الموضوع: اللاند كروزر أستفسااااار مهم

السلام عليكم ورحمة الله وبركاته ...

الأخوة الكرام أستفسااااااااااااااااري عن سيارات اللاند كروزر 2008 زوجي حجز واحده ألفين وثمانيه فل كامل قبل أربعين يوم طبعا أعطوه موعد اربعين يوم ومرت وراجعهم وألحين مرة يقولوله توها السفينه ماجات وتوهم وماوصلنا شيء ومن هالخرابيط مسكين الرجال خلاص طفش بالله اللي عنه خلفيه عن شغلاتهم هذي يخبرنا يعني خلاص إعلاناتها صايره على التلفزيون وماوفروها في وكالتهم قهر والله الأجواء برد والبر حلو وكيف الحل معهم ؟؟؟؟؟؟؟:112:

مواضيع عشوائيه ممكن تكون تعجبك اخترناها لك:

• رحله الى مدائن صالح والعلا
• استفسار عن رحلات الكروز وايش الافضل
• ابا احسن جهاز او ماركه مشهوره فالخليج حق سيارتي
• زيارتي لمنتزه الثمامة البري اجازةعيد الاضحى المبارك
• تائهون في الصحراء نصائح مهمة
• انا رحت الدنيا ولفيت زيك ياطيبة مالقيت
• رحلـة من قطر الى لندن بالسيارة ارجوا الافادة
• جهاز قارمن
• يا حبايب وش رايك برحلة الكروز هذه
• صيدنا لطيور الدخل
• مطلوب غــــــزال مين عنده
• جهاز ال و النكبة
• تكـة لحـم بالـروب
• افضل المخيمات بالرياض
• روحتي للبر يوم شعيب على كيفك بالصور مع قصه ضياع في جزيره
• شجرة النخيل
• كشتتنا عقب المطر
• التوست المقررررمش
• سؤال عااااااااااااجل
• السفاري في صحراء أم نقا الصور تتكلم

اذا انتي في السعوديه خليه ينقز وبسرعه
ياخذ فلوسه ويطمر مثل الذيب للبريمي
ياخذه بسر اقل واحسن الف مره من الي
عند ابو جميل في السعوديه

المشاركة الأصلية كتبت بواسطة zooox
http://www.arabtravelersforum.com/tr...1/#post1770641

اذا انتي في السعوديه خليه ينقز وبسرعه
ياخذ فلوسه ويطمر مثل الذيب للبريمي
ياخذه بسر اقل واحسن الف مره من الي
عند ابو جميل في السعوديه



أي واله حنا في السعوديه بس مافهمت ليش أللي عنكم أحسن كيف يعني طيب ولييييييييييييييييييييييييه هنا تأخرت سياراتهم وش السبب ياعالم راح كم مره لهم الوكاله فاضيه مافيها شيء وباقي المعاض مافي فل كامل هل كذا تعاملهم دايما مع العملاء ياويلي هذي البدايه الله يستر بس ..


ومشكور بارك الله فيك على سرعة الرد ..

اختي اول شي ناء من السعوديه ولي الفخر
ناء راعي جيوب وصدقيني مواصفات البريمي
افضل واجد الوكيل مايشيل اي شي من السياره
تجي شد بلدها مو مثل ابوجميل عندنا يغير المسجل
والجنوط ويحط بدالها صيني وما احد يقدر يقوله شي
والسبب انه عبدالطيف جميل يملك ثمانيه من الميه
من اسهم شركت تويوتا

آمنا بالله البريمي أحسن بس سؤالي اللي مجنني ليش الفل الكامل على قولتهم للحين ماطلعت هنا يعني دافعين عربون وأنتظار أربعين يوم وللحين يقولون ماحنا متأكدين متى توصل هل تعرف السبب بارك الله فيك ..

الاخت الفاضله اليوم وصلني خبر عن وصول دفعات للسعوديه وكاله عبداللطيف جميل + اليحي

المشاركة الأصلية كتبت بواسطة mr.q8
http://www.arabtravelersforum.com/tr...2/#post1771842

الاخت الفاضله اليوم وصلني خبر عن وصول دفعات للسعوديه وكاله عبداللطيف جميل + اليحي



الله يرضى عليك أخوي على الإفادة والمساعده بالموقع ..

وعسى ان تكرهو شيئا وهو خير لكم
التاخير فيه خير لكم لإن إلى الآن لم تتضح الرؤيا عن تجربة الناس للموديل الجديد
ودئما الوكالة تتأخر في توزيع السيارة ذاتالموديل الجديد والمختلف عن السابق لكي يأخذ
نصيبه من التجربه وغالبا يظهر عيوب مصنعية فيتم استدعاء السيارات لإصلاحها أو إبدال القطع بحديث
كل الناس صابره تنتظر النتيجه عشان كذا الفل كامل نادر جدا
من يعرف سعر البريمي لل 8 سلندر Gx يتفضل علينا وله الجر

أنا نصيحتي لك مثل ماقالوا الأخوان ينقز للبريمي ويأخذ الموتر من هناك

أولا أرخص أكيد من عبدالطليف جميل

وثانيا راح يضمن أن الديكور والأشياء الثانويه ماراح يلعب فيها مثل عبداللطيف جميل يحطون لك ريموت أو أي شيء إضافه ويزود 5 ألاف وهي الشغله ماتستاهل ومع ذلك راح تحصلها بالبريمي شامل سعر الموتر

لكن قبل كل شي لازم يكون ماجاب سيارة من خارج المملكة هذي السنة لأنه النظام الجديد يقول تجيب لك سيارة وحده فقط كل سنة من خارج المملكة بأسمك

ولازم يأخذ ورقة من البنك اللي يسحب منه الفلوس إذا كان يبي يأخذها كاش لأنه عند الحدود لابد إذا كنت تحمل مبلغ فوق الـ 60 ألف ريال على ماأضن يكون معك ورقة تدل على شرعية الدراهم ويأخذ أيضا من البريمي ورقة لخروج السيارة والصراحه أني ماعرف الورقة أيش بالضبط لكنها مهمه لأن أخوي قبل فترة جاب موتر من هناك ثم يوم وصل للحددود قالوا مستحيل تطلع بدون هالورقة وكلم واسطات ومن هالكلام لكن مارضوا يطلعونه ورجع للبريمي حول 300 كيلو علشان الورقة من الوكالة فأرجوا أن ينتبه لهالنقطة وبالتوفيق ..

مساء الخير
خلي زوجك يروح للوكالة تا يوتا وشد في الكلام معاهم ويقول انه سوف يكتب في الجريدة ماحصل ونه سوف يقدم شكوه على الغرفة التجارية ويزود الجريدة مصورة منها ترهم يخفون من الجرائد ومقالات التي تكتب عنهم هذي الطريقة مجربة قالى احد الزملى عنها وشكرا

أختي , الله يعينكم , أنا صار لي 3 أشهور أنتظر , وأخيراً جاني الفرج بتاريخ 24/1/2008 , vxr لؤلؤي مع شاشة .:11ight:

اصبرو , و خلكم على أتصال معهم , وان شاء الله خير .
مبروك مقدماً

.

اللي جربوه ..... وشهو من موتر ؟؟؟؟؟؟

المشاركة الأصلية كتبت بواسطة q_q


اللي جربوه ..... وشهو من موتر ؟؟؟؟؟؟



يارجال الاند كروزر لو هي بدي بس ماتتحسف عليه

وأهم شيء أنه يعتبر شيك معك متى مابغيت صرفته وبعته بحول قيمتة مو مثل بعض المواتر اللي يكفينا شرهن يطيح فيها 10 ألاف بس من عند باب الوكاله وشلون عاد إذا استعملتها ..

المشاركة الأصلية كتبت بواسطة المنسي830
http://www.arabtravelersforum.com/tr...1/#post1802711

يارجال الاند كروزر لو هي بدي بس ماتتحسف عليه

وأهم شيء أنه يعتبر شيك معك متى مابغيت صرفته وبعته بحول قيمتة مو مثل بعض المواتر اللي يكفينا شرهن يطيح فيها 10 ألاف بس من عند باب الوكاله وشلون عاد إذا استعملتها ..



[center][size="6"][color="Red"]:24::24::24:
كلام صحيح , لافض فوك

هي وينها قيمة اللاندكروزر
الله يرزقنا ونشتريه

اه بس
ماكل مايتمناه المرء يدركه
تأتي الرياح بمالاتشتهي السفن

المشاركة الأصلية كتبت بواسطة المنسي830
http://www.arabtravelersforum.com/tr...1/#post1802711

يارجال الاند كروزر لو هي بدي بس ماتتحسف عليه

وأهم شيء أنه يعتبر شيك معك متى مابغيت صرفته وبعته بحول قيمتة مو مثل بعض المواتر اللي يكفينا شرهن يطيح فيها 10 ألاف بس من عند باب الوكاله وشلون عاد إذا استعملتها ..



الله يرزقنا وياك من واسع فضله ومشكور على الرد