الموضوع: موعدي يوم الاحد في السفاره ارجو من الي عنده خبره يساعدني

مقابلتي في السفاره الامريكيه في ابوظبي
ابغي اعرف كم المده الين تطلع الفيزه هل هي تتاخر وااايد
انا سمعت انه اجرائاتهم سهله وانه 90% الموافقه بعد المقابله هل هذا الكلام صحيح
انا حجزة التذكره هل اذا وديتها بتكون منها فايده في المقابله
الجواز القديم اوديه ولالا واذا ما وديته في مشكله
شهادة الراتب عندي بالعربي لازم اوديها اترجمها ولا ماله داعي
شو الاجرائات الي اتكون في السفاره
موعد سفري بيكون 3_2_2012 بلحق ولاما بلحق

اتمنى من اهل الخبره يفيدوني ويفيدوون الجميع ويحطوون تجاربهم

شكرا

مواضيع عشوائيه ممكن تكون تعجبك اخترناها لك:

• ندااااااء اوهايو ضررروري
• وش الحل خطأ في كتابة الاسم
• أسألة عن شلالات نياغرا
• أسئله عن مواضيع مختلفه بحاجه لأجاباتكم الذهبيه
• وين اسكن ؟؟؟؟
• الاحذية الطبية في امريكا
• اللابتوب والهارد ديسك في المطارصح ولا غلط؟؟؟؟؟؟
• مساعده لا هنتو
• أختلاف الاسم
• رحبوا معي بمشرفنا الجديد اخي
• طالع أورلاندو لكن ما أعرف عنها شئ
• عاجل لخبراء سان فرانسيسكو
• أرجو المساعدة
• مطار هيوستن
• سؤال
• ياليت اخذ منكم خبر اكيد
• استفسار بسيط
• لو ماسافرت ؟؟
• شركة للتأجير الأثاث
• إبحث عن البشــــر والمســـاكن بين النخيــــــــــــل في ميامي

بالنسبة لوقت الفيزا مادري كيف الوضع عندكم بالامارات لكن تعريف الراتب بالانقليزي والتذاكر مو مطلوبة بس تقدر تجيبها معك وجيب الجواز القديم معك وانا افضل انك تقرى شروط السفارة عندكم وان شاءالله سهالات

وسفرة موفقه اخوي

شكرا اخووي على الرد
بس انا اداوم في وزاره حكوميه ما يطبعون شهادة الراتب بالنجليزي

الي عنده معلومات يفيدنا شكرا

http://www.arabtravelersforum.com/travel635154/

مايحتاج ارفاق التذكرة , الجهات الرسمية الحكومية لا تحتاج لترجمة خطاب تعريف الراتب , ما يمنع ارفاق الجوازات القديمة قد تطلب منك وخاصة ان كانت اول مرة تقدم فيها على التأشيرة ,

موفقين , , ,

شكرا اخوي على الرد
بس كم المده تقريبا الين ما تطلع الفيزا
شو الجو بيكون في نيويورك شهر 2

اخي الكريم جهز كل المستندات معك قد تطلب منكانا عن نفسي طلبت مني كشف حساب فقط و ما اعتقد قرت منه شئ لانه في ثواني اعادتها لي
الفيزا اصدرت لي اليوم الثاني من المقابلة في جده

شكرا اخوي عبدالله على الرد

انا جهزة كل الاوراق المطلوبه صورة الجواز وشهاة الراتب وكشف حساب ست شهور وعندي رساله من وزارة الخارجيه مع فورم الفيزا والموعد وصوره علما انا حطيت الصوره لما عبيت الطلب. طبعا باخذ معاي الجواز

هل في اشياء ناقصه ولا كامله.
والله باجر موعدي والله يالس على اعصابي ما ادري كيف برقد الييوم شكلي بواصل الين ماخلص المقابله

عندي سوال انا عبيت الطلب تاريخ 3/1/2012 وباجر بكمل عشرين يوم هل هم في هاي المده يجيكوون على الطلب مالي الين موعد المقالبه *

نسيت اكتب اني بعد دفعت الرسوم 540 في بنك ابوظبي الوطني وبرفق الوصل مع الطلبات

أنا الفيزا تبعي تأخرت الى شهر ونصف تقريباً ,, لكن إن شاء الله سهالات لك ,, أحمل جميع الاوراق والمستندات المطلوبة واللي تحس انها ممكن تفيدك اوبيسئلوك عنها ,, وأرقد يارجال كلها كم سؤال عادي وتخلص ماله داعي كل ده الخوف

ههههههههههههه الله يعين ياخوووك الله يسهل
شكرا على الرد

اخي العزيز انا طلعت بعد يومين والاجراءات سهله وبالنسبه لنا احنا بالكويت ما يطلبون تقرير راتب وعلى فكره مو شرط يومين يمكن يوم ويمكن اكثر صاحبي طلعت بعد ثلاث اشهر والله يعينك ادري ظايقتك بكلامي بس هذا الصحيح والله يوفقك

مبروك اليوم المقابلة وان شاء الله تكون زانت الأمور نسمع الاخبار الطيبة

اخييييييرا قابلت اليوم والحمدلله كانت الامور وااااااااايد سهله

بس للاسف عطاني الورقه الصفراء

قالي خلال اسبوع بتخلص وقالي راجع على النت

وان تكرهوا شيئا وهو خير لكم مبرروك وان شاء الله تحصل عليها قريب

مشكورين الى ردوو علييه
ان شاء الله تطلع مثل ما قالي
انا راويته التذكره قالي اشتريتها قلتله هي قاي متى بتسافر قلتله 3/2 قالي اوكي بتجهز خلال اسبوع قلتله اتمنا ذالك قالي لا اتحاتي بتطلع خلال اسبوع

توني جيك طلع الطلب تحت التجهيز

اليوم كملت 8 ايام ومايتني الموافقه انا سفري يوم الجمعه تاريخ 3.
شو اسوي انصحوووني
اطرشلم ايميل ولا اكلمهم ولا شو اسوي