الموضوع: ساعدوني تكفون لشهر العسل

ما اعرف من وين ابتدي ووش اقول
انا سجلت بمنتداكم عشان تساعدوني ابي اروح شهر العسل و كنت محتاره بالدوله مع اني ما افضل شرق اسيا لاني رحتها و لا افضل دول اوروبا لانها أكتأب شوي وغاليه يعني ما تسوى
ف قررت امريكا
بس امريكا لحالها قاره
بعد ما لفيت فالنت لين ما دار راسي ما قررت بعدي اي ولايه اروح

اممم
انتو عارفين ان شهر العسل رحله العمر و ما تتعوض او تتكرر بس بعد المصاريف زايده ع الزوج مهر و شبكه و عرس و سفر و مصاريف لها اول ما لها اخر

ف الميزانيه المرصده للسفر 5000 دينار بحريني يعني 50000 ريال سعودي شامله مصرف اليد و الفنادق و الاكل و التذاكر

الخطط المقترحه للسفره
شلالات نياغرا
فلوردا \ اورلاندو

لاس فيقاس
لوس انجلس
سان دييغو

لاس فيغاس

فلوردا \ اورلاندو


او مع الخطه الاولى جزر البهاما لانها قريبه من فلوردا

هاي الخطط بالترتيب تقريبا
علما ان بنت خالتي راحت امريكا نيويورك و فلوردا اورلاندو و جزر البهاما لمده 3 اسابيع و كلفها 6 الاف كاااامل
عن كريق مكتب سياحي

لكن انا ابي اسويلي التور بروحي بمساعدتكم عشان نوفر المبلغ الي نعطيه للمكتب

ف أتمنا مساعدتكم بأي طريقه

مع العلم اني احب التمشي و احب الشوارع الي فيها مطاعم و كوفي شوبس و اموووت في الملاهي عشان كذا ابي اروح لاس فيقاس و اجرب الملاهي الي فوق البرج و الفندق الي على الطراز اليطالي

و بعد امريكا معروفه بالأوت لتس ف ياريت تفيدوني

و كل شي تحسون انه يفيدني اكتبوه

و كل ما سبقت بالقرار و حجزت كل ما كان ارخص
و الحجز عن طريق النت أرخص خاصه اذا فيه عروض و تخفيضات

مع العلم اني بسافر بدايه شهر سبتمبر (9) ميلادي

شكراااااا
و اتمنى اشوووف التفاااعل

مواضيع عشوائيه ممكن تكون تعجبك اخترناها لك:

• أملك تأشيرة ولا أعرف اخر موعد ممكن للزيارة
• التسجب بخصوص حجظ موعد لدي مشكله
• استفسار في موعد الفيزا ضروري
• استمارة استفسار ضروري
• استفسار بخصوص تغيير موعد السفر بعد صدور الفيزا
• مساعده من اهل الخبره في الجواز الامريكي شهادة الميلاد ضايعه
• باقي اقل من اسبوع على سفرتي واحتاج معلومات ضروريه
• إلى بنت الصقور أو من يعرف
• رحلة عمل الى تيكساس
• فنادق سان فرانسيسكو ولاس فيغاس
• السفر إلى أمريكا عبر الخطوط التركيه عدد من الأسئله
• المسافه بين الولايات
• ممكن مساعده
• تجارب مقابلات المقيمين في الكويت ياريت يكتبو عنها
• بخصوص خط التلفون مع انترنت
• استفسار عن اجرة التاكسي من مطار لوس انجلوس الى ويستوود ؟
• استفسار ضروري انا بسافر امريكا اول مره
• مدينة سان فرانسيسكو
• السفر الى هاواي
• هل يوجد رسوم او ضربيه على الطرق في اورلاندو

ويـــــــــــــــــــــــــــــــــــــنكم؟!

عفوا اختي 5000 بحريني ( لكل شي ؟؟؟ تذاكر وسكن ومصروف وايجار سيارة وتسوق)؟؟ كم يوم المدة؟؟

انا ما حددت المدة عشان كذا اقول حددوها انتم كل واحد و رايه

ومثل ما قلت بالموضوع ان بنت خالتي راخت عن طريق شركه سياحة مع التذاكر و الفيزا بعد اضن و ككككل شي و التسوق 6000 بحريني
وراحت نيو يورك و اورلاندو وجزر البهاما لمدة 3 اسابيع


يلا همتكم معتمده عليكم تراني

ومثل ما قلت بالموضوع يعنمد ع الولايه يعني يقولون اورلاندو ارخص من لاس فيقاس مثلا
وبعد ممكن نروح بس لاس فيقاس لحالها بدون لوس انجلس و سان دييقو

او اورلاندو لحالها

يعني كل واحد يحط نفسه مكاني ويحدد

لان يعني انا مستعده ادفع بداله بس عيب هههههه
الجايات انشاء اللله اذا الله اراد او اروح مع اهلي


يلا ناطرتكم

اوكي....ال 5000 بحريني تعادل حوالي 13300 دولار:-

- تذكرتين طيران سياحية من المنامة الي نيويورك 2100 دولار تقريبا.
- تذكرتين طيران داخلي نيويورك - اورلاندو حوالي 500 دولار.
- سكن في نيويورك 3 ليالي 750 دولار.
- سكن في ميامي 3 ليالي 600 دولار.
- كروز 5 ايام بالكاريبي 1000 دولار.
- سكن باورلاندو 7 ايام 1000 دولار.
- سيارة بميامي واورلاندو 500 دولار.
- مصروف يومي لشخصين بشهر العسل 300 دولار في 18 يوم = 5400 دولار.


الاجمالي 11850 دولار....


يتبقي 1450 دولار احتياط ( للطواري )ماكو تسوق

اخوي انا ما ودي اروح نيو يورك اذا ما بروح شلالات نياغرا
وبعدين 18 يوم كثير لان ما بيعطونه اجازه متواصله هالمده و انا افضلها يومين قبل العرس و يمين بعد السفر
يعني بالكثييير نقدر نسافر 12 يوم و انا بكون متوضفه جديد بعد

بالنسبه لميامي احسها منطقه ساحلية والحلو فيها شوائها و كذا يعني يمكن ما تناسبنا
الا اذا كانت محطه للكروز
يعني اورلاندو 7 ليالي مثل ما تفضلت وميامي ليلتين وبعدها كروز 5 ليالي
يعني 14 يوم

طيران 2100 دولار
سكن بأورلاندو 1000 دولار
سكن في ميامي 400 دولار
كروز بالكاريبي 1000 دولار

سياره بأورلاندو و ميامي تقصد سياره اجار و احنا نسوقها؟؟ اتوقع اني اخاف كذا يعني تكاسي او خطوط الباصات او اي شي ثاني احسن
المهم 500 دولار
مصرف اليد نخليها 400 دولار = 5600

المجموع= 10600 دولار
يعني 3.996
والباقي بين شوبنج و طوارئ مثل ما تفضلت

بس سعر الفنادق عل اي اساس؟ كم ستار وبشكل عام شلون مستوى فنادق امريكا؟ و هي هي بعيده عن وسط المدينه والمطاعم و كذا؟
وشنهي الاماكن السياحيه بكل منطقه وكيف طريقه الحجز و اي موقع تنصحني فيه سواء للكروز او للفنادق
وكيف ممكن ننطم الرحله يوم بيوم


ادري اني طولت عليك بس احب افهم كل شي قبل ما اروح لان اول مره اسافر بدون ما اعتمد عل اهلي و رجلي ما يعتمد عليه في هالشي

بواخر الكروز يطلعون من ميامي ...ميامي تبعد بالسيارة 4 ساعات عن اورلاندو.....ميامي حلوة جداً وتستاهل....واذا تعتقدين ان ميامي ماتصلح لكم فاكيد الكروز مايصلح!!....ايجار سيارة وانتوا تسوقونها ضروري جدااااااا للتمشي والوناسة...

اذا ماتبون نيويورك فالافضل:-
تشترون التذكرة البحرين/ ميامي/ البحرين(علشان ماتصير غالية)....
طيران من البحرين الي ميامي واول ماتوصلون تاجرون سيارة وعلي طول الي اورلاندو و تقعدون اسبوع وبعدين ترجعون ميامي تركبون الباخرة للكروز 5 ايام وبعدين ميامي ليلتين او ثلاث وتطيرون بعدها للبحرين.

تشيكي في اكسبيديا علي الكروز وكذلك الفنادق في ميامي واورلاندو علشان تاخذين فكرة عن المستوي والاسعار..
امريكا بدون سيارة ماتسوي ابدااااااااا.المواصلات العامة تعيسة وخطرة.والتكاسي غالية.....ممكن تكلفة ايجار سيارة صغيرة ب حوالي 30 اليً40 دولار باليوم.


http://www.expedia.com

http://www.arabtravelersforum.com/travel616750-23/

مياميhttp://www.arabtravelersforum.com/travel616750-20/


اورلاندوhttp://www.arabtravelersforum.com/travel539602/


سيارات.....الفنادق بامريكا الاربع نجوم نفس ال 5 نجوم عندناميامي فنادق 4 نجوم ممتازة ممكن ب 200 دولار بالليلة...اورلاندو ارخص ممكن ب 150 دولار بالليلة....

شكراااا اخوي عزيز و ما تقصر افدتني كثييييييييييير
و الموقع افادني كثير بس اكثر التقارير المفصله عن نيو يورك


هذا بالنسبه للشرق ف كيف الغرب؟ لاس فيقاس و لوس انجلس و سان دييغو؟
اتوقع انها اغلى بس شلون عن الحماس فيها؟
انا ادور الحماس يعني الملاهي و التمشي

عشان اقارن بين الشرق و الغرب و اختار الاماكن ابي اروحلها لو قررت الوجهه بالضبت
عشان اسوي تور بالايام و ابتدي حجوزات

و احنا انشاء الله بنسافر عل تاريخ واحد سبتمبر شلون الجو بيكون في اورلاندو؟ الشرق يعني حر و رطوبه؟
وشلون بيكون في الغرب لاس فيقاس؟ معتدل و حلو؟


اشكرك مره ثانيه

المدة قصيرة جداً .. لازم تطلعين علي تقارير الشرق والغرب وتحددين الوجهة....غرب اوشرق....شوفي تقارير وليد وامباكت وكاكاشي ...الاسعار متقاربة باغلب المدن...الجو طبعا بالغرب بشهر سبتمبر افضل.... الحماس والاماكن الحلوة موجودة بكل المدن...
نصيحة اختاري.....ميامي و كروز واورلاند ......... او ......... لوس انجلس وسان دييغو ولآس فيقاس.

أتمني لكي التوفيق