الموضوع: تكفون اتصلوا علي السفارة وقالوا لي ممكن مين عنده حل؟

تكفون اخواني اصحاب الخبرة او من له رائ ..................
طلعت لنا مشكله جديدة اتصلوا علينا السفارة يوم السبت وقالوا لنا عندكم مقابله في السفارة الكندية في الرياض يوم الاثنين قلنا لهم طيب.......:114: :114: :114:
وجلسنا نهوجس وش يبون المهم رحنا وكان كل شيئ اوكي الا شي وشو....
(طبعا انا عندي بنت معاقة تدرس في جمعية الاطفال المعوقين بالدمام)
قالوا لنا خذوا هذه الفيزة لكم كلكم الا هي .......:110:
قلنا لهم ليه ..؟
قالوا لنا انها تحتاج في كندا لمدرسه خاصة والمدارس الخاصة في كندا فقط للكندين :105:
قلنا لهم طيب بسيطة ندفعلكم فلوس كم تبون ...؟
قالوا لنا ايام سوري حنا مانبيع التعليم (التعليم الخاص عندنا مو للبيع )...:112:
قلنا لهم اوكي بسيطة حنا ممكن نوقفها عن التعليم لمدة سنتين (....طبعا وبكل ثقه...) وحنا ما عندنا مانع ممكن انها تجلس بالبيت .....
قالوا لنا ايام سوري قانون الولايه الي رايحين فيها (اونتاريو )ما تسمح لكم ان يكون عندك طفل في سن التعليم ويجلس بالبيت اجباري عليكم انكم تعلموها ....:110: :114:
طيب قلنا لهم عطوها 0البنت) فيزا للزيارة لمدة 3 شهور وبعدين نرجع ونجددلها فيزا .....:24: :114:
قالوا لنا يا سلام هذاينقاله تحايل وحنا ما نقدر نسويه ...:110: :112:
طيب قلنا لهم وشو الحل قالوا اتركوها بالسعوديه وانتوا روحوا (طبعا كان الرجال الكندي مرة اخلاقه زفت وقال لنا شوفوني انا تارك هلي هناك وجاي اعملوا مثلي :109: ويضحك...)
طيب قلت مالها الا اخواني بالمنتدى قولولي وش اسوي واذا حد يعرف محامي او مستشار للهجرة اقدر اكلمه ..
واسفة اني ثقلت عليكم :114: :24: :110:

مواضيع عشوائيه ممكن تكون تعجبك اخترناها لك:

• معلومات شاملة عن كندا دراسة
• ممكن مساعده بسيطة الي ساكن بتورينتو ؟؟
• ارجو التكرم بتزويدي بموقع معهد اسبكت الالكتروني بفانكوفر ولكم الشكر
• أيهما أفضل للدراسة فانكوفر أو تورنتو ؟
• فيكتورياكندا هل هي الافضل لدراسة اللغه
• طلب استفسار
• الي يعرف لا يبخل؟؟؟؟
• السلام عليكم رحمة الله وبركاته لو سمحتم
• هل يمكن العمل و الدراسة في كندا
• وشلون احصل الخطوط الكندية في المطار
• الى عاشق تورنتو وكل من عنده خلفية عن تورنتو
• متوهق وحايس ويائس
• قدمت كل ما يريدون ولكن منعتني اعذار سخيفه
• فندق في مونتريال
• رحلتي الى تورنتو بتاريخ من البحرين فيه احد رايح عليها؟؟
• إستفسار عاجل وهام
• وين السفارة الكندية
• لكل العرب الذين يودون زيارة مونتريال
• الدخول للبلد بـقبول معهد اشهر بفيزا طالب ودراسه الجامعه بعد سنه استفسار
• عاجل مقابلة السفارة الكندية

الله يكون في عونك وييسر امرك

معقوله هذا يحصل في كندا هذا التخلف بعينه وعلمه

لو اي دوله عربيه ما استغرب بس في كندا ؟؟؟؟؟؟؟؟؟؟؟؟؟؟

ياعمي روح امريكا ابرك منهم ومن تخلفهم

الله يعينك على هالمشكله شلون تحلها

طبعا يبدو لي والله العالم مشكلتك هذي موب جديدة !!!

قبل اكثر من اسبوع تقريبا وصلنا نحن الطلاب المبتعثين خطاب من الملحقية الثقافية بكندا واصلهم من السفارة الكندية بالرياض ينص على الاتي:

"انه يجب الاجابة على جميع الاسئلة في نموذج الفيزا بدقة وبمعلومات صحيحة وشددوا على مسألة لو كان احد افراد العائلة حالتة الصحية تتطلب رعاية خاصة او يعاني من اعاقة لابد ان يذكر الشئ هذا مسبقا في النموذج !! وعدم ذكرة يعرض الشخص لمسألة الغاء الفيزة وان الملحقية غير مسؤلة عن الشئ هذا وتلغى بعثت الطالب في هالحالة!!!"

يبدو لي انك انتي ماذكرتي لهم مسبقا في النموذج ان احد بنتك تعاني من اعاقة !!! علشان كذا رفضوا!!!

انا عندي اقتراح بسيط !! انشاء الله انه ينفع !! انك تراسلين الملحق الثقافي او السفير السعودي في كندا وتشرحين له وضعك وتطلبين منه وش افضل اجراء ممكن تتخذينة !!!

انا افضل انك تكلمينهم هاتفيا وان ماحصل بواسطة الايميل ... وصدقيني انهم متعاونين لابعد درجة وهم انشاء الله اللي عندهم حل لمشكلتك ...

الملحق الثقافي: الدكتور احمد المتولي 0016132385555
القنصل السعودي في كندا: الدكتور عبدالعزيز الصويغ 0016132374104


بالتوفيق انشاء الله ...


نص التعميم:

" هــــام وعــاجل

تلقت الملحقية الثقافية في كندا طلب من السفارة الكندية بالرياض بالتأكيد على طالبي فيزا الدخول إلى كندا بما فيه طلبات تصريح العمل أو الدراسة بأن تتم الإجابة على جميع الأسئلة الموجودة بالطلب بعناية فائقة ومصداقية خاصة فيما يتعلق بالسؤال الخاص إذا كان المتقدم أو أحد أفراد أسرته يعاني من مرض نفسي أو جسماني يتطلب تقديم خدمة إجتماعية أو صحية في كندا، وأن عدم الوضوح بإجابة هذا السؤال يعتبر تجاوزاً واضحاً للقانون الكندي IRPA, Section 40 .نأمل من الجميع الإلتزام بما جاء فيه، تلافياً لإلغاء طلباتهم بالحصول على تصريح الدخول إلى كندا للعمل او الدراسة. "

المشاركة الأصلية كتبت بواسطة لولوة الرياض
http://www.arabtravelersforum.com/tr...5/#post1011686

قالوا لنا ايام سوري قانون الولايه الي رايحين فيها (اونتاريو )ما تسمح لكم ان يكون عندك طفل في سن التعليم ويجلس بالبيت اجباري عليكم انكم تعلموها ....:110: :114:
:114: :24: :110:



صباح الخير اختي___ لولوة الرياض__ انشالله ان الحل موجود مثل ما قلتي ^ قانون الولاية ما يسمح طيب شوفي اي ولاية ثانية قانونها يسمح بتقولين لي البعثة علا الجامعة الي بنتاريو بقولك سوي نفسك بتغيرين الولاية وجيبي قبول من اي معهد (مثل ما قلنا الي نظامها يسمح ) وبأذن الله تطلع الفيزة ..

مالك الا حلّـين :

1- طلب المساعده من الملحق الثقافي ... والاتصال به وشرح الامور له ..

2- تقديم طلب جديد وتغيير الولايه ،، شوفي كيوبك ولا احد المناطق اللي تقبل تكون طفلتك بالبيت.


هذا والله اعلم افضل الحلول الموجوده عزيزتي ..

بالتوفيق ،، والله يشفي بنتك يارب ..

الله يكون بعونك ... وتركها بالبيت في السعودية طبعا صعبة ... مثل ماقالوا الشباب الحل المثالي انك عشان تكونين في السف سايد انك تتصلين بالملحق الثقافي وتشرحين له وتاخذين العلم ...
والله يوفقكم ...

هلا والله اخواني جميعا بلا استثناء ومشكورين على مشاعركم والرد على.
انا اخذت بنصيحتكم وكلمنا الملحق الثقافي وكان قمه في الاخلاق صراحه كان اكثر من رائع وطمنا ان راح يعطوها فيزا 3 شهور واذا دخلت كندا الباقي عليهم انا صراحة ارتحت كثير وقال انه كلم السفارة علشان يخلصوا الموضوع لكن السفارة مو راضيه ترد علينا نرسل لهم الفاكسات ما في فايدة انا خايفة انهم يطلعولي بشي جديد الله يستر .....................؟
وبنسبه لتغير الولايه ما نقدر لان اوراق البعثه خلصت وما اتوقع ان الجه الحكوميه الي باعثتنا ترضى انها تغير كل الاوراق (اقولكم انهم عطونا الفيزا يعني خلصنا بنجي ان شاء الله )
ومرة اخيرة مشكورين ودعواتكم .

الله يوفقكم اختي ويعجبني فيك اتخاذك القرار واتصرفتي بسرررعه لان هالأمووور مايبلها تأخير ... وإن شاء الله تكون الامور مثل مانتي مخططه لها .,.
والله ييسر لك امورك

الله يكون في عونك ، ويوفقكم بالسفــــرة . . . . . . .. . .

الله يعينكم

والله لايحوجنا للنصارة يااااارب

الله يكتب اللي فيه الخير لكم
والله استوجعت وااايد

الله يعينكم يارب

الحمد لله ،، ألف مبروك ،، والله ييسّـر باقي اموركم ..

وفكم الله لما يحبه و يرضاه وشفى الله ابنتك .............

تحياتي .