بسم الله الرحمن الرحيم .في البدايه احييكم اعضاء المنتدى من اولكم الى اخركم بتحيه طيبه مباركه
السلام عليكم ورحمة الله وبركاته .......
اعذروني اول مشاركة لي وبديتها بالاسئله
ابشركم تم اصدار تذاكر السفر الى جاكرتا الاقلاع يوم 15 /8 /2012 لكن الوصول الى جاكرتا يوم 16 الساعه 10.30 الليل والعوده ان شاء الله يوم 2/9/2012
الرحله لاول مره واول تجربه للبلاد والرفقه ان شاء الله انا والوالد والوالده واختي الله يحفظهم وكل مسلم يعني عائليه وخطتي التنقل بالسكن تكون قليله لاني ما ابي اتعبهم واهم شي يرتاحون ويستمتعون بالمناظر والاستجمام بصراحه اعتمادهم على الله ثم علي في كل شئ ومثل ما تعرفون اول مره ازورها و وبديت البحث واول مشكله واجهتني هي التعرف على المناطق وبعدها عن بعض والاسامي المعقده في النطق.
استفسارتي الله يعطيكم العافيه هي :
الاول بخصوص طيران الامارات في حالة الترانزيت يتم نقل العفش تلقائي ولا استلمه وارجع اشحنه مره ثانيه .
الثاني عن حجز السكن يوم الوصول ولمدة 4 ليالي يعني الخروج يوم 20/8 في فندق ومنتجع اسمه
Aston Bogor Hotel and Resort
عنوانه
The Jungle – Bogor Nirwana Residence Jl. Dreded Pahlawan,
لقربه من المدينه المائيه بمنطقة بوغور لاني ناوي اخلي جاكرتا اخر ثلاث ايام ما راح استفيد منها بالبدايه عندي استفسارين هل تنصحون اروح له عالطول والطريق كويس بالليل.
وكم تبعد المنطقه عن مطار جاكرتا و بخصوص السواقين اللي باليوم احصلهم بالمطار ولا اخذ تكسي .
الاستفسار الثالث عن بونتشاك قريت انها قريبه من بوغور او بنفس المنطقه قررت اتوجه لها بعد 4 ليالي في بوغور واجلس فيها 6 ليالي بحثت عن منتجعات او فلل بمسابح خاصه( اهم حاجه ) بموقع بوكينق ما حصلت الا اشياء معدوده يمكن ماعرفت ابحث بالمنطقه كويس ياليت تساعدوني الله يخليكم باسماء منتجعات او فلل اقدر احجزها عن طريق النت ....
استفسار : لو رحت لبونتشاك بدون حجز سكن هل المكاتب اللي هناك اسعارها كويسه وبحصل شي نظيف باطلاله جميله .
الاستفسار الرابع الله يسلمكم من الشر يـارب هو الحجز الى بالي اقدر احجز من هنا ولا فيه مكاتب قريبه في بونتشاك والاسعار في حدود كم والمطار اللي يودي لها هو نفسه مطار جاكرتا الدولي لاني نويت اروح لها 5 ليالي . حبيت تساعدوني في منتجعات رايقه بمناظرها ومسابحها او فلل خاصه وامان .
بعد كذا برجع لجاكرتا باقي المده للتمشيه في الاسواق والاستعداد للعوده .
استفسار اخير عن العزبه
واخيرااااا لا تبخلون علي بنصايحكم واقتراحتكم كل شي قابل للتغير و وانتم جزاكم ربي الجنه اهل خبره وتجربه ولا تنسون العيد راح يكون هناك ان شاء الله وبجهز لهم عيديات وحلويات
ولكم مني اجمل تحيه
مواضيع عشوائيه ممكن تكون تعجبك اخترناها لك:
- استفسارات بسيطه ارجو المساعده
- الفزعه ياخبراء بلاد العمه الفزعه تكفووون
- استفسارات يا اعضائي الكرام
- لخبراء بالي ارجو الدخول
- طالبتكم
- مسافر في يناير
- أن شاء الله رحلتي الاربعاء مارس افيدوني
- ارجو مساعدتي في جزيرة بالي
- لذوي الخبره في حجوزات الطيران والشقق وغيرها
- نبي فزعتكم يا اخوان
- ما رأيكم ببرنامح شهر العسل
- أكواخ ساحلية في جاكرتا
- رحلة استجمام مخطط يحتاج لتوجيهاتكم
- استفسار بخصوص الحجز من البوكينق
- مساعدة لبرنامج سياحي
- ابي جدول تكفونن الفزعه ي عيال
- فندق جنوب جاكرتا
- مانستغني عنكم أيها الخبراء
- بعد اثنى عشر سنة قررت العودة الى اندنوسيا
- أرجوكم أفيدوني ضرررررووووررري جدا
رد مع اقتباس
المفضلات