الموضوع: الى اخواني في اوتاوا

اهلين اخواني انا جايا اوتاوا في منتصف شهر 2 وابي اسئل عن الجو في اوتاوا شلون ممكن يكون لان عندي اطفال وخايفه عليهم من الجو هناك .:112:
وشي ثاني ابي اقصر واخف واحسن توفير في الوقت و افضل خطوط طيران من الدمام او الرياض الى اوتاوا؟:24:
ارجوا من احاب الخبره ان لا تبخلوا على بالرد وشكرا .:106:

مواضيع عشوائيه ممكن تكون تعجبك اخترناها لك:

• مركز العلوم تورنتو
• حجز رحلة لكندا
• التنقل داخل كندا مساعدتكم ياشباب كندا
• جــمــال كــنــدا و طــبــيــعــهـا هـــنــا صــور
• اخواني دقايق بالله موضوع مهم عشان الكل يستفيد
• اخواني في ادمنتون حياكم الله اقلطو
• الفزعة رفضو اعطائي الفيزة والسبب الحساب البنكي
• القيادة في كندا
• مكتب التأشيرات الكنديه
• ¸• `•¸ أيامٍ في كوبيك نكهة فرنسية في الشرق الكندي تقرير مصور ¸• `•¸
• الفزعه يا اصحاب الفزعه
• استفسار عن الجيلبريك في المطار
• سؤال بخصوص المطاارات ؟؟؟
• ممكن شروط أستخراج الفيزه الدراسه فـ كندا
• متي رمضان في تورونتو
• سؤال عن مدينة فكتوريا ومعهد
• استفسارات
• ياحبينيليك يافنكوفر والي بفانكوفر
• كيف تكون الاجواء بفانكوفر بشهر
• ارجوو المساعدة وافادتي ضروري جزاكم الله خير

هلا اخواني وينكم شدعوى كل ذا مشغولين الله يعنكم لكن ردوا على تكفون انا استنى الرد

المشاركة الأصلية كتبت بواسطة لولوة الرياض
http://www.arabtravelersforum.com/tr...2/#post1001657

هلا اخواني وينكم شدعوى كل ذا مشغولين الله يعنكم لكن ردوا على تكفون انا استنى الرد




وعليكم السلام
اختي انا في مونتريال "قريب من اتوة يعني ساعة ونص بالسيارة" الجو بارد جدا في شهر اثنين
يعني من 10- "بالسالب الى 20- بالسالب
خذي ملابس ولا تكثري لان الافضل تشتري من هنا ملابس الشتاء الى في السعودية ماتصلح في الجو الي هنا
بالنسبة للخطوط ممكن تاخذي لفتانزا "الالمانية" من الرياض الى فرانك فورت وبعدين الى اتواه

بالتوفيق توصلي بالسلامة

أختي الفاضلة لولوة الرياض السلام عليكم ورحمة الله وبركاته ،
فيما يلي تفاصيل درجة الحرارة في العاصمة أوتاوا خلال شهر فبرايرأدنى درجة هي 4 درجات تحت الصفر واعلى درجة هي 13 تحت الصفر والمعدل 8 درجات تحت الصفر ولكن هو آخر أشهر الشتاء في المدينة تليها الأشهر الثلاثة أشهر الربيع وأعلى الدرجات فيها هي 19 فوق الصفر وهو أيضا يعتبر بمقياسنا (أبناء الصحراء) بارد نوعا ما لوجود الأطفال معك ..
أما بالنسبة للخطوط فأسمع بالاتحاد في هذه الوقت من السنة هو الأنسب ولم أجربه ؟
وبالتوفيق وتروحين وتردين بالسلامة لك ولجميع الأهل والسلام عليكم
أبوخالد الحميدي

اهلين اختي لولوه كيفك ان شاء الله تكوني في احسن صحة وعيالك يارب ..
ماعاش من اللي يطنشك انتي فوق روسنا لكن يالغاليه تعرفين الشباب هنا يمكن ماشافوا الموضوع او كانوا مشغولين عن النت ....
عموما الحمدلله سفرتك مو قريبة مره ...
بالنسبة للجو الشباب افادوك كثير وانتي تعرفين كندا اقرب دولة للقطب المتجمد الشمالي ( شكلي خوفتك ) ...
بالنسبة للخطوط فأنا ارشح لك الخطوط الاتحاد تطير من الرياض ثلاث رحلات في الاسبوع الى ابوظبي وتجلسين في حدود 12 ساعة وبعدين الى تورنتو لكن توقع ساعة وحده في بروكسل ماتنزلين من الطيارة
والخطوط هذي معروفه هي الناقل الرسمي لدولة الامارات وراقية جدا ... وهي تبع ابناء الشيخ زايد ..
اتمنى اننا افدناك ...
واذا احتجتي اي حاجة احنى تحت امرك ...

هلا والله بالشباب (mmm7s - ابو خالد -واموت بالسفر ) :24: صراحة ما قصرتوا وبيضتوا الوجه مشكورين مشكورين على تفاعلكم معي واذا ممكن سؤال ثاني لو سمحتم:016: :21:
سمعت ان مطارات اوربا ما تسمح باكثر من شنطتين للشخص الواحد هل هذا الكلام صحيح؟
وشو الوزن المسموح به للشخص الواحد؟
وهل اذا دخلتهم هنا في مطار السعوديه(طبعا هنا ما حد يسأل عن الوزن) وطلبت اني اخذهم في اخر محطه مايعملولي مشاكل ؟
مشكورين شباب واسفه على الازعاج :106:
يارب ان شاء الله يوفقكم ويسهل عليكم يارب:101:

اهلين اختي لولوة .,... شوفي يالغالية انتي راح تطلعين هنا على تورنتو بخطوط جوية واحده يعني شركة طيران واحده ... صح ؟ يعني بتطلعين مثلا على الاتحاد الى تورنتو ... طبعا شناطك ماراح تاخذينها الا في تورنتو ... مع انك راح تنزلين في ابوظبي تقريبا 12 ساعة ... فإنتي تسألين كم الوزن المسموح فيه على الدرجه اللي راح تطلعين فيها يعني في حدود الثلاثين وتوصل للاربعين لما تكون درجة اولى ...
فإذا انتي تعديتي الوزن راح يقولون لك من هنا انتي تعديتي الوزن المسموح ... ياتدفين للوزن الزائد او انك تحطين بعض اغراضك في كيس وتاخذينها معاك داخل الطيارة ... حد اقصى قطعتين وعلى حسب الخطوط ...
فأنتي لاتحرجين نفسك خذي احتياطك من البيت ووزني شنطتك قبل ماتطلعين والمكتب اللي راح تقصين منه التذكره يكون مكتوب فيها الوزن المسموح به ...
بالنسبة لسالفة مطارات اوربا ماتسمح باكثر من شنطتين للشخص الواحد ... طبعا راح اجاوبك بحكم اني اسافر لاوربا ... طبعا انتي مالك دخل في اوربا ( اذا سؤلك يخص رحلتك لتورنتو ) ... اما بصفة عامة المطارات مالها دخل اللي له دخل شركات الخطوط .. فمثلا انا كنت راجع على الخطوط الاماراتية من مطار زيورخ بسويسرا فالوزن المسموح فيه 40 كيلو على الدرجه الاولى وانا معاي شنطة واحده للشحن وهي تقريبا 30 كيلو ... اعتذرت مني المديرة المناوبة وقالت لازم تقسمها في شنطتي لانه في حد لوزن كل شنطة على ماعتقد انه مايصلح الشنطة الواحده تتعدى 20 كيلو ... بس فانا طبعا مامعي شنطه ثانية فقامت عطتني كيسة وافتحت شنطتي وجلست انقل بعض الاشياء اللي ماهي مهمة للكيسة هذي ...
اتمنى اني افدتك وانا تحت الخدمة يالغالية ...

المشاركة الأصلية كتبت بواسطة لولوة الرياض
http://www.arabtravelersforum.com/tr...2/#post1004752

هلا والله بالشباب (mmm7s - ابو خالد -واموت بالسفر ) :24: صراحة ما قصرتوا وبيضتوا الوجه مشكورين مشكورين على تفاعلكم معي واذا ممكن سؤال ثاني لو سمحتم:016: :21:
سمعت ان مطارات اوربا ما تسمح باكثر من شنطتين للشخص الواحد هل هذا الكلام صحيح؟
وشو الوزن المسموح به للشخص الواحد؟
وهل اذا دخلتهم هنا في مطار السعوديه(طبعا هنا ما حد يسأل عن الوزن) وطلبت اني اخذهم في اخر محطه مايعملولي مشاكل ؟
مشكورين شباب واسفه على الازعاج :106:
يارب ان شاء الله يوفقكم ويسهل عليكم يارب:101:



الحد الاقصى شنطتين واهم شي مايتعدى وزن الشنطة 32 كيلو
ورح يشيكوا عليها في الرياض انتبهي اهم شي مايزيد وزن الشنطة عن 32
والخطوط مثلا
لفثانزا تطلع من الرياض الساعة 1 بالليل وتوصلي 5 فرانك فورت وتجلسي 5 ساعات وبعديت تطيري على مونتريال وتجلسي ساعتين وتطيري على اوتوا

السلام عليكم
انا موجود في أوتاوا الحين
درجات الحراة في الوقت الحالي من 4تحت الصفر إلى عشرة تحت الصفر و بعد شهر ممكن توصل 20 او 30 تحت الصفر. بالنسبه للملابس خذي معاك الي يمشي حالك إلين تشترين من هناك لأن الملابس الي في السعودية ماتصلح مع الثلج هناك جيكيتات قماشها لماع هذي ممتازة مع الثلج و المطر.
بالنسبة لخطوط الطيران فأنصحك بالأتحاد لأنها من أبو ظبي إلى تورانتو مباشرة بس أحجزي فيها من الآن لإن عدد الرحلات قليل ودائما تكون مليانه. و إذا ما ضبطت معاكم فبالوفتهانزا, و أذا ما ضبطت فشكوى لله مالكم إلا أيركندا تحجزونها من مكتب يوسف كانو من الرياض أو أي مكان من السعزدية بالخطوط السعودية أو غيرها من المتوفر إلى لندن أو أي ديره في أوروبا ثم الله يعينكم على الأنتظار ثم على أيركندا مباشرة على أوتاوا أذا كانت هي محطتكم النهائة. مع العلم إذا معاكم أطفال, ممكن تكون أير كندا أحسن لكم وذلك لأنها أرخص من الثانين.
بالنسبة للعفش عادة العدد قطعتين ولا يجب أن يزيد عن ثلاثين كيلو للشنطة الوحده بغض النظر عن الدرجة وذلك على شان حقوق العمال لأنهم سووا دراسة أثبتت ان الوزن الي أكثر من 30 يسبب أصابات للعمال.
أذا انتم رايحين لأوتاوا و ناوين تسكنون فترة طويله, فأنصحك بأن تقولي لزوجك ان تسكنون في منطقة أسمها Hunt Club و ذلك لأنها رخيصة نسبيا و فيها سعوديين كثير.
و في الختام أنصحك أختي الفاضلة بأن تكونين خير مثال للمرأة السعودية المسلمة و أن تحافظي على حجابك هناك. ولا تهتمين من الي يقولك أن فيه تفرقة للي يتحجبون بالعكس نشوف حريم محجبات هناك ولا أحد عليه مهم و الشعب الكندي جدا لطيف و متعاون ولا عليهم من أحد طالما انه كاف شرة
و السلام عليكم