الموضوع: كيف أطلع جواز أمريكي وانا من مواليدها ؟

السلام عليكم ورحمه الله وبركاته .

بعد التحية ،،



انا ولدت في أمريكا (( ولاية كانساس )) ومر على ولادتي (( يعني عمري الحين تقريباً 24 سنه )) ومسكت معاي اني أروح للسفارة الأمريكيه في الرياض ، قبل ثلاث سنوات تقريباً ، لما كان الوضع متأزم بين السعودية وأمريكا والفيزا ماتطلع الا بعد خمس شهور ، لما دخلت السفاره ماحصلت منهم إلا التصريف !!
يعني ودهم يقولون لي اطلع وسكر الباب وراك بس مستحين .

فالسؤال بما إن الوضع رجع زي أول وأحسن وش الاجراءات المتخذه اذا أحد عنده خلفيه وهل يلزم علي اراسل المستفشى اللي ولدت فيه مع انه معاي كل شي أو هل يلزمني الاتصال بالمكان الخاص بالهجره في أمريكا لأني اتذكر واحد في السفاره قالي كذا !!


ياليت اذا أحد يقدر يفيدني .


مع الشكر

مواضيع عشوائيه ممكن تكون تعجبك اخترناها لك:

• سكن سكن سكن ياخبراااااااااء لوس انجلوس
• مساعدتكم ياخبراء
• احتاج مساعده للي يعرف بـ سان دييقو
• مساعدة عاجلة حجز المقاعد على طيران الاتحاد
• الفزعةاحتاج سكن وكم السعر سان فرنسسكو
• انا وزوجتي والسفارة
• استفتاء افضل الخطوط الجوية للسفر الى الولايات المتحدة ؟
• التحذير من اكسبيديا
• سوال عن اعداد الفيزا
• جيز كيك فاكتوري في الراشد مول في الخبر
• طيران داخلي؟؟؟
• الذى سافر الى امريكا من قبل يدخل للاهمية
• من لديه تجربه بزيارة الآميش ؟؟
• سؤاااااااااال مهم
• استفسار حول اختصار اسم الجد بحرف واحد، والفيزا مذكور اسم الجد كاملا
• أفضل موقع لحجز السيارات في امريكا
• المسآعــده لاهنتــو
• بشرى سارة للحابين الدراسة في الولايات المتحدة
• طلب نصيحة لرحلة عائلية
• تعبت من فنادق نيويورك

ليه ماتزور السفاره حاليا
وتستفير منهم احسن

عشان تطمن أكثر . انصحك تروح للسفارة بنفسك وتشوف وش يقولون لك وتتخذ الاجراءات اللازمه ..

بالتوفيق

ترسل للمستشفى فقط الي ولدت فية وتحضر معك مايثبت فقط
علماً الان
اذا جيت تطلع فيزا وأنت من مواليد أمريكا مايعطونك الفيزا ويطلبون منك أستخراج جواز أمريكي للمعلومية فقط
وتحياتي لك ولبقية الاعضاء

اللي أعرفه انك راح تدفع غرامه 5 آلاف دولار لأنك تأخرت انت ماراح تأخذ الجواز وبس أنت راح تأخذ الجنسيه الكلام هذا صار مع ولد خالتي راح للسفاره يبي يطلع الجواز وأوراق الجنسيه قالوله أدفع 5 آلاف غرامه المفروض انك تطلع أوراق الجنسيه بعد ولادتك بثلاث سنوات بالكثير..


وتقدر تروح للسفاره تأخذ الأوراق منهم وتعبيها من هناك وهم يراسلون لك ويجبون لك الجنسيه بعد ماتدفع الغرامه..


تـــحـــيـــاتـــي..،،،

ادفع 20 الف دولار غرامه مو مشكله

على البركه مقدماً

5 آلاف دولار غرامه !!!!

لو زادت شوي طلعت (( دية )) !!!



ودي أروح للسفاره لكن الدوام رابطني فقلت استفسر مبدئياً منكم ، وماقصرتوا


شكراً للجميع

المشاركة الأصلية كتبت بواسطة red_haert


اللي أعرفه انك راح تدفع غرامه 5 آلاف دولار لأنك تأخرت انت ماراح تأخذ الجواز وبس أنت راح تأخذ الجنسيه الكلام هذا صار مع ولد خالتي راح للسفاره يبي يطلع الجواز وأوراق الجنسيه قالوله أدفع 5 آلاف غرامه المفروض انك تطلع أوراق الجنسيه بعد ولادتك بثلاث سنوات بالكثير..
وتقدر تروح للسفاره تأخذ الأوراق منهم وتعبيها من هناك وهم يراسلون لك ويجبون لك الجنسيه بعد ماتدفع الغرامه..
تـــحـــيـــاتـــي..،،،



أنا زوجتي حالتها مثل حالة الأخ ولا طالبوني غرامة ولا شي.
بس مثل ما ذكر الأخ أبو منور تجيب شهادة الميلاد من المستشفى إذا ما كانت عندك الشهادة الأصلية.

طبعا وبما إنك من مواليد أمريكا فإنت ما طلعت منها بدون جواز وإنت صغير ، فأنصحك إنك تجيب:
1- شهادة الميلاد الأمريكية ( أصلية ).
2- جوازك الأمريكي القديم.
3- إثبات سبب وجود الوالدين بأمريكا يعني: ممكن الوالد كان يشتغل بأمريكا فتجيب الجواز اللي فيه فيزا موظف ، أو كان طالب فتجيب جوازه الي فيه فيزا طالب.
القضية كلها حسب ما ذكروا لي بالقنصلية إنهم يبون يتأكدون إن الوالد أو الوالدين ما جاوا لأمريكا لسبب دبلوماسي أو عندهم جواز دبلوماسي لأنه ممنوع ياخذون جنسية أمريكية أو عيالهم والله أعلم.
5- صورك من يوم كنت صغير إلى الوقت الحالي يعني صور مثلاً حق كل خمس سنوات من عمرك.
6- جوازك الحالي.
7- 85 دولار رسوم الجواز.

هذي الأشياء اللي طلبوها مني القنصلية الأمريكية بالظهران ، بعدها الجواز ما طول خمس أيام وهم داقيين تعالوا استلم الجواز.

وإذا احتجت مساعدة حنا حاضرين.

أخوك: Muath2000

انا نفس حالتك اخوي خاص
انا من مواليد امريكا ولاية انديانا
الحين عمري 23 سنة وماطلعت جواز امريكي
عندي نية اطلع لامريكا بالصيفية :11ight:
قرات في المنتدى شكاوي الطلاب واللي يبغو يطلعوا فيزة لامريكا وانها تطول ومقابله وشغله عويصة :112:
اتصلت على السفارة الامريكية في الرياض وقالولي تقدر تطلع جواز امريكي وماراح ياخذ منك وقت
اسبوعين الى ثلاث اسابيع والجواز واصلك
وقالولي مجموعة اشياء لازم تجيبها معك اذا تبي تقدم
1-شهادة الميلاد
2-بلاغ الولادة
3-شهادة الوالد من هناك اذا كان رايح يدرس واي معلومات عن سبب تواجدة بامريكا
4-جوازك السعودي وبطاقة الاحوال المدنية
5-صور حديثة 5*5 مكشوف الراس وخلفية بيضاء
وياخذون منك مبلغ اضنة حوالي 100 دولار
وبما اني مالقيت شهادة الميلاد حقتي قالي الموظف فيه مواقع في الانترنت ممكن تخدمك مقابل 25 دولار تقريبا ويرسلون لك بلاغ الولادة ومعلومات عن ولادتك بامريكا
ابحث عن Vital records وادخل بياناتك وحولهم بالفيز وعطهم بريدك ويرسلوها لك
انا الى الحين ماسويت شي يومي بسنة :106:
اذا رحت للسفارة علمني وش يصير عليك :101:

اخوي انا وضعي مثلك تماما ماتحتاج الا الجواز القديم (لاتقولي ماعندك لأنو والدي قالي انو استلم جواز سفري بالبريد اتوماتيكيا من غير مايقدم طلب ولا شي يعني اسأل والدك عنو او دور في الأوراق القديمه بتلقاه) واعطيتهم صورة شهادة الميلاد ومبلغ 260 ريال و صور ملونه بقياس معين وتعبي الفورمه تبعهم وبعدها بثلالة ايام استلمت الجواز الجديد وانتا اصلا تعتبر نفسك مواطن من يوم الميلاد وتسافر بالجواز الأمريكي لأي بلد في العالم بدون فيزا(ملاحظه هاددي الأجراءات كانت في السفاره بجده) :24:

معليش أخوي فيه تصحيح لمعلومتك انا خالي موجود هنا وهو دوبلوماسي وبنته مولوده هنا ومعها الجنسيه الأمريكيه وفيزته دوبلوماسي..



تــــحـــيـــاتـــي..،،،

يعطيكم العافية جميعا

وانشاء الله راح أخبرك أخوي روميو إذا صار شي

هل الي رايح سياحة وجاه ولد في امريكا هل يكون للطفل الحق في استخراج الجواز الامريكي؟