الموضوع: الاماكن السياحية في نيويورك و سان دييغو ولوس انجلس وسان فرانسيسكو

السلام عليكم

ممكن احد يفيدني بالاماكن السياحية في نيويورك وسان دييغو ولوس انجلس وسان فرانسيسكو
والاماكن اللي احتاج اني احجز Online
الله يعطيكم العافيه

مواضيع عشوائيه ممكن تكون تعجبك اخترناها لك:

• مين ياعرف ما هى الدعوة ؟؟؟؟؟
• وش هالموعد اللي ما تحدد لسا
• نداء إلى الأخ وإلى كل خبراء هذا المنتدى الأكثر من رائع
• لوس انجلوس اورلاندو
• صورة الفيزا للسيدات
• استفســار عن ولايـة اورقن
• خدمه لو تكرمتو بخصوص أوشن ستي ميريلاند
• خبراء امريكا
• سؤال ضروري لفيزة السياحة
• استفسار
• المدينه المائية في تقرير صور
• لوس انجلوس فيغاس واشنطن نيويورك وبوسطن
• انواع البطاقات البنكيه المستخدمه في امريكا
• ابشركم يالربع الفيزا طلعت
• ابغي استاجر سيارة في فرجينيا
• ياليت ربي يسسسسسعدكم تتفضلو من السعودية مقابلةالسفارة بعد كم يوم وعندي اسئلة كثيرةةة
• مخطط سفرتي وابي ابداء رايكم
• أسعار المستلزمات والعناية الشخصية في أمريكا
• رحلتي الى مدينة ميكي ماوس أورلاندو – جولاي
• ارجو المساعده من رواد امريكا

في تقارير كثيرة عن هذي المدن.....ممكن تشوف بعض منها بتوقيعي

الله يعطيك العافية اخوي عبدالعزيز
التقارير يعيبها الردود
شكراً

انا اكتب التقرير كامل بعدين الردود تجى....يعنى ما راح تقرا الردود اذا ماتبى
http://www.arabtravelersforum.com/travel439220/

http://www.arabtravelersforum.com/travel501320/

http://www.arabtravelersforum.com/travel484420/

الله يعطيك العافيه يا اخوك
ماااا قصرت

السلام عليكم انا ادور سكن في سان ديغو قريب من معهدSan Diego, CA international academy school

ممكن تساعدوني انا طالعه مع اخوي الصغير وابا مكان أمن ومريح ومايكون اغلى من 600 دولار
ممكن تساعدوني؟؟

1729 5th Avenue, San Diego, California *92101* Phone: (619) 232-8768 * Fax: (619) 232-8758 * Email:*[email protected] Academy of English -

هل هذي هي المدرسة؟؟؟ هل رايحين دراسة لغة؟
كم شهر؟؟
تبون شقة او غرفة بفندق؟شنو 600 دولار؟

طيب ممكن تفيدني بالاماكن اللي احتاج احجز Online
يعني اماكن معروفه


عشان اطلع بسعر حلوو

الله يعطيك العافيه


المشكله اني عارف كيف اوصل المطاروالفندق وبعدهااا ما عندي اي معلومه

شنو تقصد أون لاين ..... حجز للاماكن السياحية مثل دزني واليونيفرسال؟؟؟ او الفنادق؟؟

اغلب الاماكن السياحية اونلاين ارخص ...لأكن ارخص شوي ومو وايد ...ماتفرق معاك وايد....


لازم تسويلك برنامج لكل مدينة.....انت متي رايح ؟؟ وشكثر بتقعد بكل مدينة؟

لا الفنادق والطيران الداخلي كلهم اوكي
اللي اقصده الاماكن السياحيه اللي تكون اسعارها حلوه ورخيصه عن طريق الانترنت

وعن تاجير السياره انا حصلت اسعار ارخصexpidia من الموقع الاساسي للشركات التاجير
وش الافضل احجز عن طريق موقع الشركه ولا الوسيط وهل احتاج السياره في سان فرانسيسكو

في ابريل 1
24 يوم
يومين في نيويورك
يومين سان دييغو
12 ايام في لوس انجليس
3ايام سان فرانسيسكو
يومين نيويورك تقريباً

السيارة انا افضل من الشركة مباشرة والحجز عن طريق الانترنت......شركة ناشونال ممتازة . لأكن ما يمنع اذا حجزت من اكسبيديا او مكان اخر

نصيحة خلها 4 ايام سان دييغو و 10 بلوس انجلس.....


نيويورك ماتحتاج فيها سيارة..... لازم تستاجر سيارة بسان دييغو وتروح فيها لوس انجلس وبعدين سان فرانسيسكو وتسلمها ( ممكن اول ماتوصل سان فرانسيسكو او ممكن تخليها معاك بسان فرانسيسكو.....انا افضل اسوق سيارة بسان فرانسيسكو لان شوارعها مختلفة وممتعه ( كلها طلعات ونزلات ) بس المواقف بسان فرانسيسكو غالية ) وتطير الي نيويورك...


تذاكر الاماكن السياحية ممكن تشتريها من الانترنت او من الشباك ...مايفرق وايد السعر....وافضل وارخص تذاكر هي التذكرة الشاملة( تكون ل ثلاث او اربع مدن ملاهي .مدتها محددة مثلا اسبوعين.وسعرها ممتاز)

يعني ما احجز الا الفنادق والطيران الداخلي والباقي من الشباك ما تفرق

اليوم انا اخذت من تقاريرك عن نيويورك و لوس انجلس معلومات ممتازه والباقي ممتازه بس شكلها قديم وما هي واضحه الصور

ياليت ترشح لي تقارير جديده اذا امكن

الله يعطيك العافيه اخووي عبدالعزيز

تقارير امباكت ووليد وكاكاشي ممتازين ...

http://www.arabtravelersforum.com/travel608524/


http://www.arabtravelersforum.com/travel644762/


http://www.arabtravelersforum.com/travel571484/..


تقاريري ماهي قديمة وفيها جميع البيانات لكل مدينة..أحجز السيارة من الانترنت..... مايحتاجون الا الاسم والتاريخ ومكان استلام وتسليم السيارة. http://www.arabtravelersforum.com/travel539602/ تذاكر الملاهي http://www.goingtocalifornia.com/pages/amusement-parks/

الله يعطيك العافيه اخوووي عبدالعزيز

ممكن تفيدني بسكن بشمال وجنوب لوس انجلس لمدة 12 يوم

طبعاً انا خليت سان دييغو 4 ايام
وسان فرانسيسكو 4 ايام
ونيويورك 2 قبل العوده للسعودية

بالجنوب مثلا 4 ايام والشمال 8 ....الجنوب ممكن تسكن بمدينة ايرفاين او نيوبورت بيتش او كوستا ميسا......
بالشمال انا افضل السكن في هوليوود او وست وود.......

انتوا كم واحد؟ وشنو مستوي الفنادق المطلوبة او السعر؟؟؟

اثنين وثالثاً طفل
افضل تكون شقق فندقيه وسعرها مناسب عشان الفتره طويله
*انا اشوف الاسعار 150 دولار بدون ضرائب

اتعبتك معي اخوي عبدالعزيز

ماكو تعب أبدا..... انا استمتع بمساعدة الاخرين....
عطني التواريخ بالضبط لسان دييغو وسان فرانسيسكو ولوس انجلس جنوب وشمال ،. وراح أدور لك فنادق مواقعها مميزة واحاول ألاقي شي رخيص وكويس مثل مايقولون..

الله يعطيك العافيه
APRIL
انا اخترت الفنادق
نيويورك Crown Plaza من 2-4 & 22-24
سان دييغو Manchester Grand Hayatمن 4-7
سان فرانسيسكو sheraton fisherman's wharfمن 19-22
طبعاً رايك مهممممممم جداً
لوس انجلس 7-19
شمال 8 ايام وجنوب 5 ايام (انا اشوف الجنوب ما فيه زي ما في الشمال واجد وش رايك ارحل يوم لسان فرانسيسكو??)
فيه اشياء واجد حصلتها من المنتدى وبرضو من تقاريرك
الماريوت سبرنق هل سويت -الهيلتون الامبسى سويت
Execustay- OakWood

السيارة

وش الفرق بين Midsize و Stantard وش الافضل من ناحيت الصرفيه والراحه ??
شلون اتجنب المواقف الغاليه في سان فرانسيسكو وهل الفنادق ما عندها مواقف (يعني بكم سعر الساعه)؟؟؟

الطيران الداخلي
حصلت الذهاب من نيويورك إلى سان دييغو على Jetblue
والعودة من سان فرانسيسكو إلى نيويورك على AA
Thanks again

لكراون بلازا تايم سكوير في نيويورك ممتاز وموقعه وايد حلو...

المانشستر قراند حياة في سان دييغو ممتاز وهو في الداونتاون و سعرة رخيص.....الخيار الثاني بس اغلي وهو لافالانسيا في منطقة لاهويا ، فخم وفي أرقي منطقة في سان دييغو...


شيراتون فشرمان وورف انا سكنت فية لمدة 10 ايام في صيف 2010 مودرن وجيد والزين فية ان وايد اماكن سياحية ومطاعم ومحلات لشراء التذكارات ملاصقة للفندق ( البير 39 والفشرمان وورف وربليز و وايد اماكن) انا كنت ادفع 50 دولار يوميا لموقف السيارة في الشيراتون.!!! المواقف بسان فرانسيسكو غالية!!! لاتطوفك منطقة سالساليتو عجييييييييبة.

صدقني الافضل زيادة سان دييغو يوم وسان فرانسيسكو يوم( لاتنسي يوم الوصول شبة ضايع) وخل جنوب لوس انجلس 3 ايام [ يوم لدزني ويوم للتسوق( ساوث كوست بلازا مول والسبكتروم مول ) ويوم للتمشي في نيوبورت بيتش وهنتقتون بيتش مثلا ] و 7 او 8 ايام لشمال لوس انجلس

....الفنادق بالجنوب ممكن فندق the westin south coast plaza ممتاز ومربوط بجسر مشاة بمول ساوث كوست بلازا او فندق Hyatt regency irvine
بالشمال الخيارات وايد ...ممكن the Beverly Hilton او تستني شوي وتشوف الاسعار قبل السفر مثلا بشهر وتختار [S]


بالنسبة للسيارة المدسايز اصغر من الاستاندرد.... لازم تحسب حساب الراحة ومكان للشنط....[/SIZE]

شوف شركة ناشونال لإيجار السيارات ...حصلت جيب فورد اسكيب من 4 ابريل استلام بسان دييغو و التسليم 22 ابريل في سان فرانسيسكو ...السعر شامل التامين 762 دولار... او ممكن فورد فيوجان ب 705 دولار
https://www.nationalcar.com/
لمة تدخل لموقعهم تاكد من تحط انك من السعودية

طيب السكن في لوس انجلس يا اخوك

الرد فوق بخصوص فنادق لوس انجلس!!!!
....الفنادق بالجنوب ممكن فندق the westin south coast plaza ممتاز ومربوط بجسر مشاة بمول ساوث كوست بلازا او فندق Hyatt regency irvine
بالشمال الخيارات وايد ...ممكن the Beverly Hilton او تستني شوي وتشوف الاسعار قبل السفر مثلا بشهر وتختار [S]

الشريط الاعلاني الجديد ماكل نص شاشة الايفون ما شفت ردك يا اخوك
anyway
انا اشوف انها غاليه شوي من الفنادق اللي قبل!!
الماريوت سبرنق هل سويت -الهيلتون الامبسى سويت اسعارها انسب ولا؟؟

انا ابي السكن في الشمال يكون من بين 150 إلى 160 بدون ضرائب?

الاسعار تتغير وتو الناس علي حجز الفنادق. خلها قبل السفر بشهر مثلا.....شوف هذا موقعة ممتاز ونظام أجنحة لاكنة فوق ال 200 دولار http://www.marriott.com/hotels/trave...beverly-hills/

اذا تفكر اقل من 200 دولار ..غالبا راح يكون 3 نجوم اذا بموقع جيد.

طيب وش رايك في الفنادق هاذي
https://www.marriott.com/hotels/trav...nhattan-beach/
سعره 131 دولار بدون ضرائب
http://doubletree3.hilton.com/en_US/...XCMDT/index.do

109 بدون ضرائب

وفيه اشياء واجد وبنفس السعر هذا
انا ابلشتك معي يا اخوك

مابلشتني ولا شي...... في فنادق وايد واسعارهم تحت 200 لأكن بمناطق شوي بعيدة....انا عشت بلوس انجلس حوالي 3 سنوات والزحمة يأخوك بالشوارع بايخة...
الاول في مانهاتن بيتش وهذا بعيد...الثاني في كوميرس هم بعيد......
دور علي فندق يعجبك في هوليوود...وست هوليوود....بفرلي هلز....وستوود.... بهذي الاربع مناطق..

http://www.marriott.com/hotels/trave...beverly-hills/
169دولار


مافيه الا هذا
وش رايك فيه

معقول جدااااا. سنتشري ستي ماهي بعيدة عن وست وود وبفرلي هلز ....... شكلة ممتاز...بس مع الضرائب سعرة 195 !تو الناس ...(فندق لوس انجلس انطر قبل السفر بشهر)....

يااخوك انت الوحيد اللي يقول لا تحجز الا قبل السفر بشهر
والعالم كلها تحجز قبل 6 شهور او 7
مثال: انا مشيك على موقع تاجير السيارات
كان سعر standard 2500 ريال والان 2900
انا ماعندي مشكله احجز الحين ولا بعدين بس خوووفك ترتفع الاسعار

تأجير السيارات احجز باجر اذا تبي...... من النت من موقع شركة الايجار نفسها.....مايحتاج بيانات بطاقة الأتمان للحجز....يطلبون الاسم والايميل والتاريخ والمكان ..ويدزونلك تأكيد الحجز علي طول بالايميل....
اذا انت خائف من ارتفاع الاسعار للفنادق احجز الحين.....انا العادة احجز الفنادق قبل شهر من السفر..... واحجز الشقق بالصيف قبل شهرين ..

مساء الخير اخوي عبدالعزيزاسعار التذاكر الداخليه ارتفعت وش رايك احجز و لا ؟؟

اذا متاكد من سفرك والتواريخ.....احجز من الان طيران داخلي.....السيارة كذلك ممكن تحجزها من الانترنت ..

طيب انا عندي بنت راح تكمل سنتين في مارس الجاي هل احطها in seat او in lap

http://www.chp.ca.gov/community/chil...seat_faqs.htmlاللة يحفظها ويخليها لك.....ضروري ايجار كرسي للاطفال ...ممكن تاجرة من شركة ايجار السيارات...بحوالي 7 دولار باليوم وبحد اقصي 70 دولار....

الرابط ما فتح معي !!

اللي اقصده الطيران الداخلي يا اخوك

سوري فهمت غلط.....اذا اقل من 24 شهر بدون كرسي...اذا عمرها سنتين لازم تذكرة منفصلة وكرسيhttp://www.seatguru.com/airlines/Uni...es/infants.php

اخوي عبدالعزيز
سعر التذكره لشخص الواحد 480 دولار وكانت قبل اسبوع 320 دولار
From:NYC to:SAN
From:SOF to:NYC
وانا محتار هل احجز الان ولا لا

معقولة كل هالفرق.....!! هل كانت نفس التاريخ؟؟ ونفس الرحلة بالضبط؟......ما ادري شقولك.. ما ابيك اتوهق اذا تشوف السعر مناسب احجز

في نوفمبر اللي طاف كانت الاسعار 420 وانزلت في ديسمبر إلى 319 بعدين ارتفعت 330 والاسبوع هذا رتفعت
هل تتوقع الويكند له دور ولا... يعني الاسعار في يوم الجمعة والسبت تكون مرتفعه


انا حجزت على الخطوط السعودية قبل شهر وكان السعر مناسب بس يوم حجزت التذاكر ارتفعت وانزلت الان !!!!!!!

من اللي يقدر يفيدني بالطيران الداخلي



*

ابشرك خلصت من الطيران الداخلي 1100 دولار من نيويورك إلى سان دييغو ومن سان فرانسيسكوواليوم قرارت اضافة لاس فيغس ضمن الرحله وابي رايك في تقسيم الايام الجديدسان دييغو 7-4لوس انجلس 17-7لاس فيغس 19-17 الفندق Trump international وش رايك فيه*سان فرانسيسكو 22-19*

الاسهل والاقرب اذا ناوي بالسيارة .. لاس فيقاس بعدين سان دييغو ومنها ال لوس انجلس ومنها الي سان فرانسيسكو.....

لاكن عادي....ممكن سان دييغو...لاس فيقاس...لوس انجلس...سان فرانسيسكو...

لان من فيقاس الي سان فرانسيسكو 9 ساعات بالسيارة....لاكن من لوس انجلس الي سان فرانسيسكو 6 فقط.

http://www.lasvegashotel.com/map.htm
شوف الخريطة....ترامب شوي بعيد....حلاتة تسكن بوسط الستريب...جنب السيزار بالاس......ممكن اذا تبي سعر قريب من ترامب...فندق بلانت هوليوود حلو ........

وش الافضل
سان دييغو لاس فيغس سان فرانسيسكو
وسان دييغو لوس انجلس لاس فيغس سان فرانسيسكو

انا اشوف الثانيه افضل!! وش رايك انت

بالسيارة ؟؟ الأولي مافيها لوس انجلس !!!!متعبة جداً انك تروح بالسيارة من لاس فيقاس الي سان فرانسيسكو..هي 9 ساعات ومع التوقف بتصير 10 او 11 ...

. الافضل من لوس انجلس الي سان فرانسيسكو....6 ساعات بالسيارة ومع التوقف للراحة والاكل بتصير 7 او 8

معليه نسيت اكتبها
انا بطلع من سان دييغو الى انجلس ومن انجلس الى فيغس ومن فيغس الى سان فرانسيسكو

الا اذا فيه خطه اسهل من كذا

يا الغالي.....براحتك لاكن اشوفها متعبة جدا( لاس فيقاس.. سان فرانسيسكو).

الخطة الاسهل هي فيقاس سان دييغو لوس انجلس سان فرانسيسكو.........لاكن بما انك حجزت وخلصت الطيران الداخلي فخليها سان دييغو فيقاس لوس انجلس سان فرانسيسكو.

encore

wynn

pallazo
the vanetia
bellagio

انزلت اسعارها اليوم وياليت ترشح لي واحد

اول 4 ممتازين وهم ملاصقين لبعض ...انا أشوف انك تختار The vanetian.. حلو وايد والغرف كلها سويتات. كبار جداً......الاسعار بفيقاس تتغير وايد....اغلي سعر بالويكند الجمعه والسبت.

انا اخترت قبل ردك فندق Bellagio وش رايك ؟

انا حجزت في كراون بلازا في نيويورك وودي اغيره إلى Hotel Mela , Four points by sheraton , hilton garden inn , Novotel times square
ناس كثير في trip advisor تمدح هوتيل ميلا

انا ما احب بلاجيو.....هو فتح قبل الاربع الفنادق الاخري بكم سنة والمميز فية النافورة الخارجية......الاربع الاخرين افضل.......بالنسبة لنيويورك ماجربت هذي الفنادق من قبل....شوف الموقع والتقييم وتوكل علي اللة

اخوي عبدالعزيز
بعد تعديل الخطه
راح تكون الفتره في لوس انجلس 8 او 9 ايام ... تنصحني اني اقسمها بين الشمال والجنوب

لا ما تسوي تقسمها...اقعد بالشمال

السلام عليكم
وش رايك في Anaheim Marriott

الفندق فخم وحلو ، ممتاز اذا ناوي تقعد فية ليلتين او ثلاث..........لاكن اذا ناوي تقعد بالجنوب طول الفترة فنصيحة اقعد في ايرفاين ( المنطقة اجدد وأرقي من اناهايم )

هل هم ياخذون80 دولار ضرايب على كل شخص وكل يوم
http://www.booking.com/hotel/us/anah...ml?aid=1329869

لا طبعا ... مايصير يسوون جذي .....وين شفت هذا الشي.............الفنادق ياخذون ضريبة بحدود 15 ٪ تضاف علي سعر الغرفة.......

الغرفة ب 200 دولار تصير مع الضريبة 230 لكل ليلة....

Total for stay (for all rooms) - 326.88
هذا سعر حق ليلتين مع الضرايب من موقع الفندق

بس اذا دخلت booking يعطني السعر بدون 17٪ ضرايب+ 80 دولار للشخص كل يوم


King or Double Room
Prices are per room for 2 nights .
Not included in room price: 17 % TAX, USD 81 city tax per person per night.
*

شي غريب. اكيد اكو شي غلط !!!!..... اذا جذي احجز مباشرة من موقع الفندق....