الموضوع: ارجو الافادة ضروري ۔ السفر قريب

السلام عليكم
انا ان شاء الله مسافرة عن قريب الى ولاية انديانا
وياليت تفيدوني وتنصحوني بالاشياء اللي اسويها قبل السفر وبعد الوصول
واهم شي ابي اعرف :
- كم المبلغ اللي يحتاجه الطالب لمدة شهر غالبا؟
- بالنسبة لاجهزة اللاب توب .۔ راح يفتشونها من ناحية برامج ووندوز اذا اصلي او لا؟
- هل احتاج اني اخبر الملحقية عن شي الان قبل السفر ولا مايحتاج؟

واذا في نصائح مهمة ارجو ذكرها

مواضيع عشوائيه ممكن تكون تعجبك اخترناها لك:

• طرق الانتقال من نيويورك الى لاس فيغاس ؟
• برنامج سياحي ايام شيكاقو
• رحلتي بعد اسبوعين وعندي كم استفسار ضروري
• برنامج السفر الى فلوريدا
• استفسار عن
• الرجاء المساعده مشكله في التذكره
• تعلموا من صبري
• ارجوا المساعدة عن سان رامون و هاي وورد
• هل مدينة نيويورك تنفع للعوائل؟
• شريحة الجوال
• استفسار بخصوص كشف الحساب فيزا سياحية
• المتقدمين للبعثه بدرجة البكالوريس طلعت الفيزا
• عاجل للأحبة
• الصور
• فيينا فرجينيا
• متوهقه بترتيب رحلتي
• رحلات إلى أورلاندو
• بالله ساعدوني كم سوال يا اخوان
• استفسار حول كيفية التعامل في المطار
• هل أستطيع تغير نوع الفيزا في امريكا

سلام
انتي تبي تسافربن مبتعثة والا على حسابتس الخاص هذا اول شي
جهاز اللاب توب حطيه مع شنطة الي تبي تحطينها في الشحن وريحي راستس ومن ناحية التفتيش ما راح يفتشون ان شاء الله
المبلغ والله وانا اخيتس خلي معتس بطاقة البنك الي في السعودية اهم شي وخذي معتس مبلغ حول ال 3000 دولار واول ما توصلين انقزي للبنك وافتحي حساب واطلبي منهم البطاقة المؤقته الين تاصل البطاقة الاساسية
المهم عطيني العلم وش وضعتس انتي مبتعثة والا على حسابتس الخاص
وربنا يسهل يا ستي

اي اخوي انا مبتعثة
انا ابي مبلغ يكفيني شهر الى لمن يفتحو لي ملف بالملحقية
وبالنسبة لبطاقة البنك معي للبنك البريطاني .۔ بس الخوف انها ماتشتغل هناك او ماحصل صرافة اقدر اسحب منها

اهلن وسهلن
طيب على شان تفتكين من الغثى مري على الملحقية اول ما تاصلين ويصير معتس قرار ابتعاثتس ويفتحون لتس ملف وترتاحين لانتس يبي يلللعن ابو خامستس اذا ما مريتي عليهم ويبي يذلون ابو الي جابتس نصيحة مرري وانا اخوتس
المبلغ خذي 3000 دولار يكفي بس اول ما توصلين افتحي جساب في البنك وحطي الفلوس فيه وخذي بطاقة مؤقتة الين تطلع بطاقتس الاصلية
وبطافة البنك البريطاني تبي تشتغل والصرفات في كل محل لا تخافين امورتس سهالات بس مري الملحقية ان تسان تاخذين العلم
اي سؤال تاني يا ستي هانم

تسسسسسسسسسسسلم بو عبد العزيز ماقصرت
واضح ان شاء الله

لا الحين ماعندي اسئلة
لكن لو جا على بالي سؤال بجي واسال
تسلم الله يوفقك يارب
تحياتي

على الرحب والسعة

السلام عليكم
استفسار اخر الى ابو عبدالعزيز او اي شخص اخر يقدر يفيدني
ايش المستندات المطلوب لفتح ملف بالملحقية؟
ايش اخذ معي بالضبط ؟