الموضوع: نفسيتي تعبانه وقعت في مشكلة الفزعة

تكفون يااخواني الكرام
انا حجزت من النت على طيران ايراسيا من جاكرتا الى بالي... بس المشكلة انه فيه اختلاف بسيط في اللقب مابين الجواز ومابين التذكرة يعني في الجواز ( alharthi) والتذكرة (althrthi) هل هذي مشكلة وبيدققون عليها؟ وإذا فيه مشكله عند السفر يرجعوني ام يفرضون غرامة ؟ وهل احصل لا سمح الله رحلة في نفس اليوم وانا حجزت فندق ببالي بسعر غير مسترد؟علما باني اتصلت عليهم وارسلت ايميل بالمشكلة و ماعندك احد ... تكفون نفسيتي تعبانه ورحلتي الاسبوع الجاي ؟ الله لايحرمكم الجنه

مواضيع عشوائيه ممكن تكون تعجبك اخترناها لك:

• طلب من اهـل الخبــرٍه والمشرفيــــن
• المساعده في جدول الرحله
• خططوا معاي لشهر العسل
• حصلت حجز على الاتحاد وحجز على السنغافوريه ايهما تختار
• استفسار عن فندقين
• مساعدتكم للسفره
• طيران بتافيا
• كاثي باسفيك
• ترتيب سفرة لبالي
• اخير وبعد استقراء لما كتب في هذ المنتدى الرائع وشرايكم في هذا البرنامج
• نحن في جاكرتا الأن استفسار لو سمحتوا
• برنامجي النهائي بإذن الله
• رئيكم يهمنا ياعباقرة؟؟؟؟
• اول مره اسافر لبالي
• برنامج شهر عسل في بلاد العمه
• عدت من بالي ونسيت ساعة يد فاخره بالفندق مساعدة
• ننوي السفر الى ماليزيا و منها الى هونج كونج
• شي محيرني
• توزيع الايام استفسار عن الفلل في الجبل
• استفسارات عن اندونيسيا

هلا فيك اخونا معاند شموخ

الموضوع بسيط وما فيه اى مشكله .. طيران اسيا وموظفيه على قدر عالى جدا من التفهم والمساعده والتعامل الراقى جدا جدا !!

واعتقد ان مشكلتك بسيطه جدا ويكفى ان رقم الجواز صحيح والبطاقه والفيزا موجوده معك والموضوع ما يتعدى اكثر من انه غلطه ادخال والنظام المتبع فى هذه الحاله حسب اجراءات الفيزا والماستر الدوليه فى مثل هذه الحاله هو انهم يرسلون للبنك الى ملع من عندهم بطاقاتك عشان يتاكدون من صحه العمليه والبنك حقك راح يدق عليك ويرد لهم انها صحيحه

عموما لو حاب انك تعدل السبلنق تقدر تكلمهم وراح يطلبوا منك بعض الاسئله وبعدها راح يرسلون لك تذكره اخرى بالاسم الصحيح بس خش على كونتاكت وطلع ودق على رقمهم حق خدمه العملاء فى اندنوسيا

واذا لغتك مش ولابد ارسل لى على الخاص رقم الحجز واميلك اللى سجلته فى الحجز ورقم الجواز والاسم الصحيح اللى تبيه على التذكره وانا بكره الصبح ان شاء الله ادق عليهم .. انا سبق ودقيت عليهم مرتين مره لتغير موعد رحله ومره ثانيه لتصحيح الاميل ونفذوا اللى طلبته بكل رقى فى التعامل

وارجع اكد لك انها مش ذيك المشكله الى راح تعيقك

الامور سهله ولنفترض الغيت هالرحلهفيه رحلات يوميه لبالي كثييييييير
انا زيك متوهق
حجزت من جاكرتا لبالي
على طيران ايراك
مدري ايراك ذي وش وضعها ولا احد فادني

انا حصلتلي نفس المشكله بس بدل ماكتب الاسم كامل كتبته ناقص ثلاث حروف في العائله لبنتي الصغير الله يحفظها بس حنا خمس اشخاص كلنا في حجز واحد وان شالله لم نجي المطار تعدي المشكله لان الحجز واحد بفيزا وحده والله ييسر الامور ان شالله

بيض الله وجهك اخوي حيو مافي زيو والله لايحرمك الجنة طمنتني الله يريح بالك ... كيف اقدر اراسلك على الخاص

وحنا طيب تعبانين وبنعلمك الله ياخذنا يعني

لا والله محشوم ابد والسموحة والعذر والله ما كان قصدي بس الموضوع مقلقني شوي ... اسف جدا وهات احب خشمك

ياخوي شكلك حريص ياخوي لا تشيل هم شي والله بيسر الامور كلها ياخوي لاتصير حريص انا مثلك سابقاً الحين تارك كل شي على الله والي مكتوب بيصير حتى لو اسمك صح

اعقله وتوكل

ترى الدعوه سهالات بندونيسيا ما هوب مثلنا يحطون العقده بالمنشار ويحوسونك واذا لك واسطه مشيت لو اسمك مقلوب
ابد وسع صدرك وخليك مرتاح وابسط روحك ولا تشيل هم شي