الموضوع: نبراسكا اوماها ۔ الاربعاء القادم ان شا ءالله

ياهلا اخواني .۔

يالغالين الابعاء القادم مسافر لـ اوماها ان شاء الله .۔

اتمنى الي عنده معلومات او اي شي يقدر يفيدنا فيه عن المدينه لايبخل علينا .۔

موفقين يارب ..

مواضيع عشوائيه ممكن تكون تعجبك اخترناها لك:

• متوهقة
• كيف الغي حجزي؟؟
• استفسارات بخصوص قضاء شهر عسل في امريكا
• برنامجي المتواضع
• هذا ما حصل معي في القنصلية مع بعض الاسئلة أرجو الإجابة عليها
• ممكن اسم المطار القريب من شلالات نياجارا
• ساعدوني لتقسيم الايام في لوس انجلوس ضروري
• الفيزا السياحيه ؟؟
• المسافات
• استفسار عن التأمين الصحي لامريكا
• خطأ في اختبار صورة لنموذج
• للجميع سؤالين واحد عن السياحة والثاني عن العفش
• المسافة بين واشنطن واورلاندو
• يا شباب لحقو علي
• اعصار مدمر متوجه ل مدينه روشستر مينيسوتاارجو من جميع الاخوه في روشستر الدخول
• رأيكم يا أخوان في الرحلة وابغا مساعدتكم
• عن في
• يعني ايه عضويه في فندق
• تطعيمات
• ساعدوني مشكلة في تعبئة ابليكيشن الفيزا

وكم تبد اوماها عن واشنطن ..؟

وماهي افضل شركات الطيران الداخلي..؟

الله يعافيكم ..

وينكم يالغالين السفرة قربت ::

ا- ابي اقرب وافضل سكن من مستشفى نبراسكا في مدينة اوماها ..؟

2- انا بوصل لواشنطن ان شاء الله وبروح اوماها وش رايكم بـ شركات الطيران وكم تبعد اوماها عن واشنطن ..؟

3- المصروفات وغيره وش طريقتها ..؟

4- كم آخذ معي كاش ..؟

5- مدينة اوماها كيفها وكيف اماكنها ..؟

6- الاتصالات والانترنت ..؟

7- اي نصايح ناسيها تكفون افيدوني يالغالين .۔

موفقين ياااارب ..

يالغالي تروح وترجع بالسلامة بس انت مسافر من اي بلد السعودية لاوماها او كيف

رايح سياحة او علاج في المستشفى اللي ذكرته انت

المستشفى نبراسكا ميثوديست تقصد !

المدينة والشعب هناك محترم وودود جدا
بالنسبة للمعيشة معتدلة لوجودها في الولايات الوسطى من امريكا ما هي غالية
من واشنطن بحدود 2ونصف ل3 ساعات
افضل طيران امريكان ايرلاينز او الدلتا اير لاينز وممكن الوينايتد رغم اني ما فضل الشركة الاخيرة

المصروفات افضل شيء تكون معاك فيزا ضروري
ويكون معاك بطاقتك الصراف العادية مثل الراجحي وغيرها
ويكون معاك كاش 3000 دولار اللي تبي لحد ع ما اعتقد 10 الاف دولار ما عندك مشكلة

الاتصالات فيه شركات انا جربت تي اند تي ما عجبتني
لكن يمدحون تي موبايل وفيه بطاقات شحن بدولارين تكلم السعودية 16 دقيقة
الانترنت متوفر في اغلب الفنادق والشقق وشركة تي موبايل متوفر عندهم
اذا معاك شريحة سعودية وفكرت تشغل جوالك وتكلم لو شوي راح يجيك مبلغ عالي شوي

النصايح لا تثق في احد هناك وخلك في حالك والشعب هناك والناس محترمة وودودة ولا تستعجل في شراء شيء حتى تسأل كذا احد هناك

888

جزاك الله خير وماقصرت .۔

ايه نعم الرحلة علاجية في مستشفى نبراسكا للقلب .۔

الله لايحرمكم الاجر ..

خط السير الرياض واشنطن اوماها .۔

الله يقوم مريضكم بالسلامة وواشنطن حلوة تمرون على المكتب الصحي في الملحقية يساعدونكم بكل شيء وان بغيت سكن في واشنطن فندق بيست ويسترن في منطقة تايسون
ولاتنسى اذا معاكم اطفال تأخذ لهم أكل في سندويتشات لكم لأن الرحلة طويلة ووجبتين راح يطقك الجوع وفاتحين المطبخ شاي وفواكة وماء فالسندويشات ضرورية خاصة اذا معاكم اطفال لو باقي ما سويت حجوزات طيران حاول رحلاتكم دايما تكون في الصباح الباكر بحيث توصولون بدري قصدي داخل امريكا واشنطن امرها سهل والاخوان في الملحقية ما يقصرون ان شاء الله واي استفسار ابشر

مرحبا
دحوم اطلع لي على الخاص واعلمك ان شاء الله كل شي وما تشوف شر يا رب

المشاركة الأصلية كتبت بواسطة ابو عبدالعزيز امريكا
http://www.arabtravelersforum.com/tr...6/#post6479256

مرحبا
دحوم اطلع لي على الخاص واعلمك ان شاء الله كل شي وما تشوف شر يا رب



ليتك اخوي تطرح كل شيء على العام ليستفيد الناس بما ان الموضوع انساني وقد يحتاجه الاخرون فيكون تجمع للخبرات والمواقف المنتدى استفاد الجميع منه وقد تكون استفدت انت منه فمن باب رد الجميل اظهار اي معلومة لنستفيد جميعا بكل ود والملحقية والسفارة في واشنطن وضعت لخدمة جميع المواطنين السعوديين دون استثناء من اصغر موظف لأكبر موظف .

الله يجزاكم خير يااارب .۔

نقطة مهمة الاكل الله يعافيك ومامعنا اطفال ..

وايه نعم ابشرك الرحلة في الصباح الساعة 8 ان شاء الله والوصول الساعة 2 ظهرا بتوقيت واشنطن .۔
واشنطن امرها سهل بالنسبة للسكن .۔ لكن المشكلة اوماها الي راح نجلس فيها وقت طويل ما ادري وش الفنادق هناك والافضل والقريب من مستشفى نبراسكا للقلب .۔

ووش آرائكم بخصوص اللاب توب والايفون ؟؟؟

ووش وضع التمر والقهوة لو ناخذها معنا ؟؟؟

واي شي غايب عن بالي ذكرونا فيه .۔

موفقين



الله لايحرمكم الاجر ياارب ..

واشنطن امرها سهل بالنسبة للسكن .۔ لكن المشكلة اوماها الي راح نجلس فيها وقت طويل ما ادري وش الفنادق هناك والافضل والقريب من مستشفى نبراسكا للقلب .۔

ووش آرائكم بخصوص اللاب توب والايفون ؟؟؟

ووش وضع التمر والقهوة لو ناخذها معنا ؟؟؟

واي شي غايب عن بالي ذكرونا فيه .۔

موفقين

وترا مامعنا اطفال

المشاركة الأصلية كتبت بواسطة ابو عبدالعزيز امريكا
http://www.arabtravelersforum.com/tr...6/#post6479256

مرحبا
دحوم اطلع لي على الخاص واعلمك ان شاء الله كل شي وما تشوف شر يا رب




ياهلا اخوي .۔

الله يعطيك العافيه ماقصرت .۔ الخاص اعتقد انه مو مفعل عندي .۔ لان مشاركاتي قليلة على ما اعتقد .۔

موفق

طيب ابشر يا الي طلبت مني اقول كل شي في العام معك حق وانا اخوك تامر امر
دحوم متى موعد وصولكم لاوماها ان شاء الله بتوقيت اوماها وهل انت حجزت سكن والا شي وكم الفترة الي تبي تقعدها تقريبا وكم شخص انتم ومتى موعدكم ان شاء الله
عطني تفاصيل ها الامور كلها ومالك الا طيبت الخاطر
تحياتي

وليت على دربك تعطيني عنوان المستشفى الي تبي تراجعون فيه لان فيه اكثر من مستشفى

صح نسيت بخصوص اللاب توب والايفون عادي ما فيه اي مشكلة تجيبها ولا عندك اي مشكلة بخصوص التمر والقهوة التمر جب معك المغلف افضل لا ياخذونه ويكبونه كب الله روسهم بخصوص القهوة حطها في شنطة الشحن وعادي برضو
بخصوص النت والتلفون مثل قال اخيي مكان مكان النت تقريبا في كل محل بخصوص الجوال تي موبايل خدمتهم زفت في نبراسكا بشكل عام افضل شي سبرينت واي تي اند تي وخذي امرها سهل اذا جيت ان شاء الله نضبطها لك المدينة اماااااان جدا ورخيصة والتاكس رخيص 7 بالميه بس والاكل والشرب ما عليه تاكس
الكاش خل معك 3000 دولار ويصير معك بطاقة فيزاء وبطافة اي تي ام بخصوص الجوال السعودي اذا كان جوالك الاتصالات السعودية اختر شبكة اي تي اند تي يصير الاستقبال مجاني من السعودية
احتري اجابتك على اسئلتي بسرعة على شان ان شاء الله نضبط امورك يا دحوم يالله عطنى عمرك