باندونق ولمبانق
والأفضل تحديد يوم الوصول ليتمكن الجميع من ترتيب الأيام
بشكل مناسب لتفادي فيه السفر بين المناطق بايام الإجازات
مع عدم العودة من بالي إلى جاكرتا الأفضل التوجه مباشرة من بالي إلى باندونق
أي
جاكرتا - بالي - باندونق
او
باندونق - بالي - جاكرتا

الف شكر اخوي الكوكب ما قصرت يا الغالي

اتوقع بحدود 20 الف شامله